Morgunblaðið - 16.07.1999, Blaðsíða 20
20 FÖSTUDAGUR 16. JÚLÍ 1999
MORGUNBLAÐIÐ
VIÐSKIPTI
Griffill opnar nýja netverslun
Tryggja skjóta
afgreiðslu
Griffill mun í framtíðinni bjóða aliar vörur sínar í netversluninni.
VERSLUNIN Grifill hefur opnað
verslun á netinu og mun vegna
samninga við íslandspóst geta
tryggt skjóta afgreiðslu vara um
land allt. „Við munum geta afhent
allar pantanir sem berast fyrir
klukkan 11:00 frá viðskiptavinum á
Stór-Reykjavíkursvæðinu samdæg-
urs en pantanir sem berast síðar
verða afgreiddar daginn eftir,“ seg-
ir Jóhann Ingi Kristjánsson, fram-
kvæmdastjóri Griflils. „Lands-
byggðin færist líka enn nær okkur
því þar getum við afhent vörur dag-
inn eftir ef pöntun er gerð á vefn-
um. Vörumar eru keyrðar beint
heim að dyrum viðskiptavinarins og
ef pantað er fyrir meira en 15.000
krónur er heimsending viðskipta-
vinum að kostnaðarlausu." Jóhann
segir að stöðugt verði unnið að því
að endumýja vöruvalið og ætlunin
sé að vera með sérstök tilboð til
þeirra sem ganga í klúbb viðskipta-
manna sem ráðgert er að stofna í
tengslum við verslunina.
Öryggi í fyrirrúmi
Að sögn Jóhanns hefur undirbún-
ingur tekið um eitt ár en þetta er í
fyrsta skipti sem netverslun á þessu
sviði er opnuð hér á landi. „Við fór-
um af stað með netverslun fyrir síð-
ustu jól með bækur sem gekk vel en
nú höfum við gert endurbætur á
versluninni í samvinnu við Gæða-
miðlun hf. Vefurinn byggir á inters-
hop-verslunarmiðlaranum sem
Gæðamiðlun er umboðs- og þjón-
ustuaðili fyrir á Islandi. Allar við-
kvæmar upplýsingar era dulkóðað-
ar og fluttar í gegnum svokallaðan
SSL-staðal en hann er notaður af
öðram viðurkenndum netverslunum
og bönkum."
Viðskiptavinir munu greiða með
kreditkorti og fastir viðskiptavinir
munu geta tekið vörar út á reikn-
ing. Jóhann segir að það vilji gjam-
an henda að netverslunum sé illa
sinnt af þeim sem reka þær en hjá
Griffli verður sérstökum starfs-
manni falið að sjá um rekstur net-
verslunarinnar.
„Til viðbótar má nefna að net-
verslun okkar býður upp á sérstaka
möguleika, til dæmis svokölluð
bókamerki. Kaupi viðskiptavinur
ætíð sömu vöra í búðinni, t.d. sér-
stakan borða í tölvuprentara, getur
hann pantað hana hjá okkur með
því að klikka á bókamerkið og þarf
ekki að fara í gegnum listann yfir
allar þær vörar sem á boðstólum
era í hvert skipti sem hann fer inn á
netverslunina. Þannig getur við-
skiptavinur í raun byggt upp sína
eigin verslun úr þeim vöram sem
hann kaupir," segir Jóhann. „Við
teljum að þetta skref muni bæta
þjónustu við viðskiptavini okkar
veralega og munum við í framtíð-
inni geta boðið allar okkar vörar
gegnum netverslunina. Aðgangur
að öflugu dreifikerfí Islandspósts
gerir það að verkum að ekki skiptir
máli hvar á landinu viðskiptavinir
okkar era.“
Hitaveita Akraness
og Borgarfjarðar
Skuldir
hafa
lækkað
SKULDIR Hitaveitu Akraness og
Borgarfjarðar, sem tók til starfa eft-
ir uppstokkun veitufyrirtækja í
Borgarfjarðarhéraði, hafa lækkað
um 183 milljónir króna á þeim þrem-
ur árum sem liðin era frá því að fyr-
irtækið tók til starfa í breyttu formi.
Gert er ráð fyrir að greiða niður
skuldir fyrirtækisins, um 90 milljónir'
króna, á þessu ári, að því er fram
kemur í Skessuhorni á Vestur-
landsvefnum.
Hagnaður ársins 1998 nam 7,6
milljónum króna en var 5,9 milljónir
árið 1997. Veltufé frá rekstri hækk-
aði úr 79,9 milljónum ki-óna í 83,9
milljónir og handbært fé í árslok
hækkaði úr rúmlega 80 milljónum í
tæplega 88 milljónir. Eigið fé er því
jákvætt um u.þ.b. 7,3 milljónir króna
og er það í fyrsta skipti í 20 ára sögu
fyrirtækisins sem það gerist.
Stefna danskra fjár-
festingarfélaga
Sparifjár-
eigendur
„missa af“
milljónum
FJÖLMARGIR Danir sem ávaxta
sparifé sitt hjá dönskum fjárfest-
ingafélögum, hafa farið á mis við
milljónahagnað vegna rangrar
fjárfestingastefnu félaganna, að
því er fram kemur í danska blað-
inu Jyllandsposten.
Þrátt fyrir að hlutabréf hafí
hækkað mikið á þessum áratug
hafa fjárfestingarfélög í Dan-
mörku ekki aukið hlutdeild þeirra í
eignasöfnum sínum og hafa fremur
haldið sig við skuldabréf. Sam-
kvæmt Jyllandsposten er þetta
vísbending um að „hlutabréfa-
menning" hafi ekki náð að festa
rætur í Danmörku enn sem komið
er.
Verð á dönskum og alþjóðlegum
hlutabréfamarkaði hefur almennt
hækkað um 75-129% á síðastliðn-
um fimm árum, meðan verð
skuldabréfa hefur hækkað um 58-
62% að meðaltali. Síðan 1993 hefur
hlutfall hlutabréfa í eignasafni
fjárfestingarfélaga hins vegar
lækkað um fimmtung og er nú að
jafnaði 47% en hlutfall skuldabréfa
hefur vaxið í 49% af heild, að því er
fram kemur í Jyllandsposten.
Landsvirkjun kaupir viðhaldskerfí
Islenskt
hugvit valið
LANDSVIRKJUN og Softa ehf.
undirrituðu nýlega samkomulag um
kaup Landsvirkjunar á viðhalds- og
verkstjórnarkerfinu DMM. Það er
aflstöðvadeild Norðurlands sem tek-
ur kerfið í notkun og verður það sett
upp í Blönduvirkjun, Kröfluvirkjun
og Laxárvirkjun á næstu mánuðum.
DMM byggist á gagnagranni sem
heldur utan um allan þann búnað
sem þarf á viðhaldi og eftirliti að
halda, allt frá byggingum og vélbún-
aði í heild niður í skrúfur og olíusíur.
Gagnagrannurinn heldur ennfremur
utan um allar verklýsingar, vara-
hlutalager og starfsmenn.
Kerfið /ylgist með öllu viðhaldi
búnaðar. í sérstakri dagbók má sjá
hvar viðhalds er þörf og hverri verk-
beiðni fylgir verklýsing. Kerfið held-
ur utan um hvert verk og kostnað við
það. Það nýtist því einnig við kostn-
aðargreiningu og greiningu á
frammistöðu búnaðar.
Einbeita sér að
innanlandsmarkaði
Softa er hugbúnaðarfyrirtæki í
Keflavík sem er að þriðjungi í eigu
Hitaveitu Suðurnesja, en DMM-
kerfið var upphaflega þróað fyrir
Hitaveituna. Bjarni Kristjánsson
framkvæmdastjóri Softu sagði, í
samtali við Morgunblaðið í gær, það
vera ætlun Softu að beina kröftum
sínum að íslenska markaðinum fyrst
um sinn en vissulega hefðu erlendir
aðilar sýnt kerfinu áhuga. Hann
sagði samninginn við Landsvirkjun
nú vera afar mikilvægan og er von-
góður um að kerfið verði í framtíð-
inni tekið til notkunar í öllum virkj-
unum Landsvirkjunar.
Óskar Árnason deildarstjóri afl-
stöðvadeildar Norðurlands hjá
Landsvirkjun sagði að deildin hafi
staðið frammi fyrir því að þurfa að
endurnýja viðhaldskerfi í virkjunun-
um þremur. Hann sagði að skoðuð
hafi verið ýmis kerfi, innlend og er-
lend, en eftir að hafa, í samvinnu við
tölvudeild Landsvirkjunar, unnið að
prófununum á kerfinu í Blönduvirkj-
un, var tekin ákvörðun um að ganga
til samninga við Softu.
„Við eram stoltir af því að nota
þetta kerfi því þetta er íslenskt hug-
vit og reynslan hefur sýnt að við Is-
lendingar eram engir eftirbátar ann-
arra í hugbúnaðargerð. Við ætlum að
sjá hvernig gengur með kerfið og
aðrar deildir íyrirtækisins fylgjast
Bjami Kristjánsson, framkvæmdastjóri Softa, og Þórður Gudmundsson,
framkvæmdastjórí rekstrarsviös Landsvirkjunar, handsala samninginn.
einnig með. Fram að þessu höfum
við verið ánægðir," sagði Óskar.
iMac-tölvurnar afar vinsælar
Hagnaður Apple
iMac að þakka
New York. AP.
HAGNAÐUR Apple-tölvufyrir-
tækisins tvöfaldaðist á öðram
fjórðungi þessa árs og fór fram úr
öllum áætlunum. Sala á iMac-
tölvunum hefur gengið vel, enda
eftirspumin mikil. Alls vora
487.000 iMac-tölvur seldar á ný-
liðnum ársfjórðungi, miðað við
350.000 á fyrsta fjórðungi þessa
árs.
Hagnaður fyrirtækisins reyndist
203 milljónir dollara eða sem svar-
ar um 15 milljörðum íslenskra
króna en var á sama tíma í fyrra
101 milljón dollara eða um 7,5
milljarðar íslenskra króna.
Aukinn hagnaður Apple or-
sakast líka af lækkandi kostnaði á
minni og kubbum í iMac-tölvuna en
á móti kemur að Apple hefur þurft
að fjölga starfsfólki um 500 og era
starfsmenn nú alls 8.800.
Vinsældir iMac-tölvunnar era
m.a. þakkaðar óvenjulegri hönnun
og útliti. Vinsældir iMac-tölvunnar
valda áhyggjum í PC-heiminum
þar sem uppi era miklar vangavelt-
ur um nýja hönnun á PC-tölvum.
Eng’in verðbólga
í Bandaríkj unum
Washíngton. Reuters.
VERÐBÓLGA í Bandaríkjunum
mældist engin frá maí til júní, ann-
að skiptið í röð. Neysluverðsvísi-
tala í Bandaríkjunum hefur haldist
óbreytt á tímabilinu frá apríl til
júní og var verðbólga því engin á
tímabilinu. Síðast hélst vísitala
neysluverðs óbreytt tvo mánuði í
röð á tímabilinu frá febrúar til apr-
íl 1986, vegna lækkandi eldsneytis-
verðs.
Fyrirfram var þess vænst að
vísitalan hækkaði um 0,1% en án
matvæla og eldsneytis var áætlað
að hækkunin yrði 0,2% og komu
fréttirnar því nokkuð á óvart.
Gengi bandarískra ríkisskulda-
bréfa hækkaði í kjölfar þeirra.
Neysluverðsvísitalan án matvæla
og eldsneytis hækkaði um 0,1% frá
maí til júní sem er minna en búist
var við. Verðlækkun á bílum og
flugfargjöldum og lækkun á elds-
neyti gerði það m.a. að verkum að
meiri hækkun varð ekki á neyslu-
verðsvísitölunni milli mánaða.
Hækkun á neysluverðsvísitöl-
unni frá mars til apríl sl. nam 0,7%
og í kjölfarið hækkaði bandaríski
seðlabankinn vexti um 0,25% í lok
júní sl. Gert er ráð fyrir að tíðindin
nú lini áhyggjur manna af hugsan-
legu áframhaldi á vaxtahækkunum
bandaríska seðlabankans.
Hlutafjár-
útboð í
Netverki
HLUTAFJARAUKNING í
Netverki er hafin og stendur
til 31. júlí nk., eins og fram
kom í hálffimm fréttum Bún-
aðarbankans í gær. Heildar-
verðmæti hluta er um 150
milljónir króna, miðað við að
hver hlutur sé seldur á geng-
inu 7, en það er sama gengi og
var í síðasta útboði félagsins.
Stefnt er að skráningu Net-
verks á næsta ári og era for-
ráðamenn félagsins með
Bandaríkjamarkað í huga en
engar ákvarðanir liggja fyrir.
Nýr framkvæmdastjóri fyr-
irtækisins er David Allen en
hann tók við af Holberg Más-
syni fyrir fáeinum vikum.