Morgunblaðið - 23.06.1999, Page 50

Morgunblaðið - 23.06.1999, Page 50
í50 MIÐVIKUDAGUR 23. JÚNÍ 1999 MORGUNBLAÐIÐ BRÉF TIL BLAÐSINS Hundalíf Ljóska Smáfólk IM ON MY OU)N ONE-YARP LINE ..THE COUNT IS THREE ANP TWO..THE EI6HTEENTH HOLE IS A PAR FIVE UIITH WATERIN FR0NT..0NE 5EC0NP LEFT ON THE 5HOT CLOCK..THE FACE-OFF 15 IN OIIR ZONE..FORTY-LOVE, MATCH POINT... Ég er stödd í eigin markteig og staðan er 3:2....Átjánda holan er par 5 með glompu fyrir framan...Ein sekúnda eftir á skotklukkunni... Uppgjöfin er okkar megin...Fjörutíu - ást, jöfnunarstig... Ertu í vandræðum með fyrstu spurninguna, herra? Og staðan er sjö - tíu í tíunda ramma! Kringlunni 1 103 Reykjavík • Sími 569 1100 • Símbréf 569 1329 Hver er til- gangurinn? Frá Aðalheiði Jónsdóttur: YFIRLÝSINGAR Ingibjargar Sól- rúnar Gísladóttur um að Samfylk- inguna hafí skort heildstæða fram- tíðarsýn o.fl. eru athyglisverðar. Hver er tilgangurinn? Er hún að svara kalli Agústs Einarssonar sem vildi strax eftir kosningar stofna nýj- an stjórnmálaflokk og fá Ingibjörgu Sólrúnu fyrir formann? Var það kannski að mati borgarstjóra til að skaða Samfylkinguna að gefa ekki yfirlýsingu um að hún ætlaði að sækja um inngöngu í ESB eins og hún og mágur hennar sögðust vilja gera og hrópuðu hátt um fyrir kosn- ingar? Ef ég man rétt var það einmitt eftir þetta útspil þeirra sem fylgi Samfylkingarinnar fór verulega að dala. Það voru fjölmargir sem sögðust styðja Samfylkinguna en vilja ekki ganga í ESB. Þetta útspil háttvirts borgarstjóra og Össurs Skarphéðinssonar hafði því gagn- stæð áhrif við það sem þau munu hafa ætlast til. Það eru sem sé ekki allir fúsir til að afsala sér fullveldinu í hendur valdaklíkunnar í Brussel og finnst nú þegar nóg hafa verið gert með EES-samningnum, sem sumir hafa gjama lofsungið meira en efni standa til, og vesalings ríkisstjómin margsinnis orðið uppvís að því að vita ekkert hvað hún má gera og hvað ekki. Borgarstjóri hefur lýst því yfir að landsmálapólitíkin sé henni hugleik- in en hún ætli samt að gegna borgar- stjóraembættinu út kjörtímabilið. En burt séð frá öllu þessu fæ ég ekki séð að samanburðarfræði borgar- stjóra hvað varðar Samfylkinguna og R-listann fái staðist þar sem Framsóknarflokkurinn stóð líka að R-listanum og þá klofnuðu hvorki Kvennalisti né Alþýðubandalag eins og nú gerðist. Enginn er ómissandi, segir ein- hvers staðar, ekki heldur Ingibjörg Sólrún. Það er skoðun mín að Sam- fylkingin nái góðri siglingu án henn- ar forystu og ég fæ ekki betur séð en hún hafi staðið sig vel miðað við að- stæður, þar sem sumir fyrrverandi samherjar snera sinni kosningabar- áttu einkum gegn henni og reyndu að gera hana tortryggilega. Mér sýn- ist að Ingibjörg Sólrún Gísladóttir geti þess vegna áhyggjulaus haldið sig á heimalyklunum, það er að segja borgarstjórastólnum, ef henni verð- ur veitt áframhaldandi umboð. Þau ummæli borgarstjóra að Samfylk- ingin hafi rekið neikvæða kosninga- baráttu og dregið upp of dökka mynd af þjóðfélaginu, þar sem ríkis- stjórnin hafi ekki gert nein veraleg mistök, era vægast sagt furðuleg. Era það ekki alvarleg mistök eða jafnvel glæpur að skipta þjóðarkök- unni þannig að tugir þúsunda lifa undir sultarmörkum og verða að leita til hjálparstofnana til að geta lifað? Hvar hefur borgarstjóri verið undanfarin misseri? Hefur hún kannski lifað í fílabeinsturni og hvorki heyrt né séð það sem hefur verið að gerast í þjóðfélaginu? Lof- söngur hennar um ríkisstjómina og gagnrýni á Samfylkinguna benda eindregið til þess. Maður getur að sjálfsögðu látið sér detta í hug að ríkisstjómarflokkarnir þurfi ekki að kvíða harðri gagnrýni eða kosninga- baráttu næst ef Ingibjörg Sólrún Gísladóttir verðm- hið leiðandi afl á vinstri vængnum. Lofsöngur borgarstjóra um ríkis- stjórnina og óeðlileg gagnrýni á Samfylkinguna vekja upp ýmsar spurningar sem ekki verður svarað hér en kannski á háttvirtur borgar- stjóri eftir að svara þeim. AÐALHEIÐUR JÓNSDÓTTIR, Furugerði 1, Reykjavík. Þj óðaratkvæðagreiðslu um atkvæðavægi Frá Guðmundi Rafni Geirdal: SAMKVÆMT fréttum hefur Alþingi nýlega samþykkt lög um kosningar og kjördæmaskipan. Að sjálfsögðu ber að fagna betrumbótum á fyrri skipan og að misvægi í atkvæðum hafi minnkað úr um 3,5 niður í um 1,8. En það þýðir að misvægi er enn við lýði! Hvernig er hægt að sætta sig við það að einn kjósandi hafi at- kvæðavægið 1 og annar 1,8? í öllum félögum er það við lýði að allir hafi sama atkvæðavægi, sama hvort hann sé Jón eða séra Jón. Á grandvelli þess er kosið í stjóm. Hvers vegna á það að vera öðru vísi í þjóð-félagi sem þar að auki státar af því að vera svo lýðræðislegt? Að sjálfsögðu ætti kjósandi á einum stað á landinu að hafa sama rétt og annars staðar á landinu. Þetta er spurning um jafnrétti. í 65. grein stjórnarskrárinnar segir: ,Alhr skulu vera jafnir fyrir lögum og njóta mannréttinda án tillits til kynferðis, trúarbragða, skoðana, þjóðernisuppruna, kynþáttar, litar- háttar, efnahags, ættemis og stöðu að öðra leyti. Konur og karlar skulu njóta jafns réttar í hvívetna.“ Þarna mætti bæta við: kjósendur skulu njóta jafns réttar í hvívetna. Kosningaréttur eru ein helstu mannréttindin í lýðræðisríki og fjalla um rétt einstaklingsins til að kjósa ákveðna aðila í stjóm þjóð-félagsins. Fyrst að ekki er tryggt jafnrétti í hinum nýsamþykktu lögum legg ég til að þau séu ekki undirrituð af for- seta Islands, Ólafi Ragnari Gríms- syni, sem eitt sinn barðist fyrir hag þeirra sem minna mega sín. Þannig legg ég til að fram fari undirskriftar- söfnun þar sem þessu ójafnrétti er mótmælt. Einnig legg ég til að Ólafur sé hvattur með beinum hætti til að nýta rétt sinn í 26. grein stjömar- skrárinnar þar sem segii' meðal ann- ars: „Nú synjar forseti lagafram- varpi staðfestingar, og fær það þó engu síður lagagildi, en leggja skal það þá svo fljótt sem kostur er undir atkvæði allra kosningarbærra manna í landinu til samþykktar eða synjun- ar með leynilegri atkvæðagreiðslu.“ GUÐMUNDUR RAFN GEIRDAL, skólastjóri og fyrrv. forsetaframbjóðandi. Allt efni sem birtist í Morgunblaðinu og Lesbók er varðveitt í upplýsinga- safni þess. Morgunblaðið áskilur sér rétt til að ráðstafa efninu þaðan, hvort sem er með endurbirtingu eða á annan hátt. Þeir sem afhenda blaðinu efni til birtingar teljast samþykkja þetta, ef ekki fylgir fyrirvari hér að lútandi.

x

Morgunblaðið

Direct Links

If you want to link to this newspaper/magazine, please use these links:

Link to this newspaper/magazine: Morgunblaðið
https://timarit.is/publication/58

Link to this issue:

Link to this page:

Link to this article:

Please do not link directly to images or PDFs on Timarit.is as such URLs may change without warning. Please use the URLs provided above for linking to the website.