Morgunblaðið - 25.06.1999, Blaðsíða 56
> 56 FÖSTUDAGUR 25. JÚNÍ 1999
FÓLK í FRÉTTUM
MORGUNBLAÐIÐ
Einu tónleikar Rússibananna í sumar
rv, FJÖRUGIR tónar munu óma í Kaffileikhúsinu
um helgina þegar Rússibanarnir stilla saman
strengi sína og verður þetta eina tækifæri sum-
arsins til að hlýða á hljómsveitina. Harmon-
ikkuleikari sveitarinnar, Tatu Kantomaa, er á
leiðinni til frekara náms í Hannover í Þýska-
landi og hyggjast sveitarmeðlimir kveðja hann
með pomp og prakt á kveðjutónleikum á föstu-
dagskvöldið, en á laugardagskvöldið verður efnt
til stórdansleiks að hætti sveitarinnar.
Kjartan Guðnason, trommuleikari sveitarinn-
ar, er nýkominn til landsins úr námi í Hollandi
og mun því hljómsveitin verða skipuð öllum sín-
um fóstu liðsmönnum sem eru auk ofantalinna
þeir Guðni Franzson klarinettuleikari, Einar
Kristján Einarsson gítarleikari og Jón Skuggi
bassaleikari.
Einar Kristján, gítarleikari sveitarinnar, seg-
' ■* ir að ljóst sé að Tatu Kantomaa muni ekki leika
með Rússibönunum um hverja helgi þegar hann
verður kominn á fullt í náminu í Þýskalandi en
þó sé ekki loku fyrir það skotið að sveitin muni
geta komið saman til hátíðabrigða af og til
næsta vetur. „En núna er Kjartan trommuleik-
ari að koma til landsins svo þetta verða góðir
endurfundir um helgina,“ segir Einar.
- Nú eru Rússibanaböllin þekkt fyrir mikið
fjör, en heldurðu að gestirnir haldist í sætunum
á tónieikunum á fóstudaginn?
„Já, ég held að það sé bara skemmtileg til-
breyting að spila á tónleikum. Við höfum haldið
* tónleika úti á landi og svo vorum við með út-
gáfutónleika í Ópenmni og fólk var mjög ánægt
með það. Eg held að tónlistin bjóði upp á bæði
tónleika og dansleiki."
Morgunblaðið/Arnaldur
RUSSIBANAR. Frá vinstri Kjartan Guðnason, Guðni Franzson, Jón Skuggi,
Einar Kristján og Tatu Kantomaa.
- Gesth-nir verða kannski með smáfíðring í
fótunum.
„Já, við verðum bara að róa það niður,“ segir
Einar og bætir við að hugsanlega verði rólegri
lögunum gert hærra undir höfði á föstudaginn.
„En ef menn eru í miklu stuði verða kannski
tekin einhver sólónúmer."
- Er þá mismunandi dagskrá fyrir kvöldin?
„Elskan mín, það er aldrei tími til að æfa nýtt
efni, þetta er svo upptekin hljómsveit, en við spil-
um helstu skrautfjaðrimar á tónleikunum“ segir
Einar kíminn. „En eftir helgina þegar Tatu er
farinn til Þýskalands leggst hljómsveitin undh-
feld og svo er á dagskránni að hittast í haust og
æfa upp nýtt efni og undirbúa veturinn."
- An harmonikkunnar?
„Ja, það er nú allt óljóst. Við vonumst nú til
að Tatu komi af og til í heimsókn og spili með
okkur þá, en við höfum nokkra afleysingamenn
sem hafa hlaupið í skarðið þegar einhvern okk-
ar vantar.“
- Pið eruð aliir mjög virkir tónlistarmenn og
spilið víða á eigin vegum. Eru Rússibanarnir
ykkar aðferð til að fara á djammið?
„Það sér nú aldrei vín á nokkrum manni í
þessari hljómsveit,“ segir Einar hlæjandi.
-Allir með þverslaufur?
„Nei, nei. En það var nú ekki farið af stað
með nein langtímaplön þegar við byrjuðum fyr-
ir rúmum þremur árum en svo hefur þetta verið
besta skemmtun. En við erum allir uppteknir
menn og vera okkar í Rússibönunum ekki okk-
ar aðalstarf. En við látum gamanið ráða ferð-
inni í hljómsveitinni.“
- Þú lofar rosafjöri um helgina í Kaffíleikhús-
inu?
„Já, það hefur alltaf verið mjög gaman á
þessum samkundum og engin ástæða til að ætla
að ekki verði það sama upp á teningnum núna
sem endranær,“ segir Einar að lokum og blaða-
maður hugsar sér gott til glóðarinnar að hrista
af sér vetrar- og vorrigningardrungann og
komast í almennilegt sumarskap, enda með
fiðring í fótum.
KVIKMYNDIR/Bíóhöllin, Kringlubíó, Regnboginn, Nýja bíó á Akureyri og Nýja bíó í Keflavík frum-
sýna The Matrix með Keanu Reeves, Laurence Fishburne og Carrie-Anne Moss í aðalhlutverkum.
Þegar hver sekúnda
skiptir sköpum
HEFUR þig einhvern tíma
dreymt draum sem þú ert
viss um að sé raunveruleg-
ur? Hvað ef þú gætir ekki vaknað?
Hvemig myndirðu vita muninn á
draumaveröldinni og raunveru-
leikanum? Neo (Keanu Reeves)
hefur margtoft spurt sig þessara
spuminga og hann kvelst að vita
ekki svarið og geðheilsu hans er
alvarlega ógnað. Hann trúir því að
Morpheus (Laurence Fishburne),
( persóna sem hann þekkir aðeins í
gegnum sögusagnir og er sagður
hættulegasti maður veraldar, geti
gefið honum svörin sem hann leit-
ar eftir.
Hin fagra en ókunna Trinity
(Carrie-Anne Moss) hefur sam-
band við Neo og leiðir hann inn á
óþekkt svæði annars heims þar
sem hann hittir loks hinn dular-
fulla Morpheus. I sérkennilegum
draumkenndum heimi há Neo,
Morpheus og Trinity baráttu við
ókunn öfl og fjölda yfimáttúrulega
_j greindra leyniþjónustumanna.
Hver hreyíing, hver sekúnda og
hver hugsun skiptir öllu máli í
þeim hildarleik þegar Neo hefur
uppgötvað leyndarmál frumfylkis-
ins (Matrix).
Kvikmyndin The Matrix hefur
vakið mikla athygli vestanhafs og
slegið met í aðsókn. Mikið hefur
■“Tverið rætt um hugmyndafræði
myndarinnar og þykir tæknilega
INEjU Og HUU'J
óþekktum heimi
NEO er leikinn
hliðin og útlit mynd-
arinnar einstaklega
vel heppnuð. Miklar
umræður hafa
spunnist á Netinu um
innihald og söguþráð
myndarinnar sem
þykir marka tímamót
í gerð framtíðar-
mynda.
Leikstjóramir og
bræðumir Larry og
Andy Wachowski náðu
fyrst athygli almenn-
ings með svarta grín-
tryllinum Bound með
þeim Gina Gershon og
Jennifer Tilly í aðal-
hlutverkum. En áður
en þeir höfðu skrifað
handritið að Bound
voru þeir búnir að
leggja niður drög að
handriti The Matrix,
sem hefur verið þeirra
draumaverkefni um langa hríð.
Þeir sendu handritið til framleið-
andans Joel Silver sem á að baki
vinsælar framtíðarmyndir eins og
„Predator" og „Demolition Man“
og hann hreifst strax svo mjög af
handritinu að hann tryggði sér for-
kaupsrétt að væntanlegri mynd.
„The Matrix er mjög flókin saga
sem gerist í framtíðinni en er sögð
í nútíðinni, jafn ótrúlega og það
hljómar," segir Silver og bætir við
að bræðurnir hafi eytt árum í að
fullkomna handritið og gera það
aðgengilegra fyrir stærri markað.
„Við byrjuðum með þá forsendu
í huga að allt sem við trúum á í
dag og hver einasti hlutur í heim-
inum sé í raun uppspuni, skáld-
skapur, ofinn í rafrænum heimi.
Um leið og sú forsenda er fyrir
hendi hverfa allar hindranir lík-
amlegs veruleika. Þannig að ef
persónur „The Matrix“ geta nálg-
ast upplýsingar á sama hátt og
tölvur taka inn ný forrit, geta þær
orðið jafn góðar í kínverskri bar-
dagalist og Jackie Chan,“ segja
Wachowski-bræðurnir.
Keanu Reeves er best þekktur
fyrir hlutverk sitt í myndinni
Speed, en hann á að baki fjölda
mynda eins og Much Ado About
Nothing, Bram Stoker’s Dracula,
My Own Private Idaho og The
Devil’s Advocate, svo nokkrar séu
nefndar. Laurence Fishburne var
tilnefndur til Óskarsverðlauna
fyrir hlutverk sitt sem Ike Turner
í What’s Love Got To Do With It“,
en hann hefur leikið í fjölda kvik-
mynda og hlotið fjölda verðlauna
fyrir leik sinn. Carrie-Anne Moss
hóf feril sinn sem fyrirsæta en
hefur síðan mest leikið í sjónvarpi.
Frumsýning
Stutt
Gellur glíma
Á NÆSTA ári verður sýndur í
bandarísku sjónvarpi nýr þáttur
þar sem ungar og aðlaðandi konur
munu takast á. Þátturinn ber nafn-
ið „Women in Wrestling" eða Gell-
ur glíma og er yfirfullur af stúlkum
sem hafa meiri farða en vöðva og
nöfn þeirra segja ýmislegt um
þáttinn. Þar verður m.a. hægt að
fylgjast með Beggu bóndadóttur
og Summer strandverði glíma
vikulega frá byrjun næsta árs.
„Tími kvenglímu er kominn. Konur
eru að verða meira og meira áber-
andi í íþróttum og glíma hefur
aldrei verið jafn vinsæl og nú,“
sagði David MacLane, framleið-
andi þáttanna.
Almannafé
í símavændi
LÖGGJAFINN í Kólumbíu hefur
eytt meira en einni og hálfri
milljón króna af almannafé á
mánuði í símavændi að sögn
símafyrirtækis þar í landi. St-
arfsmenn fyrirtækisins Telecom
komust að þessu eftir að þeir
voru beðnir um að ráðleggja
hvernig mætti lækka símreikn-
inginn hjá húsi fulltrúadeildar-
innar. Einnig komst upp að um
30 af 620 símalínum deildarinn-
ar höfðu verið fluttar á nálæg
kaffihús og veitingastaði, svo að
starfsmenn gætu unnið við
þægilegri aðstæður.
Ungur heim-
skautsfari
TVEGGJA ára gömul kanadísk
stúlka er á leið á norðurpólinn
ásamt foreldrum sínum og verður
þar með einn yngsti heimskauts-
fari frá upphafi. Keziah Winter
Magor ferðast sömu leið og norsk-
ur landkönnuður fór um fyrir 100
árum í von um að finna styttri leið
milli Kyn’ahafsins og Evrópu. For-
eldrarnir Lynda og Graeme eru
vanir heimskautsfarar og ætla að
sigla á 16 metra löngu skipi með
járnklæðningu í september þessa
ái’s í átt til pólsins. Þar munu þau
lokast inni í ísnum og dvelja fram í
ágúst árið 2000. „Keziah fæddist í
janúai’ og er vön kulda. Við höfum
haft gluggann í herbergi hennar
opinn á veturna til að venja hana
við. Auk þess er seinna nafn henn-
ar Winter [vetur],“ sagði faðirinn.
Fjórir Kanadamenn, tveir Norð-
menn og einn Nýsjálendingur
munu dvelja um borð í skipinu sem
er sérhannað til að standast þrýst-
inginn frá ísnum.
Rússi
verður Kani
SONUR Nikita Krúsjeff, fyrrver-
andi forsætisráðherra Rússlands,
hefur sótt um bandarískan ríkis-
borgararétt.
Sergei Krúsjeff
tók skriflegt
próf af því til-
efni. „Ég fékk
9,5 á prófinu og
konan mín fékk
10,“ sagði hinn
þunnhærði vís-
indamaður.
Hann hefur
verið gestakennari við Brown-
háskóla undanfarin átta ár.
Sergei ræddi ásamt konu sinni
við blaðamenn eftir prófið og
sagði að þrátt fyrir að faðir hans
hafi hótað að , jarða“ Bandaríkin
á sínum tíma hefði hann skilið
ákvörðun sína. „Ég tel að ef þú
býrð í einhverju landi áttu að
gerast ríkisborgari þess,“ sagði
Sergei. „Við verðum góðir borg-
arar.“ Hjónin munu sverja eið við
hátíðlega athöfn í júlí.