Morgunblaðið - 02.07.1999, Blaðsíða 2

Morgunblaðið - 02.07.1999, Blaðsíða 2
2 FÖSTUDAGUR 2. JÚLÍ 1999 MORGUNBLAÐIÐ FRETTIR Umhverfísráðherra afhent ályktun sveitarstjórna um vegamál á Snæfellsnesi Vilja veg yfír Vatnaheiði í GÆR afhentu sveitarstjórnir á Snæfellsnesi Siv Friðleifsdóttur umhverfisráðherra ályktun þar sem fram kemur stuðningur þeirra við að lagður verði nýr vegur yfír Vatnaheiði á Snæ- fellsnesi í stað þess að endurbæta núverandi veg um Kerlingarskarð. Kemur þessi ályktun í kjöl- far úrskurðar skipulagsstjóra ríkisins þar sem segir að ekki sé fullsýnt að vegur yfir Vatnaheiði sé fýsilegri kostur en endurbættur vegur um Kerlingarskarð og að frekara mat á báðum kost- um þurfi að fara fram áður en hægt er að hefja framkvæmdir. I ályktuninni, sem sveitarstjórnirnar í Helga- fellssveit, Eyja- og Miklaholtshreppi, Stykkis- hólmi, Grundarfirði og Snæfellsbæ standa að, segir að brýn þörf sé á því að auka umferðarör- yggi og bæta samgöngur með því að leggja nýjan veg yfir Snæfellsnesfjallgarðinn. Telja sveitar- stjórnirnar að þessari þörf verði best mætt með nýjum vegi yfir Vatnaheiði og segja fyrirhugaða legu vegarins og allar hönnunarforsendur styðja þá skoðun. Endurbættan veg um Kerlingarskarð segja sveitarstjórnirnar hins vegar vera ófull- nægjandi kost þegar hugað er að varanlegum samgöngubótum yfir fjallgarðinn, enda sé aldrei hægt að sníða af helstu vankanta þess vegar. Er þar t.d. átt við krappar beygjur, langhalla og mikla hæð yfir sjávarmáli sem hefur í för með sér válynd veður og ófærð. Ekki um náttúruspjöll að ræða Nokkur styr hefur staðið um hugsanleg um- hverfisáhrif hins fyrirhugaða vegar yfir Vatna- heiði, en í ályktun sveitarstjórnanna segir að sýnt hafi verið fram á að gróðurfari, fuglalífi og forn- og náttúruminjum sé ekki hætta búin enda verði framkvæmdum hagað með tilliti til þessara verðmæta. Tekið er fram að vegurinn muni að einhverju leyti breyta ásýnd svæðisins, en sveit- arstjórnirnar segja að landslagsform muni engu að síður haldast óbreytt og vegurinn muni auð- velda aðgang að svæðinu og opna það fyrir frek- ariútivist. I ályktuninni kemur einnig fram að sveitar- stjórnirnar telja hagsmuni Snæfellinga og áhrif framkvæmdarinnar á mannlíf og búsetu á Snæ- fellsnesi stórlega vanmetin. Benda þær á að um- bætur í vegamálum séu einhver brýnustu hags- munamál Snæfellinga allra og forsenda fyrir frekari vaxtar- og þróunarmöguleikum svæðis- ins. Skipverjar á Odincova eru enn án launa Biðja stjórn- völd um aðstoð RUSSNESKIR skipverjar togarans Odincova, sem legið hefur í Reykja- víkurhöfn síðan í febrúar, hafa ekki fengið laun um langt skeið og eru orðnir æði langeygir eftir lausn á vanda sínum. Biðla þeir nú til ís- lenskra stjórnvalda um aðstoð og von- ast jafnframt til þess að almenningur leggi þeim lið með því að gauka að þeim mat og öðrum nauðþurftum. Gennadiy Karmanov, skipstjóri Odincova, sagði í samtali við Morg- unblaðið að hann og menn hans væru orðnir langþreyttir á ástandinu, enda hefðu þeir enga peninga og ættu mjög lítinn mat eftir. Sagði Karma- nov að útgerðarmaður skipsins, Sæ- mundur Arelíusson, hefði komið um borð í gær og tjáð skipverjum að hann gæti ekki greitt þeim laun enn um sinn. Laun munu síðast hafa ver- ið greidd út í október á síðasta ári, en að sögn Karmanovs var þar ekki um full laun að ræða, auk þess sem að- eins hluti áhafnarinnar fékk útborg- að. Aðrir áhafnarmeðlimir munu eng- in laun hafa fengið síðan í júní í fyrra. Er Karmanov afar bitur út í Sæmund og segir hann ávallt hafa fjölda skýr- inga á ástandinu á reiðum höndum, en minna af lausnum. Spennan milli Sæmundar og skip- verja mun svo enn hafa magnast í fyrradag, en Karmanov segir að þá hafi eiginkona Sæmundar komið um borð í Odincova og verið afar reið vegna skilaboða sem skipverjar hafa málað á hlið skipsins. Segja þeir þar að brotið sé á rétti þeirra og biðja ís- lendinga um hjálp. Kveður Karma- nov eiginkonu Sæmundar hafa sagt skipverjum að vegna þessarar fram- göngu þeirra gætu þeir ekki lengur gert sér nokkrar vonir um að fá að- stoð frá útgerð skipsins og að þeir kæmust nú hvorki lönd né strönd. Gefast ekki upp Karmanov segir að reyndar hafi verið ýmsar leiðir til að leysa vanda ^ MJÍ-iy, Wtfm BBSi va* fflBE tPDfVttT ... OUf? CHíl5f6n Í5 ST S^yyjL mk ÍSSfö STiuSw HOREY F fíS wm^ % ií^iifis^., i ' "-"-«-j^ K ¦* * * *™^ ^ Stl WáV Hfi .51-c^ -1 ' m p í^ flB^ *?T i $ —**M » m. J ^ l } é. w ~/M - Bgy 'i' '¦ ',jj !1 m \ W Morgunblaðið/Þorkell Þorkelsson NOKKRIR skipverja Odincova við hlið skipsins. Prá vinstri: Vladimir Jezov, Vladimir Deschenko, Evgeniy Semenikhin, Veniamin Lesin, Vla- dimir Zaichenko, Gennadiy Romanov, Gennadiy Karmanov skipstjdri og Juriy Balitov. Að baki þeim má sjá beiðni þeirra um hjálp frá Islend- ingum, en skilaboð af svipuðum toga eru máluð víða um hlið skipsins. skipverjanna. Þó munu íslensk verkalýðsfélög ekki geta liðsinnt skipverjunum þar sem þeir eru ekki íslenskir og Karmanov segir litla hjálp vera að fá að heiman þar sem skipið sé í eigu íslenskra aðila. Karmanov er undrandi á því að staða sem þessi geti komið upp hér- lendis þar sem ísland sé ríkt og þró- að land. Biður hann Islendinga um að sýna ríkidæmi sitt í verki og kveð- ur skipverjana verða þakkláta sjái einhverjir sér fært að færa þeim mat og aðrar nauðþurftir. Morgunblaðið náði einnig tali af nokkrum skipverjum og voru þeir heldur daufir í dálidnn. Aðspurður um líðan sína sagði Vladimir Zaichenko: „Mér líður eins og dýri í búri og finnst vera komið fram við mig eins og ég sé annars flokks manneskja. Hvernig liði þér eftir að hafa unnið fyrir einhvern í heilt ár án þess að sjá fjölskyldu þína og fá heldur ekkert kaup?" Bensín hækkar BENSÍN hækkaði um 1 krónu og 20 aura í gær hjá Olís, Esso og Skelj- ungi og kostar lítrinn af 95 oktana bensíni nú 79,70 krónur en af 98 okt- ana bensíni 84,40 krónur. Dísel- og gasolía hækkuðu um 50 aura og kostar lítrinn af díselolíu nú 28,70 krónur en af gasolíu 23,70, samkvæmt upplýsingum frá olíufé- lögunum. Bensín hefur því hækkað um 9,5 krónur lítrinn frá því í byrjun apríl, en þá kostaði lítrinn af 95 oktana bensíni 70,20 krónur, lítrinn af 98 oktana bensíni 74,90. Ástæðan fyrir hækkununum nú er rakin til hækkunar á heimsmarkaðs- verði á olíu að undanförnu. -----------?-?-?--------- Geysir gýs ekki í sumar GEYSIR verður ekki látinn gjósa í sumar, þar sem þeim rannsóknum sem hófust á hvernum veturinn 1997 til 1998 hefur ekki verið lokið, að sögn Arna Bragasonar, forstöðu- manns Náttúruverndar ríkisins. Hann sagði að vegna fjárskorts hefði ekki verið hægt að ljúka rann- sóknunum. „Við erum að vona að Orkustofn- un taki þetta inn á rannsóknaráætl- un hjá sér, en það hefur því miður ekki orðið ennþá," sagði Arni. „Við erum ekki tilbúnir til að veita leyfi fyrir einu eða neinu í sambandi við Geysi fyrr en menn vita meira um hann." „Menn eru alltaf að tala um að nýta hverasvæðin til virkjana en gleyma því að Geysissvæðið skilar þjóðarbúinu kannski einum miHjarði, eða hátt í það, í ferðamannatekjum," sagði Árni. „Fjöldi manna kemur til íslands nánast eingöngu til að sjá þetta fyrirbæri og það má líka minna á það að 95% af ferðamönnum sem koma hingað nefna náttúruna sem annaðhvort fyrstu eða aðra ástæð- una fyrir komu sinni." Að sögn Árna gaus Geysir síðast í fyrravetur og var það gos í tengsl- um við rannsóknir þær sem þá stóðu yfir. Helgi Hjörvar kjörinn forseti borgarstjórnar HELGI Hjörvar, borgarfulltrúi Reykjavíkurlistans, var kjörinn for- seti borgarstjórnar til eins árs á fundi borgarstjórnar í gær. Hann tekur við af Guðrúnu Ágústsdóttur, sem ekki gaf kost á sér vegna brott- flutnings af landinu. Helgi Péturs- son og Sigrún Magnúsdóttir, borg- arfulltrúar Reykjavíkurlistans, voru kjörin fyrsti og annar varaforseti. Guðrún Ágústsdóttir, fráfarandi forseti, sagði við upphaf fundarins að sér hefði þótt vænt um að fá að gegna embætti forseta borgar- stjórnar, en það hefur hún gert frá árinu 1994, og að fá að koma fram fyrir hönd borgarinnar. Guðrún hefur verið borgarfulltrúi frá árinu 1978 en hún var fyrst varaborgar- fulltrúi. Hún var fyrst kvenna for- maður stjórnar SVR og hefur setið í fjölmörgum stjórnum og nefnd- um borgarinnar. í samtali við Morgunblaðið sagði hún að sér fyndist Reykjavík spennandi borg, margt væri þar í deiglu og hún hefði á stuttum tíma þróast úr þorpi í borg. Borgarbúar hefðu kunnað að nýta sér það besta úr þeim snöggu breytingum sem orð- ið hefðu. Guðrún verður í leyfi frá störfum sínum í borgarstjórn og sagði ekki vitað á þessari stundu hvort hún myndi snúa til baka áður en kjör- tímabilinu lýkur árið 2002. Bíll ók á Brúarnesti FLUTNINGABÍLL með tengi- vagn rann á hús Brúarnestis í Borgarnesi í gærmorgun. Tals- vert Ijón varð á húsinu. Bílnum, sem var á leið frá Búðardal til Reykjavíkur, hafði verið lagt við olíudælur við Hyrnuna, sem er skammt frá Brúarnesti. Hann var í lausagangi, en bílsl jórinn hafði gleymt að serja hann í hand- bremsu. Bíllinn rann fyrst á Jjósastaur en hélt síðan áfram og stöðvaðist á Brúarnesti. Litlu mátti muna að hann færi þar á bensíndælur. Talsverðar skemmdir urðu á hús- inu. Hurð og rúður brotnuðu og bitar skekktust. Morgunblaðið/Ingimundur Sérblöð í dag .mntwuiiw íi yJiíLlji w ¦« A FOSTUDOGUM ^aixnmbltú>& 'HSII AvittiMndlHiiar Einar Þór til Grikklands og Kristján til Skotlands?/C4 Maður er nefndur „Aðmírá»inn"/C2 Fylgstu með nýjustu fréttum www.mbl.is
Blaðsíða 1
Blaðsíða 2
Blaðsíða 3
Blaðsíða 4
Blaðsíða 5
Blaðsíða 6
Blaðsíða 7
Blaðsíða 8
Blaðsíða 9
Blaðsíða 10
Blaðsíða 11
Blaðsíða 12
Blaðsíða 13
Blaðsíða 14
Blaðsíða 15
Blaðsíða 16
Blaðsíða 17
Blaðsíða 18
Blaðsíða 19
Blaðsíða 20
Blaðsíða 21
Blaðsíða 22
Blaðsíða 23
Blaðsíða 24
Blaðsíða 25
Blaðsíða 26
Blaðsíða 27
Blaðsíða 28
Blaðsíða 29
Blaðsíða 30
Blaðsíða 31
Blaðsíða 32
Blaðsíða 33
Blaðsíða 34
Blaðsíða 35
Blaðsíða 36
Blaðsíða 37
Blaðsíða 38
Blaðsíða 39
Blaðsíða 40
Blaðsíða 41
Blaðsíða 42
Blaðsíða 43
Blaðsíða 44
Blaðsíða 45
Blaðsíða 46
Blaðsíða 47
Blaðsíða 48
Blaðsíða 49
Blaðsíða 50
Blaðsíða 51
Blaðsíða 52
Blaðsíða 53
Blaðsíða 54
Blaðsíða 55
Blaðsíða 56
Blaðsíða 57
Blaðsíða 58
Blaðsíða 59
Blaðsíða 60
Blaðsíða 61
Blaðsíða 62
Blaðsíða 63
Blaðsíða 64
Blaðsíða 65
Blaðsíða 66
Blaðsíða 67
Blaðsíða 68

x

Morgunblaðið

Beinir tenglar

Ef þú vilt tengja á þennan titil, vinsamlegast notaðu þessa tengla:

Tengja á þennan titil: Morgunblaðið
https://timarit.is/publication/58

Tengja á þetta tölublað:

Tengja á þessa síðu:

Tengja á þessa grein:

Vinsamlegast ekki tengja beint á myndir eða PDF skjöl á Tímarit.is þar sem slíkar slóðir geta breyst án fyrirvara. Notið slóðirnar hér fyrir ofan til að tengja á vefinn.