Morgunblaðið - 21.01.1999, Síða 24

24 FIMMTUDAGUR 21. JANÚAR 1999
ERLENT
MORGUNBLAÐIÐ
Hótaði að iiaíiigTeina í skjóli þinghelgi
þá sem grunaðir eru um Omagh-tilræðið
Akvað „frestun“
á síðustu stundu
ANDREW Hunter, þingmaður
íhaldsmanna á breska þinginu,
ákvað í gær að „fresta“ því að láta
verða af hótun sinni að nafngreina
þá menn sem grunaðir eru um að
hafa verið valdir að_ sprengjutilræð-
inu í Omagh á N-írlandi á síðasta
ári, þar sem 29 manns létu lífið.
Hunter hafði hugsað sér að nafn-
greina mennina á fundi þingsins í
gær en þegar mjög var þrýst á hann
að láta ekki verða af hótun sinni
leitaði hann sér lögfræðiálits. Akvað
hann að því loknu að „fresta“ áætl-
un sinni en útilokaði ekki að hann
léti verða af ásetningi sínum síðar.
Enginn hefur enn verið ákærður
vegna ódæðisins í Omagh jafnvel
þótt lögreglan á N-írlandi hafi gefið
í skyn að hún viti nokkurn veginn
hverjir tóku þátt í tilræðinu. Hefur
lögreglunni einfaldlega ekki tekist
að afla nægra sannanna á hendur
viðkomandi aðilum. Hunter segir
það svívirðilegt hversu margir
ódæðismenn hafí á undanförnum
áratugum fengið að ganga lausir
þrátt fyrir að í mörgum tilfellum viti
allir hvað þeir hafa á samviskunni.
Hugðist Hunter nýta sér þing-
helgi sína til að fletta ofan af
Omagh-tilræðismönnunum enda
myndi þinghelgin vernda hann gegn
lögsókn sem að öðrum kosti hefði
getað fylgt í kjölfarið.
Hafði Mo Mowlam, N-írlands-
málaráðherra, mjög þrýst á Hunt-
er að láta ekki verða af hótun sinni
enda sagði hún það móðgun við þá
sem fórust í Omagh og einnig við
lögregluna á N-írlandi sem ynni
ötullega að rannsókn málsins.
Sagði hún óttast að Hunter hefði
hugsanlega getað skaðað möguleg-
ar ákærur á hendur ódæðismönn-
unum með uppljóstrunum sínum,
auk þess sem hún ítrekaði að sú
regla yrði að gilda að menn séu
taldir saklausir uns sekt þeirra er
sönnuð.
Oskar Lafontaine kynnir fjárlög sín í Þýzkalandi
Segist vilja stuðla að
atvinnu og stöðugleika
Bonn. Reuters.
OSKAR Lafontaine, fjármáia-
ráðherra Þýzkalands, kynnti í
gær fyrir Sambandsþinginu í
Bonn fyrsta fjárlagafrumvarpið
frá því miðju-vinstristjórn Ger-
hards Schröders tók við völdum
fyrir þremur mánuðum. Sagði
Lafontaine að með þeim aðgerð-
um sem fyrirhugaðar væru í rík-
isfjármálunum yrðu aðstæður
skapaðar til að fjölga störfum og
auka efnahagslegan stöðugleika.
A meðan Lafontaine var í
stjórnarandstöðu var hann
þekktur sem vinstrisinni af
gamla ríkisafskipta-skólanum
sem hvorki vildi lækka skatta né
útgjöld hins opinbera. Nú kvað
hins vegar við annan tón, þegar
ráðherrann hélt sig við þann aga
í fjárlagagerðinni, sem hin hóf-
sama hægristjórn Helmuts
Kohls hafði haldið sig við.
Lafontaine tjáði fréttamönnum
að á nýja árinu væri útlit fyrir að
LAFONTAINE þurfli að sperra eyrun til
að heyra spurningar blaðamanna á
fréttamannafundi í gær.
heldur hægðist á efnahagsbatanum
sem vart varð við á síðasta ári, þeg;
ar hagvöxtur í landinu náði 2,8%. í
ár yrði hagvöxtur sennilega ekki
meiri en 2%.
Lafontaine gerði lítið úr gagn-
rýni þess efnis að fjárlögin legðu
lítið af mörkum til að stuðla að
hagvexti eða að draga úr skuld-
um ríkissjóðs. Hann sagði
stjórnina hafa „erft erfiða stöðu
ríkisfjármála" frá fyrri stjórn.
Sakaður um að fegra
bókhaldið
Fjárlagaramminn hljóðar upp
á um 20.000 milljarða króna.
Gert er ráð fyrir 56,2 milljarða
marka halla á rekstri þýzka rík-
issjóðsins, sem er nærri ná-
kvæmlega sami halli og var á
fjárlögum ársins 1998.
Talsmenn stjórnarandstöð-
unnar sökuðu Lafontaine um að
fegra bókhaldið. Með fjárlaga-
frumvarpi hans myndu útgjöld hins
opinbera hækka um 6,8% en ekki
1,7% eins og stjórnin héldi fram.
r

*tv
<
¥

LANDSÞING
23.- 24. janúar.
að Borgartúni 6
(Rúgbrauðsgerðin)
Dagskrá
Laugardagur 23. janúar.
09:00 Skráning og gögn.
10:00 Þingsetning.
10:30 Ræða.
-Sverrir Hermannsson.
Fiskveiðimál.
-Jón Sigurðsson.
12:30 Hádegishlé.
13:30 Kosningar.
14:30 Framsaga um.
1. Fiskveiðimál.
2. Samfélagsmál.
3. Umhverfismál.
Málstofur starfa.
18:30 Þorramatur.
Sunnudagur 24. janúar.
10:00 Niðurstöður málstofa.
13:30 Kosningar.
13:00 Kjördæmamál.
14:00 Stjómmálaályktun.
15:00 Þingslit.
Við boðum breytingar
FRJÁLSLYNDIFLOIKUBINN
Hliöasmára 10 Kópavogi.
sími 564-6050
V J
Tveir Evrópuþingmenn íhaldsflokksins segja sig úr flokknum
Ursagnirnar setja flokks-
leiðtogann í bobba
TVEIR Evrópuþingmenn brezka
íhaldsflokksins hafa sagt sig úr
flokknum vegna þess að þeir telja
hann vera kominn inn á braut of
mikillar andstöðu við samrunaþró-
unina í Evrópu.
Þingmennirnir, John Stevens og
Brendan Donnelly, hyggjast bjóða
fram í Evrópuþingkosningunum í
júní á nýjum iista í beinni sam-
keppni við sinn gamla flokk.
Er talsmaður Ihaldsflokksins var
inntur álits á úrsögnunum sagði
hann umrædda þingmenn hafa
hvort eð er hafa verið komna út í
horn í þingflokknum og engin eftir-
sjá væri að þeim.
Tímasetning afsagnanna kemur
William Hague, leiðtoga íhalds-
ílokksins, samt sem áður illa eins og
er, því hann er að reyna að styrkja
stöðu sína í leiðtogahlutverkinu með
því að ráðast gegn hinni svoköiluðu
„þriðju leið“ Tonys Blairs forsætis-
ráðherra. Hague býður kjósendum
upp á valkost, sem hann kallar
„brezku leiðina".
Stevens segist hafa ákveðið úr-
sögn sína vegna þess að hann hafí
sannfærzt um að hann gæti ekki
sjálfur varið það fyrir eigin sam-
vizku að greiða íhaldsflokknum at-
kvæði í komandi Evrópuþingkosn-
ingum.
Donnelly rekur ástæður ursagnar
sinnar til þess, að Ihaldsflokkurinn
er að hans mati að vinna sem hemill
á möguleika Bretlands til að geta
orðið aðili að myntbandalaginu, og
slíku vilji hann ekki taka þátt í.
Lengi hefur borið á klofningi í
röðum íhaldsmanna að því er varðar
afstöðuna til Evi’ópusamrunans.
Aform Evrópuþingmannanna
tveggja um að setja á fót nýjan evr-
ópusinnaðan framboðslista íhalds-
manna munu ábyggilega vera
Hague mjög á móti skapi.
Hann hafði talið sér hafa tekizt að
ná friði innan flokksins um Evrópu-
málin; á flokksþingi í fyrra studdi
yfírgnæfandi meirihluti flokks-
manna þá stefnu sem hann markaði
- að Bretland myndi hvað sem öðru
líður vera utan EMU að minnsta
kosti næstu átta árin.
En allnokkrir áhrifamenn í
flokknum, þ.á m. Michael Hes-
eltine, sem eitt sinn var aðstoðar-
forsætisráðherra, og Kenneth Clar-
ke, sem var fjármálaráðherra í
stjórn Johns Majors, eru þeirrar
skoðunar að Hague hafí rígbundið
Evrópustefnu flokksins um of.
Furby-dýr
„d^epast14
með dular-
fullum hætti
London. The Daily Telegraph.
ÚTVARPSMAÐUR í Hampsliire
í Bretlandi hefur verið sakaður
um að hafa „drepið“ fjölmörg
Furby-Ioðdýr, leikföng með
upptökubúnað og tölvukubb
sem gerir þeim kleift að tala og
endurtaka það sem þau heyra.
Fjölmargir hlustendur
hringdu í útvarpsstöð mannsins
og kvörtuðu yfír því að Furby-
loðdýr þeirra hefðu „drepist“
eftir að hafa tekið þátt í tilraun
hans í beinni útsendingu. Hann
hafði beðið hlustendur að setja
leikföngin við útvarpstækin til
að athuga hvort þau gætu hlust-
að á Furby-loðdýr í hljóðstof-
unni. Nokkrum mínútum síðar
þögnuðu loðdýrin eftir að hafa
gefíð frá sér „undarleg hljóð“,
eins og einn hlustendanna, átta
ára stúlka, orðaði það. Hún fór
með loðdýrið sitt í leikfanga-
verslun en afgreiðslufólkinu
tókst ekki að endurlífga það.
Útvarpsmaðurinn, Spencer
Kelly, kveðst saklaus af því að
hafa fargað loðdýrunum og
heldur því frain að þau hafí sjálf
„lagt á ráðin urn að svipta sig
lífí“ með einliverjum dularfull-
um hætti. Útvarpsstöð í Banda-
ríkjunum gerði svipaða tilraun í
morgunþætti sínum og niður-
staða hennar rennir stoðum
undir fullyrðingu Kellys því tvö
Furby-leikföng geispuðu gol-
unni.
„Þetta var stórfurðulegt,"
sagði sfjórnandi þáttarins. „Þau
röbbuðu saman og svo drápust
þau skyndilega. Sjálfur vildi ég
reyna þetta í útsendingu út um
allt, land. Mér fínnst þau hvim-
leiðustu kvikindi í heiminum.“
Fyrirtækið sem framleiðir
leikföngin, Tiger Elect.ronics,
neitaði því að þau hefðu verið
hönnuð þannig að þau gætu
„svipt sig lífi“.
„Þetta hljómar allt svo fárán-
lega,“ sagði talsmaður fyrirtæk-
isins. „Það gleður okkur að
menn skuli sýna leikföngunum
svona mikinn áhuga, en ef til
vill hafa þeir látið ímyndunar-
aflið hlaupa með sig í gönur.“