Morgunblaðið - 18.07.1999, Blaðsíða 26
26 SUNNUDAGUR 18. JÚLÍ 1999
MORGUNBLAÐIÐ
Nærföt vinsælust á fslandi
Nærföt eru vinsælasta varan á ís-
landi og segir Eygló að kannanir
hafi sýnt að hlutfallslega sé meira
keypt af nærfötum hér en hjá
Freemans póstverslunum annars
staðar í heiminum.
Að hennar sögn liggur styrkur
Freemans ekki síst í því að fötin eru
fáanleg í svo mörgum stærðum.
„Það hefur verið gífurleg söluaukn-
ing í minnstu stærðunum, svokölluð-
um „petite" stærðum, undanfarin ár.
Astæðan fyrir því er meðal annars
fjölgun útlendinga og nýbúa sem
margir hverjir eru mun smágerðari
en hinn íslenski meðalmaður. Eg hef
heyrt frá konum sem segjast varla
fá á sig föt hér á landi nema í barna-
fataverslunum og kaupa því fatnað
sinn nær eingöngu í gegnum póst-
verslanir."
Hún segir að einnig sé mikið pant-
að af stórum númerum sem að sama
skapi hafa einungis verið fáanleg í
örfáum verslunum á landinu og tæki-
færisfatnaður er sömuleiðis frekar
vinsæll. „Svo er mikið keypt af bað-
fötum og konur hafa verið mjög
ánægðar með að hægt er að kaupa
buxur og brjóstahaldarahvort í sínu
lagi, í sitthvoru númerinu eða jafnvel
hvort af sinni gerðinni,“ segir Eygló.
Endurskipulagning
á Freemans
Lárus Olafsson var stofnandi fyr-
irtækisins hér á landi en núverandi
eigandi, Reynir Þórðarson, kom inn
í reksturinn fyrir 1 1/2 ári. Að sögn
Eyglóar urðu töluverðar breytingar
á fyrirtækinu í kjölfar eigenda-
skiptanna og var rekstur fyrirtæk-
isins aðlagaður enn frekar að
starfsháttum Freemans annars
staðar í heiminum. Ákvörðun var
tekin um að leggja höfuðáherslu á
Freemans sem póstverslun og var
því verslun fyrirtækisins lokað.
„Verslunin þjónaði meðal annars
því hlutverki að þangað gat fólk
komið og keypt vöru sem hafði ver-
ið skilað. Nú sendum við hins vegar
allt sem skilað er til Bretlands og
fáum þaðan nýja vöru að ósk við-
skiptavinarins,“ segir Eygló. Jafn-
framt segir hún að breytingarnar
hafi haft mannaskipti í för með sér
en nú eru fimm starfsmenn í fullu
starfí hjá Freemans.
Ráðning Eyglóar sem markaðs-
stjóra var eitt af því nýja sem ráðist
var í en ekki hafði áður starfað
markaðsstjóri hjá fyrirtækinu.
„Nýjar samkeppnisaðstæður kalla á
nýjai’ markaðsaðferðir og er hlut-
verk mitt meðal annars að þróa
þær,“ segir Eygló. „Til þessa hefur
ekki mikið verið unnið í markaðs-
málum hjá fyrirtækinu en nú verður
nokkur breyting þar á. Á næstunni
er til að mynda fyrirhugað að senda
út markpóst til virkra viðskiptavina
okkar en einnig verða send út 6.000
eintök af nýja vörulistanum."
Árlega eru gefnir út tveir vandað-
ir vörulistar, um 700 síður hvor,
sumarlisti og vetrarlisti. Auk þeirra
eru gefnir út nokkrir minni listar
sem eru jafnframt sérhæfðari.
Nefna má sumarsérlistann, þar sem
hægt er að kaupa það sem fólk
þarfnast ef njóta á sumarsins, allt
frá sólgleraugum til svefnpoka og
einnig er gefinn út jólalisti. Eygló
segir minni listana njóta sífellt meiri
vinsælda og að áætlað sé að dreifa
þeim í auknum mæli til viðskipta-
vina hér á landi.
Hátt gengi pundsins hefur
ekki mikil áhrif á verslun
Þegar Eygló er spurð að því
hvort hátt gengi pundsins að und-
anförnu hafi ekki slæm áhrif á
verslunina segir hún svo ekki vera.
„Þrátt fyrir að verðlagning hafi að
sjálfsögðu áhrif, hafa kannanir sýnt
að hérlendis virðist hún skipta
minna máli en í öðrum löndum. Það
má ef til vill rekja til þess að
Freemans ákvarðar margföldunar-
gengið í vörulistanum fyrirfram og
breytist það ekki út gildistíma list-
ans. Það er ákveðin áhætta fyrir
fyrirtækið en skilar sér í því að við-
skiptavinurinn veit að varan sem
hann keypti fyrir tveimur mánuð-
um kostar það sama í dag. Hins
vegar hefur samanburður við tísku-
vöruverslanir hér á landi sýnt okk-
ur að við erum fyllilega samkeppn
isfær bæði hvað varðar verð og
gæði.“
VIÐSKffTI MVINNULÍF
Á SUNNUDEGI
► Eygló Harðardóttir fæddist 12. desember 1972 í Reykjavík.
Hún lauk stúdentsprófi frá Fjölbrautaskólanum í Breiðholti og
nam listasögu, starfsmannastjórnun og viðskiptafræði í há-
skóla í Stokkhólmi í þrjú ár. Einnig hefur hún stundað nám í
viðskiptafræði við Háskóla íslands. Hún starfaði hjá Ráðning-
arþjónustunni Nínukoti og síðar sem rekstrarstjóri hjá barna-
fataversluniimi Krílinu. Hún hefur starfað sem markaðssljóri
Freemans á íslandi síðan í mars síðastliðnum. Eygló er í sam-
búð með Sigurði Einari Vilhelmssyni líffræðingi.
Eftir Sigríði Dögg Auðunsdóttur
óstverslun Freemans á ís-
landi hefur starfað frá því
1978 og er þvl meðal elstu
póstverslana landsins með
aðsetur að Bæjarhrauni 14, Hafnar-
firði. Fyrirtækið hér á íslandi er
umboðsaðili vörulistans Freemans
of London. Núverandi eigandi og
framkvæmdastjóri er Reynir Þórð-
arson.
Þangað til nýverið var Freemans
of London vörulistinn í eigu bresku
Sears samsteypunnar. Snemma á
þessu ári keypti fjárfestingafyrir-
tækið January Investments Freem-
ans of London og seidi það stuttu
síðar.
Kaupandinn var Otto Versand
Gmb sem er stærsta fyrirtækið á
sviði póstverslunar í heiminum. Eitt
dótturfyrirtækja Otto Versand er
Otto póstlistinn sem hefur jafnframt
útibú hér á landi. Vegna markaðs-
hlutdeildar Otto Versand í Evrópu
eftir kaupin á Freemans fjallaði
samkeppnisstofnun ESB um þau og
samþykkti fyrir mánuði.
Að sögn Eyglóar Harðardóttur,
markaðsstjóra Freemans á Islandi,
er enn ekki ljóst hvaða áhrif kaupin
munu hafa á fyrirtækið hér á landi
en Otto Versand hefur áður fjárfest
í póstlistum sem reknir hafa verið
án breytinga sem dótturfyrirtæki
Otto Versand. „Við gerum ráð fyrir
því að hið sama muni gilda um
Freemans, að það verði rekið áfram
í sömu mynd og það hefur verið rek-
ið til þessa. Hins vegar má alltaf bú-
ast við einhverri hagræðingu með
sameiningu hluta rekstrarins á borð
við lagerhald, innkaup og yfirstjórn.
Það mun áreiðanlega skila sér í
betra verði og vöruúrvali fyrir við-
skiptavini Freemans.“
Mun styttri bið en áður
Eygló segir að miklar breytingar
hafi átt sér stað í fyrirtækinu frá
upphafi í samræmi við breytta sam-
keppnisaðstöðu. „I upphafi var þetta
einn fárra möguleika Islendinga til
þess að kaupa tískuvöru og fólk var
tilbúið til þess að bíða allt að fjórar
til sex vikur eftir vörunni. Þá var allt
pöntunarkerfi handvirkt og inn-
flutningur líka. Færa þurfti allar
pantanir inn skriflega og handskrifa
þurfti allar tollskýrslur. Nú erum
við beintengd við Freemans í
London og tollskýrslur fara sjálf-
krafa til tollstjóra. Að auki er póst-
þjónusta mun hraðvirkari en áður.
Varan berst því fólki 14-18 dögum
eftir að pantað er og ef óskað er eft-
ir hraðsendingu er biðin einungis 2-
7 virkir dagar.“
Að sögn Eyglóar hefur Freemans
á íslandi verið meðal þeirra um-
boðsaðila sem hafa verið hvað fyrst-
ir að tileinka sér tækninýjungar.
„Fyrirtækin víðs vegar um heiminn
eru mjög misjafnlega á vegi stödd
hvað þetta varðar og hafa mörg
þeirra enn ekki tekið í notkun tölvu-
vætt pöntunarkerfi."
Framtíðin á Netinu
Hún segir að framtíðarmöguleik-
ar póstverslunar felist tvímælalaust
í tölvuvæðingu. „Póstverslanir eru
meðal þeirra sem auðveldast eiga
með að setja upp póstverslun á Net-
inu. Öll gögn eru þegar til á tölvu-
tæku formi og það eina sem þarf að
gera er að færa þau yfir á Netið á
aðgengilegan hátt fyrir viðskipta-
vini. Freemans of London opnaði
póstverslun á Netinu 1997 sem hef-
ur verið í stöðugri þróun síðan. Á
síðasta ári var verslað fyrir 500.000
pund einungis í gegnum netverslun-
ina.“
Að sögn Eyglóar eru Islendingar
svo framarlega á sviði tölvunotkun-
ar og netvæðingar að líklega verði
Freemans á íslandi meðal fyrstu
fyrirtækja Freemans til að setja upp
eigin netverslun. „Islenska netversl-
unin yrði sjálfstæð eining þar sem
hægt yrði að svara kröfum íslenskra
neytenda, til dæmis með því að veita
ráðleggingar um hvernig velja eigi
stærðir og fleira."
Aðspurð segir Eygló það líklegt
að verð í íslensku netversluninni
yrðu gefin upp í pundum en þegar
búið er að fylla út pöntunarseðilinn
reiknast lokaverð í íslenskum krón-
um.
Freemans á geisladiski
Nú þegar hefur vörulisti Freem-
ans verið gefinn út á CD-Rom
geisladiskum í Bretlandi og geta
viðskiptavinir því valið á milli geisla-
disks og prentaða listans. Ekki mun
líða á löngu þar til íslenskir við-
skiptavinir geta notið þessa val-
kosts. „Það eru óendanlegir mögu-
leikar með aukinni tölvuvæðingu,"
segir Eygló. „Menn hafa séð fyrir
sér að fólk geti látið taka þrívíddar-
tölvumynd af sjálfum sér sem síðan
væri hægt að máta föt á úr vörulist-
anum á Netinu. Það er einmitt
ástæðan fyrir því að póstverslanir
eru svo vinsælar sem raun ber vitni.
Fólk hefur annað hvort ekki tíma til
að fara í verslanir og máta föt, eða
vill sleppa við það af öðrum ástæð-
um.
„Póstverslanir eru afskaplega
þægilegur verslunarmáti," heldur
Eygló áfram. „Þótt sumir telji það
erfitt að kaupa föt án þess að máta
þau, er það nokkuð sem kemst upp í
vana. Með tímanum lærir fólk betur
inn á stærðir og að velja snið við
hæfi.“
Meirihluti viðskiptavina er
konur á höfuðborgarsvæðinu
Þegar Eygló er spurð um sam-
setningu viðskiptamannahóps
Freemans á Islandi segir hún að
95% viðskiptavina séu konur. „Það
kemur ef til vill ekki svo á óvart.
Konurnar versla mest á sig sjálfar
en einnig á börnin og eiginmennina.
En það sem virðist koma fólki mest
á óvart er að 60-70% viðskiptavina
okkar eru búsettir á höfuðborgar-
svæðinu. Flestir virðast hafa þá
mynd af Freemans að fólk á lands-
byggðinni sé það sem versli hér
mest vegna þess að þar er ekki jafn
fjölbreytt úrval verslana. En reynd-
in er ekki sú. Um helmingur þeirra
sem skipta við okkur er á aldrinum
25-35 ára og 95% eru á aldrinum 25-
55. Það eru því konur á höfuðborg-
arsvæðinu sem er stærsti viðskipta-
mannahópur okkar.“
Hún segir að virkir viðskiptavinir
séu um 6000. „Þá er ég að tala um
fólk sem skiptir við okkur reglulega.
Sumir mánaðarlega en aðrir einu
sinni til tvisvar á ári. Hins vegar er-
um við með um 50.000 manns á við-
skiptamannaskrá, en það er fólk
sem hefur verslað við okkur ein-
hvem tímann á síðustu tuttugu ár-
um.“
# ^ Morgunblaðið/Arnaldur
EYGLO Harðardóttir segir íslendinga svo framarlega á sviði tölvunotkunar og netvæðingar að líklega verði Freemans á íslandi meðal fyrstu
fyrirtækja Freemans til að setja upp eigin netverslun.
PÓSTVERSL UN
ER FRAMTÍÐIN