Morgunblaðið - 28.10.1998, Blaðsíða 16

16 MIÐVIKUDAGUR 28. OKTÓBER 1998
MORGUNB LAÐIÐ
LANDIÐ
Fræðsluátak útvegsmanna á ári hafsins
Loðnubræðsla
og fiskiskip til
sýnis í Helguvík
Keflavík - „Það má segja að það hafí
verið stöðugur straumur af fólki í
allan dag sem hefur áhuga á að
skoða skipið og búnað þess,“ sagði
Sigurður Samúelsson, skipstjóri á
skuttogaranum Þuríði Halldórsdótt-
ur GK 94 frá Vogum. Togarinn var
til sýnis í Helguvík á sunnudaginn.
Það var Utvegsmannafélag Suður-
nesja sem stóð að þessari uppákomu
í tilefni af ári hafsins. Einnig var
loðnubræðsla SR-mjöls í Helguvík
til sýnis og netabáturinn Happasæll
úr Keflavík.
Sigurður Samúelsson sagði að
þeir hefðu verið að koma í land um
hádegi eftir stutta veiðiferð og að
aflanum, sem væri um 40 tonn, yrði
landað eftir helgi. Hann sagði að
fólk væri áhugasamt og forvitið um
að skoða skipið og búnað þess.
í loðnubræðslunni var boðið upp
á léttar veitingar, þar voru leikin
sjómannalög á harmoníkur og
einnig voru báta- og skipamódel til
sýnis. Þar var í fyrirsvari Þorsteinn
Erlingsson, útgerðarmaður úr
Keflavík. Hann sagði eins og Sig-
urðui- að þar hefði verið stöðugur
straumur fólks til að skoða verk-
smiðjuna. „Það ber ekki mikið á
þessari verksmiðju en fólk verður
alltaf jafn undrandi þegai- það kem-
ur inn og sér öll þau tæki sem hér
eru og hversu stór bræðslan er
raunverulega.“
Morgunblaðið/Bjöm Blöndal
ÞURÍÐUR Halldórsdóttir GK 94 frá Vogum í Helguvík. Fyrir aftan er Happasæll KE úr Keflavík.
Morgunblaðið/Jón H. Sigurmundsson
SÆGREIFAR framtíðarinnar um borð í Árbergi ÁR 20.
Velkomin um borð!
Þorlákshöfn - í tilefni af ári hafs-
ins buðu íslenskir útvegsmenn upp
á fræðslu, skemmtiatriði og veit-
ingar á fjórum stöðum á landinu
síðastliðinn laugardag.
Þorlákshöfn var einn þessara
staða. Sigurður Bjarnason, skip-
stjóri og formaður undirbúnings-
nefndarinnar, setti hátíðina og við
það tækifæri lék Lúðrasveit Þor-
lákshafnar nokkur lög. Bátarnir
Arnar ÁR 55, Friðrik Sigurðsson
ÁR 17 og Sæberg ÁR 20 voru til
sýnis ásamt lóðsbátnum Ölver. Um
borð vora bátsverjar og sýndu þeir
gestum hvernig vélar og búnaður
virkuðu, en allt var haft í gangi.
Börnum var boðið í siglingu með
lóðsbátnum Ölver.
I frystihúsi Amess var margt að
sjá. Árnes er frystihús sem undan-
farin ár hefur sérhæft sig í kola- og
humarvinnslu en áherslan hefur nú
að nokkra leyti færst aftur yfir á
bolfiskinn. Afurðirnar vora til sýnis
og hægt að smakka á ýmsum teg-
undum djúpsteikts flatfisks. Það
vakti furðu gesta hvað vélakostur
er mikill, mesta athygli vakti 20
metra langur flokkari sem notaður
er tU að flokka humar og flatfisk,
en hann var þarna notaður tU þess
að flokka sælgæti sem börnin
fengu að gæða sér á.
Fiskverkunin Ver, sem er í eigu
Hannesar Sigurðssonar og Þór-
hildar Ólafsdóttur, er með fjöl-
breytta starfsemi. Aðaláhersla í
verkuninni er lögð á saltfisk, sem
er að hluta þurrkaður, en einnig
saltaðar gellur, kinnar, lundir og
harðfisk. Ekkert er látið fara til
spillis. Þannig eru sundmagarnir
þurrkaðir og seldir tU Ítalíu og not-
aðir í súpur. Hannes og ÞórhUdur,
sem búa á Hrauni í Ólfusi, vinna
líka söl úr fjöranni við Óseyrarbrú
ogjjykja þau mikið lostæti.
Isfélag Þorlákshafnar er ekki
gamalt fyi-irtæki en reksturinn hef-
ur gengið vel og er fyrirtækið nú
skuldlaust. Isfélagið er almenn-
ingshlutafélag með um fjörutíu
hluthafa sem flestir era tengdh; út-
gerð eða fiskvinnslu. Á fundi ísfé-
lags Þorlákshafnar í síðustu viku
var ákveðið að ráðast í byggingu
tæplega tvö þúsund fermetra
frystigeymslu á hafnarbakkanum í
Þorlákshöfn. Búið er að sækja um
lóð undir starfsemina milli Herj-
ólfs- og Skarfakersbryggju rétt hjá
fsverksmiðjunni. Vilyrði liggur fyr-
ir umsókninni. Teikningar liggja
fyrir frá tveim byggingaraðilum og
mun verð vera á bilinu 150-200
milljónir króna. Gestur Amunda-
son, framkvæmdastjóri ísfélags
Þorlákshafnar, sagði að ákveðið
hefði verið að auka hlutafé og taka
einhver lán. Hann sagði að í byrjun
væri stefnt að heimamarkaði, en
því væri ekki að leyna að í framtíð-
inni væri horft hýru auga til út-
hafsflotans en það mundi auka um-
svifm veralega á staðnum. Fyrir-
hugaðar siglingar frá Þorlákshöfn
til Noregs og Portúgals vekja vonfr
um aukin umsvif og hugsanlegt
samstarf. Að sögn Gests er þó
ákveðið að binda sig ekki við neitt
ákveðið skipafélag.
Þrátt fyrir frekar kuldalegt veð-
ur var töluverð umferð um hafnar-
svæðið allan laugardaginn og voru
aðstandendur ánægðir með þátt-
tökuna.
Morgunblaðið/Atli Vigfússon
MAGNÚS Hermannsson, Þorsteinn Ragnarsson, Sigurður Ólafsson og Benedikt Kristjánsson.
gardeur
- b u x u r
-klæðirþigvel
Hjálparsveit skáta
í Aðaldal 20 ára
Laxamýri - Opið hús var um helg-
ina hjá Hjálparsveit skáta í Aðaldal
vegna tuttugu ára afmælis sveitar-
innar.
Félagar buðu upp á stóra af-
mælistertu og drykki en margir
urðu til þess að sækja þá heim til
þess að sjá þann búnað sem Hjálp-
arsveitin hefur á að skipa.
I nýbyggðu húsi Aðaldæla-
hrepps að Iðjugerði 1 er mjög góð
aðstaða fyrir bíl með öllum búnaði
og þrjá vélsleða sem Hjálparsveit-
in hefur komið sér upp. Þá er mik-
ið til af ýmsum verkfærum til þess
að vinna björgunarstörf við erfið-
ar aðstæður auk þess sem tveir
kafarabúningar eru til staðar. Ný-
lega fékk björgunarsveitin björg-
unarkerru sem nýta má á marga
vegu.
Á þeim tuttugu árum sem liðin
eru hefur Hjálparsveitin oft verið
kölluð til og eru íbúar á svæðinu
mjög meðvitaðir um nauðsyn þess
að vel sé búið að þessari starfsemi
og hafa því lagt fjáröfiun sveitar-
innar lið.
Ný heilsugæslu og
hjúkrunarstofa
Selfossi - Lionsklúbburinn Ægir
hefur afhent Sólheimum í Gríms-
nesi nýja heilsugæslu- og hjúkrun-
arstofu sem unnið hefur verið að
síðastliðin tvö ár. Ný og fullkomin
tæki til sjúkraþjálfunar hafa verið
keypt svo sem meðferðarbekkir,
hitapottar með bökstrum, tveggja
handa trissa með lóðum, rimlar og
dýnur. Heildarverðmæti þess sem
Lionsklúbburinn Ægir hefur lagt til
í vinnu, efni og tækjum er nálægt
1,5 milljónum króna.
Lionsklúbburinn Ægir hefur
stutt starf Sólheima í nærri 40 ár.
Flestir íslendingar þekkja hversu
samtvinnað starf Lionsklúbbsins
hefur verið því góða starfi sem unn-
ið hefur verið á Sólheimum allt frá
því að Ægismenn kynntust Sesselju
Sigmundsdóttur og Sólheimaheimil-
inu árið 1957.
Morgunblaðið/Sig. Fannar.
VIÐAR Waage, formaður líknarnefndar Lionsklúbbsins Ægis, afhend-
ir Hanný Haraldsdóttur viðurkenningu fyrir góðan árangur.