Morgunblaðið - 20.12.1997, Blaðsíða 53

MORGUNBLAÐIÐ
LAUGARDAGUR 20. DESEMBER 1997 53'
—j lv.iv JL
# é
’a oii
aanleg tónlitjt
Öll jákvæðustu lýsingaroröin í efsta stigi duga ekki til aö lýsa úrvalinu
á gjafamyndböndum í Músík Mekka, Verö allt frá kr. 899,-
p.s. Frábær Disney uppákoma fyrir yngri kynslóöina á morgun
k 1.15:00 fyrir utan Musík Mekkar í hinni Kringlunni.
Kringlunni 4-6 * sími 533 2266
-fyrír vísitöltína
AÐSENDAR GREINAR
gefinn leyndardómur Guðs ríkis.
Hinir, sem fyrir utan eru, fá allt í
dæmisögum, að sjáandi sjái þeir og
skynji ekki, heyrandi heyri þeir og
skilji ekld, svo þeir snúi sér eigi og
verði fyrirgefið.“ Eftirtektarvert
er að í íslensku (og hebresku)
merkir orðið „að hlýða“ bæði „að
hlusta“ og „að gegna“. Dæmi um
þessa notkun eru fjölmörg í Biblí-
unni. Jesús segir: „Móðir mín og
bræður eru þeir, sem heyra Guðs
orð og breyta eftir því.“ Og einnig:
„En sæl eru augu yðar, að þau sjá,
og eyru yðar, að þau heyra.“ Merk-
ing síðara dæmisins er sú sama og
þess fyrra. Það að hafa heyrt sést
af breytninni. Öll þekkjum við
dæmisögu Jesú af mönnunum
tveimur sem byggðu sér hús. Um
annan segir Jesús: „Hver sem
heyrir þessi orð mín og breytir eft-
ir þeim, sá er líkur hyggnum
manni, er byggði hús sitt á bjargi.“
En um hinn segir Jesú: „En hver
sem heyrir þessi orð mín og breyt-
ir ekki eftir þeim, sá er líkur
heimskum manni, er byggði hús
sitt á sandi.“ Þegar nú steypiregn
skall á, vatnið flæddi, stormar
blésu og buldu á húsunum, féll
annað og fall þess var mikið en hitt
eigi, því það var grundvallað á
bjargi. Biblían kallar fólk til ákveð-
innar breytni.
Þessi tilgangur Biblíunnar kem-
ur skýrt fram í guðspjöllunum.
Markúsarguðspjall hefst með þess-
um orðum: „Upphaf fagnaðarer-
indisins um Jesú Krist, Guðs son.“
Markús gerir áheyrandanum strax
í upphafi grein fyrir því um hvað
hann ætlar að fjalla, um mann að
nafni Jesús sem var sonur Guðs,
Kristur. Hvernig er hægt að takast
á við slíkt verkefni? Markús er
ekki hlutlægur skrásetjari frekar
en aðrir ævisöguritarar. Tilgangur
ævisöguritara á 1. öld var að draga
fram persónulega eiginleika þess
sem ritað var um fremur en að
rekja atburði í tímaröð. Markmið
Markúsar er að sýna að Jesús hafi
verið sonur Guðs. Það gerir hann
með því að segja frá verkum hans
og boðskap. Sagan hefst því um
það leyti sem Jesús byrjar starf
sitt. Stíll frásagnarinnar ber það
með sér að Markúsi er mikið niðri
fyrir. Sagan rekur sig hratt áfram
frá einum atburði til þess næsta:
Lækningakraftaverk, dæmisögur,
prédikanir - boðun Guðsríkisins,
náttúrukraftaverk, deilur við
Farísea og fræðimenn. Bók-
menntafræðingar hafa líkt þessari
framrás við klippingar í kvikmynd.
Það er hlaupið frá einni senu til
þeirrar næstu. í miðri frásögunni
kemur játning Péturs: „Þú ert
Kristur.“ Og þá verða skil og allt
hægir á sér. Jesús fer að tala um
hvað bíði hans. „Þá tók hann að
kenna þeim: „Mannssonurinn á
margt að líða, honum mun útskúf-
að verða af öldungum, æðstu prest-
um og fræðimönnum, hann mun líf-
látinn, en upp rísa eftir þrjá
daga.“„ Eftir það stefnir frásagan
aðeins á einn hræðilegan stað: Gol-
gata.
Fyrir Markúsi er koma Guðs
sonar í heiminn óendanlega mikil-
væg tíðindi fyrir mannkynið allt.
En aðeins fyrir trú á Jesú Krist
getum við séð, heyrt og meðtekið
þau. Sá er líka tilgangur Markúsar
að vekja trú hjá áheyrendum sín-
um. Trú sem jafnframt er tilboð til
okkar um gleðilegra og merkingar-
fyllra líf. Andspænis þessu tilboði
er ekki hægt, fremur en fyrir 2000
árum, að vera hlutlaus. Hvernig er-
um við nútímafólk undir það búin
að bregðast við kalli Krists: „Ef
einhver hefur eyru að heyra, hann
heyri!“
HöCundur er fmmkvæmdastjóri
Hins íslenska Biblíufélags.
Ég heiti á okkur öll!
ÞAÐ ÆTTI ekki að
teljast til forréttinda að
fá að móta eigin framtíð.
Þó búa milljónir manna
við það að fá engu ráðið
um líf sitt og hamingju.
Þetta er fólk sem býr við
örbirgð og óréttlæti, fólk
sem vegna aldagamalla
venja og fordóma fær
aldrei notið hæfileika
sinna né vinnu. Þar eru
konur í meirihluta.
Alls staðar í þriðja
heiminum vinna konur
lengri vinnudag en karl-
ar. Þær afla heimilinu
tekna á ökrum, í sölubúð-
um, við þvott. Þær axla
ábyrgð á velferð fjölskyldunnar,
sinna bömum og matseld og eyða
löngum stundum í að afla vatns og
eldiviðar. Störf þeirra eru lítilsmet-
in en þó má enginn án þeirra vera.
í þróunaraðstoð síðustu ára hefur
það sannast að konur nýta hana svo
til fyrirmyndar er. Æ betur hefur
komið í ljós, sem við íslendingar
höfum vitað síðan á landnámsöld, að
sterkar konur skipta sköpum fyrir
þjóðfélagið. Þær stuðla að hagvexti
eins og sagt er nú til dags. Þar sem
konur njóta heilsugæslu, fræðslu og
fjárráða hefur náðst árangur í bar-
áttu við örbirgð og dregið hefur úr
offjölgunarvanda. Smálán til eigin
atvinnureksturs, fræðsla um getn-
aðarvamir og hreint vatn stuðla
hvert um sig að bættum kjömm
kvenna. Þær hafa reynst skilvísir
lánþegar og ávaxtað pund sitt vel.
Konur era farvegur breyttra tíma,
ekki þægir þiggjendur. A því leikur
enginn vafi að baráttan er þeirra og
landa þeirra og að
hindranum er smám
saman ratt úr vegi.
Við eigum þess kost
að létta konum þriðja
heimsins lífið. Með
hnitmiðaðri aðstoð
getum við létt af þeim
oki daglegs amsturs
svo þær geti í auknum
mæli snúið sér að
þátttöku í samfélaginu
og farið að njóta
ávaxta vinnu sinnar.
Alþjóðleg fyrir-
mynd að jafhrétti er
ekki til. En hefðir og
kreddur mega ekki
standa í veginum fyr-
ir mannsæmandi lífi. Sameinuðu
þjóðimar líta baráttu fyrir jöfhum
réttindum kvenna og karla sömu
augum og afnám þrælahalds og ný-
lendusteftiu. Við svo búið skipta við-
horf okkar allra máli, viðhorf okkar
til sjálfsagðs réttar hverrar mann-
vera til mannsæmandi lífs.
í ijölda mála sem ég hef komið að
Vigdís
Finnbogadöttir

Mörkinni 3 ♦ sími 588 0640
E-mail: casa@islandia.is ♦ www.cassina.it
www.zanotta.it ♦ www.artemide.com
Eg heiti á okkur öll,
segir Vigdís Finnboga-
dóttir, að taka þátt í
því að létta konum
þriðja heimsins lífíð
hef ég skynjað brennandi þrá og vilja
kvenna í ólíkum menningarsamfélög-
um til þess að taka stjómina á eigin
lífi í sínar hendur og láta gott af sérT
leiða. Ég tek því heilshugar undir
markmið jólasöfnunar Hjálparstofn-
unar kirkjunnar að veita konum
frelsi til að velja, velja fótfestu, velja
öryggi, velja sér framtíð.
Eg heiti á okkur öll að taka þátt í
því að létta konum þriðja heimsins
lífið. Það geram við okkur sjálfum tíl
gleði og sæmdar með formæður okk-
ar og forfeður í huga sem um aldir
þraukuðu á íslandi við afar kröpp
kjör.
Höfundur er fyrrverandi
forseti fslands.
NYTT
ubert-sport
Tilvalin gjöf

c,Sei
Kringlunni
S: 553 7355