Morgunblaðið - 01.08.1998, Blaðsíða 20

20 LAUGARDAGUR 1. ÁGÚST 1998
MORGUNBLAÐIÐ
Morgunblaðið/Ágúst Blöndal
GARDAR EA landaði í gær 900 tonnum af kolmunna í Neskaup-
stað og á næstu dögum er búist við að fjölmörg skip leiti á
kolmunnamiðin vegna dræmrar loðnuveiði að undanförnu.
Gardar EA landaði 900 tonnum af
kolmunna í Neskaupstað
Hentar vel til
mj ölframleiðslu
NÓTA- og togskipið Gardar EA,
sem er í eigu Samherja, kom í
fyrrakvöld til Síldarvinnslunnar í
Neskaupstað með um 900 tonn af
kolmunna sem veiddist suðvestur
af landinu. Að sögn Freysteins
Bjarnasonar, útgerðarstjóra hjá
Síldarvinnslunni, er kolmunninn
fremur smár og fitulítill en hann
hentar hins vegar mjög vel til
mjölframleiðslu. Þetta er fyrsta
kolmunnalöndunin hér á landi frá
því í vor, en þá voru það aðallega
erlend veiðiskip sem lönduðu.
Rannsóknaskipið Árni Frið-
riksson hefur í tveimur leiðöngr-
um í sumar mælt um 1,5 milljón
tonna af kolmunna í íslensku lög-
sögunni suður og suðaustur af
landinu. Freysteinn sagði að skip
Síldarvinnslunnar, Börkur og
Beitir, færu á miðin nú eftir versl-
unarmannahelgina, en Gardar EA
er eina íslenska skipið sem verið
hefur á kolmunnaveiðum síðustu
dagana. Á næstu dögum er hins
vegar búist við að fjölmörg skip til
viðbótar fari á kolmunnan.
„Eskfírðingarnir fara örugg-
lega, Hólmaborg og Jón Kjart-
ansson, og síðan eru þetta Sam-
herjabátarnir, Vestmannaeyja-
bátar, og einn eða tveir bátar frá
Akranesi. Þetta verða trúlega 10-
12 bátar sem verða komnir á
þetta á næstunni. Auðvitað má
veiða loðnuna fram í miðjan mán-
uð og einhverjir fara kannski á
hana aftur en þetta var orðið
ósköp dauft,“ sagði Freysteinn.
Smár og fitulítiil
Hann sagði að kolmunninn sem
Gardar hefði landað væri svipaður
og kolmunninn væri gjaman sem
veiðst hefði hér við land, þ.e.
íremur smár en jafn.
„Þetta er ágætis fískur til mjöl-
íramleiðslu og það er lítil fíta í
honum en þó svona svolítil á þess-
um tíma. Eitthvað held ég að hafí
verið fryst af honum um borð í
Gardari og ég hef grun um að ein-
hverjir frystitogaranna fari jafn-
vel að líta á þetta. Það stökkva
venjulega allir af stað þegar eitt-
hvað utankvótakvikindi er,“ sagði
Freysteinn.
ÚR VERINU
Fjögur japönsku túnfískveiðiskipanna á leiðinni á miðin
Islenskar áhafnir fá
að kynna sér veiðarnar
'Í
Morgunblaðið/Jim Smart
FJÖGUR af fimm japönsku túnfiskveiðiskipunum, sem fengið hafa
leyfi til túnfiskveiða innan íslenskrar lögsögu, lögðu úr Reykja-
víkurhöfn í gær, en veiðar mega hefjast í dag.
FJÖGUR af japönsku túnfískveiði-
skipunum fimm sem fengið hafa
leyfí til veiða innan íslensku lögsög-
unnar héldu á miðin frá Reykjavík-
urhöfn í gær, en fimmta skipið
leggur úr höfn á þriðjudaginn.
Veiðarnar hefjast nú rúmlega hálf-
um mánuði fyrr en í fyrra og
standa þær til 1. desember. Nokkr-
ar íslenskar útgerðir hafa sýnt
áhuga á túnfiskveiðum og fá menn
frá þeim að vera um borð í skipun-
um og kynna sér veiðarnar.
Að sögn Jóhanns Sigurjónssonar,
forstjóra Hafrannsóknastofnunar-
innar, felur samningurinn við
Japani um veiðarnar innan íslensku
lögsögunnar það meðal annars í sér
að með honum fást mun meiri upp-
lýsingar um útbreiðslu túnfísksins
hér við land.
„Það má segja að þetta hafí verið
einskonar forkönnun sem gerð var
síðastliðin tvö ár, en í fyrra stað-
festum við rækilega að túnfískurinn
gengur í verulegum mæli inn í lög-
söguna. Með samningnum nú erum
við að reyna að fá ennþá gleggri
mynd af útbreiðslunni og magni.
Við förum ekki eingöngu á aðaltún-
fisksvæðið hérna inni í landhelginni
heldur ætlum við að reyna að kanna
allt útbreiðslusvæðið, bæði þar sem
mikið er af túnfíski og þar sem lítið
er af honum. Þetta gerum við með
ákveðnu ákvæði í samningnum og
eins með því að lengja rannsóknar-
tímabilið og fjölga skipunum upp í
fimm í staðin fyrir þrjú skip sem
leyfí höfðu til veiðanr.a í fytra,“
sagði Jóhann.
Erfðafræðirannsóknir á
uppruna stofnsins
Jóhann sagði að samningurinn
fæli jafnframt í sér töluverða aukn-
ingu á rannsóknum þar sem fyrst
og fremst yrði reynt að komast að
því hver sé uppruni túnfisksins sem
er hér við land, en hann er t.d. tölu-
vert stærri en túnfískurinn sem er
við Færeyjar.
„Það er talað um tvo túnfisk-
stofna, austur- og vesturstofn, og
spumingin er af hvaða meiði þessi
túnfiskur er sem er hér við land,
eða hvort um blöndun af þessum
tveimur stofnum er að ræða. Jap-
anir taka á sig töluverðar skuld-
bindingar í þá veru að koma á rann-
sóknum á þessu og kosta þær, og
þá fyrst og fremst með erfðafræði-
rannsóknum. Þar komum við að
sjálfsögðu inn í, en við höfum tölu-
verða reynslu á þessu sviði,“ sagði
Jóhann.
Japanir veita íslenskum
útgerðum aðstoð við veiðar
Þá sagði hann að samningurinn
við Japani gerði ráð fyrir því að öll-
um þeim íslensku aðilum, sem
áhuga hefðu og væru í sambandi
við Hafrannsóknastofnunina, yrði
gert kleift að fá mikilvægar upplýs-
ingar um veiðar Japananna og
gang veiðanna. Þar væri beinlínis
um að ræða samvinnu við íslensku
útgerðirnar og aðstoð við að veiða
túnfiskinn ef þær hefðu áhuga á
því, og þetta væri mjög mikilvægt
fyrir þá sem væm að feta sig
fyrstu skrefin í þessum veiðum. Nú
er verið að breyta línuskipinu Byr
VE frá Vestmannaeyjum til tún-
fiskveiða og kemur það með virk-
um hætti inn í veiðarnar í byrjun
september.
„Þeir eru þeir einu sem við vit-
um að eru að fara til veiða nú alveg
á næstunni, en það eru fleiri út-
gerðir sem hafa sýnt þessu áhuga.
Við verðum með rannsóknamenn
um borð í japönsku skipunum allan
tímann og höfum við reynt að. fá
um borð aðila sem geta haft af
þessu gagn og þar á meðal áhafnir
frá nokkrum útgerðum. Við höfum
hins vegar verið að leggja áherslu
á að þetta er ekki stór stofn og eins
að veiðinni er stjórnað af alþjóð-
legi-i stofnun, þannig að það er
ekkert takmarkalaust sem hægt er
að stofna til veiða á þessum stofni.
Það er hins vegar enginn vafi á því
að við eigum þarna einhverja
möguleika þó það séu ekki endilega
mörg skip sem koma til með að
stunda veiðarnar," sagði Jóhann.

wijl
■- • - .1
, ■ ‘v. 1 rirí;-
í '. > .. nf
m- !
. " r
■ =JS " *.• **i~ ■■
V; -■
ML . .. m
milljón
Á næstunni mun milljónasti gesturinn
heimsækja vefinn mbl.is.
Á þeim tímamótum átt þú möguleika
á ferð fyrir 2 með Flugleiðum til
heimsborgarinnar Minneapolis.

í f 1 V,

-*? •cír*" 'jfcsjg ; : J.
* ? m
mbl.is
Farðu inn á mbl.is, skráðu þig og þú
gætir verið á leiðinni til Minneapolis.
FLUGLEIDIR
www.icelandair.is ,
www.mbl.is