Morgunblaðið - 18.07.1999, Blaðsíða 42

^2 SUNNUDAGUR 18. JÚLÍ 1999
MORGUNBLAÐIÐ
Dýraglens
Hundalíf
Ljóska
Smáfólk
Thomas Paine sagði: “Þetta eru þeir
fctímar sem sálir manna eru prófaðar”
Um hvað var hann að tala?
Klippa og lima..
BREF
TIL BLAÐSINS
Kringlunni 1 103 Reykjavík • Sfmi 569 1100 • Símbréf 569 1329
Engum greiði
gerður með
Greiðabílum
Frá Ingólíí Þór Hlynssyni og Frið-
riki Vigfússyni:
ÞETTA er leiðinda lífsreynslusaga
af mölinni þar sem aðalpersónurn-
ar eru ísskápur, eigandi hans, vin-
ur eigandans og greiðabílstjóri.
Söguþráðurinn er ekki margbrot-
inn en orðbragðið heldur óvandað
og spurning hvort það geti talist
við hæfi siðprúðra lesenda Morg-
unblaðsins sem eiga nú annars
góðu að venjast.
Við fengum Greiðabíl til að
flytja ísskáp á milli staða, hjálpuð-
um bílstjóranum með ísskápinn og
báðum hann að flytja hann frá
Kleppsvegi í Mjóuhlíð; við ætluð-
um að hitta hann þar. Þar sem
annar okkar er utan af landi og
rataði því ekki stystu leið, auk
þess sem við lentum í umferðar-
teppu á Miklubraut, höfum við
verið um 20 mínútur á leiðinni.
Þegar við komum á áfangastað var
bílstjórinn farinn með ísskápinn.
Við hringdum á stöðina og
spurðum hvar ísskápurinn væri.
Okkur var gefið símanúmer hjá
bílstjóranum og hringdum við í
hann. Þá sagðist hann hafa beðið
drjúga stund og farið svo með ís-
skápinn aftur á Kleppsveg. Við
spurðum af hverju, fyrst við hefð-
um beðið hann um að bíða eftir
okkur. Þá svaraði hann hastarlega:
„Af hverju eruð þið með svona
stæla við mig?“ Við sögðumst ekki
vera með neina stæla heldur ein-
falda spumingu. Þá hreytti hann í
okkur að halda kjafti, bætti við að
við værum fífl og skellti á.
Okkur var brugðið og ákváðum
við að hringja í stjórnstöðina. Þá
sagði sá sem varð fyrir svörum að
hann treysti sér ekki til að gera
neitt fyrir okkur; bílstjórinn hefði
allt aðra sögu að segja. Við sem
hefðum verið allir af vilja gerðir að
hlusta.
Ekki var öllu lokið enn, þótt
okkur væri öllum lokið. Svo virðist
sem bílstjórinn hafí dregið þennan
áður ágætlega útlítandi ísskáp úr
bílnum einn síns liðs á Kleppsveg-
inum því þegar náð var í ísskápinn,
vitaskuld með annarri sendibíla-
stöð, var hann allur rispaður á
hliðinni.
Við erum vissulega ekki komnir
langt á þrítugsaldurinn og kannski
ekki miklir iyrir mann að sjá; en
við ætlumst engu að síður til að
komið sé fram við okkur af virð-
ingu og sanngimi. Að sendibíla-
stöð hér í borg sem kennir sig við
greiðvikni telji sig geta svínað á
okkur án nokkurra eftirmála og
kallað okkur öllum illum nöfnum í
þokkabót; okkur finnst það bara
fjandi hart.
INGÓLPUR ÞÓR HLYNSSON
Mjóuhh'ð 6, Reykjavík.
FRIÐRIK VIGFÚSSON
Nesbakka 12, Neskaupstað.
Til grunnskólakennara,
sérstaklega í Reykjavík
og Kópavogi
Frá Gísla Ólaíi Péturssyni:
BORGARSTJÓRINN í Reykjavík
býður ný starfskjör. Kópavogsbær
tekur undir. Með þeim hrapa kjör
grunnskólakennara niður til okkar
sem kennum við framhaldsskól-
ana. Við höfum verið á botninum
frá síðustu samningum. Þá nefni-
lega - ekki bara féllust samninga-
menn okkar á svona tillögur. Nei,
ónei. Þeir börðust fyrir þeirri náð
að fá að gera slíkan samning. Síð-
an kennum við fleiri tíma í fleiri
vikur og bætum á okkur vinnu við
ýmsa tilfyndni. Það hét að við
fengjum greitt fyrir meiri vinnu -
sem við ekki óskuðum eftir! Svo
munaði okkur ekkert um að bæta á
okkur vinnu undan og eftir
kennslutímabilum. Okkar vaska
samningssveit klippti bara af kaffi-
tímunum! Aldrei var greitt nema
fyrir brot af hinni auknu vinnu. Sá
launaauki er löngu horfinn - en
vinnuaukinn varir.
Það þarf ekki lengur að spá um
þróun launanna okkar. Loks er
hún staðfest í Kennarablaðinu. AIl-
ar hrakspár reyndust réttar. Við
höfum hrapað aftur úr öðrum. En
þá er ekki allt talið. Mestum hluta
sumartímans var dengt ofan á
vetrarstarfið. Auðvitað verðum við
jafnt og áður að mæta endurnýjun
og umbyltingu - en nú fer sumar-
fríið til þess!
Varúð!
Samningamenn okkar sáu hill-
ingar þegar þeim bauðst svipað því
sem borgarstjórinn í Reykjavík
býður ykkur. Við værum miklu
betur settir með engan samning
frá árinu 1997. Sú gríðarlega
starfskjaraskerðing sem fylgdi
breytingu vinnutímans gerði allar
stundarbætur hlálegar. Langt
mun líða áður en við fáum hrundið
þessari hörmung sem samin var
yfir okkur - með sigurbros á vör.
Grunnskólakennarar, gætið að
kennsluskyldunni og starfskjörun-
um. Það eru þau sem skipta máli
þegar til lengdar lætur.
GÍSLI ÓLAFUR
PÉTURSSON,
framhaldsskólakennari.
Allt efni sem birtist í Morgunblaðinu og Lesbók er varðveitt í upplýsinga-
safni þess. Morgunblaðið áskilur sér rétt til að ráðstafa efninu þaðan, hvort
sem er með endurbirtingu eða á annan hátt. Þeir sem afhenda blaðinu efni
til birtingar teljast samþykkja þetta, ef ekki fylgir fyrirvari hér að lútandi.