Morgunblaðið - 07.08.1998, Blaðsíða 46
46 FÖSTUDAGUR 7. ÁGÚST 1998
MORGUNBLAÐIÐ
Ferdinand
Smáfólk
D06 FOOP?U)ElL,IT USUALLT 6-27 /NO, I PON'T U)ANt\
HASA HEARTV FLAV0R..A i 1 TO KNOU) WHAT A }
LITTLE 5PICV..MAYBE A / < v< ) I VáúORM TA5TE5 UKE..y ^
TOVCH OF 6AMINE55... \ j ( o 1 f X [ —ig>—^ |
IT ""
/* ‘ 1
I ! i
Hundamatur? Nú, hann bragðast Nei, mig fýsir ekki að vita
venjulega vel... svolítið kryddað- hvernig ormur smakkast...
ur... Ef til vill keimur af villi
bráð...
BREF
TIL BLAÐSINS
Kringlan 1 103 Reykjavík • Sími 569 1100 • Símbréf 569 1329
Hátæknisjiíkrahús hf.
Frá Valdimar Kristinssyni:
HEILBRIGÐISÞJÓNUSTA er
stöðugt í umræðunni bæði hérlendis
og erlendis og virðist stundum í hálf-
gerðri upplausn enda þykja erfið-
leikar fréttnæmari en árangur á því
sviði sem öðrum. Tækninni fleygir
fram og sparar oft mikla fjármuni en
sumar nýjungar kosta mildð og geta
jafnvel verið afar dýrar. Þær auka
þó væntingar fólks og kröfur um
aukna þjónustu.
Stóru sjúkrahúsin í Reykjavík hafa
verið kölluð hátæknisjúkrahús og
sagt er að þau stæðu enn frekar und-
ir því nafni ef þau yrðu sameinuð.
Eitthvað mun uppbygging á nýju
sameinuðu sjúkrahúsi hafa verið
rædd þótt varla hafi fundist leiðir til
fjármögnunar á slíku stórvirki.
Fyrir nokkru var sagt frá því að
tryggingafélög á Norðurlöndum og
víðar væru að leita að skjótri læknis-
hjálp erlendis fyrir skjólstæðinga
sína. Gæti þetta verið tækifæri fyrir
íslenska heilbrigðisþjónustu?
Hægt væri að hugsa sér „Hátækni-
sjúkrahús hf.“ sem væri að hálfu í
eigu íslenska ríkisins en að hálfu í eigu
erlendra tryggingafélaga og jafnvel
innlendra líka. Fyrirtækið yrði rekið á
hagnaðargrundvelli og hagnaðinn not-
aði íslenska ríkið að sínum hluta til
lækkunar á kostnaði við dýrasta hluta
heilbrigðisþjónustunnar.
Með þessu rekstrarformi ætti að
vera hægt að greiða laun með tilliti
til framboðs í einstökum starfsgrein-
um og semja sérstaklega við hæfi-
leikafólk á afmörkuðum sviðum. Með
því móti yrði rekstraröryggið betur
tryggt en ella og nýjasta tækni tiltæk
umfram það sem búast má við í svo
fámennu samfélagi sem hér er.
Og þá yfir í aðra sálma ekki óskylda.
Erfðagreining í
mórölsku Ijósi
Málefni „íslenskrar erfðagrein-
ingar“ eru stöðugt til umræðu og nú
virðast fleiri ætla að sigla í kjölfarið.
Vonandi á þetta eftir að efla þjóðar-
búið umtalsvert. Ekki mun af veita
svo mjög sem fólk kvartar undan
kjörunum.
Allt talið um fullkomna varð-
veislu heilsufarsupplýsinga hljómar
vel í margra eyrum, enda gengið út
frá því að fólk vilji að slíkar upplýs-
ingar séu á sem fæstra vitorði. Á
því eru þó æði margar undantekn-
ingar, enda væru þá sumir fjölmiðl-
ar ekki fullir af lífsreynslu-sögum
samtíðarfólks sem ber kröm sína á
torg.
Formaður læknafélagsins segir að
þeim gangi ekki annað til en standa
vörð um hagsmuni almennings.
Þetta voru góðar fréttir. Þá verða
ekki aftur hópuppsagnir á þeim bæ,
en þær koma illa við almenna borg-
ara.
En svo er önnur hlið á þessum
málum öllum. Ef rétt reynist að ís-
lenska þjóðfélagið hafi þá sérstöðu
að hér sé einstök vísindaleg aðstaða
til að gera uppgötvanir sem bættu
heilsufar mannkyns, höfum við þá
rétt til að standa á móti þeirri staif-
semi þótt áhættan kynni að vera ein-
hver? Og það jafnvel þótt við hefðum
ekki af þessu neina atvinnu og enga
fjárhagslega hagnaðarvon?
Gæti tölvunefnd svarað móralskri
spurningu af þessu tagi fyrir hönd
þjóðarinnar?
Við vitum hverju Florence Night-
ingale hefði svarað.
VALDIMAR KRISTINSSON
Reynimel 65, Reykjavík
Allt í plati
Steinþór
Jónsson
Frá Steinþóri Jónssyni:
NÝVERIÐ samþykkti borgarráð
Reykjavíkur að gefa opnunartíma
veitingahúsa frjálsan. Þessi ákvörð-
un kemur í kjölfar
töluverðrar um-
ræðu um málið og
umfjöllun nefndar
sem í sæti áttu
fulltrúar beggja
flokka í borgar-
stjóm. Þótt leyfi
hafi verið veitt til
að hafa veitinga-
húsin opin allan
sólarhringinn er
einungis leyfilegt að selja áfengi til
klukkan þrjú að nóttu eins og verið
hefur. Fyrstu hugmyndir gengu út
að það að selja leyfi til lengri opnun-
ar staðanna og mismuna með því
aðilum eftir staðsetningu, eðli
rekstrar og efnahag fyrirtækis.
Sem betur fer hefur sú ekki orðið
raunin.
Fagna ber öllum þeim ákvörðun-
um sem ganga í þá átt að auka
frelsi þegnanna og því að markað-
urinn fái að stjórna því hvar og
hvenær aðilar hans stunda við-
skipti. Að leyfa einungis frjálsan
opnunartíma veitingahúsa en ekki
sölu áfengis er að mínu mati aðeins
hálft skref í átt til frjálsræðis og
hálfgert plat. Það er líkt og að stór-
markaði væri leyft að hafa opið en
bannað væri að selja það sem mest
væri selt af nema á þeim tímum
sem ríkisvaldinu væri þóknanlegt!
Hvaða hag ættu veitingamenn að
sjá í því að hafa hús sín opin, t.d. til
klukkan átta á morgnana, ef bann-
að er að selja áfengi milli klukkan
þrjú og sex á nóttunni? Ekki verð-
ur í fljótu bragði séð að veitinga-
menn muni keppast við að hafa
staði sína opna með öllum þeim
kostnaði sem því fylgir ef tekjur
koma ekki á móti. Einhverjir aðilar
munu e.t.v. hafa staði sína opna
klukkustund lengur til að við-
skiptavinir geti klárað veitingar
sínar í rólegheitum en varla munu
menn leggja í þann kostnað að hafa
staðina opna lengur til þess eins að
viðskiptavinir geti setið og horft út
um gluggann. Hætt er við að reynt
yrði að fara í kringum reglur sem
þessar og kann það ekki góðri
lukku að stýra.
Eðlilegast væri að horfið yrði frá
forsjárhyggju stjómvalda í máli
þessu og þegnum þessa lands treyst
til að hafa vit fyrir sér sjálfir.
STEINÞÓR JÓNSSON
bakari, Hléskógum 18,
Reykjavík
Allt efni sem birtist í Morgunblaðinu og Lesbók er varðveitt í upplýsinga-
safni þess. Morgunblaðið áskilur sér rétt til að ráðstafa efninu þaðan, hvort
sem er með endurbirtingu eða á annan hátt. Þeir sem afhenda blaðinu efni
til birtingar teljast samþykkja þetta, ef ekki fylgir fyrirvari hér að lútandi.