Morgunblaðið - 10.06.1999, Blaðsíða 2
2 FIMMTUDAGUR 10. JÚNÍ 1999
MORGUNBLAÐIÐ
-
FRÉTTIR
Skeljungur hf. stefnir stjórn flutningsjöfnunarsjóðs olíuvara
Afturkallaði samþykki við
innflutningi um Akureyri
SKELJUNGUR hf. hefur stefnt stjórn flutnings-
jöfnunarsjóðs olíuvara fyrir Héraðsdóm Reykja-
víkur til að krefjast þess að ógilt verði afturköll-
un sjóðsstjórnarinnar á samþykki við því að
Akureyri verði skilgreind sem innflutningshöfn
olíuvara. Skeljungur hefur áður óskað eftir því að
Eftirlitsstofnun EFTA fjalli um það hvort lög um
flutningsjöfnun olíuvara standist samninginn um
Evrópska efnahagssvæðið. Fyrirtækið greiddi í
íyrra 24 milljónum króna meira í sjóðinn en það
fékk greitt úr honum. Að sögn Kristins hefur
flutningsjöfnunarsjóðurinn rýrt afkomu Skelj-
ungs um milljarða króna í gegnum árin en að
sama skapi hefur sjóðurinn bætt afkomu Olíufé-
lagsins hf.
Flutningsjöfnunarsjóður olíuvara hefur skil-
greint Reykjavík, Hafnarfjörð og Hvalfjörð sem
innflutningshöfn olíuvara. Sjóðsstjórnin sam-
þykkti í lok síðasta árs ósk Skeljungs að telja
Akureyri einnig til innflutningshafna. „Það hefur
þá þýðingu að þá miðast dreifmgarkostnaður við
Akureyri á þeirri olíu sem þangað er flutt inn en
ekki við Reykjavík," segir Kristinn. „Þá er til-
tölulega ódýrara að flytja olíu á alla staði í kring,
t.d. Raufarhöfn, Þórshöfn, Húsavík, Vopnafjörð,
Olafsfjörð og íleiri."
A síðasta ári var málið, að sögn Kristins, tekið
fyrir í stjórn flutningsjöfnunarsjóðsins og beiðni
Skeijungs um að Akureyri yrði innflutningshöfn
samþykkt skilyrðislaust og mótatkvæðalaust.
„Við tókum fyrsta farminn inn í byrjun desember
í fyrra, miðað við okkar markaðshlutdeild á
svæðinu," sagði Kristinn. „Síðan gerist það, að
kröfu fulltrúa keppinauta okkar í flutningsjöfh-
unarsjóði, að málið er tekið fyrir aftur í stjórn-
inni og í febrúar, 2-3 mánuðum eftir að við tókum
inn fyrsta farminn á Akureyri, afturkallaði
stjórnin áður veitta heimild til þess að Akureyri
verði innflutningshöfn.“
Iþyngjandi ákvörðun
með fáar hliðstæður
Kristinn segir þessa ákvörðun eiga sér fáar
hliðstæður. Hér sé um að ræða stjóm sem að
meirihluta til sé tilnefnd af viðskiptaráðherra og
með ólíkindum að hún telji sér heimilt að aftur-
kalla ákvörðun með þessum hætti þegar aftur-
köllunin sé íþyngjandi íyrir Skeljung.
„Við teljum að þessi afturköllun sé ólögmæt og
höfum stefnt stjórn flutningsjöfnunarsjóðs til
þess að þola það að þessi afturköllun verði gerð
ógild,“ sagði Kristinn.
Fulltrúar olíufélaganna hafa hver um sig 1/3 úr
atkvæði í stjórninni en tveir stjórnarmenn eru
tilnefndir af ráðherra, þeir Georg Ólafsson, for-
maður, og Jón Ögmundur Þormóðsson, skrif-
stofustjóri í viðskiptaráðuneytinu.
Breytingin jók greiðslur
til Skeljungs
Kristinn sagðist telja að ákvörðunin hefði verið
tekin undir þrýstingi frá samkeppnisaðilum
Skeljungs. Reglur flutningsjöfnunarsjóðsins eru
flóknar og miðast við ekna eða siglda kílómetra
við flutning á olíuvöram. Kristinn segir að þótt
greiðslur í sjóðinn hafí ekki breyst að ráði við það
að Akureyri yrði innflutningshöfn þá hafi úthlut-
unin til fyrirtækjanna breyst á þann hátt að
greiðslur til Skeljungs hafí aukist en greiðslur til
annarra minnkuðu að sama skapi.
Skeljungur greiddi í fyrra 24 milljónir króna
inn í sjóðinn umfram það sem félagið fékk út.
Auk dómsmálsins hefur félagið fyrir um það bil
hálfu ári kært löggjöfina um flutningsjöfnun olíu-
vara til Eftirlitsstofnunar EFTA. „Við fórum
fram á álit stofnunarinnar á því hvort þessi
gömlu lög, sem eru að stofni til ættuð frá lokum
heimsstyrjaldarinnar, færu í bága við samning-
inn um Evrópska efnahagssvæðið. Þar er málið
nú til meðferðar."
Áhrif á afkomu félaganna
Kristinn segir að um 600 milljónir séu nú inn-
heimtar í sjóðinn árlega og í kærunni til ESA
komi fram að á 10 ára bili frá 1986-1996 hafí
sjóðurinn skekkt afkomu Skeljungs gagnvart afí
komu Olíufélagsins hf. um 800 milljónir króna. „í
gegnum tíðina nemur þetta milljörðum," sagði
Kristinn. „Þetta hefur alltaf haft áhrif á afkomu-
tölur félaganna. Við höfum alltaf sýnt sem svarar
mismuninum okkur í óhag lakari afkomu en þeir
betri afkomu sem svarar mismuninum út úr
sjóðnum þeim í hag.“
Þurfti dóm til
að feðra börn
látins manns
HÉRAÐSDÓMUR Reykjaness
kvað í gær upp þann dóm að látinn
maður skuli teljast faðir tvíbura,
sem sambýliskona hans gekk með
þegar hann dó og ól nokkru eftir
andlát mannsins. Þótt maðurinn
hefði áður en hann lést af slysförum
veitt skriflegt samþykki íyrir og
verið viðstaddur tæknifrjóvgunar-
meðferð á konunni taldi sýslumaður
í Kópavogi ekki hægt að úrskurða
hann föður bamanna án þess að
málið færi íyrir dóm.
Eftir að bömin fæddust í lok síð-
asta árs neitaði sýslumaðurinn í
Kópavogi að lýsa hinn látna mann
fóður þeirra. Sýslumaðurinn vísaði
til stuðnings neitun sinni í 3. grein
barnalaga, þar sem segir að sam-
búðarmaður, sem samþykkt hafi
skriflega og við votta að tækni-
frjóvgun fari fram á sambýliskonu
hans með sæði úr öðrum manni,
skuli teljast faðir barns sem þannig
er getið. Þessar kröfur um sam-
þykki taldi sýslumaður ekki upp-
fylltar.
Eins og lög kveða á um höfðaði
móðirin því, fyrir hönd tvíburanna,
mál gegn eftirlifandi syni hins látna,
fyrir hönd dánarbús hans, og gerði
þá kröfu að viðurkennt yrði með
dómi að sá látni væri faðir tvíbur-
anna.
Af hálfu dánarbúsins var ekki
dregið í efa að maðurinn hefði verið
faðir drengjanna, en á hinn bóginn
mótmælti dánarbúið því að það yrði
krafið um greiðslu á málskostnaði
móðurinnar. Kvaðst sonurinn á eng-
an hátt hafa staðið í vegi fyrir því að
drengirnir yrðu rétt feðraðir og
kvaðst telja óeðlOegt að hann yrði
látinn bera kostnað af því, að skil-
yrði laga fyrir feðrun barna væru
með þeim hætti, að dómur sé nauð-
synlegur til feðrunar undir þessum
kringumstæðum.
I niðurstöðum Ólafar Pétursdótt-
ur dómstjóra segir að til viðbótar við
samþykki mannsins við upphaf með-
ferðar hafi Þórður Óskarsson læknir
litið á það sem samþykki mannsins
við tæknifrjóvgun að hann lét í té
sæðisprufu til notkunar við frjóvg-
unina og að hann hafi verið við-
staddur alla meðferðina. Læknirinn
telji ekki vafa undirorpið að maður-
inn sé faðir tvíburanna.
Þá var hvorum aðila, móðurinni og
dánarbúinu, gert að bera sinn kostn-
að af rekstri málsins en móðirin fékk
gjafsókn og var lögmannskostnaður
hennar greiddur úr ríkissjóði.
Morgunblaðið/Þórarinn
Leikskóla-
kennarar í
Kópavogi fá
betri samning
LEIKSKÓLAKENNARAR í Kópa- L
vogi sem sagt höfðu upp störfum frá j
og með 1. maí sl. hafa margir dregið
uppsagnir sínar til baka þar sem P
bæjarstjórn hefur boðið þeim betri
samning. Leikskólakennarar í Kópa-
vogi hafa verið mjög óánægðir með
kjör sín og talið að ýmis sveitarfélög |
í nágrenni Kópavogs hlúi betur að
leikskólakennurum sínum.
í framhaldi af uppsögnum leik-
skólakennaranna sendi bæjarráð
þeim bréf þar sem boðinn var betri L
samningur og virðist sem flestir séu
sáttir við það tilboð. Á þriðjudag var j
sett á laggirnar sérstök leikskóla- I
nefnd hjá Kópavogsbæ og sagði
nýráðinn formaður nefndarinnar,
Sigurrós Þorgrímsdóttir, að leik-
skólakennurum hefði verið boðinn
ágætur samningur og þeir væi'u
byrjaðir að draga uppsagnir sínar til
baka. Hún gat ekki tjáð sig um ein-
stök samningsatriði og sagði það
ekki liggja á borðinu hversu margir i
væru búnir að draga uppsagnir sínar
til baka en það kæmi í ljós í dag.
Lést í
bílslysi
PILTURINN sem lést í bílslysinu
á Reykjanesbraut á þriðjudags-
kvöld, er bifreið hans lenti í
árekstri við vöruflutningabifreið,
hét Rafn Kristinsson, sautján ára,
til heimilis að Brekkubyggð 52 í
Garðabæ. Rafn var fæddur 30.
október árið 1981. Hann var nem-
andi í Menntaskólanum í Reykja-
vík og hafði lokið öðru námsári
sínu í skólanum.
I skjóli
skógar
HÚN aðhafðist nokkuð, stúlkan
sem leyndist í skjóli skógar í Hús-
dýragarðinum í gær. Ekki harm-
aði hún heimsókn ljósmyndarans
líkt og sekir skógarmenn til forna
heimsóknir njósnara er komust á
snoðir um ferðir þeirra, enda var
ekkert sem rak hana til skógar
annað en vinnugleði og smekkur
fyrir snyrtilegu umhverfi.
Tími sumarblómanna er geng-
inn í garð og nær senn hámarki
grænum fingrum til gleði.
Sérbiöð í dag
Morgunblaðsins
Sérblad um viðskipti/atvinnulíf
... , Með Morgun-
blaðinu í dag er
dreíft blaði frá
Ræsí,
„Mercedes-
Benz. Til að
® mæta nýjum
kröfum í nýjum
Tll ið mœt« nfjum kröfum (nýjum heiml... heimi...“ Blað-
inu er dreift á
höfuðborgar-
1 svæðinu.
Danir úr leik á HM
í Egyptalandi/B6
Christian Vieri seldur til
Inter fyrir metfé/B8
Fylgstu
með
nýjustu
f réttum
www.mbl.is