Morgunblaðið - 09.07.1999, Side 4

Jón Arnar Magnússon að hefja lokaundirbúning fyrir HM í Sevilla
Markviss undirfoúningur
og öllu kæruleysi sleppt
JÓN Arnar Magnússon, tugþrautar-
kappi úr Tindastóli á Sauðárkróki,
hefur nú hafið iokaundirbúning
sinn fyrir heimsmeistaramótið sem
fram fer í Sevilla á Spáni í lok
ágúst. Hann segist óðum vera að
ná sér eftir hnémeiðslin sem hann
varð fyrir á Götzis-mótinu í júní og
kveðst verða tilbúinn í toppbarátt-
una á HM.

Val B.
Jonatansson
Jón Arnar keppti með íslenska landsliðinu
í Evrópubikarkeppninni í tugþraut sem
fram fór í Huddinge í Svíþjóð um liðna helgi.
Island hafnaði þar í neðsta sæti
og féll í 2. deild, eftir gott gengi
fyrri daginn, en þá var liðið í
fjórða sæti. Jón Arnar var
óheppinn að fella byrjunarhæð
sína í stangarstökkinu, 4,60 metra, og það
reyndist dýrkeypt fyrir íslenska liðið þegar
upp var staðið.
„Já, það var slæmt að fara ekki yfir byrj-
unarhæðina, sérstaklega vegna þess að ég á
5,20 metra í stöng. En þess ber að geta að ég
hef ekki stokkið á stöng síðan á Akureyrar-
mótinu sl. vor. Eg var hátt yfir í öllum þrem-
ur tilraununum og felldi á niðurleið og ég
held að það hafi ekki breytt neinu að byrja
lægra. Ef ég hefði klárað stangarstökkið
hefðum við haldið sæti okkur í deildinni, en
þess í stað var hlutskipti okkar að falla,“
sagði Jón Arnar.
Hann sagðist ekki ánægur með eigin ár-
angur í Evrópubikarkeppninni, en það skipti
sig ekki máli. „Ég tók þátt í keppninni fyrst
og fremst til að sjá hvort hnéð héldi út heila
þraut. Það stóðst álagið og ég er sáttur við að
hafa komist í gegnum þrautina án þess að
finna til. Nú get ég gleymt meiðslunum - þau
. eru að baki. Nú einbeiti ég mér af fullum
krafti að æfingum og undirbúningi fyrir HM.
Ég er bjartsýnn eins og staðan er í dag,“
sagði Jón.
Hann æfði ekkert fyrstu tvær vikurnar eft-
ir meiðslin á mótinu í Götzis og síðan tóku
þrjár vikur við hjá sjúkraþjálfara jafnframt
stífum æfingum. Áætlun hans og Gísla Sig-
urðssonar þjálfara hans að undirbúningnum
fyrir HM, sem á að vera hápunktur keppnis-
tímabilsins, hefur því riðlast nokkuð. En Jón
Arnar er bjartsýnn og sagðist hlakka til
heimsmeistaramótsins þrátt fyrir áföll. „Nú
verður neglt á markvissan undirbúning fram
að HM og öllu kæruleysi sleppt. Ég tel að sjö
vikur sé nægur tími til að koma mér í topp-
form fyrir heimsmeistaramótið."
Hvaða væntingar gerir þú þér á HM í
SevHla?
„Ef heppnin verður með mér, á ég að geta
haldið í við heimsmethafann Tomas Dvorak
og að því stefni ég.“
Attir þú von á því að Dvorak næði að bæta
heimsmet O’Briens í tugþrautinni
(8.994 stig) um síðustu helgi?
„Já, alveg eins. Hann var mjög
góður á síðasta heimsmeistaramóti
og eins sýndi hann styrk sinn með
því að vinna mótið í Götzis. Hann
hefur átti í smávægilegum meiðslum
síðustu ár, en er nú heill og þá lætur
árangurinn ekki á sér standa. Hann
hitti á draumaþraut þar sem hann
j,náði því besta út úr sér í hverri
grein. Það eina sem hann hefði getað
bætt var stangarstökkið, en þar á
hann 5,10 metra. En hann var
óheppinn að brjóta stöng og það hef-
ur sjálfsagt sett strik í reikninginn,
annars hefði hann farið yfir 9.000
stiga múrinn,“ sagði Jón Amar.
Morgunblaðið/RAX
JÓN Arnar Magnússon felldi byrjunarhæð í stangarstökki í Huddinge.
Fjögur töp í Danmörku
LANDSLIÐ fslands í handknattleik, skipað
stúlkum 20 ára og yngri, tapaði öllum leikjum
sínum á opnu Norðurlandamóti, sem lauk á
Jótlandi fyrir skömmu. Liðið mátti þoia tap
fyrir Finnum, 16:28, Litháum, 17:20, Dönum,
22:27, og loks Norðmönnum, 18:36. Liðið held-
ur utan til heimsmeistaramóts i Kína hinn 27.
júlí, en það vann sér þátttökurétt til mótsins í
vor. Þjálfarar liðsins eru þær Svava Yr Bald-
vinsdóttir og Judit Rán Ezstergal. Norðmenn
urðu hlutskarpastir í mótinu - sigruðu í öllum
leikjum sínum.
Baker bætli
met Hörners
BRESKA sundkonan Zoe Baker bætti í gær Evrópu-
metið í 50 metra bringusundi í 50 metra laug á meist-
aramótinu þar í landi. Hún synti á 31,52 sekúndum og
bætti met þýsku stúlkunnar Silke Hömer um 0,06 sek-
úndur. Met Hörners var sett á Ólympíuleikunum í
Seoul 1988. Breska meistaramótið sem fer fram í
Sheffield er úrtökumót Breta fyrir Evrópumeistara-
mótið sem fram fer í Istanbul eftir mánuð.
Juventus
býður í
Anelka
JUVENTUS á ftalíu hefur
sent enska knattspyrnufé-
laginu Arsenal tilboð í
franska landsliðsmanninn
Nicolas Anelka, sem hljóðar
upp á rúma 2,2 miHjarða
króna. Anelka hefur sagt að
hann ætli ekki að leika með
Arsenal á næstu leiktíð og
er liðinu því mikið í mun að
selja kappann.
Keppinautar Juventus á
Italíu, Lazio frá Róm, hafa
rætt við forráðamenn enska
liðsins upp á síðkastið um
hugsanleg kaup á leikmann-
inum. Italska blaðið
Gazzetta dello Sport birti
kenningu sína um að Ju-
ventus hefði ekki áhuga á
að kaupa Anelka, væri ein-
faldlega að neyða Lazio til
að hætta við kaupin með því
að bjóða svo háar upphæðir
í hann.
■ DJIBRIL Diawara, sem lék
með franska knattspyrnuliðinu
Mónakó á síðustu leiktíð, hefur
gengið til liðs við Tórínó, sem leik-
ur í efstu deild á Ítalíu. Diawara,
sem er fæddur í Senegal, skrifaði
undir fjögurra ára samning við
ítalska liðið.
■ MUSTAPHA Hadji frá
Marokkó, leikmaður spænska
knattspyrnuliðsins Deportivo La
Coruna, hefur vakið áhuga enska
úrvalsdeildarliðsins Coventry. Að
sögn umboðsmanns Hadjis, eru
samningar að komast á lokastig.
■ COVENTRY er einnig á höttun-
um eftir króatíska landsliðsmann-
inum Davor Suker, sem er samn-
ingslaus eftir að hafa yfirgefið her-
búðir Real Madrid á Spáni.
■ BEN Crenshaw, kylfingurinn
snjalli sem mun verða liðsstjóri
bandarísku sveitarinnar í Ryder-
keppninni í september, hefur
ákveðið að taka ekki þátt í Opna
breska meistaramótinu, sem hefst
í næstu viku.
■ MICHEL Preud’homme, Belg-
inn, sem var valinn besti mark-
vörður heimsmeistarakeppninnar
í knattspymu í Bandaríkjunum
1994, hefur ákveðið að hætta
knattspyrnuiðkun, en hann lék
með Benfica í Portúgal á liðinni
leiktíð. Preud’homme er orðinn
fertugur.
■ STEFAN Effenberg hefur verið
gerður að fyrirliða þýska stórliðs-
ins Bayern Munchen. Mario
Basler, sem hefur gegnt því hlut-
verki hingað til, á erfitt með að
sætta sig við það og hefur hafnað
nýjum samningi sem honum var
boðinn. Basier vill að hann sitji við
sama borð og Effenberg og hefur
krafist svipaðra launa og hinn nýi
fyrirliði hefur.
■ MARTIN Palermo, sóknarleik-
maður Argentínu, sem misnotaði
þrjár vítaspyrnur á dögunum í leik
í Ameríkukeppninni, er ekki af
baki dottinn þrátt fyrir það áfall.
Hann skoraði annað mark Argent-
ínumanna er þeir lögðu Uruguay,
2:0.
■ PALERMO verður næst í sviðs-
Ijósinu á sunnudag, en þá leikur
Argentína við Brasilíu í 8-liða úr-
slitum.