Morgunblaðið - 25.02.1998, Page 2

2 MIÐVIKUDAGUR 25. FEBRÚAR 1998
MORGUNBLAÐIÐ
FRÉTTIR
Frumvarp til laga um breytingu á flugmálaáætlun
Eldsneytisgj ald
verður lagt niður
ELDSNEYTISGJALD verður lagt
niður ef frumvarp til laga um breyt-
ingu á lögum um flugmálaáætlun og
fjáröflun til framkvæmda nær fram
að ganga, en samgönguráðherra
kynnti frumvarpið í ríkisstjórn í
gær. Var frumvarpinu vísað til
þingflokka ríkisstjómarflokkanna.
Halldór Blöndal, samgönguráð-
herra, sagði að Samkeppnisstofnun
hefði mælst ti! þess að eldsneytis-
gjaldið yrði lagt niður og það yrði
ekki gert nema með lögum, því þau
kvæðu skýrt á um það að eldsneyt-
isgjald skuli greitt af bensíni sem
selt sé á flugvélar sem fljúgi milli
Evrópu og íslands og af öðru flugi
en áætlunarflugi til Bandaríkjanna,
nema félögin eigi sjálf bensínið.
Tekjuskerðing
Halldór sagði að frumvarpið
gerði ráð fyrir því að orðið yrði við
þessum tilmælum Samkeppnis-
stofnunar. Það hefði í för með sér
skerðingu á tekjum samkvæmt
flugmálaáætlun og því yrði mætt
með sérstökum aðgerðum á Kefla-
víkurflugvelli og með því að lend-
ingargjöld yrðu hækkuð í innan-
landsflugi. Það dygði þó ekki til
þess að mæta tekjuskerðingunni
vegna niðurfellingar eldsneytis-
gjaldsins. Tekjuskerðingin væri um
17 milljónir í ár og 30 milljónir
króna á næsta ári. Samgöngunefnd
væri með flugmálaáætlun til með-
ferðar og við þá meðferð yrði að
taka ákvörðun um það með hvaða
hætti tekjuskerðingunni yrði mætt.
„Samkvæmt milliríkjasamningum
eru bandarísk flugfélög undanþegin
eldsneytisgjaldi á leið sinni yfir Atl-
antshafið og ég tel að það sé alveg
útilokað að hugsa sér að við Islend-
ingar leggjum gjöld á Flugleiðir,
sem keppinautar þeirra á Norður-
Atlantshafsflugleiðinni þurfa ekki
að greiða. Samkeppni þar er það
mikil og við eigum það mikið undir
því íslendingar að Flugleiðir stand-
ist þá samkeppni að ég tel útilokað
að við skattleggjum Flugleiðir sér-
staklega og veikjum þannig sam-
keppnisstöðu þeirra gagnvart
bandarískum flugfélögum,“ sagði
Halldór ennfremur.
Brauð í
gogginn
FUGLARNIR við Bakkatjörn á Sel-
tjamarnesi eru hændir að Guðjóni
Jónatanssyni. Hann byrjaði að
færa fuglunum brauð fyrir fimm
árum og hefur gert það daglega
undanfarin tvö ár.
Guðjón segist hafa gaman af
þessu. Hann sé hættur að vinna og
sér þyki gott að hafa eitthvað við
að vera. „Ég var veiðimaður hér
áður fyrr en nú gæti ég ekki banað
fugli nema í algerri neyð,“ segir
hann „Þeir hænast svo að manni og
maður að þeim.“
Guðjón segir misjafnt hversu
margir fuglar komi og einnig
hvenær dagsins þeir komi að
Bakkatjörn, þar sem hann gefi
þeim. Hann fylgist hins vegar með
þeim og reyni að vera tilbúinn með
brauðið þegar þeir safnist þar sam-
an. „í morgun var gæsahópurinn á
förum þegar ég kom en hann sneri
við þegar ég flautaði." segir hann.
Verst þykir Guðjóni þegar fólk
sleppir hundum lausum á svæðinu
en ekki er langt síðan hann sá
hund ráðast á einn svaninn og
lemstra hann.
Lyftari fór i
í höfnina
SVEINN Orri Harðarson,
hafnarvörður á Stöðvarfirði,
slapp með skrekkinn þegar
lyftari fór í höfnina í fyrrinótt.
Hann var einn á bryggjunni
þegar óhappið v£irð en tókst að
koma sér upp af eigin ramm-
leik og láta konu sína vita.
„Ég var að keyra loðnu inn á
innri kantinn og þurfti að fara
eftir frekar mjóum vegi sem er
svolítið varhugaverður í
hálku,“ segir Sveinn Orri en
mikil hálka var einmitt á
bryggjunni þegar atvikið átti
sér stað. Skipti engum togum
að hann rann til og steyptist
niður á botn smábátahafnar-
innar. „Ég varð að bíða eftir
því að húsið fylltist, svo að ég í
gæti opnað. Það var smá loft
uppi við þakið, sem ég gat náð
mér í,“ segir hann en vegna
þrýstingsins utan frá var ekki
hægt að opna fyrr.
Aðspurður um hvernig hon-
um hefði liðið meðan hann var
að bíða eftir því að hús lyftar-
ans fylltist kveðst hann hafa i
verið alveg ótrúlega rólegur. I
raun hafi hann þó ekki haft
tíma til að hugsa um neitt j
þarna niðri. Þegar hann komst
á land hitti hann konuna sína
sem var inni að vinna í loðnu,
sem keyrði hann heim og kom
honum í heita sturtu. „Maður
skalf dálítið fyrst á eftir en svo
lagaðist það,“ segir hann.
Læknismeðferð
forsetafrúarinnar
>-------------------- i
Arangur sam-
kvæmt björt-
ustu vonum
ÓLAFUR Ragnar Grímsson, for-
seti íslands, sendi í gær frá sér eft- j
irfarandi tilkynningu:
„I samræmi við tilkynningar fyrr
í vetur viljum við Guðrún Katrín í I
samráði við lækna hennar greina
frá því að lokaáfangi læknismeð-
ferðarinnar er nú að baki.
Árangur meðferðarinnar er sam-
kvæmt björtustu vonum og á næst-
unni mun Guðrún Katrín hefja að
fullu fyrri þátttöku sína í athöfnum
og viðfangsefnum forsetaembættis-
ins. |
A næstu misserum og árum þarf ;
hún þó reglulega að gangast undir
eftirlit lækna.“
Eignir í
erlendum
bönkum
skattfrjálsar
AKVEÐIÐ hefur verið að
koma á fullu samræmi á milli
álagningar eignarskatts á inni-
stæður íslendinga í bönkum
hér á landi og á innistæður í
bönkum í öðrum löndum.
Verður þetta gert í kjölfar
formlegrar athugasemdar sem
Eftirlitsstofnun EFTA hefur
sent íslenskum stjórnvöldum,
skv. upplýsingum Friðriks
Sophussonar fjármálaráð-
herra.
Skv. núverandi fyrirkomu-
lagi eru inneignir í íslenskum
bönkum undanþegnar eignar-
skatti en inneignir í erlendum
bönkum eru það ekki. Málið
var rætt í ríkisstjórn í gær og
að sögn fjármálaráðherra er
talið eðlilegast að bregðast við
þessari athugasemd með laga-
brejrtingu þannig að inneignir í
bönkum í öðrum löndum fái
sömu eignarskattsmeðferð og
inneignir hér á landi.
Borgarstjóri vill að fleiri kostir verði skoðaðir fyrir tónlistarhús
Staðsetning í miðborginni
verði könnuð sérstaklega
REYKJAVÍKURBORG hefur óskað eftir að
kannað verði sérstaklega hvort unnt er að stað-
setja tónlistarhús í miðbæ Reykjavíkur. Richard
Abrahams, breskum sérfræðingi í skipulagsmál-
um, hefur verið falið að kanna þetta, en hann er
að vinna að tillögum um skipulag miðborgarinn-
ar. Ingibjörg Sólrún Gísladóttir borgarstjóri
sagði að borgaryfirvöld vildu ekki benda á neinn
sérstakan stað í miðborginni í þessu sambandi.
Nefnd á vegum menntamálaráðherra hefur
unnið að undirbúningi tónlistarhúss á grundvelli
tillagna sem settar voru fram í skýrslu sem kom
út fyrir rúmu hálfu ári. í skýrslunni er bent á
þrjá staði sem til greina komi undir tónlistarhús.
I fyrsta lagi í Laugardal, en búið var að úthluta
Samtökum um byggingu tónlistarhúss lóð í daln-
um. í öðru lagi er bent á að byggja tónlistarhús í
tengslum við Hótel Sögu og í þriðja lagi að húsið
verði byggt í Öskjuhlíðinni.
Reykjavíkurborg benti á sínum tíma á Öskju-
hlíðina og hafa verið gerð drög að teikningu um
að húsið verði byggt neðanjarðar í tengslum við
Perluna. Nefndin hefur kallað eftir sérfræðiað-
stoð frá bandarískum og dönskum aðilum til að
meta fyrirliggjandi kosti og fjárhagslega þætti
málsins.
Breskum ráðgjafa falið að
koma með tillögur
Ingibjörg Sólrún sagði að stjórnendur Reykja-
víkurborgar teldu rétt að skoða einnig hugsan-
lega staðsetningu tónlistarhúss í miðborginni.
Borgin hefði á sínum tíma bent á Öskjuhlíðina
undir tónlistarhús, en stjómendur hennar vildu
ekki Ijúka þessu máli fyrr en búið væri að skoða
einnig þann möguleika að staðsetja tónlistarhús-
ið í miðborginni.
„Hugmyndin er að fela Richard Abrahams,
sem er að vinna að þróunaráætlun fyrir miðborg-
ina, að skoða miðborgina sérstaklega með tilliti
til tónlistarhúss og koma þá með hugmyndir um
stað sem hann teldi koma til álita ef hann sæi ein-
hvem möguleika á því.“
Ingibjörg Sólrún sagði að þetta væri gert í
fullu samráði við nefndina sem vinnur að undir-
búningi að byggingu tónlistarhúss. Þetta verk-
efni myndi taka tiltölulega skamman tíma og j
myndi ekki tefja undirbúning málsins.
„f mínum huga em þessir tveir kostir mjög
spennandi, þ.e. Öskjuhlíðin og miðborgin. Öskju- '
hlíðin hefur mjög marga kosti, en ávinningurinn
af því að staðsetja húsið í miðborginni er meðal
annars sá að með því er verið að styrkja mið-
borgina í sessi sem miðstöð menningar á höfuð-
borgarsvæðinu. Eins era kostir við að tengja tón-
listarhús í miðborginni við matsölustaði og krár.
Það er mjög gott umhverfi fyrir tónlistarhús í
miðborginni."
Borgarstjóri sagðist telja nauðsynlegt að j
Abrahams fengi frjálsar hendur til að gera tillög- j
ur um staðsetningu í miðborginni og þess vegna
vildi hún ekki nefna neinn einn stað frekar en I
annan.