Morgunblaðið - 08.07.1999, Blaðsíða 6

6 FIMMTUDAGUR 8. JÚLÍ 1999
MORGUNBLAÐIÐ
FRÉTTIR
Flugvöllur á fyllingum talinn óhagkvæmur kostur og náttúruspjöll
Lítil hverfí við
• •
Orfírisey raunhæf
Borgarráð hefur fengið mat á ýmsum hugmyndum um byggð
á fyllingum á nokkrum stöðum við borgina, flutningi flugvallarins
á fyllingu og byggð í Vatnsmýri. Jóhannes Tómasson hlýddi
á kynningu á málinu hjá borgarstjóra og fletti skýrslunni.
Biskupinn yfír
íslandi embættar
f Bolungarvik
Sr. Agnes
tekur við
embætti
prófasts
ísafírði. Morgunblaðið.
BISKUPINN yfir íslandi,
herra Karl Sigurbjömsson,
setur í dag sr. Agnesi M. Sig-
urðardóttur, sóknarprest í
Bolungarvík, í embætti pró-
fasts í ísafjarðarprófasts-
dæmi. Jafnframt lætur sr.
Baldur Vilhelmsson í Vatns-
firði af starfi prófasts, en
hann tók við af sr. Lárusi Þ.
Guðmundssyni fyrir um ára-
tug. Innsetningin verður við
almenna guðsþjónustu í Hóls-
kirkju í Bolungarvík sem
hefst kl. hálfníu.
Sr. Baldur Vilhelmsson
verður sjötugur eftir tvær
vikur en hann hefur verið
sóknarprestur í Vatnsfirði frá
1956 eða í fjörutíu og þrjú ár.
Feðgin prófastar
Þetta mun vera í fyrsta
skipti sem feðgin gegna pró-
fastsembætti á íslandi og lík-
lega þótt víðar væri leitað.
Faðir sr. Agnesar, sr. Sigurð-
ur heitinn Kristjánsson, var
sóknarprestur á Isafirði og
prófastur í áratugi. Sr. Agnes
er hins vegar þriðja konan
sem gegnir prófastsembætti
hérlendis. Hinar eru sr. Dalla
Þórðardóttir í Miklabæ, sem í
eina tíð var prestur á Bfldu-
dal, og sr. Halldóra Þorvarð-
ardóttir í Fellsmúla, sýslu-
mannsdóttir frá Isafirði.
HUGMYNDIR um fimm þúsund
manna byggð á íyllingum við
Örfirisey geta verið raunhæfar,
áhugavert er að skoða nánar til-
lögu um tvö þúsund manna íbúðar-
byggð á fyllingu við Skerjafjörð og
hugmyndir um byggð á fyllingu við
Ingólfsgarð eru þegar í skoðun.
Þetta er meðal niðurstaðna borgar-
verkfræðings og Borgarskipulags
á uppbyggingu nokkurra svæða í
borginni á uppfyllingum. Þá telja
þessir aðilar hugmyndir um flug-
velli á fyllingum í Skerjafirði og við
Engey óraunhæfar og að leita
verði annarra leiða varðandi flutn-
ing Reykjavíkurflugvallar ef til
þess kæmi.
Ingibjörg Sólrún Gísladóttir
borgarstjóri kynnti niðurstöðumar
fjölmiðlum í gær ásamt Stefáni
Hermannssyni borgarverkfræðingi
og Þorvaldi S. Þorvaldssyni skipu-
lagsstjóra en þær voru lagðar fyrir
borgarráð í fyrradag. Borgarráð
fól borgarverkfræðingi og skipu-
lagsstjóra í febrúar að kanna
nokkrar tillögur um uppbyggingu
íbúðarhverfa á fyllingum vestan
Elliðaáa ásamt tillögum um flutn-
ing Reykjavíkurflugvallar í Skerja-
fjörð eða til Engeyjar og að í
Vatnsmýrinni risi í stað hans um
20 þúsund manna byggð. Gerð er
grein fyrir könnuninni í skýrslu
sem nefnd er Landfyllingar og er
þar að finna heildamiðurstöður og
umsögn um hverja og eina hug-
mynd.
Kannaðar vora eftirfarandi til-
lögur:
Hugmynd Björgunar frá árinu
1985 um uppfyllingar út frá
Örfirisey og síðari tillaga um íbúð-
arhverfi á uppfyllingu í Skerjafirði;
tillögur samtakanna Betri byggð
um uppfyllingar út að Akurey, um
flutning Reykjavíkurflugvallar í
Skerjafjörð og uppbyggingu íbúð-
arhverfis í Vatnsmýri; hugmyndir í
hafnarstjórn um landfyllingu við
Sæbraut fyrir hafnsækna starf-
semi eða aðra starfsemi, t.d. mið-
bæjarstarfsemi, og tillaga Júlíusar
Vífils Ingvarssonar borgarfulltrúa
um flugvöll í Engey.
Borgarstjóri sagði skýrsluna
mikilvægt innlegg í umræðuna um
skipulag og þróun höfuðborgarinn-
ar. Margt væri í deiglunni, m.a. í
tengslum við svæðaskipulag sem
nú er unnið að fyrir allt höfuðborg-
arsvæðið og framkvæmdirnar sem
standa fyrir dyram á Reykjavíkur-
flugvelli. Hún sagði skýrsluna geta
verið gott innlegg í þá skoðana-
myndun sem þyrfti að eiga sér stað
varðandi þessi mál.
Hugmyndin um 20 til 30 þúsund
manna byggð á 483 hektara fyll-
ingu við Akurey þykir ekki raun-
hæf að sögn borgarstjóra, m.a.
vegna þess að Hringbraut myndi
ekki þola aukið umferðarálag sem
því fylgdi, jafnvel þótt til kæmi ný
vegtenging yfir hafnarmynnið.
Byggð á svæðinu segir hún hins
vegar ákjósanlega þar sem um 22
þúsund atvinnutækifæri umfram
íbúa eru í borginni vestan Elliðaáa
og því æskilegt að auka íbúðar-
byggð þar. Fimm þúsund manna
hverfi á um 65 ha. uppfyllingu við
Örfirisey er því talið raunhæft og
viðráðanlegt fyrir gatnakerfið með
hóflegum endurbótum.
Þá er tillaga Björgunar um tvö
þúsund manna íbúðarhverfi á 11
hektara fyllingu við Skerjafjörð
talin áhugaverð. Borgarstjóri segir
marga þætti hennar þó þarfnast
nánari skoðunar og hún segir þetta
hverfi munu styrkja byggðina við
Skerjafjörð. Svæðið sé þó mun við-
kvæmara en fylling við Örfirisey.
Ekki er talið að Einarsnes eða
Suðurgata beri aukna umferð og
því verði að koma til vegur undir
flugbrautina og inn á Hlíðarfót.
Fylling við Ingólfs-
garð í skoðun
Hugmyndir hafnarstjórnar um
fyllingu við Sæbraut, þ.e. rúmlega
þriggja ha. svæði við Ingólfsgarð,
falla að tillögum um tónlistarhús,
ráðstefnuhús og hótel á þessu
svæði og era í skoðun. Önnur hug-
mynd og stórtækari er fylling með-
fram allri Sæbraut sem talið er
erfitt að nýta undir íbúðarbyggð
vegna hávaða frá umferð. Einnig
Landfylling '
við Sæbraut
v. tónl.húss
SELTJARNARNES
meðfram
Sæbraut
Landfylling \
undir flugvþll
Reykjavíkur-
flugvöllur S
Tillögur að landfyllingum
við Reykjavík
Þrjár mis-
munandi til-
löqur að upp-
fyllingum við
Orfirisey og Akureý
Uppfylling vegna
flugvallar í Engey
SKERJA-
FJÖRÐUR
! km Uppfyliing
J fyriribúðahverfi , Fossvogur
er bent á að svæðið er nýlega frá-
gengið og því varpað fram að slíta
mætti nýja fyllingu frá ströndinni,
hafa eins konar síki á milli. Talið er
að svæðið verði eftirsótt til bygg-
inga og tæknilega sé uppfyllingu
ekkert til fyrirstöðu.
Hugmyndir um flugvelli á fyll-
ingum era taldar óraunhæfar og
óhagkvæmar, umhverfisáhrif fyll-
inga talin neikvæð og því álitið að
finna verði annan kost fyrir flug-
völl í framtíðinni. I samantekt
Verkfræðistofu Sigurðar Thorodd-
sen hf. um umferð vegna landfyll-
inga segir að 20 þúsund manna
byggð verði ekki reist í Vatnsmýri
eða við Akurey án þess að til komi
mjög miklar breytingar á núver-
andi gatnakerfi, sem sumar hveij-
ar gæti verið erfitt að framkvæma.
Það eigi við um vestasta hluta Hr-
ingbrautar, Snorrabraut og ýmsar
aðrar íbúðargötur í miðbænum, en
á þeim yrði óhjákvæmilega aukið
umferðarálag vegna nýrrar byggð-
ar. Vatnsmýrin er þó talin viðráð-
anlegri í þessum efnum en ný
byggð við Akurey, m.a. vegna
tengimöguleika við Hlíðarfót.
Flugvellir á fyllingum
taldir náttúruspjöll
Ingibjörg Sólrún Gísladóttir
sagði aðspurð að ekki væri ósenni-
legt að Reykjavíkurflugvöllur yrði
fluttur í framtíðinni. Hún sagði
skýrsluna staðfesta að flugvöllur á
landfyllingum væri ekki ákjósan-
legur kostur, m.a. út frá umhverfis-
sjónarmiðum. Um það segir m.a. í
niðurstöðum Þorvaldar S. Þor-
valdssonar og Ingibjargar R. Guð-
laugsdóttur hjá Borgai'skipulagi:
„Hvort tveggja, hugmynd um flug-
völl á fyllingum í Skerjafirði og við
Engey, teljum við á borgarskipu-
lagi náttúraspjöll og inngrip í fag-
urt „landslag" höfuðborgarsvæðis-
ins, ásýnd þess og skerðingu á út-
sýni frá núverandi byggð um sund,
sker og fjörð.“ Þau benda einnig á
að hávaði frá flugvelli myndi ekki
minnka heldur aðeins færast til og
yrði flugvöllurinn fluttur og íbúðar-
hverfi byggt þar upp í staðinn gæti
áhugi á uppbyggingu í miðborginni
minnkað. Sagði Þorvaldur um þetta
efni að þegar lokið væri þéttingu
byggðar í miðbænum mætti horfa
til byggingar íbúðarhverfis í Vatns-
mýri þégar góður kostur væri fund-
inn fyrir innanlandsflugvöll í ná-
grenni við borgina.
Borgarstjóri sagði að frá sjónar-
miði Reykjavíkur sem sveitarfé-
lags væri fysilegt að fá svæði
Reykjavíkurflugvallar fyrir íbúðar-
byggð í framtíðinni en væri horft á
málið út frá Reykjavík sem höfuð-
borg landsins hlytu flugsamgöngur
innanlands að eiga þar miðstöð
sína eins og svo margt annað í at-
vinnulífi, menningarlífi og opin-
berri stjórnsýslu sem tilheyrði höf-
uðborg.
19 sjómenn frá Þingeyri sjá fram á atvinnumissi
Stefnir í 50% atvinnuleysi
NÍTJÁN af samtals 69 mönnum í
áhöfn tveggja togara Básafells,
Sléttaness IS og Orra ÍS, sem ráð-
gert er að selja, eru frá Þingeyri. Ef
þeir missa vinnuna, til dæmis ef
skipið verður selt burt frá Vestfjörð-
um, gæti atvinnuleysi á staðnum
komist upp í allt að 50%.
Um 100 manns hefur verið í vinnu
hjá Rauðsíðu hf. sem nú er í greiðslu-
stöðvun og hefur verið neitað um lán
frá Byggðastofnun. Fyrirtækið Unn-
ur ehf., hefur einnig boðað að það
kunni að hætta starfsemi í haust. Hjá
því hafa unnið um 14 manns.
Samkvæmt upplýsingum frá Hag-
stofunni voru skráðir íbúar Þingeyr-
ar, á aldrinum 16-67 ára, 295 talsins
1. desember í fyrra. Þórir Örn Guð-
mundsson, starfsmaður skrifstofu
ísafjarðarbæjar á Þingeyri, segir að
tíu séu þegar á atvinnuleysisskrá á
Þingeyri. Hátt í helmingur íbúanna
sér því hugsanlega fram á atvinnu-
leysi og ef allt fer á versta veg má
búast við því að önnur starfsemi sem
þjónað hefur atvinnufyrirtækjunum
leggi einnig upp laupana.
Samkvæmt upplýsingum frá skrif-
stofu Básafells hf. hefur samtals 69
manns verið í 45 stöðum á frystitog-
urunum Sléttanesi IS og Orra IS
sem ráðgert er að selja til að
grynnka á skuldum fyrirtækisins.
Þar af eru 38 manns frá Isafirði og
nágrenni. Nítján sjómannanna eru
búsettir á Þingeyri.
„Maður vonar að maður haldi
vinnunni, að skipið fari ekki langt,“
segir Sigurður Marteinn Magnús-
son, háseti á Sléttanesinu. „Menn
eru ekkert voðalega bjartsýnir.“
Sigurður segist ekki geta farið
burt því hann sé bundinn af fasteign
á Þingeyri. „Ég get ekki farið að
kaupa hús annars staðar og ekki fer
ég til Reykjavíkur og borga 50-60
þúsund krónur á mánuði í leigu.“
Sjómönnunum boðin
vinna í landvinnslu
Svanur Guðmundsson, fram-
kvæmdastjóri Básafells, segir að lík-
lega geti hann boðið sjómönnunum
vinnu við landvinnslu en engin störf
sé að hafa á skipum fyrirtækisins.
Sigurður segir að enginn þeirra hafi
áhuga á vinnu í landi hjá Básafelli.
„Ég á bágt með að trúa að nokkuð sé
til í því yfirleitt að þeir séu að fara að
auka landvinnsluna því það eru allir
aðrir að draga hana saman. Með því
að selja Sléttanesið er verið að selja
þá kú sem mjólkar. Þetta er eina
skipið sem gefið hefur eitthvað af sér
að ráði síðustu sex mánuðina.“