Morgunblaðið - 27.11.1997, Blaðsíða 15

MORGUNBLAÐIÐ
FIMMTUDAGUR 27. NÓVEMBER 1997 15
LANDIÐ
Álftagerðisbræð-
ur á faraldsfæti
Tónleikar í
Þingeyjar-
sýslum
HINIR landsfrægu söng-
bræður frá Alftagerði í
Skagafirði ætla að bregða
sér austur i Þingeyjarsýslur
um helgina og halda tónleika
á Þórshöfn, Raufarhöfn og
Húsavík. Með þeim í för
verða bræðurnir og undir-
leikararnir Stefán og Jón
Gíslasynir.
Fyrstu tónleikarnir verða
í Þórsveri á Þórshöfn föstu-
dagskvöldið 28. nóvember kl.
21. Þar verður ekki einungis
sungið, því hagyrðingarnir
Jóhannes bóndi Sigfússon og
Kristján Magnússon koma
einnig fram á tónleikunum.
Á laugardaginn verða tón-
leikar í Hnitbjörgum á Rauf-
arhöfn kl. 16 en tónleikaferð-
inni lýkur svo með kvöld-
skemmtun á Hótel Húsavík.
Auk svananna frá Álftagerði
mun blikinn úr Laufási, séra
Pétur Þórarinsson, stíga þar
á svið. Hótel Húsavík býður
upp á jólahlaðborð og að lok-
inni söngskemmtun verður
stiginn dans.
Frést hefur af þeim Álfta-
gerðisbræðrum syngjandi
hér og þar um landið á und-
anförnum mánuðum, m.a.
fyrir húsfylli tvö kvöld í röð
á Hótel íslandi. Það sem þeir
hafa sungið fram til þessa
hafa þeir einungis litið á sem
þátt í æfingum fyrir tónleik-
ana um næstu helgi. Þá
syngja þeir einmitt fyrir
Þingeyinga sem þeir bræður
telja einna kröfuhörðustu og
jafnframt skemmtilegustu
áheyrendur sem fyrirfinnast
hér á landi, enda tónlistin
þeim í blóð borin.
Morgunblaðið/Gunnlaugur Ámason
GESTIR fengu að smakka færeyskt slátur, skerpukjöt
og danskan mat.
Norræn bóka-
safnsvika haldin
í Stykkishólmi
Stykkishólmi - Amtsbókasafnið,
grunnskóiinn og Norræna félagið í
Stykkishólmi tóku þátt í norrænu
bókasafnsvikunni „í ljósaskiptunum
- Orðið í norðri“, sem haldin var á
Norðurlöndunum fyrir skömmu.
Dagskrá vikunnar hófst á mánu-
dag. Þá las Jón Júlíusson leikari
kafla úr Egilssögu við kertaijós og
gestum var síðan boðið upp á kaffi,
smákökur og söl. Vel var mætt í
dagskrána, milli 70 og 80 manns,
og þar smökkuðu margir í fyrsta
sinn söl.
Á miðvikudagskvöldið kynnti
Norræna félagið starfsemi sína og
kom Ólína Jónsdóttir frá Akranesi
og sagði frá fjölbreyttu starfi Nor-
rænu félaganna. í Stykkishólmi hef-
ur Norræna félagið starfað til
margra ára.
Á laugardeginum var boðið upp á
dagskrá sem nefndist „Matur á
Norðurlöndum". Þar flutti Hallgerð-
ur Gísladóttir safnvörður erindi um
íslenska eldamennsku. Hún sagði frá
matargerð íslendinga fyrr á öldum
og geymslu á mat. Þá talaði Daina
Zaidi, ritari í sænska sendiráðinu,
um matarvenjur í Svíþjóð og norski
sendikennarinn Kjell Magnar Öks-
endal sagði frá hefðbundnum norsk-
um mat, sem var þó mismunandi
eftir aðstæðum og svæðum í Norgi
eins, og t.d. lútfiski og lefsum. Þá
sungu 3 Hólmarar þær Ingibjörg
Þorsteinsdóttir, Lára Agnarsdóttir
og Sigrún Jónsdóttir vísur frá flest-
um Norðurlöndum. Gestum var síðan
boðið að smakka á ýmsu matarkyns
frá Norðurlöndum. Klæmint Anton-
íusson, tannlæknir í Stykkishólmi
er Færeyingur og hann var með
skerpukjöt og færeyskt slátur, frá
Finnlandi komu tveir fínnskir réttir.
Maturinn bragðaðist vel
Boðið var upp á sænskar kjötboll-
ur, grafinn lax, lefsur, seikjöt og
danska og norska osta, færeyskt
slátur og skerpukjöt og fleira. Dag-
skráin var fjölbreytt, skemmtileg og
vel sótt. Gestir fóru mun fróðari um
matargerð á Norðurlöndum og eins
bragðaðist vel maturinn sem þeir
fengu að smakka. Norrænu sendi-
ráðin í Reykjavík aðstoðuðu við
undirbúning dagskrárinnar og var
gott að leita til þeirra.
Á Amtsbókasafninu og skólasafni
grunnskólans var til sýnis norrænt
efni þessa viku.
Ólafsvíkurkirkja
Biskupsheimsókn
og tónleikar
Ólafsvík - í tilefni af 30 ára af-
mæli Ólafsvíkurkirkju kom biskup
íslands, herra Ólafur Skúlason, í
heimsókn til Ólafsvíkur og þjónaði
fyrir altari í afmælismessu sunnu-
daginn 16. nóvember. Að því loknu
var haldin afmælisveisla í Félags-
heimilinu Klifi þar sem sýndar voru
ljósmyndir af byggingu kirkjunnar
og hátíðlegum athöfnum á síðast-
liðnum 30 árum.
Segja má að afmælisár Ólafsvík-
urkirkju hafi náð hámarki á afmæl-
isdaginn 19. nóvember sl. þegar
kirkjukórinn hélt tónleika í kirkj-
unni.
Einsöngvari var Veronika Oster-
hammer og gestur kórsins var
barnakórinn undir stjórn Svavars
Sigurðssonar tónlistarkennara.
Hljóðfæraleikaramir Kay Wiggs og
Ian Wilkington léku á túpu og
píanó. einnig söng kirkjukórinn.
Stjórnandi kirkjukórsins er Kjartan
Eggertsson skólastjóri Tónlistar-
skólans.
Morgunblaðið/Guðlaugur Wíum
ÓLAFUR Skúlason þjónaði
fyrir altari.
Kirkjan var fullsetin í afmælis-
messunni og á tónleikunum. Tón-
listarfólkinu var vel fagnað og kór-
inn söng mörg aukalög.
Gáfu kross á Setbergskirkju
Grundarfirði - Við messu sunnu-
daginn 2. nóvember sagði sr. Karl
V. Matthíasson sóknarprestur frá
minningargjöf þeirra systkina,
Dagbjartar og Hreins á Berserks-
eyri, en þau gáfu smíði og uppsetn-
ingu kross á Setbergskirkju og er
hann endurgerð þess trékross sem
var á kirkjunni fram yfir miðja
öldina.
Gjöfin er tileinkuð minningu for-
eldra þeirra, Ástrósu Ágústu Elís-
dóttur og Bjarna Sigurðssonar
hreppstjóra, en 100 ár eru liðin frá
fæðingu þeirra.
Smíði krossins annaðist Tré-
smiðja Pálmars Einarssonar. Þess
má geta að kirkjan hefur verið
færð í upprunalegt horf frá 1892
eins og húsfriðunarnefnd sam-
þykkir hana.
Morgunblaðið/Guðlaugur Albertsson
Björgunarsveit Hornafjarð-
ar eignast nýjan bíl
Höfn-Nýverið eignaðist Björgun-
arsveit Hornafjarðar nýjan bíl af
gerðinni Toyota Land Cruiser. Er
hann hið öflugasta torfærutröll, mik-
ið breyttur, kominn á 44 tommu
dekk auk þess sem fjölmargar aðrar
breytingar hafa verið gerðar á hon-
um.
Bílnum var breytt i Toyota-
umboðinu sem færði sveitinni ýmsan
búnað í bílinn að gjöf. Hann er búinn
GPS siglingatækjum með mjög ná-
kvæmum leiðréttingabúnaði þannig
að farið er að tala um að staðar-
ákvörðun skakki jafnvel innan við
einn metra. Öll fullkomnustu tæki
til fjarskipta eru í bflnum.
Björgunarsveitarmenn segja að
fyrst og fremst hafí verið ráðist í
kaupin vegna þeirra breytinga sem
hafi orðið á ferðamennsku í landinu.
Sífellt fleiri ferðamenn sæki inn á
hálendi og jökla og því sé mikilvægt
að ráða yfir farartækjum sem kom-
ast hratt og örugglega yfir. Ekki
spilli fyrir að bíllinn kemur örugglega
að góðu gagni við hinar sendnu
strendur sýslunnar ef þar verða
óhöpp.
Félagar í sveitinni sýndu hinum
nýja bfl mikinn áhuga og margir
vildu fá að taka í hann. Kom það
mörgum á óvart hversu góðum akst-
urseiginleikum bíllinn er gæddur
þegar tekið er tillit til allra breyting-
anna sem gerðar hafa verið á honum.
r
JL
Morgunblaðið/Stefán ölafsson
NÝR bíll Björgunarsveitar Hornafjarðar.
SÓKNARBÖRN héldu sr. Bjarna Guðjónssyni og konu hans Aðal-
björgu Aðalbjarnardóttur kveðjusamsæti í Végarði. Hákon Aðal-
steinsson veislustjóri afhenti Aðalbjörgu útskorna drottningu. Sr.
Bjarni heldur á kóng sem hann fékk við sama tækifæri. Hlynur
á Miðhúsum skar út.
Morgunblaðið/Sigurður Aðalsteinsson
SÉRA Bjarni Guðjónsson í
predikunarstól Valþjófs-
staðakirkju í kveðju-
messu sinni þar.
Sóknarprestur kveður
Geitagerði - Nýlega kvaddi séra
Bjarni Guðjónsson sóknarprestur
á Valþjófsstað í Fljótsdal söfnuð
sinn með messu í Valþjófsstaða-
kirkju. Mikið fjölmenni var við
athöfnina, sem staðfesti þær vin-
sældir er þau hjón hafa notið hér
í sveit.
Séra Bjarni var vígður til Val-
þjófsstaðasóknar 1. júní 1963 og
hefur starfað hér allan sinn emb-
ættisferil. í messulok ávarpaði
prófasturinn, séra Einar Þ. Þor-
steinsson á Eiðum, séra Bjarna og
þakkaði honum góð störf.
Að athöfn lokinni bauð sóknar-
nefnd kirkjugestum til kvöldverð-
ar í félagsheimilinu Végarði. Þar
voru ávörp flutt, kirkjukórinn
söng, börn og unglingar léku á
hljóðfæri og sungu, auk þess var
mikill almennur söngur, enda hafa
Fljótsdælingar lengi verið þekktir
að því að taka hressilega undir.
Þá voru þeim hjónum, séra Bjarna
og frú Aðalbjörgu, færðar góðar
gjafir frá sveitungunum. Má þar
nefna tvo gripi, útskorna af snill-
ingnum Hlyni Halldórssyni frá
Miðhúsum, en það eru kóngur og
drottning úr birki og lerki sem
vaxin eru í Fljótsdal með áletrun
eftir Hákon Aðalsteinsson.
I embættistíð séra Bjarna hefur
verið reist ný kirkja, sem nú á
síðustu árum hefur verið endur-
bætt, forkirkja með skrúðhúsi
stækkuð með nýjum og reisulegri
tumi. Kirkjan hefur verið flóðlýst
að utan og miklar endurbætur
gerðar á kirkjulóðinni. Þá hefur
íbúðarhúsið verið endurbætt og
útihús reist á umræddu tímabili.
Má þvi segja að þau hjón skilji vel
við staðinn.