Morgunblaðið - 04.09.1998, Blaðsíða 68
r æM
J KOSTAB'
jmeð vaxtaþrepum |
$) Bl iNA!) \HBANKI N N : ; www.bi.is |
Mewuát
-setur brag á sérhvern dag!
MORGUNBLAÐIÐ, KRINGLAN1,103 REYKJAVIK, SÍMI5691100, SÍMBRÉF 5691181
PÓSTHÓLF 3040, NETFANG: RITSTJ@MBL.IS, AKUREYRI: KAUPVANGSSTRÆTI1
FÖSTUDAGUR 4. SEPTEMBER 1998
VERÐ í LAUSASÖLU 125 KR. MEÐ VSK
Fjórir lögreglumenn syntu úr
Sundahöfn til Viðeyjar
Sjórinn ívið heitari
en kranavatnið
FJÓRIR lögreglumenn úr Reykja-
vík syntu til Viðeyjar úr Sunda-
höfn í 9,1 gráðu heitum sjó í gær-
morgun. „Sjórinn var kaldur.
Vatnið var ívið volgara en krana-
vatnið. Það er um 8 gráður,“
sagði Jón Otti Gíslason, aldursfor-
seti fjórnienninganna, í samtali
við Morgunblaðið. „Sjórinn var 12
gráður í síðustu viku, við höfðum
ekki áttað okkur á því fyrr en í
morgun hvað hann hafði kólnað."
Jón Otti segir að eftir því sem
best sé vitað sé þetta fyrsta
! hópsundið í sjó hér við land síðan
1961, þegar nokkrir reykvískir
lögreglumenn lögðust til sunds
við Ægisíðu og syntu yfir að
Bessastöðum.
Þremenningarnir sem þreyttu
1,3 kílómetra langt sundið með
Jóni Otta í gærmorgun heita Stef-
án Vagn, Eiríkur Óskar Jónsson
og Hermann Baldursson.
Jón Otti hefur áður synt þessa
leið. „Eg synti þarna í fyrra í
spegilsléttum sjó. Það var kyrrt í
- sjóinn í morgun en þegar við
lögðum af stað versnaði sjólagið
og það var talsverð undiralda á
leiðinni. Eg fann fyrir sjóveiki,"
sagði Jón Otti.
Hann sagði að einn tjórmenn-
inganna hefði fengið krampa í
fætur á leiðinni og hefði skroppið
upp í bát sem fylgdi þeim og feng-
ið aðstoð við að teygja og nudda
úr sér krampann en að því búnu
hefði hann haldið áfram sundinu.
Fjórmenningarnir, sem lögðu í
hann á sundskýlunum einum fata
og án nokkurra varnarsmyrsla,
voru 36-46 mínútur á leiðinni.
í gærmorgun fylgdi gúmmíbát-
ur með tveimur félögum lögreglu-
mannanna þeim á sundinu auk
þess sem bátur ráðsmannsins í
Viðey fylgdist með.
Jón Ótti, sem er 43 ára, er
reyndur sundmaður og var fyrst-
ur þeirra félaga yfir til Viðeyjar.
Hann hefur stundað sjósund í
nokkurn tíma og hefur verið
sundmeistari lögreglunnar í
Reykjavík í 20 ár. Við því sæmd-
arheiti tók hann af tengdaföður
sínum, Eyjólfí Jónssyni sund-
kappa.
Það er hins vegar ekki langt
síðan Sjósundfélag lögreglunnar
var stofnað og hópur lögreglu-
manna fór að æfa sig í að synda í
söltum og köldum sjó.
„Upphafsmaðurinn að þessu er
Morgunblaðið/Halldór Kolbeins
LÖGREGLUMENNIRNIR fjórir hrepptu meiri vind og kaldari sjó á sundinu en þeir höfðu búist við.
séra Þórir Stephensen staðar-
haldari," segir Jón Otti. „Hann
hafði samband við mig og hvatti
mig til að smala saman í hóp og
reyna að gera sund út í Viðey að
árlegum viðburði."
Næsta sjósund lögreglumann-
anna verður Engeyjarsund, næsta
sumar. Það er 2,5 kílómetra
Iangt. Jón Otti segir að enginn
óæfður gæti leikið sundið eftir.
Talsverða þjálfun þurfí til þess að
venjast köldum sjónum. „Það ger-
ir þetta enginn óæfður og ég ráð-
legg fólki að vera ekki að hlaupa
út í þetta. En þetta er ekkert af-
rek. Þetta er gert okkur til
skemmtunar. Eg er að þessu af
því að mér finnst þetta svo
skemmtilegt. En þetta reyndi
gríðarlega mikið á okkur.“
Sala hlutabréfa í
*
Landsbanka Islands
Afsláttur
til starfs-
fólks
2 ALMENNINGI gefst kostur á
að kaupa hlutabréf í Lands-
banka Islands á genginu 1,9.
Gengi til starfsfólks verður hins
vegar þriðjungi lægra eða
1,285. Sala bréfanna hefst 9.
september.
Útboð á nýju hlutafé í Lands-
banka íslands hf. að nafnvirði
einn milljarður króna var
ákveðið á hluthafafundi bank-
ans í gær. Hlutaféð verður selt
með áskriftar- og tilboðsfyrir-
komulagi, til starfsfólks, al-
mennings og fjárfesta. Áætlað
söluandvirði er 1,7 milljarðar
kr.
Hlutabréf að nafnvirði 625
milljónir verða boðin út á al-
mennum markaði með föstu
gengi, 1,9. Hverjum áskrifanda
er heimilt að skrá sig fyrir allt
að einni milljón kr., sem nemur
1,9 milljónum að söluverði, en
hámarksfjárhæðin skerðist ef
eftirspum verður mikil. 50
milljóna króna hlutafé verður
boðið út.
Núverandi starfsfólki bank-
ans og dótturfélaga og þvi
starfsfólki sem látið hefur af
störfum á þessu og síðasta ári,
gefst ásamt Lífeyrissjóði
bankamanna kostur á að kaupa
v hlutafé að nafnvirði 325 milljón-
ir kr. við verði sem er nærri því
þriðjungi lægra en til almenn-
ings, eða á genginu 1,285. Há-
marksfjárhæð er 250 þúsund og
fær starfsfólkið þann skammt á
154 þúsund kr. lægra verði en
almenningur á kost á.
■ Verð til starfsfóIks/20
* +
Alíka hátt hlutfall öryrkja á Islandi og hinum Norðurlöndunum
Fleiri öryrkjar undir
þrítugu á Islandi
HLUTFALLSLEGA fleiri öiyrkjar
innan við þrítugt eru á íslandi en á
hinum Norðurlöndunum. Heildar-
fjöldi örorkulífeyrisþega sem hlut-
fall af íbúum landsins var svipaður á
Islandi og í Danmörku en mun
minni en í Finnlandi, Noregi og Sví-
þjóð. Þessar upplýsingar koma
fram í grein þeirra Sigurðar Thor-
lacius, Sigurjóns Stefánssonar og
Stefáns Olafssonar í nýjasta hefti
Læknablaðsins.
Greinarhöfundar unnu upplýsing-
ar um örorkumat, búsetu, aldur og
fýrstu eða helstu sjúkdómsgrein-
ingu úr örorkuskrá Tryggingastofn-
unar ríkisins eins og hún var 1. des-
ember 1996. Á þeim tíma áttu 8.714
einstaklingar á íslandi örorkumat í
gildi. Hjá 7.315 hafði verið metin yf-
ir 75% örorka og hjá 1.399 hafði
verið metin 50% eða 65% örorka.
Barnvæn
ljósmynda-
sýning
SÝNING á ljósmyndum reyk-
vískra leikskólabarna var opnuð í
Ráðhúsinu í gær. Myndirnar sýna
borgina með augum barnanna og
er sýningin einnig óvenjuleg að
því Ieyti að myndirnar eru hengd-
ar í augnhæð barna á leikskóla-
aldri. Þessi litla hnáta var áhuga-
samur leiðsögumaður hinna full-
orðnu um sýninguna.
75% örorka hafði verið metin hjá
4,2% Islendinga og var hún mark-
tækt algengari á höfuðborgarsvæð-
inu en utan þess. Geðrænn vandi og
vandamál í stoðkerfi voru algeng-
ustu fyrstu sjúkdómsgreiningarnar.
I grein þremenninganna kemur
fram að aldursdreifing örorkulífeyr-
isþega sé önnur á Islandi en á hin-
um Norðurlöndunum, hér séu hlut-
fallslega fleiri öryrkjar innan við
þrítugt en í hinum löndunum. Hjá
þeim eldri er þessu öfugt farið og
segja höfundar þetta geta skýrst að
nokkru leyti af tiltölulega lágum
bótagreiðslum og ólíku skipulagi al-
mannatrygginga á íslandi miðað við
hin Norðurlöndin, minna atvinnu-
leysi og meiri atvinnuþátttöku,
einkum meðal fólks í efri aldurshóp-
um á Islandi.
Höfundar rekja að ýmsar skýr-
ingar séu uppi á breytilegum fjölda
örorkubótaþega frá einum tíma til
annars og milli landa. Mest hafi
borið á hugmyndum um að þrýst-
ingur frá vinnumarkaði leiði til
fjölgunar örorkulífeyrisþega. Sé þá
gert ráð fyrir að á tímum vaxandi
atvinnuleysis og aukinnar sam-
keppni hafi veikari hluta vinnuafls
verið ýtt út af vinnumarkaði.
Aðra skýringu segja þeir vera að
aðgengilegt almannatryggingakerfi
veiti rúmar bætur sem freisti fólks
og þriðju kenninguna segja þeir
snúa að skipulagi bótakerfisins í
heild. Fjórðu skýringuna nefna þeir
einnig, segja hana vera hið eigin-
lega heilsufarsmat. Margar orsakir
örorku séu bundnar við útbreiðslu
sjúkdóma og fötlunar sem að mestu
leyti ætti að leiða til svipaðrar tíðni
milli landa.
Morgunblaðið/Árni Sæberg
Heimsmeist-
ararnir til
landsins
LANDSLIÐ Frakka í knattspyrnu,
sem varð heimsmeistari í sumar,
kemur til landsins í dag og mætir
Islendingum í undankeppni Evr-
ópumótsins á Laugardalsvelli annað
kvöld. Þetta er í fyrsta sinn sem
heimsmeistarar í knattspymu koma
til landsins.
Zinedine Zidane, einn besti leik-
maður heims og hetja Frakka í úr-
slitaleiknum í sumar þegar hann
gerði tvö mörk gegn Brasilíumönn-
um, segir í samtali við Morgunblað-
ið í dag að allir leikir liðsins í EM
skipti máli með framhaldið í huga.
„Og á Islandi þurfum við að sýna að
við erum núverandi heimsmeistar-
ar.“
■ Stoltur ef/34
---------------
Breti handtekinn
Lagt hald á
rúmlega 2.000
E-töflur
FÍKNIEFNADEILD lögreglunnar
í Reykjavík rannsakar mál 26 ára
Breta, sem reyndi að smygla til
landsins rúmlega 2.000 E-töflum sl.
þríðjudag. Um er að ræða mesta
magn E-taflna sem lagt hefur verið
hald á í einni sendingu fram að
þessu.
Maðurinn kom með leiguflugi frá
Benidorm á Spáni og var handtek-
inn á Keflavíkurflugvelli. Lögð var
fram krafa um gæsluvarðhaldsvist
yfir manninum og úrskurðaði hér-
aðsdómur hann til slíkrar gæslu til
14. september nk. Hann hefur kært
þann úrskurð til Hæstaréttar.