Morgunblaðið - 25.06.1999, Blaðsíða 16
16 FÖSTUDAGUR 25. JÚNÍ 1999
MORGUNBLAÐIÐ
AKUREYRI
Framkvæmdir við byggingu nýja skautahússins við Naustaveg á Akureyri að hefjast
Húsið skiptir öllu
máli fyrir félagið
FYRSTU skóflustungumar að
nýrri skautahöll á Akureyri voru
teknar í vikunni en mannvirkið
verður reist á svæði Skautafélags
Akureyrar við Naustaveg. Magnús
Finnsson, formaður Skautafélags
Akureyrar, sagði að tilkoma
Café Karolína
Halla sýnir
kiippimyndir
HALLA Einarsdóttir opnar
myndlistarsýningu á Café Kar-
olínu á Akureyri í dag, laugar-
daginn 26. júní, og er þetta
önnur einkasýning hennar.
Þar sýnir Halla klippimynd-
ir sem allar eru unnar á þessu
ári og því síðasta en myndefnið
er konur og kettir. Allir eru
velkomnir á sýninguna, sem er
opin á opnunartima Café Kar-
olínu og stendur til 17. júlí.
skautahússins skipti öllu máli fyrir
félagið og þýddi jafnframt að
skautaíþróttin gæti orðið alvöm
íþrótt.
Magnús sagði að fram að þessu
hafi ekki verið hægt að stunda
íþróttina af neinni alvöru og oft hafi
komið til þess að íresta þurfti ís-
hokkíleikjum félagsins. Nú væri
hins vegar hægt að koma á meiri
festu í starf félagsins. Magnús sagði
að eftir að skautahöll var reist í
Reykjavík hafi áhugi ungmenna á
íþróttinni aukist til muna og hann
vonast eftir sömu þróun á Akureyri.
Verksamningur milli Akureyrar-
bæjar og SJS verktaka ehf. var
undirritaður íyrr í mánuðinum en
fyrirtækið tekur að sér hönnun og
byggingu hússins. Kostnaður við
verkið er um 190 milljónir króna.
Samkvæmt verksamningi skal hús-
ið vera hæft til skautaæfinga þann
13. nóvember nk. en húsinu að fullu
lokið þann 1. mars á næsta ári.
Verklok eru áætluð 28. júlí árið
2000.
Morgunblaðið/Kristján
KRISTJÁN Þór Júlíusson, bæjarstjóri á Akureyri, og Guðmundur Pétursson og Ingólfur Ármannsson, heið-
ursfélagar Skautafélags Akureyrar, tóku fyrstu skóflustungumar að nýju skautahúsi á svæði félagsins.
Tal hf. tekur f notkun gsm-sendi hjá Akureyri
Ætlum að þjona öllu
atvinnusvæðinu
Morgunblaðið/Kristján
SIGURÐUR J. Sigurðsson, forseti bæjarstjórnar Akureyrar, vígir hinn
nýja gsm-sendi Tals hf. með því að hringja í Sturlu Böðvarsson, sam-
gönguráðherra. Sigurði á vinstri hönd er Arnþór Halldórsson, fram-
kvæmdastjóri sölu- og markaðssviðs Tals hf.
Menntaskólinn á Akureyri fagnar
120 ára afmæli á næsta ári
Málstefna um
íslenska tungu
í lok aldar
TAL hf. tók í gær formlega í notk-
un sendi sem komið hefur verið
upp við bæinn Halland, gegnt
Akureyri, og Akureyringar og
nærsveitamenn urðu þar með
fyrstir til að geta nýtt sér gsm-
þjónustu fyrirtækisins utan höfuð-
borgarsvæðisins.
„Við höfum nú formlega tekið í
notkun gsm-sendi sem þjónar
Akureyringum og sveitunum í
kring,“ sagði Arnþór Halldórsson,
framkvæmdastjóri sölu- og mark-
aðssviðs Tals hf., á blaðamanna-
fundi á Akureyri síðdegis í gær.
Hann upplýsti jafnframt að sendir-
inn næði um það bO 15 kílómetra í
suður og norður; fram og út fjörð-
inn, eins og Eyfirðingar tala um.
Amþór sagði jafnframt að unnið
yrði að því að auka útbreiðsluna á
Norðurlandi. „Við erum vissir um
að viðbrögð neytenda verða góð -
og því er ætlun okkar að geta
þjónað öllu þessu atvinnusvæði,"
sagði Arnþór.
Hann upplýsti að gsm-dreifis-
væði Tals næði þar með til yfir
80% landsmanna. „í rekstrarleyfi
Tals, sem gefið var út 1997, voru
sett skilyrði um að dreifisvæði fyr-
irtækisins næði til 80% lands-
manna í síðasta lagi árið 2001, en
nú hefur það tekist á fimmtán
mánuðum, helmingi fyrr en áætlað
var, og Tal er því tveimur árum á
undan áætlun í uppbyggingu
dreifisvæðis síns. Mörgum þóttu
skilyrðin ströng á sínum tíma, en
viðtökur neytenda hafa gert okkur
kleift að byggja gsm-kerfið svo
hratt upp. Það hefur fengið gríðar-
lega góð viðbrögð neytenda.“
Hann sagði fyrirtækið myndu
„þétta kerfið og stækka út-
breiðslusvæðið. Viðskiptavinir
Tals urðu 20 þúsund fyrir skömmu
og fyrirtækið hefur nú náð um
20% hlutdeild á gsm-markaði, en
ég á von á að við verðum komnir
með um 25% markaðshlutdeild, að
minnsta kosti, áður en langt um
líður."
Það var Sigurður J. Sigurðsson,
forseti bæjarstjórnar Akureyrar,
varð fyrstur til að hringja úr far-
síma á vegum Tals hf. í höfuðstað
Norðurlands; vígði þar með nýja
sendinn, þegar hann hringdi í St-
urlu Böðvarsson, samgönguráð-
herra, sem staddur var á skrif-
stofu sinni í Stjórnarráðinu í
Reykjavík. Sigurður tilkynnti ráð-
herranum í upphafi samtalsins að
Tal væri komið norður, en sagði
svo brosandi: „En það er ekki nóg
að fá síma, við verðum líka að fá
meiri vegi hérna fyrir norðan - og
göng til Siglufjarðar!"
EFNT verður til málstefnu um
stöðu íslenskrar tungu í lok aldar, í
tilefni 120 ára afmælis Menntaskól-
ans á Akureyri á næsta ári. Tryggvi
Gíslason, skólameistari, greindi frá
þessu í ræðu sinni við skólaslit 17.
júní.
Eiginlegur afmælisdagur skólans
er 1. október, því þann dag var skóli
fyrst settur að Möðruvöllum í Hörg-
árdal, og 1. október á næsta ári fer
málstefnan fram. Tryggvi sagði
margar ástæður fyrir því að slík
málstefna væri haldin á vegum skól-
ans, meðal annars þá að skólinn
hefði frá upphafi lagt sérstaka
áherslu á íslensku, íslenska sögu og
íslenskar bókmenntir. „I öðru lagi á
málstefnan að meta hvernig elsta og
fornlegasta þjóðtunga í Evrópu
gegnir hlutverki sínu sem félagslegt
tjáningartæki í margskiptu upplýs-
ingaþjóðfélagi."
I þriðja lagi, segir Tryggvi, er
efnt til þessarar málstefnu um stöðu
íslenskrar tungu í lok aldar vegna
aukinna áhrifa nýrrar upplýsinga-
tækni á líf okkar. „Upplýsingatækn-
in eykur samskipti og samvinnu ein-
staklinga og þjóða og þessi auknu
samskipti reyna á þol fámennra
málsamfélaga. Alþjóðaþing málvís-
indamanna í Atlanta árið 1994
komst að þeirri niðurstöðu að innan
100 ára yrðu aðeins 5% af þeim 6500
tungumálum, sem nú eru töluð í
heiminum, „lifandi“ tungumál, þ.e.
tungumál sem næðu til allra þátta
mannlífsins - hin tungumálin sex
þúsund talsins væru annaðhvort
með öllu útdauð ellegar aðeins töluð
í eldhúsinu heima.“
Tryggvi sagði jafnframt: „I fjórða
lagi er efnt til þessarar málstefnu
vegna breytinga sem orðnar eru á
íslensku þjóðfélagi, bæði vegna al-
þjóðahyggjunnar svo og vegna
breyttra viðhorfa til eignarhalds og
fjármálastjórnar þar sem arður af
fjármagni er settur ofar öðrum
hagsmunum - hvort sem við köllum
þetta frjálshyggju eða nýkapítal-
isma. Þessar breytingar hafa þegar
haft í för með sér byltingu í at-
vinnuháttum og búsetu og er þeim
breytingum ekki lokið enn. Stefnir
allt í þá átt að innan aldarfjórðungs
búi 90% landsmanna, um 300 þús-
und manns - á hinu eiginlega höfðu-
borgarsvæði sem nær frá Þjórsá í
austri að Hvítá í Borgarfirði í vestri
en á þessu svæði búa nú um 200
þúsund manns - eða 75% lands-
manna. Er engin höfuðborg í heimi
sem getur mælt sig við Reykjavík í
þessum efnum. Þessi breyting á bú-
setu hefur að sjálfsögðu áhrif á
skólahald í landinu, eins og allt ann-
að, og er fyrirsjáanlegt að skólum
fækkar á landsbyggðinni, því að
ungu fólki á landsbyggðinni fækkar,
og nemendum fækkar einnig í þeim
skólum sem eftir verða. Enda þótt
Menntaskólinn á Akureyri hafi
hingað til staðið af sér áföll bú-
seturöskunar hefur nemendum á
hefðbundnu upptökusvæði skólans
fækkað um fimmtán þúsund manns
undanfarna tvo áratugi. Nú eru því
að minnsta kosti um 200 færri nem-
endur í skólanum en hefðu verið ef
fólksfjölgun hefði verið jöfn á land-
inu. Þessi fækkun nemenda hefur
það í för með sér að störf á Akur-
eyri eru tuttugu færri en ella hefðu
verið.
Málstefnan um stöðu íslenskrar
tungu í lok aldar er því einnig haldin
til þess að vekja athygli á starfi
Menntaskólans á Akureyri. Skólinn
á undir högg að sækja, eins og allar
stofnanir úti á landi og landsbyggð-
in öll. Stefnt er að því að gera
Menntaskólann á Akureyri að
landsmenntaskóla og bjóða nemend-
um alls staðar að af landinu - og þá
ekki síst af höfuðborgarsvæðinu -
vist í traustum heimavistarmennta-
skóla úti á landi. Þetta gæti orðið
liður í að efla búsetu í landinu - ef
stjórnvöld þekktu sinn vitjunartíma
- en þá þarf að vera unnt að bjóða
öllum aðkomunemendum vist í nú-
tímalegri heimavist eins og í ráði er
að reisa við skólann, ef tekst að fella
þau ljón sem á veginum eru.“
Bæjarráð styrkir Halló Akureyri
BÆJARRÁÐ Akureyrar hefur
samþykkt að veita Markaðsskrif-
stofu Akureyrar styrk að upp-
hæð 350.000 til markaðs- og
kynningarstarfsemi í tengslum
við hátíðina Halló Akureyri.
Jafnframt samþykkti bæjar-
ráð að fulltrúar frá íþrótta- og
tómstundaráði, ráðgjafardeild og
umhverfisdeild komi að stjórnun
verkefnisins fyrir hönd bæjarins.
Áður hafði bæjarráð samþykkt
erindi frá Ferðamálafélagi Ákur-
eyrar, þar sem félagið óskaði eft-
ir heimild til þess að fella götu-
og torgsölu í miðbænum undir
skipulag hátíðarinnar Halló
Akureyri.
Bæjarráð samþykkti að taka
frá alla sölureiti sem ekki eru í
fastri útleigu í göngugötunni
Hafnarstræti og á Ráðhústorgi
dagana 29. júlí til 2. ágúst og
veitti Ferðamálafélaginu heimild
til að ráðstafa þeim til einstakra
söluaðila og fella þá undir skipu-
lag Halló Akureyri.