Morgunblaðið - 30.12.1998, Blaðsíða 13
MORGUNBLAÐIÐ
MIÐVIKUDAGUR 30. DESEMBER 1998 13
FRÉTTIR
LANDIÐ
Landssíminn vill að Samkeppnisstofnun kanni hvort Intís
niðurgreiði starfsemi í samkeppnisrekstri
Krefst fjárhagslegs
aðskilnaðar
LANDSSÍMI íslands hefur farið
þess á leit við Samkeppnisstofnun
að stofnunin kanni hvort Internet á
íslandi hf. (Intís) noti tekjur af
einkaieyfi til veitingar netléna
(svæðinetfanga) til þess að niður-
greiða starfsemi í samkeppnis-
rekstri og brjóti þannig í bága við
ákvæði samkeppnislaga. Krefst
Landssíminn þess að mælt verði
fyrir um fjárhagslegan aðskilnað
milli þeirrar starfsemi Intís sem er í
samkeppnisrekstri og starfsemi
sem nýtur verndar einkaleyfis. Þá
er þess farið á leit við stofnunina að
athugað verði hvort gjaldtaka fyrir
skráningu netléna gefí ástæðu til
íhlutunar samkeppnisráðs.
Intís hefur einkaleyfi hér á landi
til að úthluta netlénum sem enda á
.is. I erindi Landssímans til Sam-
keppnisstofnunar er bent á að
netlénakerfið sé lykilatriði í upp-
byggingu og virkni internetsins,
hliðstætt símnúmerakerfi í hefð-
bundnum fjarskiptum. Póst- og
fjarskiptastofnunin setur reglur um
úthlutun símanúmera og telur
Landssíminn að sama eigi að gilda
um úthlutun netléna, þ.e. að stofnun
óháð hagsmunaaðilum setji reglur
og sjái um úthlutun netléna, og eðli-
legast væri að Póst- og fjarskipta-
stofnunin hefði það hlutverk með
höndum.
Gjöldin mun hærri en erlendis
Fram kemur í erindi Landssím-
ans að fyrir skráningu netléna inn-
heimti Intís stofngjald sem sé
12.450 kr. með virðisaukaskatti auk
mánaðarlegs afnotagjalds sem sé
1.214 kr. með virðisaukaskatti.
Gjaldskrá þessi sé samin af Intís
einhliða án íhlutunar opinberra eft-
irlitsaðila, þrátt fyrir að um sé að
ræða rekstur sem ekki sé í sam-
keppni, og miðað við fjölda um-
sókna hljóti að vera um umtalsverða
tekjulind að ræða. Bent er á það í
erindinu til Samkeppnisstofnunar
að samkvæmt samanburði sem
Landssíminn hafi gert séu gjöld
Intís vegna þessarar þjónustu mun
hærri en hjá þeim aðilum sem sjá
um að úthluta netlénum í öðrum
löndum. Telur Landssíminn ljóst að
Intís njóti markaðsráðandi stöðu á
markaði fyrir skráningu netléna og
með tilliti til þess er þess krafist að
Samkeppnisstofnun kanni hver sé
raunkostnaður við skráningu og
umsjón léna og hvort gjaldskrá
Intís sé í samræmi við þann kostn-
að. Komist stofnunin að þeirri nið-
urstöðu að gjaldtakan feli í sér mis-
beitingu á markaðsráðandi stöðu í
skilningi 17. greinar samkeppn-
islaga væntir Landssíminn þess að
gripið verði til viðeigandi úiTæða.
Landssíminn segir ljóst að Intís
sé fyrii'tæki sem starfi að einhverju
leyti í skjóli opinbers einkaleyfis
eða verndar í skilningi 2. málsgi'ein-
ar 14. greinar samkeppnislaga, en
hluti af rekstri Intís sé í frjálsri
samkeppni. Því beri að beita fjár-
hagslegum aðskilnaði í skilningi áð-
umefndrar málsgreinar í sam-
keppnislögum. Þá segir í erindi
Landssímans að komist Samkeppn-
isstofnun jafnframt að þeirri niður-
stöðu að samkeppnisrekstur Intís
njóti einhverrar niðurgreiðslu frá
þeim þætti starfseminnar sem
bundin er einkaleyfi og/eða að
gjaldskrá fyrir skráningu og um-
sjón netléna brjóti í bága við ákvæði
samkeppnislaga sé þess krafist að
Samkeppnisstofnun látið málið til
sín taka og beiti viðeigandi úrræð-
um og íhlutun samkvæmt sam-
keppnislögum.
Nokkur mál í athugun sem
tengjast Landssimanum
Hjá Samkeppnisstofnun eru nú
nokkur mál til meðferðar þar sem
Landssíminn kemur við sögu. Að
sögn Jónu Bjarkar Helgadóttur,
lögfræðings hjá Samkeppnisstofn-
un, er í gangi mál sem stofnunin tók
sjálf upp að eigin frumkvæði og nær
til intemetþjónustu Landssímans,
en það grundvallast á mörgum
óformlegum athugasemdum sem
stofnuninni hafa borist. Varðar það
mál að mestu leyti fjárhagslegan
aðskilnað intemetþjónustu Lands-
símans og annarar starfsemi fyrir-
tækisins. Þá er stutt síðan Intís
lagði erindi fyrir Samkeppnisstofn-
un sem einnig fjallar um intemet-
þjónustu og skarast að nokki-u leyti
við áðurnefnt mál, og í gangi er mál
þar sem Islandia Intemet fer fram
á bráðabirgðaákvörðun varðandi
internetþjónustu Landssímans.
Til meðferðar hjá Samkeppnis-
stofnun er kvörtun Tals hf. vegna
lækkana á GSM-þjónustu Lands-
símans og tvö mál sem bárust frá
Miðlun ehf. eru til meðferðar hjá
stofnuninni. Annars vegar er um að
ræða mál sem tekur til gjaldtöku
Landssímans vegna upplýsinga-
þjónustunnar 118, en Miðlun telur
upplýsingaþjónustuna Gulu línuna,
sem fyrirtækið rekur, ekki hafa
sömu tekjumöguleika þai- sem
óleyfilegt sé að taka gjald fyrir
hringingar í Gulu línuna. Hins veg-
ar er um að ræða erindi sem varðar
símaskrá Landssímans á internet-
inu þar sem Landssíminn selur að-
gang að gagnagrunni símaskrárinn-
ar en birtir hana síðan ókeypis á
internetinu.
Auk ofangreinds erindis frá
Landssímanum sem varðar Intís er
Landssíminn einnig með erindi
gegn Islenska útvarpsfélaginu hf.
og Sýn vegna Fjölvarpsins, en
Landssíminn, sem rekur Breiðvarp-
ið á sama markaði, telur að rekstur
Fjölvarpsins sé niðurgreiddur af Is-
lenska útvarpsfélaginu og Sýn.
Morgunblaðið/Kristínn
INGIMUNDUR Sigurpálsson bæjarstjóri og Björn Bjarnason menntamálaráðherra undirrituðu samninginn.
Hönnunarsafn byggt upp í Garðabæ
BJÖRN Bjarnason menntamála-
ráðherra og Ingimundur Sigur-
pálsson, l)æjarstjóri í Garðabæ,
undirrituðu í gær samning um
samstarf sem miðar að því að
koma á fót hönnunarsafni í Garða-
bæ. Aðild að samningnum á Þjóð-
minjasafn Islands. Markmið hönn-
unarsafnsins í Garðabæ er að
safna íslensku og erlendu listhand-
verki og iðnhönnun og varðveita,
halda heimildarskrá og standa fyr-
ir sýningum og kynningum.
Menntamálaráðherra skipaði
nefnd í febrúar 1996 sem falið var
að gera tillögur um þetta mál.
Fljótlega hófust viðræður við bæj-
aryfirvöld í Garðabæ um upp-
byggingu hönnunarsafns. Fyrir-
hugað er að safnið hafi stöðu
deildar innan Þjóðminjasafnsins.
Þjóðminjaráð mun skipa Qögurra
manna sljórnarnefnd til fímm ára
sem skal veita ráðgjöf um upp-
byggingu safnsins og gera tillög-
ur til þjóðminjaráðs og bæjar-
sljórnar Garðabæjar um framtíð-
arhlutverk safnsins.
Menntamálaráðuneytið leggur
safninu til húsnæði að Lynghálsi í
Garðabæ, sem áður tilheyrði Fjöl-
brautaskólanum í Garðabæ. Rikis-
sjóður mun greiða launakostnað,
en annar rekstrarkostnaður skipt-
ist jafnt milli aðila. Samningurinn
gildir til fimm ára. A þeim tíma
verður unnið að undirbúningi að
framtíðarhúsnæði og starfsemi
hönnunarsafns í Garðabæ.
Morgunblaðið/KVM
STARSFÓLK verslunar Olíufélagsins hf. - Esso í Grundarfirði.
Miklar endurbæt-
ur hjá Olíufélaginu
í Grundarfirði
Grundarfirði - Olíufélagið hf. -
Esso í Grundarfirði hefur stækk-
að og farið í gagngerar breyting-
ar á verslunarhúsnæði sínu í
Grundarfirði.
Gunnar Ragnarsson rekstrar-
stjóri segir að hér sé Olíufélagið
að svara kröfum tímans um meiri
og betri þjónustu. Vöruúrval hef-
ur aukist til muna, sérstaklega í
matvöru. Áður vöru flestar vöru-
tegundir seld yfir búðarborðið en
nú er komið kjörbúðarfyrir-
komulag og geta viðskiptavinirn-
ir sótt vöruna sjálfir í hillur og
sett í körfu eins og tíðkast á
flestum stöðum.
Gunnar telur brýnt að boðið
sé upp á góða þjónustu þar sem
Olíufélagið sé með starfsemi
sína nánast í miðjum bæjar-
kjarnanum, auk þess sem rútan
stoppar þarna og margir ferða-
menn notfæri sér salernisað-
stöðu svo og að kaupa sér vörur
og veitingar sem og að setjast
niður, fá sér snæðing og skoða
kort.
Fyrirhugað er að endurbæta
lóðina í sumar og gera umhverfí
verslunarinnar vistvænna og feg-
urra en nú er. Hjá fyrirtækinu
starfa nú nú 5 manns. Pálmar
Einarsson bygginarmeistari og
hans menn unnu við breytingarn-
ar en yfirumsjón var í höndum
Guðmundar Tryggva Sigurðsson-
ar tæknifræðings.
Slysavarnafréttir
úr Snæfellsbæ
Hellissandi - Fyrir jólin var gefið út
og borið í hvert hús í Snæfellsbæ
fréttablað slysavarnafólks, „Slysa-
varnafrétth- úr Snæfellsbæ". Blaðið
er 8 síður að stærð og flytur fréttir
frá árinu 1998 úr öllum starfandi
slysavai'nadeildum í bænum. Auk
þess ritar bæjarstjórinn, Kristinn
Jónasson, grein um mikilvægi slysa-
varnastarfa.
Þá geymh- blaðið ýmsar hagnýtar
upplýsingar fyrir íbúana sem gilda
um jól og áramót. Þetta er þriðja ár-
ið í röð sem slíkt blað kemur út fyrir
jól og hefur útgáfa þess mælst vel
fyrir. Auglýsendur og styrktarmenn
standa undir kostnaði við útgáfu
blaðsins sem auk þess skilar deildun-
um nokkrum tekjum. Blaðið er
prentað í prentsmiðjunni Steinprenti
ehf. en ritstjóri og ábyrgðarmaður
er Ólafur Jens Sigurðsson formaður
Slysavarnadeildarinnar Bjargar á
Hellissandi.
Slysavarnadeildirnar í Snæfells-
bæ hafa verið vel lifandi og haldið
uppi ágætu starfi á undanförnum
árum.
Morgunblaðið/Silli
ÞÁTTT AKENDUR í veggspjaldasamkeppninni.
Samkeppni um
gerð veggspjalds
Húsavík - Starfshópur um vímuefna-
vai-nir á Húsavík efndi í haust til
samkeppni meðal bæjarbúa um gerð
veggspjalds gegn notkun vímuefna.
Form tillagna var mjög frjálst og
er áformað að nota tillögu þess aðila
sem fær fyrstu verðlaun á vegg-
spjald í þágu vímuefnavarna. Þrenn
peningaverðlaun voru veitt.
Þátttaka var nokkuð góð en hefði
mátt vera meiri. Skilafrestur var til
1. desember og urðu úrslit þau að
Halldóra Gunnarsdóttir hlaut 1.
verðlaun, Guðrún Inga Hannesdóttir
2. verðlaun og Svanhildur Jóharines-
dóttir 3. verðlaun.