Morgunblaðið - 02.12.1997, Blaðsíða 54

54 ÞRIÐJUDAGUR 2. DESEMBER 1997
MORGUNBLAÐIÐ
BREF
HL BLAÐSINS
Kringlan 1103 Reylgavík 9 Sími 5691100 9 Simbréf 569 1329
\ t>/K) EE ATHYGí ísye'&r
\AÐ SXOÐtf 6Ö/ni>U
LtT/te/ÉkiU/SNAe.
J þAPA6A UIXÞ/ I ,v
É6JAFNV6L Or '
Fy/S/R. l/NOAA/AJ?
ÉGVAKAllU/Z,
'i gOfija 06 RjÓL/
Grettir
Tommi og Jenni
Smáfólk
Til íslensku
þjóðarinnar
Frá stjórn Átaks:
ÞAÐ er alvarlegt mál þegar jafn
mikilvæg samtök og Rauði kross
Islands heldur úti spilakössum lands-
manna. Það eru þeir sem minnst
mega sína í þessu þjóðfélagi sem
leita á náðir spilakassanna í því skyni
að reyna að græða, en hver verður
árangur þeirra? Hann verður einfald-
lega basl lífsins, sem veldur á endan-
um svo mikilli flkn að fólk ræður
ekki við gjörðir sínar. Hvað er til
ráða? Getum við setið aðgerðalaus
og sagt að þetta sé ekki til staðar?
Nei, segjum við. Það hlýtur að vera
skylda ráðamanna þessa lands að
leita ráða. Nú veit öll þjóðin að helsta
tekjulind Rauða krossins er spila-
kassar. En er það góð leið til fjáröfl-
unar þegar það eru þeir sem minnst
mega sín eins og t.d. þroskaheftir
einstaklingar og aðrir hópar í svip-
aðri stöðu sem spila sig gjaldþrota?
Fyrir hönd stjórnar Átaks,
félags þorskaheftra,
MARÍA HREIÐARSDÓTTIR.
Er starfsvettvangur
S VR hið íslenska Gúlag?
Frá Karli Ormssyni:
ÉG EFAST um að nokkrum skatt-
borgara í Reykjavík, eða félaga í
Starfsmannafélagi Reykjavíkur-
borgar sem ekki er starfsmaður hjá
Strætisvögnum Reykjavíkur, gruni
hverskonar andrúmsloft er á vinnu-
stöðum fyrirtækisins. Andrúmsloft-
ið er þannig á þeim vinnustað að
maður hefur aðeins heyrt um slíkt
frá Rússlandi kommúnismans sál-
uga. Ég hef undir höndum svo ótrú-
leg gögn er mér hafa borist frá
starfsmönnum SVR að með ólíkind-
um er að séu til árið 1997. Hótanir
um uppsögn, uppsagnir af minnsta
tilefni, niðurlæging, þrúgandi and-
rúmsloft ef starfsmenn gerðu ekki
allt er lýtur að vilja forstjóra og
R-lista meirihlutans í stjórn SVR.
Ekki er hægt að lesa annað út
úr sumum gögnunum en að njósn-
að hafi verið um vagnstjórana,
njósnari væri í ferðum án þess að
vagnstjórar vissu. Það er t.d. óskilj-
anlegt að vagnstjóri fái hótun um
brottrekstur úr starfi fyrir að
stoppa ekki á ákveðnum stað, að
njósnað sé um hann, og hann klag-
aður. Stjórnarformaðurinn fyrrver-
andi sagði á fjölmennun starfs-
mannafundi að hver sá sem færi
með kvartanir í blöðin án vitundar
forstjóra undirritaði sína eigin upp-
sögn. Trúnaðarmenn skrifuðu bréf,
þar sem þeir lýsa yfir að því miður
hafl sá leiði atburður gerst að
vagnstjórar hafi kvartað í DV án
þess að láta forstjóra fyrst vita.
Og þeir bæta um betur, þeir lofa
að slíkt skuli aldrei endurtaka sig.
Þvílíkur vinnustaður! Að starfs-
menn verði að fá sérstakt leyfi til
að fara á WC hefur maður aldrei
heyrt um og það eftir 3-4 tíma
setu í akstri. Einn vagnstjóri, fyrr-
verandi vinnufélagi minn, sagði
mér að hann hefið verið sjúkur,
en væri orðinn nokkuð góður aft-
ur. Er læknir hans frétti að hann
ætlaði að fara að vinna aftur hjá
SVR bannaði hann honum algjör-
lega að vinna þarna.
Forstjóri SVR fyrirskipaði vagn-
stjórum að flytja reiðhjól í vögnun-
um þó Bifreiðaskoðun íslands ráð-
legði honum að gera það ekki. Bif-
reiðaskoðun íslands bannaði alfarið
að grindur yrðu settar á hliðar
vagnana svo flytja mætti reiðhjólin.
Vagnstjórar sáu sig knúna til að
skrifa forstjóra SVR bréf, þar sem
þeir fóru fram á að fá það skriflegt
að þeir bæru ekki þann skaða sem
hlytist af flutningi reiðhjóla í vögn-
unum. Forstjóri SVR fullyrti að
borgin myndi greiða allan skaða
sem af því hlytist. Erfítt er að sjá
hvernig borgin bæti hugsanleg slys
eða réttindamissi vagnstjóra við
þessa flutninga.
Svona hefur R-listinn í Reykjavík
látið þetta viðgangast síðan sumar-
ið 1994. Læt ég þessum hryllings-
lýsingum lokið í bili um starfsvett-
vang SVR en um leið læt ég þess
getið að af nógu er enn að taka
af þeim upplýsingum, er ég hef
undir höndum, þetta er bara brot
af þeim.
KARL ORMSSON,
deildarfulltrúi.
MOEGUNBLAÐIÐ, Kringlunni 1, 103 Reykjavlk. SÍMAR: Skiptiborð: 569 1100. Auglýsingar:
569 1111. Áskriftir: 569 1122. SÍMBRÉF: Ritstjórn 569 1329, fréttir 569 1181, íþróttir 569 1156,
sérblöð 569 1222, auglýsingar 569 1110, skrifstofa 568 1811, gjaldkeri 569 1115. NETFANG:
MBL(a)CENTRUM.lS / Áskriftargjald 1.800 kr. á mánuði innanlands. í lausasölu 125 kr. eintakið.