Morgunblaðið - 07.08.1998, Blaðsíða 10

10 FÖSTUDAGUR 7. ÁGÚST 1998
MORGUNBLAÐIÐ
FRÉTTIR
Fagurt
útivistar-
svæði í
Grafarvogi
SÍÐASTLIÐIN fjögur ár hefur
verið unnið að fegrun Nónholts
fyrir botni Grafarvogs og er þar
nú fagurt útivistarsvæði með
óvenju fjölbreyttum gróðri.
Nónholt, sem tilheyrði landi
jarðarinnar Grafarholts, kom í
eigu hjónanna Ágústs Jóhannes-
sonar og ísafoldar Jónsdóttur
árið 1953. Nónholt var í þeirra
eigu til ársins 1980 og á þeim
tíma komu þau upp fögrum
garði í kringum sumarhús sitt
þar, Brekku.
Þegar Reykjavíkurborg eign-
aðist landið árið 1994 var garð-
urinn í mikilli niðurníðslu en
unnið hefur verið að fegrun
hans siðan undir stjórn garð-
yrkjudeildar Reykjavíkurborg-
ar. Þórólfur Jónsson Iandslags-
arkitekt sá um hönnun.
Morgunblaðið/Kristinn
ÚR garðinum er útsýni yfir Grafarvog.
Forseti Hæstaréttar
Gagnrýni Jóns
Steinars ómakleg
PÉTUR Kr. Hafstein, forseti
Hæstaréttar, vill lítið tjá sig um
ummæli Jóns Steinars Gunnlaugs-
sonar hæstaréttarlögmanns sem
birtust_ í Morgunblaðinu á laugar-
dag. „Ég tel þessa gagnrýni ómak-
lega og að stórum hluta ósæmilega
en að öðru leyti vil ég ekki tjá mig
um þetta að svo stöddu."
I viðtalinu gagnrýndi Jón Steinar
Gunnlaugsson, hæstaréttarlögmað-
ur, Hæstarétt vegna tengsla dóm-
ara réttarins við lög sem þeir sjálfir
hafa samið og þurfa síðan að dæma
eftir. Nefndi hann sem dæmi að sá
lögfræðingur sem undirbúið hafði
löggjöf um skaðabætur árið 1993
væri nú orðinn fastur dómari í
Hæstarétti og að samdómarar hans
hefðu þurft að dæma í máli sem
snerist um hvort viðkomandi lög
stæðust gagnvart stjórnarskránni. I
því máli krafðist Jón Steinar að
dómararnir vikju sæti en því var
hafnað og þá taldi hann dómsniður-
stöðurnar í málinu vilhallar viðkom-
andi dómara þar sem vildarhags-
munir gagnvart honum og starfs-
heiðri hans hefðu haft áhrif.
Pétur Hafstein segir að í viðtal-
inu hafi verið mörg álitaefni, sem
þyrftu nánari umfjöllunar við ef út í
það væri farið.
-----------------
Hulda með brons
í gæðingaskeiði
AÐEINS einn Islendinganna komst
í úrslit í fjórgangi á Norðurlanda-
mótinu á Hedeland í Danmörku í
gær. Pála Hallgrímsdóttir á Gim-
steini frá Höskuldsstöðum varð í
fjórða sæti í unglingaflokki. Rakel
Róbertsdóttir varð í 6. - 7. sæti á
Landa frá Fuglebjarg.
Hulda Gústafsdóttir varð þriðja í
gæðingaskeiði á Hugin frá Kjart-
ansstöðum með 7,71 og eru það
fyrstu verðlaunin sem Islendingar
hreppa á mótinu.
Utanríkisráðherra tengir frekari endurskipulagningu
á fjármálamarkaði við sölu á FBA
Sala á hlut ríkisins
í FBA gæti tafist
Steingrímur J. Sigfússon, alþingis-
maður, um viðræður við SE-bankann
Segir að gangi
þvert á stefnu
ríkisstj órnarinnar
HALLDÓR Ásgrímsson utanríkis-
ráðherra útilokar ekki að eitthvað
af sölu á 49% hlut ríkisins í Fjár-
festingabanka atvinnulífsins drag-
ist fram yfir áramót. Hann segir
mikilvægt að áður en hlutur ríkis-
ins í bankanum verði seldur liggi
fyrir hver næstu skref ríkisstjórn-
arinnar verða varðandi endurskipu-
lagningu á fjármálamarkaði.
,Á- þessari stundu liggur ekki
fyrir hvort öll salan fer fram fyrir
áramót. Menn þurfa að meta það
með hliðsjón af næstu skrefum. Það
er hins vegar gengið út frá því að
allt að 49% hlutur ríkisins verði
seldur á árinu, en það er ekki alveg
ljóst hvort það verður að öllu leyti,“
sagði Halldór þegar hann var
spurður hvort 49% hlutur ríkisins í
FBA yrði seldur fyrir áramót.
Halldór var spurður hvort
stjórnvöld hefðu markað þá stefnu
að tengja sölu á 49% hlut ríkisins í
FBA við frekari endurskipulagn-
ingu á fjármálamarkaði eða hvort
hlutur ríkisins yrði seldur óháð
næstu skrefum.
„Það sem viðskiptaráðherra hef-
ur sagt er að hann telji að það sé
mikilvægt að segja til um hvað eigi
að gera næst vegna þess að það
muni auka verðgildi hlutabréfa rík-
isins í Fjárfestingabankanum. Við
erum hér að tala um verulega
möguleika til hagræðingar á fjár-
málamarkaði sem eykur verðmæti
eigna ríkisins og ríkið verður að
sjálfsögðu að fá réttlátan hlut í
þeim verðmætum."
Halldór sagði að viðskiptaráð-
herra hefði lagt fram tillögur um
endurskipulagningu á fjármála-
markaði. Þær hefðu verið ræddar í
ríkisstjóm og í sérstakri ráðherra-
nefnd. Ráðherranefndin hefði sam-
þykkt að leggja málið fyrir þing-
flokka stjórnarinnar og þar væru
þessi mál nú til umfjöllunar.
Stefnumótun ríkisstjórnarinnar
lægi því fyrir og umræður um hana
stæðu yfir.
Erlendur banki
verði í minnihluta
Halldór greindi frá því í síðustu
viku að viðræður stæðu yfir við SE-
bankann í Svíþjóð um að hann
keypti hlut í Landsbankanum og að
rætt hefði verið um þá hugmynd að
Búnaðarbankinn og FBA yrðu
sameinaðir. Halldór sagðist telja að
það hefði verið nauðsynlegt að opna
umræðu um málið m.a. til þess að
flýta þvi að niðurstaða næðist.
„Umræða um þessi mál er mikil-
væg. Það verður ekki komist hjá
því að endurskipuleggja aðild ríkis-
ins að fjármálamarkaðinum. Við
höfum þegar byrjað á því og við er-
um núna að skipuleggja næstu
skref. Það er rétt sem bent hefur
verið á að okkar hugmynd er að
fara í þetta fyrr en við upphaflega
ætluðum. Það var ekki ætlunin að
stíga frekari skref á þessu kjör-
tímabili. Aðstæður hafa hins vegar
breyst mjög mikið og við höfum
lent í atvikum í bankaheiminum
sem ekki var séð fyrír og það er
mikilvægt að eyða þeirri óvissu sem
þar er.
Ég hef ekki verið með neinar
fullyi'ðingar um að hve miklu leyti
erlendur banki kæmi inn í Lands-
bankann. Ég teldi hins vegar
heppilegt að Landsbankinn fengi
öflugan samstarfsaðila og að mínu
mati væri mikilvægt ef hann væri
þar minnihlutaaðili, en þó það öfl-
ugur að hann gæti haft áhrif á
rekstur bankans,“ sagði Halldór.
Varla hægt að taka gagnrýni
sfjórnarandstöðu alvarlega
Stjórnarandstaðan hefur gagn-
rýnt ríkisstjórnina fyrir að hafa
breytt um stefnu í bankamálum og
að vilja selja eignir til að ná end-
um saman í ríkisfjármálum. Sig-
hvatur Björgvinsson, formaður
Alþýðuflokksins, sagði m.a. að rík-
isstjórnin hefði gefist upp við að
ná hallalausum fjárlögum á næsta
ári og stefndi því að stórfelldri
eignasölu.
Halldór sagði að það væri rétt að
ríkisstjórnin hefði ekki talið fært að
draga jafnmikið úr ríkisútgjöldum
og efnahagsástandið kallaði á.
Stjórnin hefði talið betra að bregð-
ast við með því að selja eignir ííkis-
ins og draga þannig úr þenslu.
Halldór sagði það útúrsnúning hjá
Sighvati að það hefði lítið að segja
til að draga úr þenslu að fá inn í
hagkerfið erlenda peninga með
eignasölu. Megnið af þeirri eigna-
sölu sem rætt hefði verið um myndi
eiga sér stað hér innanlands.
„Það kemur hins vegar á óvart að
Alþýðuflokkurinn og stjómarand-
staðan skuli vera að gagnrýna okk-
ur fyrir þetta því að fram að þessu
hefur aðalgagnrýni þeirra verið sú
að við höfum gengið of langt í að
draga úr útgjöldum í hinu félags-
lega kerfi. Við höfum setið undir
ótrúlegum ræðum um það mál. Ég
spyr um tillögur stjórnarandstöð-
unnar um niðurskurð í ríkisútgjöld-
um. Fram að þessu hafa tillögurnar
allar verið um aukin útgjöld. Það er
því tæplega hægt að taka svona
gagnrýni alvarlega,“ sagði Halldór.
STEINGRÍMUR J. Sigfússon, al-
þingismaður, segir að staðfest hafi
verið á fundi efnahags- og við-
skiptanefndar Alþingis í gær að
viðræður væm hafnar við SE-
bankann um möguleg kaup bank-
ans á verulegum hlut í Landsbank-
anum. Steingrímur óskaði eftir
fundinum og lagði þar fram
ákveðnar spurningar til viðskipta-
ráðherra varðandi þetta efni.
„Þetta hljóta auðvitað að teljast
umtalsverð tíðindi og boðar grund-
vallar stefnubreytingu frá þvi sem
lagt var upp með þegar ríkisvið-
skiptabönkunum var breytt í hluta-
félög. Þá var með óvenju afdráttar-
lausum hætti margundirstrikað að
ekki stæði til að selja hlut í bönk-
unum fyrstu fjögur ájrin. Það er
gert bæði með skýrri yfirlýsingu í
greinargerð stjórnarfrumvarpsins
á sínum tíma, það var gert í fram-
söguræðu ráðherrans og það var
gert í svörum ráðherra við spurn-
ingum á þinginu," sagði Steingrím-
ur.
Hann sagði að á fundinum hefði
einnig komið fram að það sem hefði
sett þessa þróun af stað hefði verið
eitt símtal frá einhverjum aðstoð-
armanni í banka í Svíþjóð. „Og þá
náttúrlega fer maður að velta fyrir
sér, er stefnufestan ekki meiri en
þetta að þegar einhver aðstoðar-
bankastjóri í Svíþjóð tekur upp
tólið og hringir til Islands þá bara
kúvenda stjórnarflokkarnir stefnu
sinni að þessu leyti og það er allt
ómerkt sem sagt var á Álþingi og í
þingskjölum fyrir rétt rúmu ári,“
sagði Steingrímur.
Hann sagðist hafa spurt á fund-
inum eftir skýringum á þessari
stefnubreytingu og eiginlega það
eina sem hefði komið fram væri að
bönkunum hefði gengið betur að
útvega sér ódýrt lánsfé erlendis en
búist hefði verið við. Þess vegna
væri ekki ástæða til að fara jafn
varlega í sakirnar og leyfa bönkun-
um að fóta sig í hlutafélagaforminu
í fjögur ár áður en farið væri að
selja í þeim hlut eins og áður hefði
verið áformað.
Steingrímur sagði að einnig
hefði komið fram að frekar lítið
hefði ennþá gerst í því sem þó hefði
staðið til að gera, þ.e.a.s. að undir-
búa hlutafjárútboð í Landsbankan-
um og hefja sölu á hluta Fjárfest-
ingarbankans. „Það er eins og
þetta símtal frá Svíþjóð hafi truflað
menn svona mikið eða komið öllu á
flot að það var litlar upplýsingar að
hafa um það hvað væri i gangi að
öðru leyti. En menn bregðast hins
vegar óvenju skjótt við þegar út-
lendingar banka upp á,“ sagði
Steingrímur.
Aðrir sýnt áhuga
Hann minnti einnig á að innlend-
ir aðilar hefðu lýst yfir áhuga sín-
um á að koma að þessu borði, bæði
íslandsbanki og sparisjóðirnir og
það virtist ekki hafa dugað til þess
að viðræður færu í gang. Þetta
verkaði á hann sem mikil lausung
og skortur á stefnufestu og fram-
tíðarsýn. Auðvitað væri ekkert við
það að athuga að endurmeta stöð-
una ef menn teldu forsendur
breyttar, en það væri nú ekki nema
rétt rúmt ár síðan svardagar hefðu
verið uppi um að selja ekki hlutafé
í bönkunum fyrstu fjögur árin og
það eina sem ráðherra hefði heim-
ild til að gera væri hugsanlega að
bjóða út viðbótarhlutafé.
Steingrímur sagði að einnig
hefði verið spurt um önnur hag-
ræðingaráform og hvar þau væru
á vegi stödd, hvort innlendir aðilar
fengju sömu meðhöndlun og er-
lendir ef til kæmi og hvort það
væri markmið í sjálfu sér að selja
útlendingum og svörin hefðu verið
mishaldgóð. „Mér finnst nú standa
upp á forsvarsmenn ríkisstjórnar-
innar að útskýra og rökstyðja
miklu betur en nú hefur verið gert
þessa stefnubreytingu," sagði
Steingrímur.
Hann sagði að það orkaði mjög
tvímælis miðað við yfirlýsingar og
afgreiðslu málanna á Alþingi að
fara í beinar viðræður um sölu án
þess að afla fyrirfram umboðs til
þess frá Alþingi.
Lindir 2 — Kópavogi
Lóðir til sölu
Hef góðar útsýnislóðir til sölu á besta stað
fyrir einbýli á einni hæð og einbýli á tveimur
hæðum.
Áhugasamir leggi inn nafn og síma merkt
„Lóðir Lindir 2“ á afgr. Morgunblaðsins.