Morgunblaðið - 11.02.1998, Blaðsíða 22

Morgunblaðið - 11.02.1998, Blaðsíða 22
22 MIÐVTKUDÁGUR 11. FÉBRÚÁR 1998 MORGUNBLAÐIÐ f ERLENT Reynt að ráða Edúard Shevardnadze af dögum Kveðst hafa lifað af fyrir kraftaverk Edouard Shevardnadze Tbilisi. Reuters. EDÚARD Shevardnadze, forseti Georgíu, sagði í gær að það hlyti að teljast kraftaverk að hann skyldi hafa lifað af annað banatilræðið á rúmum tveim ár- um á mánudags- kvöld. „Þetta var þaulskipulögð hernaðaraðgerð," sagði forsetinn og bætti við að „alþjóðleg hermdarverka- samtök" kynnu að hafa staðið á bak við tilræðið. íbúar Tbilisi sögðu að allt væri með kyrrum kjör- um á götum höfuðborgarinnar og aðstoðarmenn Shevardnadze sögðu að hann hefði hafið störf að nýju í gærmorgun. Yfirvöld sendu hermenn og bryn- varðar bifreiðir á götur borgarinnar og innanríkisráðuneytið fyrirskipaði hernum að loka landamærunum. Embættismenn í Tbilisi sögðust óttast að tilræðismennirnir vildu valda óróa og glundroða í landinu til að koma í veg fyrir að Georgía hreppti mjög ábatasaman samning um rétt til að flytja hráolíu frá Ka- spíahafi á heimsmarkaðina. Nokkrir embættismannanna ýjuðu að því að „öfl í Moskvu" hefðu staðið á bak við tilræðið og sögðu að Shevardna- dze hefði reynt að koma í veg fyrir að þau næðu aftur tangarhaldi á Georgíu eins og á tímum Sovétríkj- anna. Borís Jeltsín Rússlandsforseti, sem var staddur í Rómarborg, sendi Shevardnadze samúðarkveðju og lýsti tilræðinu sem hermdarverki gegn „mjög hugrökkum og sterkum manni". Fallinn tilræðismaður sagður Tsjetsjeni Tilræðismennirnir sátu fyrir bíla- lest Shevardnadze þegar hann var á heimleið frá skrifstofu sinni. Þeir beittu byssum og vopnum sem not- uð eru til sprengjuárása á skrið- dreka. Sjö bílar voru í lestinni og skemmdust allir, m.a. brynvarin bif- reið forsetans. Tveir af lífvörðum Shevardnadze biðu bana í tilræðinu og fjórir særð- ust alvarlega. Einn tilræðismann- anna féll einnig og heilbrigðisráð- herra Georgíu, Avtandtil Dzhor- denadze, sagði að vegabréf hans sýndi að hann hefði verið Tsjetsjeni og búsettur í Dagestan, nágranna- héraði Tsjetsjníu. Tsjetsjenskir embættismenn neituðu því að til- ræðismaðurinn hefði verið Tsjetsjeni. Shevardnadze ávarpaði þjóðina í sjónvarpi eftir tilræðið og hvatti hana til að halda stillingu sinni. „Við erum staðráðnir í að afstýra stjórn- leysi í landinu, jafnvel þótt það kosti okkur lífið," sagði hann: Þetta er í annað sinn sem reynt hefur verið að ráða Shevardnadze af dögum. Forsetinn særðist í fyrra tilræðinu, 29. ágúst 1996. „Það hlýtur að teljast kraftaverk að ég skuli tvisvar hafa lifað af," sagði Shevardnadze í sjónvarps- ávarpinu. „Kraftaverk verða aðeins fyrir vilja Drottins. Drottinn veit að ég geri allt sem í valdi mínu stendur til að verja hagsmuni landsins og þjóðarinnar og hann bjargar mér á slíkum hættustund- um." Shevardnadze var utanríkisráð- herra Sovétríkjanna á valdatíma Míkhaíls Gorbatsjovs og var beðinn að taka við stjórnartaumunum í Georgíu eftir að Zviad Gamsakhur- dia forseta var steypt af stóli í janú- ar 1992. Seinna var Shevardnadze kjörinn forseti landsins. Shevardnadze sagði við nokkra fréttamenn á heimili sínu að „al- þjóðleg hermdarverkasamtök" kynnu að hafa staðið fyrir tilræðinu. Hann bætti við að ígor Georgadze, fyrrverandi öryggismálaráðherra Georgíu, sem hann sakar um að hafa skipulagt fyrra banatilræðið, búi nú við gott atlæti í Moskvu og sú staðreynd kunni að hafa stuðlað að árásinni á mánudag. Reuters GEORGÍSKIR öryggisverðir við bifreið Shevardnadzes. Kvað hann það kraftaverk, að hann skyldi sleppa Iífs þegar ráðist var á bflalestina með handsprengjum og skothríð. HERFLUGVELAR VIÐ PERSAFLOA Flugvélafloti bandaríska og breska flughersins safnast saman í grennd við írak og í herstöð Breta á eynni Diego Garcia HERFLUGVÉLAR Bandaríkin ^^mÉm- B-52 sprengjuflugvélar Y^H»- F-117 stealth orrustu- og sprengjuflugvélar (6 slikar eru nú þegar i Kúveit) k m' F-16orrustuvélar B-1Bsprengjuvélar Bretland Tornado B-52 sprengjuflugvél Drægi: 12.000 km Sprengjuhleðsla: 22 tonn pp--~- Kúveit Eiriá ríkið við Persaílóa sem heíur sagst viljugt til að veita bandariksum flugvélum aðstöðu a^I- j tilárásaáirak' Heildarfjöldiherflugvélaí svæðinunemur375vélt Viðbúnaður við Persaflóa Ðúbai, Kúveit. Reuters. BRETAR og Bandaríkjamenn safna nú herflugvélum, skipum og mannskap til Persaflóa og ná- grennis tii þess að þrýsta á Iraka að gefa eftir í deilunni um vopna- eftirlit. Bandaríski flotinn lieí'ur alls 16 skip á Persaflóa, þ.á m. eru tvö flugmóðurskip sem bera alls 147 flugvélar, F/A-18 og F-14 árásar- og orrustuþotur auk véla sérbún- um til árása á ratsjár. Bandaríski flugherinn sendi sex F-117A torséðar orrustu- og sprengjuþotur til Kúveit í nóvem- ber, og hyggst senda sex í viðbót imiaii tíðar, en alls verða 19 flugvélar sendar á næstunni. Sex B-52 sprengjuþotur verða á Diego Garcia-eyju á Indlandshafl og B-l sprengjuþota í Bahrain. Auk þessa er fjöldi eldsneytis- birgðavéla og ratsjárvél á svæð- inu. í Saudi-Arabíu eru um 100 bandarískar flugvélar. Flugmóðurskip breska flotans kom tii Persaflóa í síðasta mánuði og um borð eru 19 Harrier orr- ustuþotur og fimm þyrlur. Breski flugherinn hefur á að skipa 14 Tornado orrustu- og sprengjuþot- um f Kúveit og Saudi-Arabíu auk eldsneytisbirgðavéla í Bahrain. Færeyjar Mistökin lítt könnuð Þórshöfn. Morgunblaðið. LÍTIÐ hefur miðað með rannsókn, sem færeyska lögþingið efndi til fyrir tveimur árum og átti að varpa ljósi á ástæður bruðls og offjárfest- inga í Færeyjum á síðasta áratug. Björn á Heygum, formaður laga- nefndar lögþingsins, hefur harðlega gagnrýnt sleifarlagið, sem einkennt hefur rannsóknina á mistökunum á síðasta áratug, og segir, að það sé til skammar. Færeyingar gagnrýni Dani og krefjist þess, að þeir geri hreint fyrir sínum dyrum, t.d. í bankamálinu, en veigri sér aftur á móti við að horfast í augu við sjálfa sig. Rannsóknin átti m.a. að styðjast við skýrslu frá ríkisendurskoðanda en þar segir t.d., að 1988 og '89 hafi landsjóðurinn gengið í allt of marg- ar ábyrgðir og veitt alls konar styrki og oft án lagaheimildar. Björn segir, að komi ekkert frá rannsóknarnefndinni fyrir kosning- ar á sumri komanda muni umboð nefndarinnar falla niður. Leggur hann áherslu á, að tilgangur rann- sóknarinnar eigi ekki að vera að finna einhverja sökudólga, heldur eigi niðurstaða hennar að geta orð- ið öllum Færeyingum víti til varn- aðar. f Móðir Díönu hneyksluð London, Parfs. Reuters. MÓÐÍR Díönu prinsessu for- dæmdi í gær fullyrðingar um, að unnt hefði verið að bjarga lífi dótt- ur sinnar, hefði hún komist á sjúkrahúsið fyrr. Koma þær fram í bandarískri bók, sem heitir „Dauði prinsessu". Frances Shand Kydd, móðir Díönu, kvaðst hafa fengið ná- kvæmar upplýsingar um áverkana, sem dóttir sín hefði fengið í slys- inu, og því vissi hún, að henni var ekki hægt að bjarga. Sagði hún, að frönsku læknarnir hefðu gert allt, sem í mannlegu valdi stóð. Bókin fyrrnefnda er eftir Tom Sancton og Scott Macleod, blaða- menn við tímaritið Time. Franskur rannsóknardómari hefur yfirheyrt mann, Eric Petel, sem heldur því fram að hann hafi verið fyrstur á slysstað. í viðtali við tímaritið Voici, sem kom út í gær, segir Petel, að hann hafí ekið mótórhjóli sínu á um 115 kílómetra hraða er Mercedes-bif- reið Díönu þaut fram úr honum. Nokkrum sekúndum síðar hafí slysið átt sér stað. Hann segist hafa reynt að hjálpa farþegunum og hafi hann þá borið kennsl á Díönu. Að því búnu hljóp hann að símaklefa og hringdi í neyðarlín- una. Þar var talið, að hann væri að gera at og þegar hann fór á næstu lögreglustöð var honum haldið þar í þrjár klukkustundir. Sé framburður hans réttur brýt- ur hann í bága við ýmsar kenning- ar þeirra er rannsaka málið. Meðal annars þá kenningu að hvítur smá- bíll, hugsanlega Fiat Uno, hafi rekist utan í Mercedes-bifreiðina, skömmu fyrir slysið. Uppákomur í Italíu- L heimsókn Jeltsíns * Rom. Reuters. FYRSTI fréttamannafundurinn sem Borís Jeltsín, forseti Rúss- lands, hefur haldið í nokkra mánuði gekk ekki með öllu snurðulaust fyr- ir sig í Róm í gær og þurftu aðstoð- armenn hans nokkrum sinnum að grípa í taumana. Jeltsín er í opin- berri heimsókn á ítalíu og í gær til- kynntu hann og ítalski forsætisráð- herrann, Romano Prodi, að þeir myndu senda Saddam Hussein, íraksforseta, sameiginleg skilaboð til þess að hvetja til samningalausn- ar á deilunni um vopnaeftirlit SÞ. Jeltsín ítrekaði andstöðu sína við að hervaldi yrði beitt og sagði að það gæti haft alvarlegar afleiðing- ar. Einörð afstaða forsetans féll þó að nokkru í skuggann af mismælum hans og því, að stundum virti hann diplómatískar venjur að vettugi. Þegar leggja átti blómsveig að leiði óþekkta hermannsins á Feneyja- torgi hafði Jeltsín venjur að engu og hyllti ekki ítalska fánann, þrátt fyrir að aðstoðarmenn reyndu að stöðva för hans. Þá átti Jeltsín í erfiðleikum með að skilja sumar þeirra spurninga sem fyrir hann voru lagðar á 15 mínútna fréttamannafundi eftir fund með Prodi í forsætisráðuneyt- inu í Chigi-höll. „Ég sagði aldrei að ég myndi fara til Baghdad," svaraði hann spurningu um þá fullyrðingu sína í fyrradag að Kofi Annan, framkvæmdastjóri Sameinuðu þjóðanna, myndi fara til írak og hafa milligöngu um samningalausn. Annan sagðist hins vegar ekki vera á leiðinni til Baghdad í bráð, en úti- lokaði ekki slíka för. Fjölmiðlafulltrúi forsetans skarst í leikinn og útskýrði spurninguna fyrir honum. Jeltsín sagði að sér hefði borist bréf um að samkvæmt fréttum væri Annan á leið til Bag- hdad. „En svo mun hann hafa verið beittur miklum þrýstingi og til- kynnti að hann færi ekki." Tómur rafgeymir og biluð f'orgímgsljós Tæknilegir örðugleikar hafa sett nokkurt mark á heimsókn Jeltsíns, og í gær urðu nokkrar tafir er ann- ar ítölsku sjúkrabflanna, sem fylgja Rússlandsforseta hvar sem hann fer, neitaði að fara í gang. Reyndist rafgeymir hans hafa tæmst. Jeltsín átti fund með Jóhannesi Páli páfa síðdegis í gær. I w \
Blaðsíða 1
Blaðsíða 2
Blaðsíða 3
Blaðsíða 4
Blaðsíða 5
Blaðsíða 6
Blaðsíða 7
Blaðsíða 8
Blaðsíða 9
Blaðsíða 10
Blaðsíða 11
Blaðsíða 12
Blaðsíða 13
Blaðsíða 14
Blaðsíða 15
Blaðsíða 16
Blaðsíða 17
Blaðsíða 18
Blaðsíða 19
Blaðsíða 20
Blaðsíða 21
Blaðsíða 22
Blaðsíða 23
Blaðsíða 24
Blaðsíða 25
Blaðsíða 26
Blaðsíða 27
Blaðsíða 28
Blaðsíða 29
Blaðsíða 30
Blaðsíða 31
Blaðsíða 32
Blaðsíða 33
Blaðsíða 34
Blaðsíða 35
Blaðsíða 36
Blaðsíða 37
Blaðsíða 38
Blaðsíða 39
Blaðsíða 40
Blaðsíða 41
Blaðsíða 42
Blaðsíða 43
Blaðsíða 44
Blaðsíða 45
Blaðsíða 46
Blaðsíða 47
Blaðsíða 48
Blaðsíða 49
Blaðsíða 50
Blaðsíða 51
Blaðsíða 52
Blaðsíða 53
Blaðsíða 54
Blaðsíða 55
Blaðsíða 56

x

Morgunblaðið

Beinir tenglar

Ef þú vilt tengja á þennan titil, vinsamlegast notaðu þessa tengla:

Tengja á þennan titil: Morgunblaðið
https://timarit.is/publication/58

Tengja á þetta tölublað:

Tengja á þessa síðu:

Tengja á þessa grein:

Vinsamlegast ekki tengja beint á myndir eða PDF skjöl á Tímarit.is þar sem slíkar slóðir geta breyst án fyrirvara. Notið slóðirnar hér fyrir ofan til að tengja á vefinn.