Morgunblaðið - 12.03.1999, Blaðsíða 1

Morgunblaðið - 12.03.1999, Blaðsíða 1
STOFNAÐ 1913 59. TBL. 87. ARG. FOSTUDAGUR 12. MARZ 1999 PRENTSMIÐJA MORGUNBLAÐSINS Oskar Lafontaine, fjármálaráðherra Þýzkalands, segir óvænt af sér Afsögnin sögð styrkja stöðu Schröders kanzlara Bonn. Reuters. OSKAR Lafontaine, fjármálaráðherra Þýzka- lands og formaður Jafnaðarmannaflokksins SPD, sagði af sér öllum embættum í gær í kjölfar harð- vítugrar valdabaráttu við Gerhard Schröder kanzlara. Með því að víkja einnig úr flokksformanns- stólnum hefur Lafontaine rutt Schröder brautina til að ná fastari tökum á ríkisstjórnarsamstarfi SPD og Græningja. Hin óvæntu tíðindi leiddu umsvifalaust til gengishækkunar á fjármálamörkuðum, einkum á þýzkum ríkisskuldabréfum og evrunni, hinni sameiginlegu Evrópumynt sem Lafontaine var álitinn hafa grafið undan með ítrekuðum áskor- unum um vaxtalækkanir. Reyndar gátu sérfræð- ingar í kauphallarviðskiptum sér þess til, að eftir afsögn Lafontaines hefðu líkurnar aukizt á að Evrópski seðlabankinn tæki ákvörðun um að lækka vexti þar sem ekki yrði lengur hætta á að bankastjórnin liti út fyrir að hafa látið undan pólitískum þrýstingi. Engar ástæður tilgreindar opinberlega í stuttu ávarpi til fjölmiðla sagði Schröder í gærkvöldi að hann myndi tilnefna arftaka í emb- ætti fjármálaráðherra á miðstjórnarfundi SPD fyrir hádegið í dag. „Stöðugleiki stjórnarstarfsins er ekki í hættu," sagði kanzlarinn. Hann svaraði engum spurningum. Reuters OSKAR Lafontaine og Gerhard Schröder Lafontaine tilgreindi engar ástæður fyrir því að hann skyldi hafa ákveðið að draga sig í hlé frá öllum opinberum embættum. En ákvörðunin kom einum degi eftir átakafund í ríkisstjórninni, þar sem kanzlarinn hafði sett ofan í við fjármálaráð- herrann vegna áforma hans um aukna skattlagn- ingu á fyrirtæki. Tilkynningin um afsögnina verkaði sem sprengja í fjármála- og stjórnmálalífi Þýzka- lands, þrátt fyrir að ekki hafi farið fram hjá nein- um að mikil togstreita ríkti milli miðjumannsins Schröders og vinstrimannsins Lafontaines. Hans Eichel, fráfarandi forsætisráðherra sam- bandslandsins Hessen, var kallaður í kanzlara- höllina í Bonn í gærkvöld og samkvæmt heimild- um innan flokksins er talið líklegt að hann verði arftaki Lafontaines í embætti fjármálaráðherra. Búizt er við því að Schröder taki sjálfur við for- mennskunni í flokknum. Eichel hefur á undan- förnum árum farið fyrir samstarfsstjórn SPD og Græningja í Hessen, en hún missti meirihlutann í kosningum í janúar. Vangaveltur um samstarfsflokkaskipti Með ósigrinum í Hessen töpuðu SPD og Græn- ingjar jafnframt meirihluta sínum í Sambands- ráðinu, efri deild þjóðþingsins, og olli það því m.a. að vangaveltur hófust um að SPD kynni að kanna möguleikana á að skipta um samstarfsflokk í stjórninni í Bonn, þ.e. skipta Græningjum út fyr- ir annan hvorn fyrri stjórnarflokka, Frjálsa demókrata eða Kristilega demókrata. Samkvæmt heimildum dagblaðsins Die Welt hafa þessar vangaveltur nú fengið byr undir báða vængi, þar sem Ijóst þyki að Schröder kysi frekar að stjórna í samstarfi við Frjálsa demókrata en Græningja; með slíku samstarfi teldi hann sig eiga meiri möguleika á að framfylgja kreddulausri miðjustefnu. ¦ Lyktir valdabaráttu/26 Vilja ekki norsku háhyrn- ingana Ósló. Morgunblaðið. EIGENDUR japanska sædýra- safnsins, sem fóru þess á leit við norsk stjórnvöld í vikunni að fá að veiða sex háhyrninga við strendur Noregs og flytja þá lifandi til Japans, féllu frá áformum sínum í gær. Ástæðan er talin vera and- staða við áformin í Noregi. Miklar bollaleggingar hófust í norskum fjölmiðlum þegar fyrir lá að Japanarnir ætluðu að veiða dýrin og flytja þau til Japans. Þar áttu þau að laða ferðamenn að skemmti- garði sem nú er í smíðum. Nær öll umhverfis- og dýra- verndunarsamtök í Noregi létu 1 ljós óánægju sína, sem og fulltrúar þeirra stjórnarstofnana sem með málið höfðu að gera. Japanarnir höfðu fyrst samband við Útflutningsráð Noregs og báðu fulltrúa þess að vera sér. innan handar. I gær fékk svo Richard Pedersen, formaður ráðsins, til- kynningu frá japanska fyrirtækinu, þar sem sagði að fallið hefði verið frá áformunum. Kvaðst Pedersen í viðtali við Aftenposten vera feginn að svo hefði farið. Taldi hann það hafa verið einu réttu lausnina. Dómur yfir Petersen staðfestur Þrfrshöfn. Morgunblaðið. EYSTRI landsréttur, áfrýjunar- dómur Færeyja, staðfesti í gær tíu ára óskilorðsbundinn fangelsisdóm yfir John Petersen, sem áður fór með sjávarútvegsmál færeysku landsstjórnarinnar. I nóvember sl. var Petersen dæmdur fyrir að hafa nauðgað sautján ára gamalli stúlku á heimili sínu vorið 1995. Hafði stúlkan leigt íbúð í húsi Petersens. Atburðurinn átti sér stað þegar Petersen stjórnaði sjávarútvegs- málefnum Færeyinga og komu ásakanir þessa efnis fyrst fram í færeyska dagblaðinu Oyggjatíðindi. Petersen, sem er auðugur kaup- sýslumaður, sagði sig úr lands- stjórninni eftir að dómur féll yfir honum sl. haust. Tók þá Jörgin Nicklasen, flokksbróðir Petersens, við embættinu. Forseti Islands í Póllandi FORSETI fslands, Ólafur Ragnar Grímsson, lagði í gær biómsyeig á leiði óþekkta hermannsins f Varsjá, í fylgd Januz Miesyto, prótókoll- stjóra pólska utanríkisráðuneytis- ins og Kristins Árnasonar, sendi- herra. Opinber heimsókn forsetans til Póllands hófst í gærmorgun pg áttu forsetarnir einkafund og sendinefndir, undir forystu utanríkisráðherra ríkjanna, ræddu saman. ¦ Islendingum/6 MorgunblaiMð/Kristinn Nýjar tilraunir til að fá Slobodan Milosevic Júgóslavíuforseta að samningaborði Bclgrad. Reuters. IGOR Ivanov, utanríkisráðherra Rússlands, flaug til Belgrad í gær til fundar við Slobodan Milosevic, for- seta Júgóslavíu. Á fundinum, sem fer fram í dag, mun Ivanov, ásamt Geor- ge Papandreou, utanríkisráðherra Grikklands, reyna að ná Milosevic að samningaborðinu. Allt bendir til þess að friðarumleitanir tengslahópsins svonefnda hafi farið út um þúfur eftir misheppnaða ferð Richard Hol- brookes, sendimanns Bandaríkja- stjórnar, til Belgrad í vikunni. Milosevic hefur alfarið hafnað kröfum ríkja tengslahópsins um að hersveitir Atlantshafsbandalagsins (NATO) gæti friðar í Kosovo og ít- vestrænu ríki tengslahópsins hafa Sterk söguleg tenesl eru á milli ¦ Stálin stinn/27 Ivanov leitast við að ná sáttum rekaði hann afstöðu sína á fundinum með Holbrooke. Igor Ivanov sagðist í gær telja það vera eðlilegan fram- gang friðarferlisins að fá Serba og fulltrúa Kosovo-Albana til að undir- rita sameiginlega yfirlýsingu um sjálfstjórn héraðsins, áður en fjallað yrði um hernaðarlega þáttinn. Hin vestrænu ríki tengslahópsins hafa hins vegar krafist að málefnin verði ekki aðskilin. ítrekaði Ivanov andstöðu Rúss- lands við því að Serbar væru þving- aðir til að hleypa NATO-hersveitum inn í Kosovo. Hann taldi ennfremur 28.000 manna NATO-herlið í Kosovo vera of fjölmennt. Sterk söguleg tengsl eru á milli Rússa, Grikkja og Serba, þar sem þjóðirnar tilheyra rétttrúnaðarkirkj- unni. George Papandreou sagði við komu sína til Belgrad að hann vonað- ist til að hin sögulegu tengsl þjóðanna nýttust við að sannfæra Milosevic um nauðsyn friðarsamninga. Stjómvöld í Moskvu eru talin geta haft úrshtaáhrif á Milosevic. En jafn- framt því er Ijóst að Moskvustjórn hefur oft lýst yfir andstöðu sinni við stefnu Vesturveldanna gagnvart Júgóslavíu. Eru væntingar manna því blendnar hvað fund Milosevics og Ivanovs varðar. Ekki rétt haft eftir Ocalan Stokkhdlmi. Reuters. STJÓRNVÖLD í Tyrklandi sögðu í gær að fréttir tyrk- neskra dagblaða um að Kúrda- leiðtoginn Abdullah Öcalan hefði sagt við yfirheyrslur að fyrrverandi eiginkona sín hefði verið viðriðin morðið á Olof Palme, forsætisráðherra Sví- þjóðar, væru ósannar. Jan Danielsson, sérskipaður ríkis- saksóknari í Palme-málinu, sagði í gær að skilaboðin sem hann hefði fengið frá Tyrkjum væru að „enginn fótur væri fyr- ir fréttunum". Margar kenningar hafa verið uppi um hver hafi myrt Palme og hafa landflótta Kúrdar oft verið nefndir í því sambandi. Grunsemdir hafa einnig beinst að suður-afrísku og ísraelsku leyniþjónustunni.
Blaðsíða 1
Blaðsíða 2
Blaðsíða 3
Blaðsíða 4
Blaðsíða 5
Blaðsíða 6
Blaðsíða 7
Blaðsíða 8
Blaðsíða 9
Blaðsíða 10
Blaðsíða 11
Blaðsíða 12
Blaðsíða 13
Blaðsíða 14
Blaðsíða 15
Blaðsíða 16
Blaðsíða 17
Blaðsíða 18
Blaðsíða 19
Blaðsíða 20
Blaðsíða 21
Blaðsíða 22
Blaðsíða 23
Blaðsíða 24
Blaðsíða 25
Blaðsíða 26
Blaðsíða 27
Blaðsíða 28
Blaðsíða 29
Blaðsíða 30
Blaðsíða 31
Blaðsíða 32
Blaðsíða 33
Blaðsíða 34
Blaðsíða 35
Blaðsíða 36
Blaðsíða 37
Blaðsíða 38
Blaðsíða 39
Blaðsíða 40
Blaðsíða 41
Blaðsíða 42
Blaðsíða 43
Blaðsíða 44
Blaðsíða 45
Blaðsíða 46
Blaðsíða 47
Blaðsíða 48
Blaðsíða 49
Blaðsíða 50
Blaðsíða 51
Blaðsíða 52
Blaðsíða 53
Blaðsíða 54
Blaðsíða 55
Blaðsíða 56
Blaðsíða 57
Blaðsíða 58
Blaðsíða 59
Blaðsíða 60
Blaðsíða 61
Blaðsíða 62
Blaðsíða 63
Blaðsíða 64
Blaðsíða 65
Blaðsíða 66
Blaðsíða 67
Blaðsíða 68

x

Morgunblaðið

Beinir tenglar

Ef þú vilt tengja á þennan titil, vinsamlegast notaðu þessa tengla:

Tengja á þennan titil: Morgunblaðið
https://timarit.is/publication/58

Tengja á þetta tölublað:

Tengja á þessa síðu:

Tengja á þessa grein:

Vinsamlegast ekki tengja beint á myndir eða PDF skjöl á Tímarit.is þar sem slíkar slóðir geta breyst án fyrirvara. Notið slóðirnar hér fyrir ofan til að tengja á vefinn.