Morgunblaðið - 04.07.1999, Blaðsíða 25

MORGUNBLAÐIÐ
SUNNUDAGUR 4. JÚLÍ 1999 25
kunni við og beindi orðum sínum að
keppendum við mikla hrifningu
áhorfenda.
I ljósi þess sem fram hefur komið
mætti segja að þessi orð endur-
spegli e.t.v. þá viðhorfsbreytingu,
sem hefur orðið síðustu áratugina í
málefnum þroskaheftra, þai’ sem
margir vilja gjaman tengjast Speei-
al Olympics með einum eða öðrum
hætti, t.d. þeir 35.000 sjálfboðaliðar
sem aðstoðuðu við framkvæmd leik-
anna og ekki síst ýmsar stórstjörn-
ur Bandaríkjanna á á sviði íþrótta
og skemmtiiðnaðarins
Meðal þeirra 7000 keppenda sem
hlýddu á móður Special Olympics,
Eunice Kennedy Shriver, Billy
Crystal, Grant Hill körfubolta-
kappa, Amold Schwarzenegger,
Stevie Wonder, Sugar Ray og fleiri
á setningu leikanna, vora 37 ís-
lenskir keppendur úr aðildarfélög-
um Iþróttasambands fatlaðra víða
um land. Peir kepptu í sundi, knatt-
spyrnu, boccia, fimleikum, frjálsum
íþróttum, keilu, lyftingum og borð-
tennis.
Stuðst er við svokallaða 10%
reglu á leikunum þegar riðlakeppn-
in fer fram, en farið er eftir regl-
unni til að viðhalda sem mestu jafn-
ræði milli keppenda.
Þórður Hjaltested íþróttakennari
og aðalfararstjóri íslenska hópsins
sagði í samtali við Morgunblaðið, að
reglan væri þannig uppsett að byrj-
að væri á því að flokka keppendur
ofan frá. I t.d. 100 metra hlaupi
mætti þannig ekki vera meiri en
10% munur á besta og lakasta kepp-
anda í hverjum riðli.
„Þetta gefur möguleika á því að
mjög mikið fatlaðir einstaklingar
geti tekið þátt og með þessu eru
íþróttimar lagaðar að einstakling-
unum,“ sagði Þórður. „Þegar við
förum í lægri getuflokkana sést að
allir keppa á jafnréttisgrundvelli og
þar með er farið framhjá fötlun ein-
staklinganna, sem takmarkar getu
þeirra tO að stunda greinina."
Tíu ár em liðin síðan Iþróttasam-
band fatlaðra gekk til liðs við Speci-
al Olympics og síðan hefur ÍF tekið
reglulega þátt í Evrópu- og heims-
leikum á vegum samtakanna. Auk
þess hefur IF farið af stað með mót
í anda samtakanna hérlendis.
„Við höldum Special Olympics-
leika á Islandi annað hvort ár og
höfum haldið leika í Mosfellsbæ, á
Akureyri og síðasta mótið var hald-
ið í Borgarnesi fyrir rúmu ári síðan.
Okkar skylda er að halda íþrótta-
mót sem bera uppi hugmyndafræð-
ina um flokka- og deildaskiptingu í
samræmi við 10% regluna,“ sagði
Þórður.
í fylgd með forsetanum
Forseti íslands, herra Ólafur
Ragnar Grímsson sem mætti til
leika í Norður-Karólínu, sýndi ís-
lensku keppendunum margan sóma
meðan á leikunum stóð. Fylgdi for-
setinn þeim. til leika við setningu
þeirra og fylgdist með þeim í keppni
og efndi einnig til forsetamóttöku í
nágrenni við Maurice J. Koury
Natatorium sundhöllina. Hann
sagði í samtali við Morgunblaðið að
samvera sín með keppendum áður
en gengið var inn á leikvanginn,
hefði veitt sér mikla innsýn inn í þá
fórnfýsi, einbeitni og vinnusemi sem
liggur að baki þegar gengið er til
þeirra leika sem hér um ræðir.
„Síðar um kvöldið þegar ég leit
yfir fullskipaðan völlinn, þá fór ég
að hugsa um þessa fórnfýsi og
hversu mikið væri búið að leggja í
sölurnar heima fyrir hjá fjölskyld-
um og aðstandendum og keppend-
um sjálfum," sagði forsetinn. „Þá
hugsaði ég um það hvað þetta væri
mikil sigurstund, ekki bara í skOn-
ingi íþróttanna, heldur í mjög djúp-
um mannlegum skilningi og hvað ís-
lenska þjóðin öll getur verið stolt af
því að eiga ekki aðeins þessa vösku
sveit íþróttafólks, heldur þá baks-
veit þjálfai-a, foreldra, ættingja og
vina og íþróttasambands fatlaðra
sem gerði þessa sigurstund að veru-
leika.“
Forsetinn sagðist hafa sannfærst
um það í störfum sínum síðan hann
- Morgunblaðið/Ólafur Skúli Indriðason
FORSETI íslands, herra Ólafur Ragnar Grímsson, sem efndi til móttöku fyrir landa sína, sagði að íslensku þátttakendurnir á leikunum og aðstand-
endur þeirra væru að vinna Islandi traust, álit og aðdáun á alþjóðavettvangi. Ekki tókst að fá alla keppéndurna í móttökuna þar sem þeir unnu
samkvæmt mismunandi keppnisdagskrá eftir grcinum.
Morgunblaðið/Anna K. Vilhjálmsdóttir
Á PAUL Derr -leikvanginum fór fram keppni í fijálsum íþróttum og var Lilja Pétursdóttir þar meðal keppenda í kúluvarpi.
ÆTLA mætti að Arnold Schwarzenegger og Ólafur Þormar Gunnars-
son væru að fara í sjómann, en svo var þó ekki því þeir heilsuðust að-
eins með virktum öllum nærstöddum til gleði, enda alltaf ánægjulegt
að kynnast kvikmyndastjörnu og alþjóðlegum þjálfara.
Á leikum Special Olympics er hinsvegar
horft til þess hvernig megi hagnýta
íþróttirnar til að auka líkamlegt atgervi
keppenda, þor þeirra og gleði. Samtök-
in hafa það einnig að markmiði með
starfsemi sinni, sem raunar fer fram
allt árið um kring, að gefa þroskaheft-
um tækifæri til að deila hæfileikum
sínum og hæfni með öðrum, bæði
fjölskyldum sínum, öðru íþróttafólki og
ekki síst með samfélaginu.
tók við embætti forseta íslands, að
Islendingar lifðu í æ ríkari mæli í
heimi þar sem hin hefðbundnu sam-
skipti ríkja í gegnum viðskipti, ut-
anríkisþjónustu og stjórnmál, næðu
ekki utan um þá breidd og dýpt,
sem íþróttimar, menningin og fjöl-
miðlunin væru að skapa.
„Við verðum að horfast í augu við
það að við lifum í heimi þar sem
þessir þættir ráða miklu meiru um
það hver verða áhrif Islendinga á
alþjóðavettvangi. Þess vegna eru ís-
lensku þátttakendurnh- á þessu
móti og aðstandendur þeirra ekki
síður að vinna Islandi traust, álit og
aðdáun á alþjóðavettvangi heldur
en það góða fólk sem starfar í hefð-
bundnum stjórnstofnunum, því
þessi atburður hér er stór út um all-
an heim.“
Féllust í faðma við
Schwarzenegger
Þótt íslensku keppendunum hafi
þótt návist forseta síns mikils virði,
þótti þeim ekki síðri sú athygli sem
aðalstjarna leikanna, stórstjarnan
Arnold Schwarzenegger sýndi
þeim við Paul Derr leikvanginn þar
sem keppni í frjálsum íþróttum fór
fram síðastliðinn mánudag. Arnold
og forsetinn höfðu fyrst heilsast í
móttöku sem styrktaraðilar leik-
anna héldu fyrir heiðursgesti og
þar lýsti hinn þrekni alþjóðlegi
þjálfari og tengdasonur Eunice
Kennedy Shriver yfir ánægju sinni
með þátttöku Islendinga á leikun-
um. Við Paul Derr leikvanginn kom
svo í ljós að hugur bjó að baki orða
Arnolds. Hann átti að flytja gesta-
erindi um þjálfun á fundi formanns
undirbúningsnefndar og fleiri
virtra manna úr íþróttaheiminum í
þar til gerðu tjaldi sem vandlega
var gætt af öryggisvörðum. Aður
en fundurinn hófst og er allir höfðu
komið sér fyrir í sætum sínum,
kom Arnold út úr tjaldinu og faðm-
aði að sér íslensku keppendurna og
sagði þeim hversu kraftmiklir þeir
væru og dugmiklir.
Það er augljóst að Special
Olympics bera nafn með rentu, þó
ekki væri nema í þeim skilningi að
stemmningin á áhorfendapöllunum
er býsna sérstök. Þannig halda all-
ir með öllum og andinn er hafinn
yfir alla flokkadrætti. Þetta kom
sérstaklega vel í Ijós þegar riðla-
keppnin fór fram. Ekki var óal-
gengt að sjá þar einn eða tvo kepp-
endur óralangt á eftir öðrum kepp-
endum í sundi eða 100 metra
hlaupinu, en undantekningarlaust
var einbeitingarsvipurinn og þraut-
seigjan svo aðdáunarverð að áhorf-
endur allir sem einn lögðust á eitt
um að hvetja viðkomandi til dáða
svo allt ætlaði að ganga af göflun-
um.
Eftir að leikunum lýkur, en loka-
hátíðin fer fram í dag, 4. júlí, endar
för íslensku keppendanna tii
Bandaríkjanna að sinni, en þeir
hafa verið í um hálfan mánuð í
Norður-Karólínu við undirbúning
og koma aftur Islands, reynslunni
ríkari, á næstu dögum.