Morgunblaðið - 09.01.1998, Síða 21

MORGUNBLAÐIÐ
FÖSTUDAGUR 9. JANÚAR 1998 21
ERLENT
Rannsókn bankamálsms í Færeyjum
Eftirlitsmenn
hyggjast tjá sig
um skýrsluna
SEX opinberir eftirlitsmenn sem hafa fylgst með rannsókn á fær-
eyska bankamálinu, munu tjá sig um skýrslu um málið er hún kem-
ur út í næstu viku. Þeir gera þetta að eigin ósk og kemur hún á
óvart, að sögn Jyllands-Posten, ekki síst vegna þess að lítið sem
ekkert hefur lekið út um rannsóknina þau tvö ár sem hún hefur
staðið.
Þurfti að
kenna á
bíl Nyrups
Þórshöfn. Morgunblaðið.
ÞEGAR Poul Nyrup Rasmus-
sen, forsætisráðherra Dan-
merkur, fór til Færeyja á
þriðjudag var með honum
maður sem er yfirleitt ekki í
fylgdarliði hans í útlöndum, en
það er bflstjóri hans, Johnny
Johansen.
Ástæðan er sú að bifreiðin,
sem var notuð til að aka for-
sætisráðherranum í Færeyj-
um, er með svo háþróaðan
tæknibúnað að Johansen
þurfti að kenna bflstjórum
færeyskra yfirvalda á hann til
að þeir gætu notað hann.
Venja er að þegar danski
forsætisráðherrann skiptir um
bfl er gamla embættisbifreiðin
send til ríkisumboðsmannsins í
Þórshöfn, æðsta embættis-
manns Dana í Færeyjum. Rík-
isumboðsmaðurinn fékk um-
ræddan bfl tveimur dögum fyr-
ir jól en gat ekki notað hann
vegna flókins tæknibúnaðar.
Bifreiðin er fimm ára gömul
og af gerðinni BMW 730. Rík-
isumboðsmaðurinn hefur
hingað til notað minni bfl,
Audi 80, við opinberar heim-
sóknir, en honum hefur nú
verið lagt.
Þrír eftirlitsmannanna eru fær-
eyskir og þrír danskir. Þeir hafa
haft aðgang að sömu skjölum og
gögnum og rannsóknarnefndar-
menn. Þeir hafa hins vegar ekki
komið nálægt sjálfri skýrslugerð-
inni.
Hvorki dönsku né færeysku
eftirlitsmennirnir vilja gefa upp
hvers vegna þeir ætla að tjá sig
sérstaklega um skýrsluna en verið
getur að það tengist gagnrýni á
formann rannsóknarnefndarinnar.
Hann var sakaður um að hafa
fengið danskan lögmann til starfa
fyrir nefndina sem hafi rekið mál
gegn den Danske Bank, sem rann-
sóknin snýst að stórum hluta um.
„Náið samráð“ Joensens
og Nyrups
Rannsókn málsins beinist að því
hvort dönsk yfirvöld hafi vitað
hversu slæm staða Fproya-bank-
ans hafi verið er færeysk stjórn-
völd tóku við skuldum hans af den
Danske Bank. Fullyrt hefur verið
að Poul Nyrup Rasmussen, for-
sætisráðhen-a Danmerkur, hafi
haft vitneskju um það og hafi sagt
Færeyingum ósatt um stöðu bank-
ans. Hafa þessar fullyrðingar vak-
ið mikla reiði í Færeyjum og höfðu
m.a. áhrif á komu Nyrups
Rasmussens til eyjanna.
Edmund Joensen, lögmaður
Færeyinga, tók hins vegar vel á
móti forsætisráðherranum og
komust þeir að samkomulagi um
að eiga „náið samráð“ um viðbrögð
við skýrslunni er hún kemur út,
hinn 16. janúar.
Reuters
World Trade Center-tilræðið
Tilræðismaður
fékk lífstíðardóm
New York. Reuters.
MAÐURINN sem
stóð að sprengjutil-
ræðinu í World Trade
Center í New York
fyrir fimm árum var í
gær dæmdur í lífstíð-
arfangelsi fyrir til-
ræðið og fyrir að hafa
lagt á ráðin um að
sprengja bandarískar
farþegavélar í loft
upp. Við dómsupp-
kvaðninguna lýsti
dómarinn því yfir að
Ramzi Ahmed Yousef
væri „fylgismaður
dauða“ en ekki íslam,
eins og Yousef hefur
sjálfur lýst yfir.
Sex manns fórust í sprengjutil-
ræðinu og yfir 1.000 manns slösuð-
ust er sprengja sprakk í öðrum
turni World Trade Center í febrú-
ar 1993. Yousef hefur
lýst því yfir að ætlun
hans hafi verið að
byggingin öll hryndi
til grunna en um
250.000 manns voru í
henni er sprengjan
sprakk.
Yousef hefur notað
fjölmörg dulnefni og
segist vera pakist-
anskur rafmagns-
verkfræðingur og
sérfræðingur í með-
ferð sprengiefnis.
Hann var dæmdur í
240 ára fangelsi og
verður hann að af-
plána dóminn í ein-
angrun. Aðeins nánasta fjölskylda
hans má heimsækja hann. Þá var
Yousef dæmdur í 4,5 milljóna dala
sekt, um 300 milljóna ísl. kr.
Snjókoma
í Tókýó
FERÐAMENN frá Okinawa,
syðstu eyju Japans, skýla sér
undir regnhlffum fyrir snjókomu
við keisarahöllina í Tókýó, þar
sem í gær snjóaði í fyrsta sinn í
tvö ár fyrir alvöru. Samkvæmt
veðurspá var búizt við 10-20 cm
jafnföllnum snjó.
----»♦♦----
Endurreisn
Montserrat
YFIRVÖLD á eyjunni Montserrat í
Karíbahafi hyggjast leggja fram
fimm ára áætlun um endurreisn
mannvirkja á norðurhluta eyjunnar
sem hafa eyðilagst í eldgosi. Aætl-
unin byggist á niðurstöðu vísinda-
manna sem telja að ekki verði fleiri
eldgos í eldfjallinu Soufriere Hills
og það verði óvirkt innan þriggja
ára.
Aætlunin verður lögð fyrir
bresku stjórnina og verði hún sam-
þykkt kostar hún breska skatt-
greiðendur tugi milljóna punda.
FYRST KEM ÉG
SVO BÍLLINN MINN
GUNNAR BERNHARD EHF.
VATNAGARÐAR 24
SÍMI: 520 1100
NA LENGRA