Morgunblaðið - 04.09.1998, Blaðsíða 28
28 FÖSTUDAGUR 4. SEPTEMBER 1998
MORGUNBLAÐIÐ
Morgunblaðið/Sig. Fannar
ÁRNI Guðmundsson með eitt
verka sinna fyrir utan Miðgarð
á Selfossi.
Selfoss
Gallerí
Garður
opnað í
Miðgarði
Selfossi. Moi'gunblaðið.
VERSLUNAR- og fyrirtækjaeig-
endur í Miðgarði á Selfossi opna
formlega nýtt gallerí á Selfossi
föstudaginn 2. september. Galleríið
nefnist Gallerí Garður og er til húsa
í nýju þjónustu- og verslunarhús-
næði við Austurveg 4.
Listamaðurinn sem ríður á vaðið í
Gallerí Garði er myndlistamaðurinn
Árni Guðmundsson sem er vel
kunnur á Selfossi og nágrenni fyrir
verk sín. Árni hefur stundað mynd-
list frá barnaskólaaldri og er þetta
sjöunda einkasýning hans.
Aðstandendur gallerísins vonast
til þess að fleirí listamenn fylgi í
kjölfarið og er það sérstök ánægja
aðstandenda að ungir myndlistar-
menn sýni verk sín í Gallerí Garði.
Þeir sem hafa áhuga á að nýta sér
sýningaraðstöðuna geta sett sig í
samband við eigendur fyrirtækj-
anna í Miðgarði. Fyrirhugað er að
hafa galleríið opið á almennum
verslunartíma.
LISTIR
Listasafn Kópavogs
Austræn þoka og
íslensk náttúra
í LISTASAFNI Kópavogs, Gerð-
arsafni, verða opnaðar þrjár mynd-
listarsýningar á morgun, laugar-
daginn 5. september, kl. 15. Þar
sýna Sigrún Eldjám og Margrét
Sveinsdóttir olíumálverk og
Bridget Woods sýnir vatnslita-
myndir.
Sigrún Eldjárn
I Austursal sýnir Sigrún Eldjárn
málverk sem hún hefur málað á síð-
ustu tveimur árum. I þeim spila
saman landslag og mannverur eins
og oft áður í verkum Sigrúnar, seg-
ir í fréttatilkynningu.
Jafnramt segir að þetta séu ekki
frásagnarlegar myndir en lýsa
frekar andblæ eða stemningu. Þær
fjalla um þoku, mistur og raka,
speglanir í vatni, mannverur og
kjnrð. Litir verkanna og landslag
eru í flestum tilfellum mjög svo ís-
lensk en þó er eins og eitthvað
austrænt hafí slæðst þar inn, en
haustið 1997 dvaldi Sigrún einn og
hálfan mánuð í Mino, sem er lítill
bær í Japan, og var hún þar í boði
bæjarstjórnar staðarins ásamt
fimm öðrum myndlistarmönnum
hvaðanæva úr heiminum til að
vinna með japanskan handgerðan
pappír.
Margrét Sveinsdóttir
I Vestursal sýnir - Margrét
Sveinsdóttir óhlutbundin verk unn-
in með olíu á striga á þessu ári.
„Viðfangsefni málarans er ekki
aðeins litir og form. Málverk er
ekki aðeins búið til úr afstrakt hug-
tökum og hreinum flötum, heldur
er það líka efnislegt, þykkt og
þungt eins og náttúran sjálf og er
þannig ekki aðeins eftirmynd nátt-
úrunnar eða umfjöllun um hana,
heldur hluti hennar, hlutur meðal
hluta,“ segir í kynningu.
Margrét hefur áður haldið einka-
sýningar í Svfþjóð og á Islandi, síð-
ast í Nýlistasafninu fyrir tveimur
árum.
Bridget Woods
I Neðri sal sýnir Bridget Woods
50 vatnslitamyndir. Meðal verk-
anna em íslenskar landslagsmyndir
en hér hefur listakonan dvalið síð-
astliðin tvö sumur.
Hún lagði stund á myndlistar-
nám í Bournemouth and Poole Col-
lege of Art. Árið 1980 varði hún
heilu ári í Aix-en Provence í Frakk-
landi við að fullmóta landslags- og
portrett stíl sinn, bæði í olíu og
vatnslit. Hún hélt að því loknu sína
fyrstu einkasýningu. Síðan hefur
hún sérhæft sig í vatnslitamálun,
sem mikil hefð er fyrir í Englandi,
og haldið 26 einkasýningar þar og í
Frakklandi.
Bridget er ensk myndlistarkona
og -kennari og kennir einkum
teikningu og vatnslitamálun, aðal-
lega módel og portrett, við
Chichester College. Hún kennir
einnig á námskeiðum við The
Earnley Concourse og West Dean
College í Suður-Englandi, og
stendur fyrir námskeiðum í Frakk-
landi. Hún kom fyrst til Islands
1997, eftir kynni af íslenskum nem-
endum sínum í Englandi, og hélt
þá vatnslitanámskeið í tengslum
við Myndlistarskólann í Kópavogi.
Nýlega lauk þriðja námskeiði
hennar hér á landi. I júlí í fyrra
hélt hún sýningu í Ráðhúsi Reykja-
víkur.
I list sinni reynir Bridget að end-
urspegla tilfinningar, andrúmsloft
og þau áhrif sem hún verður fyrir
af veðri, landslagi og fólki. List
hennar felst ekki síst í þvi að nýta
hina einstöku, gagnsæju eiginleika
vatnslitanna, segir í fréttatilkynn-
ingu.
Sýningamar standa til 27. sept-
ember. Þær verða opnar frá kl.
12-18 alla daga nema mánudaga.
Morgunblaðið/Kristinn
Sigrún Eldjárn
Morgunblaðið/RAX
Margrét Sveinsdóttir
MYND úr serfunni Leitað að heitu vatni í landi Gunnars eftir Ólaf Elí-
asson. Er seríu þessa að finna á sýningunni í Galleríi Kambi, ásamt
fleiri verkum.
Olafur Elíasson
í Galleríi Kambi
SÝNING á verkum Ólafs Elíasson-
ar myndlistarmanns verður opnuð
í Galleríi Kambi á morgun, laugar-
dag, kl. 15.
Olafur er fæddur í Kaupmanna-
höfn 19.67 og hlaut myndlistar-
menntun sína í Konunglegu Lista-
akademfunni þar í borg, 1989-95.
Þrátt fyrir ungan aldur er hann
orðinn einn kunnasti íslenski
myndlistarmaðurinn á alþjóðavett-
vangi og á þessu ári eru haldnar
tíu einkasýningar á verkum hans
víða um heim. Þar fyrir utan tekur
Ólafur þátt í fjölda samsýninga.
Um verk listamannsins hefur
verið sagt að áhorfandinn standi
sem þátttakandi frammi fyrir
heillandi sjónfyrirbrigði, nýrri
skynjun á höfuðskepnunum ijór-
um. I höndum Ólafs verði fyrir-
brigðafræði að skáldlegu innsæi.
Sýningin stendur til 4. október.
Lokað miðvikudaga.
Mats Wibe Lund opnar sýningu í Listaskálanum
Loftmyndir með
sérstöku kryddi
„ÞUNGAMIÐJAN í minni ljós-
myndun eru loftmyndimar og ég
verð með landslagsmyndir og átt-
hagamyndir. Svo sýni ég líka
stemmningsmyndir, en ég hef af-
skaplega gaman af að taka þær,
svona sem sérstakt krydd til að
gleðja augað. Allt í allt eru þetta
fimmtíu myndir, sem ég sýni,“ sagði
ljósmyndarinn Mats Wibe Lund, en
á morgun, laugardag, klukkan 15
opnar hann einkasýningu á 50 ljós-
myndum í Listaskálanum í Hvera-
gerði.
I sýningarskrá segir Mats m.a.:
„Hvað er ljósmynd? Ljósmynd er
einstök. Hún sýnir áhorfandanum
hvemig viðfangsefnið leit út þegar
myndin var tekin. Starf mitt sem
ljósmyndari hefur gert mér kleift að
taka þátt í að skrá söguna. Ljós-
myndarar eru nefnilega sögumenn.
Um leið og ég festi landið á filmu, er
ég að skrá heimildir - skrifa sögu.
Eg legg því áherslu á að myndirnar
mínar segi sannleikann."
Mats Wibe Lund fæddist í Ósló í
Noregi 28. febrúar 1937. Áhuga hans
á íslandi má rekja til þess tíma er
faðir hans rak fyrirtæki sem var
staðsett í sama húsi og sendiráð Is-
lands í Ósló. Framan af starfaði
hann jöfnum höndum sem blaðamað-
ur og Ijósmyndari. Hann hefur skrif-
að á annað þúsund blaðagreinar um
margvísleg íslensk málefni fyrir blöð
og tímarit í Evrópu og Bandaríkjun-
um.
Um tíma rak Mats Ijósmynda-
vöruverslun og portrett-stúdíó í
Reykjavík, en hin seinni ár hefur
hann helgað sig átthagamyndatök-
um úr lofti. Hann á nú mikið safn
mynda, jafnt af þéttbýlisstöðum sem
og af flestöllum sveitabýlum og eyði-
býlum á íslandi. Úr tölvuvæddu ljós-
myndasafni sínu dreifir hann land-
kynningar- og skreytingarmyndum
um allan heim.
Mats hefur áður haldið einkasýn-
ingar og tekið þátt í samsýningum
bæði hér heima og erlendis.
Sýningarskráin hefur verið gefin
út á CD-ROM diski bæði fyrir
Macintosh- og PC-tölvur.