Morgunblaðið - 21.11.1998, Qupperneq 24

24 LAUGARDAGUR 21. NÓVEMBER 1998
VIÐSKIPTI
MORGUNBLAÐIÐ
Hlutur Ehf. Alþýðubankans hf. í 10-11-verslununum
Virkur markaður um
kaupréttindi myndaður
Ungverjar
horfa mest á
sjónvarp
Frankfurt. Reuters.
UNGVERJAR horfa meira á sjón-
varp að meðaltali en sjónvarpsáhorf-
endur í öðrum löndum Evrópu, en
þýzkumælandi Svisslendingar
minnst samkvæmt nýrri könnun.
Ungverjar horfa á sjónvarp í þrjár
klukkustundir og 55 mínútur á dag,
en þýzkumælandi Svisslendingar í
tvær klukkustundir og átta mínútur
á dag að sögn auglýsinga- og mark-
aðsfyrirtækisins IP Deutschland.
Þýzkir áhorfendur horfa að meðaL
tali í þrjá tíma og 16 mínútur dag. í
Bandaríkjunum horfír fólk á sjón-
varp í tæpa fjóra tíma á dag að með-
altali og fjárfestingar í auglýsingum
á mann eru töluvert meiri að sögn
rannsóknarstjóra IP Research
Director Thomasar Sudholts. „Þjóð-
verjar og Evrópubúar eiga þvi enn
talsvert langt í land,“ sagði hann.
Afnotagjöld hæst í Austurríki
Afnotagjöld í Evrópu eru hæst í
Austurríki samkvæmt IP. Austur-
rísk heimili greiða að meðalali 400
mörk í lögboðin afnotagjöld á ári til
að fjarmagna starfsemi ríkisrekinna
ljósvakafjölmiðla. Næstir koma
Belgar með 364 mörk og Þjóðverjar
með 340 mörk.
Tekjur af afnotagjöldum eru mest-
ar í Þýzkalandi, eða 11,2 milljarðar
marka á ári. Næstir koma Bretar
með 6,5 miiljarða marka og Frakkar
með 4,7 milljarða.
-----------------
Ericsson
spáir meiri
uppgangi
New York. Reuters.
ERICSSON býst við að framhald
verði á miklum vexti fyrirtækisins og
að það haldi áfram eignaöflun til að
auka vörusvið sitt í Norður-Ameríku
að sögn Bo Dimert, rekstrarstjóra
Ericssons vestanhafs.
„Við erum staðráðnir í að tryggja
vöxt fyrirtækisins til langs tíma og
að vöxtur fyrirtækis okkar verði
meiri en á markaðnum yfírleitt - 20
af hurídraði á ári að meðaltali," sagði
Dimert fjárfestum og sérfræðingum
á Warburg Dillon Read fjarskipta-
ráðstefnunni í New York.
EIGNARHALDSFÉLAGIÐ AI-
þýðubankinn hf., sem keypt hefur
ríflega 27% hlut í Vöruveltunni hf.,
rekstrarfélagi 10-11-verslananna,
hyggst veita hluthöfum félagsins
rétt til þess kaupa bróðurpart
hlutabréfa í Vöruveltunni á kostn-
aðarverði. Reynt verður að mynda
virkan markað um kauprétt á bréf-
unum, þannig að hluthafar muni
bæði geta nýtt sér kaupréttinn eða
selt hann til annarra.
Gengið var frá sölu á 70% hlut
hjónanna Eiríks Sigurðssonar og
Helgu Gísladóttur í Vöruveltunni á
fímmtudag til nokkurra fagfjár-
festa, meðal annars Eignarhaldsfé-
lagi Alþýðubankans. Það ætlar að
bjóða hluthöfum, sem eru um
1.350, að kaupa verulegan hlut
bréfanna í hlutfalli við eign sína í
félaginu. Gert er ráð fyrir að salan
á bréfunum fari fram í byrjun
næsta árs.
Að sögn Gylfa Arnbjörnssonar,
framkvæmdastjóra Eignarhaldsfé-
lags Alþýðubankans hf., væri gert
ráð fyrir að hluthafar gætu nýtt
sér kaupréttinn eða selt hann til
annarra. Þannig yrði reynt að
mynda virkan markað um kaup-
réttinn. í framhaldi hæfíst almennt
útboð bréfanna og þau skráð á
Verðbréfaþingi fslands fyrir milli-
göngu íslandsbanka. Hann sagði
að Eignarhaldsfélagið hygðist
halda eftir tæpum 5% af þeim 27%
hlutabréfa sem keypt voru í Vöru-
veltunni.
Dreifð eignaraðild tryggð
Gylfí sagði að sú leið, sem Eign-
arhaldsfélagið hygðist fara, hefði
ekki verið farin áður í viðskiptum
hér á landi. Þessi leið, sem kallaðist
á ensku wright issue, hefði hins veg-
ar verið tíðkuð um árabil í Banda-
ríkjunum. „Allir hluthafar geta nýtt
sér kaupin til þess að tryggja sér
hlutdeild í þeirri verðmætaaukn-
ingu sem verður við skráningu bréf-
anna. Þessi leið tryggir einnig
dreifða eignaraðild.“
Gylfí sagði hlutabréf í Vöruvelt-
unni álitlegan fjárfestingarkost fyr-
ir hluthafa, enda hefði keðjan vaxið
hröðum skrefum og hefði burði til
þess að vaxa enn frekar. „Eignar-
haldsfélagið hefur að undanfórnu
kynnt sér möguleika á að fjárfesta í
verslunarrekstri. Við gátum því
brugðist skjótt við þegar okkur
bauðst að fjárfesta í hlutabréfum í
Vöruveltunni fyrir milligöngu Is-
landsbanka.
ívar Guðjónsson, viðskiptastjóri á
fyrirtækjasviði íslandsbanka sagði
ánægjulegt fyrir bankann ef hægt
væri að móta nýja leið í hlutabréfa-
viðskiptum eins og þá sem Eignar-
haldsfélagið ætlaði sér að fara.
Hann sagði jafnframt að mikil eftir-
spurn væri eftir hlutabréfum í
Vöruveltunni og það gæfí fyrirheit
um að eftirmarkaðurinn yrði virkur.
usx-407 m„
Útvarpsmagnari
2x7Öw • Rms • 4x50w
30 stöðva minni • Rds
oti usx-906
Útvarpsmagnari
2x110w • Rms • 5x60w
30 stöðva minni • Rds-AC-3
Pd-106 ..
Getsiaspilari
1 bit • forrttanlfcLjor
hanetahófsspilun
. * mjl-707
Mini-disk spiíari
Stafræn upptaka og afspiiun
Hægt að setja ínn nafn eða trtla.
Dv-505
Myndgetslaspilari
AC3 • framtiðinn í hijóð og mynrl
Hetmabto hatalarar
Aðeins 5sm þykkir • 150W Rms
+I00w bassabox
BRÆÐURNIR
Lágmúla 8 • Sími 533 2 800
UMBOÐSMENN UM ALLT LAND
Metsala á
mexíkönsk-
um mat
XCO hf. hefur fengið viðurkenn-
ingu frá bandaríska matvælafram-
leiðandanum Bruce Foods Cor-
poration fyrir metsöluaukningn á
mexíkönsku matvörunni Casa
Fiesta. Verðlaunin voru veitt á
SIAL-matvælasýningunni í París
og var meðfylgjandi mynd tekin
við það tækifæri. Frá vinstri: Már
Goldingay, sölustjóri XCO, Steve
Green, sölu- og markaðsstjóri Casa
Fiesta, Sigt ryggur Eyþórsson,
framkvæmdastjóri XCO, og Si
Brown, framkvæmdastjóri CF.
XCO hóf innflutning á Casa
Fiesta-vörunum árið 1982 og sfðan
hefur hann vaxið ár frá ári. XCO
fær viðurkenninguna fyrir mestu
hlutfallslegu söluaukningn Casa
Fiesta í heiminum. Samkvæmt upp-
lýsingum frá fyrirtækinu er neysla
á CF-vörunum nú mest hérlendis
miðað við fólksfjölda og miðað við
magn svipuð og í allri Belgíu. For-
svarsmenn XCO hyggjast ekki láta
deigan síga við að kynna Islending-
um mexíkanskan mat og boða ýms-
ar nýjungar á næstunni.
Vönduð
dagatöl og jólakort
í miklu úrvali.
Sérmerkt fyrir þig
Nýjor víddir
í hönnun og útgáfu
Snorrabraul 54 ©5ÓI 4300 D5ÓI 4302
Verðbréfaþing
Hlutabréf
í Járn-
blendinu
hækka
VIÐSKIPTI á Verðbréfaþingi
námu alls 397 milljónum króna
í gær. Viðskipti með húsbréf
námu 313 milljónum króna og
með hlutabréf alls 84 milljón-
um. Úrvalsvísitala Aðallista
hækkaði um 0,45%.
Viðskipti með hlutabréf
Flugleiða námu alls 27 milljón-
um króna og hækkuðu þau um
2,2% frá síðasta viðskiptadegi,
eða í 3,22. Viðskipti með bréf í
Nýherja námu 21 milljón og
hækkaði verð þeirra um 5,5%.
Viðskipti með bréf í íslands-
banka námu alls 17 milljónum
og hækkuðu þau lítillega í
verði.
Hampiðjubréf
hækka
Verð hlutabréfa Islenska
jámblendifélagsins hækkaði
mest, eða um 7,1%, en viðskipti
með þau námu aðeins um hálfri
milljón króna. Þá hækkuðu
Hampiðjubréf um 4,5% og
Tryggingamiðstöðvarbréf um
2,1%.
Hlutafjárútboð ÍS
Forkaups-
rétti hlut-
hafa lokið
80,2 MILLJÓNIR króna seld-
ust til forkaupsréttarhafa í
hlutafjárútboði Islenskra sjáv-
arafurða hf., sem lauk á þriðju-
dag.
200 milljóna króna hlutafé
var í boði og seldust rúm 40%
tíl forkáupsréttarhafa á geng-
inu 1,75. Nú tekur við sala á al-
mennum markaði á genginu
1,80 til 30. nóvember. Mun
Landsbanki Islands sölu-
tryggja 50 milljónir króna.
Hermann Hansson, stjórn-
arformaður ÍS, sagði að marg-
ir hluthafar félagsins hefðu
tekið þátt í forkaupsréttinum
og að hlutaféð hefði dreifst á
breiðan hóp þeirra.
Viðskipta-
vakt fyrir
GSM-not-
endur
OPNUÐ hefur verið SMS við-
skiptavakt sem gerir GSM-not-
endum Landssímans kleift að
fylgjast með verðbréfavið-
skiptum dagsins. Viðskipta-
vaktin er samstarfsverkefni
Landssímans, Tölvumynda og
Kauphallar Landsbréfa á Net-
inu. Þjónustan er ókeypis og
fer skráning fram á Netinu.
Þorsteinn Ólafsson, hjá
Kauphöll Landsbréfa, segir að
markmiðið með verkefninu sé
að færa fólk nær þróun mark-
aðarins. Viðskiptavaktin bjóði
upp á marga möguleika fyrir þá
sem vilja fylgjast með hluta-
bréfaviðskiptum. Hægt sé að fá
viðskiptayfii-lit í formi SMS
skilaboðasendinga sem greinir
frá hlutabréfaviðskiptum og
viðskiptum með önnur verð-
bréf. „Þá er hægt að fá upplýs-
ingar um einstök viðskipti fyrir-
tækja og yfirlit yfii- gengi gjald-
miðla svo dæmi séu tekin."
Slóðin á SMS viðskiptavakt-
ina á Netinu er
www.gsm.is/vidskiptavakt.htm.