Morgunblaðið - 07.08.1998, Blaðsíða 12

12 FÖSTUDAGUR 7. ÁGÚST 1998
MORGUNBLAÐIÐ
AKUREYRI
Veitingahúsið Kaffí
Akureyri
Grétar og
Sigríður
selja
GRÉTAR Örvarsson og Sig-
ríður Beinteinsdóttir hafa selt
hlut sinn í veitingahúsinu
Kaffi Akureyri.
Veitingastaðurinn var opn-
aður í gömlu timburhúsi að
Strandgötu 7 fyrir rúmu ári,
eftir að gerðar höfðu verið
umfangsmiklar endurbætur á
því. Jóhannes Sigurðsson,
kaupmaður á Akureyri, hefur
keypt 60% hlut Grétars og
Sigríðar í Strandkaffi ehf. sem
er rekstraraðili Kaffis Akur-
eyrar.
Staðurinn hefur notið tölu-
verðra vinsælda í bænum og
hyggjast nýir eigendur halda
áfram sams konar rekstri og
verið hefur.
Aukafjárveiting samþykkt til Fjórðungssjúkrahússins á Akureyri
Munu ekkí loka deildum
HALLDÓR Jónsson, framkvæmdastjóri Fjórð-
ungssjúkrahússins á Akureyri, sagði að sú auka-
fjárveiting til sjúkrahússins upp á 68,8 milljónir
króna, sem samþykkt hefur verið af heilbrigðis-
ráðherra, komi sér vissulega vel og að um leið
verði hægt að afstýra lokunum deilda með
haustinu. Þá hefur verið gengið frá aðlögunar-
nefndarsamningi við hjúkrunarfræðinga en upp-
sagnir 60-70 hjúkrunarfræðinga áttu að stærst-
um hluta að koma til framkvæmda um næstu
mánaðamót.
Halldór sagði þó að horfa yrði á þessa fjárveitn-
ingu í tvennu lagi. „Annars vegar er um að ræða
fjárveitingu vegna halla síðasta árs og ársins þar
á undan. Um síðustu áramót var uppsafnaður
halli um 70 milljónir króna og upp í þann halla fá-
um við 38,8 milljónir króna. Að óbreyttu var gert
ráð fyrir að halli þessa árs yrði að minnsta kosti
60 milljónir króna en við fáum nú 30 milljónir
króna til viðbótar og auðvitað er maður þakklátur
fyrir allt það sem við fáum. Hins vegar er ástæða
til að nefna að FSA hefur ekki fengið aukafjár-
veitingu vegna hallarekstui's eða umframkeyrslu
allan þennan áratug. Við höfum því náð að stýra
rekstrinum í samræmi við fjárlög fram til þessa.“
Á FSA hafa verið sparnaðar- og aðhaldsað-
gerðir í gangi og sagðist Halldór vona að með
þessari aukafjárveitinugu væri hægt að láta hlut-
ina ganga og að ekki þurfi að koma til áhrifaríkr-
ar skerðingar á starfseminni með haustinu. „Við
þurfum engu að síður að spara sem nemur 30-40
milljónum á þessu ári miðað við óbreyttan rekst-
ur. Það eru töluverðir peningar til viðbótar því
sem áður hefur verið gert.“
Samningur við hjúkrunarfræðinga
Á milli 60 og 70 hjúkrunarfræðingar sögðu upp
störfum á FSA í byrjun sumars, vegna óánægju
með að ekki hafði tekist að útfæra nýjan kjara-
samning og átti stærsti hluti uppsagnanna að
koma til framkvæmda um næstu mánaðamót.
Halldór sagði að búið væri að ganga frá aðlögun-
arnefndarsamningi við hjúkrunarfræðinga, á
sömu nótum og gert var í Reykjavík.
„Það er verið að útfæra hann og skýra fyrir
hjúkrunarfræðingum og ég vona að fólk vilji
vinna hér áfram á þeim nótum. Einhverjir hjúkr-
unarfræðingar hafa dregið umsóknir sínar til
baka en ég veit hins vegar að fólk er misjafnlega
ánægt, hér eins og annars staðar. Einnig erum
við með aðrar starfsstéttir ófrágegnar og það er
líka áhyggjuefni og er hlutur sem við viljum
ganga í að leysa á næstu dögum og vikum.“
Bráðabirgðasamkomulag við sérfræðinga
Þá hefur verið gengið frá bráðabirgðasam-
komulagi milli heilbrigðisráðuneytisins og sjálf-
stætt starfandi sérfræðilækna á FSA. í samn-
ingi Tryggingastofnunar og samtaka sérfræð-
inga var ekki gert ráð fyrir því að sérfræðingar
sem starfa inni á stofnunum geti sent reikninga
á Tryggingastofnun vegna sjálfstæðrar sér-
fræðimóttöku sem þeir stunda innan veggja
þeirrar stofnunar sem þeir starfa á. Breytingin
felst í því að gerður er þjónustusamningur milli
ráðuneytisins og sjúkrahúsa, sem aftur semja
við sína sérfræðinga um umfang og útfærslu
starfseminnar.
Staða yfírlæknis á slysadeild FSA var auglýst
laus til umsóknar í sumar og að sögn Halldórs
bárust þrjár umsóknir um stöðuna. Halldór sagði
að samkvæmt lögum þyrftu umsóknarnir að fara
fyrir stöðunefnd en stefnt væri að því að ráða í
stöðuna jafnvel í næsta mánuði.
Morgunblaðið/Kristján
UNNIÐ var að löndun úr Baldvini Þorsteinssyni EA á Akureyri í gær en Baldvin og Akureyrin EA halda til veiða í Smugunni á laugardag.
Skemmtileg
verslun
Aksjón
Samherjatogarar afla fyrir 180 millj.
Föstudagur 7. ágúst
21.00Þ’Sumarlandlð Þátt-
ur fyrir ferðafólk á Akureyri
og Ákureyi'inga í ferðahug.
POLLINN
Dúettinn
KOS
skemmtir
föstudags- og
laugardagskvöld
Verið velkomin
www.mbl.is
Þrír togarar á
leið í Smuguna
ÞRIR frystitogarar Samherja hf.
komu til hafnar í vikunni með afla-
verðmæti upp á samtals um 180
milljónir króna. Þar af kom Bald-
vin Þorsteinsson EA til Akureyrar
í fyrrinótt eftir 30 daga veiðiferð,
með aflaverðmæti upp á 72 millj-
ónir króna. Aflinn var blandaður,
bæði úr úthafinu og af heimamið-
um.
Akureyrin EA kom til hafnar á
Akureyri á þriðjudag, eftir 29 daga
veiðiferð. Áflinn var blandaður úr
úthafinu og af heimamiðum og var
aflaverðmæti skipsins um 62 millj-
ónir króna. Þá landaði Víðir EA á
Reyðarfirði í gær, eftir 18 daga
veiðiferð á heimamiðum og er afla-
verðmæti skipsins um 44 milljónir
króna.
Veiði að glæðast í Sinugunni
Allir togararnii' þrír eru á leið í
Smuguna að sögn Þorsteins Vil-
helmssonar, framkvæmdastjóra
hjá Samherja. Víðir hélt áleiðis í
Smuguna í gærkvöld en Baldvin
Þorsteinsson og Akureyrin halda
af stað á laugardaginn. Þorsteinn
sagðist hafa haft spurnir af því að
þrjú íslensk skip væru í Smugunni
og að veiðin hefði farið að glæðast í
fyrradag, eftir rólega byrjun.
Arleg
Trölla-
skagatví-
þraut
SKÍÐADEILD Leifturs efnir til
hinnar árlegu Tröllaskagatvíþraut-
ar á morgun, laugardaginn 8.
ágúst.
Þrautin felst í því að hlaupið er
frá ráðhúsinu á Dalvík inn
Böggvisstaðadal, yfir Reykjaheiði,
niður að Reykjum í Olafsfirði en
þar er sumarbústaðahverfi við ræt-
ur Lágheiðar. Þaðan er svo hjólað í
Olafsfjarðarbæ eftir gömlum þjóð-
vegi í vestanverðum firðinum og
endað við Félagsheimilið Tjarnar-
borg. Vegleg verðlaun eru veitt í
karla- og kvennaflokkum en einnig
er flokkur trimmara án tímatöku.
Samhliða þrautinni er gönguferð
yfir Reykjaheiði og er göngufólki
ekið í mynni Böggvisstaðadals og
það gengur að Reykjum og er ekið
þaðan í bæinn. Allir fá verðlauna-
pening fyrir þátttökuna. Mæting er
við félagsheimilið Tjarnarborg kl.
10.00 og verður öllum ekið með
rútu til Dalvíkur. Keppnismenn
koma með hjólin þangað og verður
farið með þau að Reykjum. Skrán-
ing er í síma 852-0774 en þátttöku-
gjald er kr. 1.200.
-------------
Stöður hjá Akureyrarbæ
Fjórtán um-
sóknir bárust
FIMM umsóknir bárust um starf
framkvæmdastjóra fjármálasviðs
Akureyi’arbæjar og níu umsóknir
um starf framkvæmdastjóra
stjórnsýslu- og upplýsingasviðs
bæjarins. Umsóknirnar voru
kynntai- á fundi bæjarráðs í gær en
ráðið vísaði afgreiðslu þeirra til
bæjarstjómar.
Umsækjendur um starf fram-
kvæmdastjóra fjármálasviðs eru:
Hjálmar Kjartansson, Dan Jens
Brynjarsson, Einar Olafsson, Jó-
hannes Valgeirsson og Ottó Magn-
ússon.
Umsækjendur um starf fram-
kvæmdastjóra stjórnsýslu- og upp-
lýsingasviðs eru: Jón Sigtryggs-
son, Jóhanna Kristín Tómasdóttir,
Sigrún Björk Jakobsdóttir, Bryn-
dís Símonardóttir, Dóra Stefáns-
dóttir, Sigríður Stefánsdóttir,
Baldur Dýi'fjörð, Gunnar Frí-
mannsson og Jón Baldvin Hannes-
son.