Morgunblaðið - 18.07.1999, Blaðsíða 48
- 48 SUNNUDAGUR 18. JÚLÍ 1999
MORGUNBLAÐIÐ
FÓLK í FRÉTTUM
%
<
Listasýning í Esbjerg í ágúst
Vatnslitir og fisktrönur
Við Krísuvíkurveg
standa fisktrönur en
hluti þeirra er á leið á
listasýningu í Dan-
mörku. Sunna Ósk
Logadóttir ræddi við
listamenn sem vinna
að sýningunni.
UNNUR Jórunn Birgisdóttir
listakona er á leið til danska
bæjarins Esbjerg ásamt físk-
trönum og þurrkuðum þorskhaus-
um. Þar mun hún taka þátt í stórri
sýningu niðri við höfnina og verða
trönumar og hausarnir sem þeim
fylgja einnig hluti af sýningunni.
Únnur ætlar að sýna vatnslitamynd-
ir sem flestar eru af fisktrönum og
íslensku landslagi.
Það er fyrirtækið Viking Lifesav-
ing sem heldur sýninguna er hefst
þann 14. ágúst og stendur í viku.
Sýningin er haldin í tilefni 125 ára
kaupstaðarafmælis Esbjerg-bæjar
og verður slegið upp niðri við gömlu
höfnina.
Danski listamaðurinn Agust Kru-
se Pedersen átti hugmyndina að því
að flytja trönurnar frá íslandi en
Viking Lifesaving fékk hann til að
skipuleggja sýninguna. Fyrirtækið
selur, eins og nafnið ber með sér,
ýmsan varning til björgunastarfa,
allt frá björgunarbátum til björgun-
arvesta en Icedan í Hafnarfirði er
umboðsaðili fyrir Viking hér á landi.
Fyrstu fisktrönur
í Danmörku
„Þetta er í fyrsta skipti sem trön-
ur frá Islandi verða settar upp í
HELGI Jörgensen aðstoðarmaður, Unnur Jórunn Birgisdóttir og
Agust Kruse Pedersen umkringd þurrkuðum þorskhausum.
Danmörku,“ sagði Agust þar sem
hann stóð við trönurnar sem brátt
átti að taka niður. „Við ætlum að
taka tvö fög úr þessum trönum og
nokkra þorskhausa, setja í gám og
flytja til Esbjerg á morgun [þriðju-
dag]. Við ákváðum að fá Unni með
okkur þar sem Viking er í samstarfi
við fyrirtæki á Isiandi og því viðeig-
andi að íslenskur listamaður sýndi á
hátíðinni." Unnur hefur áður haldið
sýningu í Esbjerg og er því þekkt
meðal bæjarbúa. „Ég er mjög tengd
Danmörku. Mér finnst ég vera kom-
in heim þegar ég kem þangað,“ sagði
Unnur og sýndi blaðamanni fallegar
og litríkar vatnslitamyndir. Mynd-
irnar verða til sýnis í húsi niðri við
höfnina sem var áður fyrr var mikil
athafnahöfn. Nú leggjast þar aðal-
lega að bryggju snekkjur og aðrir
glæsibátar svo hlutverk hennar hef-
ur breyst.
Steinhöggvari
ættaður frá íslandi
A sýningunni á hafnarbakkanum
mim kenna ýmissa grasa. Meðal
þeirra listamanna sem sýna verða
ungur fatahönnuður frá Danmörku
og steinhöggvari sem er hálfur Fær-
eyingur og hálfur Islendingur en bú-
,eið 'ferdaía™ ÖnUrnar
settur í Danmörku. Viking mun
einnig sýna nýjustu vörur sínar,
björgunaræfingar verða haldnar
daglega og sýningargestum boðið að
skoða hátækni björgunarþyrlu.
Mikill vinskapur hefur verið milli
Hafnarfjarðar og Esbjerg í gegnum
aldirnar vegna verslunar og fisk-
veiða. „Þegar sýningunni lýkur
verða trönurnar fluttar í Sjávarút-
vegssafnið í Esbjerg. Þar munu þær
standa í framtíðinni,“ sagði Agust.
Trönurnar verða því nokkurs konar
minnisvarði um vináttu kaupstað-
anna tveggja.
Agust er fjölhæfur listamaður sem
kemur víða við í listsköpun sinni. A
síðustu árum hefur hann tekið að sér
ýmis listatengd verkefni fyrir fyrir-
tæki. „Fyrirtækin koma til mín og
byðja mig t.d. að setja upp sýningu
með ákveðnu þema. Forsvarsmenn
þeirra vilja oft vinna með lista-
mönnum og ég sé um að finna þá
og skipuleggja sýningar," sagði
Agust sem heldur sjaldan sýningar
á eigin verkum. „Það kemur fyrir
að ég máli myndir af einhverju sem
tengist fyrirtækinu, eins og t.d. af
skipum í smíðum fyrir skipasmíða-
stöðvar. Stundum reyni ég að fínna
hluti sem segja eitthvað um starf-
semi fyrirtækisins og ímynd þess,“
sagði Agust. „Þar sem höfnin í Es-
bjerg er gömul fiskibátahöfn datt
mér í hug að flytja þangað fisk-
trönur frá Islandi. Og af því að
Hafnarfjörður hefur tengst Es-
bjerg í gegnum aldirnar var viðeig-
andi að trönurnar ættu rætur sínar
að rekja þangað."
MYNDIN Your Friends and Neighbors er hreinskilin og einkar
vel leikin mynd.
f hundakofanum
(In the Doghouse) irk'k
Skemmtileg fjölskyldumynd sem tek-
ur sig mátulega alvarlega. Kímnin lyft-
ir frásögninni og gerir að verkum að
flestir ættu að geta notið góðrar
stundar við skjáinn.
Innbrotsmenn
(Safe Men) irk'k
Mjög skrítin og alveg sérstaklega vit-
laus mynd en skemmtileg á köflum og
sprenghlægileg inn á milli, og óhætt að
mæla með við flesta sem leita sér að
stundarafþreyingu.
Fjárhættuspilarinn
(The Gambler) irkk'k
Skemmtileg saga sem fléttar saman
skáldskap og raunveruleika á marg-
slunginn hátt. Handritið er í sérflokki
og leikurinn frábær.
Hershöfðinginn
(The General) irk'k
Vel gerð og ágætlega leikin írsk mynd
um glæpamanninn Martin Cahill sem
, ólst upp í fátækrahverfum Dyflinnar
og varð eins konar goðsögn á sínum
heimaslóðum.
Tökum sporið
(Dance With Me) irk'k
Þessari dansmynd er óhætt að mæla
með fyrir þá sem kunna að meta suð-
ræna sveiflu, notalega rómantík og
sykursæta leikara.
Dansinn kirk'k
Dansinn er besta íslenska kvikmynd
síðustu ára og vekur vonir um bjartari
framtíð greininni til handa.
I Evuvík (Eve’s Bayou) kkkk
Óvenjulegt samræmi er í myndinni
sem stöðugt minnir á hita, ástríður og
galdur. Evuvík er án efa eitt besta,
djarfasta og metnaðarfyllsta fjöl-
skyldudrama sem fest hefur verið á
filmu lengi lengi.
Hin eina sanna Ijóska
(The Real Blond) kkk
><*
Verulega góð og þaulhugsuð mynd
Góð myndbönd
sem vekur upp þarfar og áhugaverðar
spumingar um sambönd kynjanna frá
ólíkum sjónarhomum.
Kossinn (Kissed) kkk
Vel leikin og skrifuð mynd, fáguð í út-
liti og framsetningu og í ljósri mótsögn
við óhugnarlegan efniviðinn. Ótrúlega
djörf og eftirminnileg á sinn sérstaka
hátt. Vel þess virði að skoða, fyrir þá
sem treysta sér.
Skuggamyndir
(Portraits Chinois) kk'k
Skuggamyndir er ágæt skemmtun
og krefjandi tilbreyting frá bandarísku
síbyljunni. Persónur em margar og
myndin kallar á vakandi athygli áhorf-
andans allan tímann.
Truman þátturinn.
(The Truman Show) kkkk
Stór, „sönn“ og frábærlega uppbyggð
samsæriskenning sem lítur gagnrýnið
á menningu samtímans. Handritið er
afburðagott og myndin óaðfinnanleg
frá tæknilegu sjónarhorni. Mynd sem
allir ættu að sjá.
Gildir einu (Whatever) kkk
Raunsæisleg kvikmynd um umstang
uppvaxtaráranna á fyrri hluta ní-
unda áratugarins. Jarðbundin og
þroskuð nálgunin gerir myndina
áhrifaríka.
(Next Stop Wonderland)
kkk'k
Nýstárleg og vel gerð rómantísk gam-
anmynd sem skartar margbreytilegri
persónusköpum og skondnum húmor.
Góð mynd sem skilur eftir sig notalega
sumartilfinningu.
Risinn minn
(My Giant) kk'k
„Risinn minn“ er góðlátleg lítil mynd
sem ætti að geta verið ágæt skemmtun
fyrir alla fjölskylduna.
Kennslustund í tangó
(The Tango Lesson) kkk
Margslungin mynd sem einkennist af
mótsögnum. Sjálfhverf, tilgerðarleg og
vond, en um leið einlæg, djörf og kím-
in. Hún stendur og fellur með viðtök-
um hvers og eins.
Samningamaðurinn
(The Negotiator) kkk'k
Tæknilega fullkomin, áferðarfalleg og
mjög vel unnin kvikmynd og án efa í
flokki bestu hasarmynda síðustu ára.
Jackson og Spacey eru alvöru töffarar.
Dauði á vistinni
(Dead Man on Campus) kk'k
Þokkalega skemmtileg vitleysa og fín
gamanmynd. Handritið er sæmilega
unnið, helstu sögupersónur vel heppn-
aðar og myndin ágæt skemmtun.
Með húð og hári (Lock, Stock
and Two Smoking Barrels) kkk
Eiginlega blanda af „Pulp Fiction" og
„Trainspotting", fyrirtaks afþreying
sem hefði getað verið þó nokkuð meira
með þó nokkuð minni áhrifagirni.
Get ekki varla beðið
(Can’t Hardly Wait) kkk
Gaggó-gelgjumynd sem kemur á
óvart. Leikið er skemmtilega með
staðlaðar týpur, snúið upp á þær og
flett ofan af þeim. Öruggt lið ungra
leikara heldur uppi fjörinu.
Fánalitirnir
(Primary Colors) kkk'k
Pólitísk en um leið litrík og bráðfyndin
mynd um persónur og atburði sem
byggðar eru á sjálfum Clinton og hans
fólki. Travolta sýnir ógleymaleg Clint-
on-tilþrif innan um einvalalið leikara.
Mikilmennið
(The Mighty) kkk'k
Óvenju vönduð bandarísk fjölskyldu-
mynd sem fjallar á hjartnæman hátt
um ljósar og dökkar hliðar hvers-
dagstilverunnar og á erindi við börn
jafnt sem fullorðna.
Spilamenn
(Rounders) kk'k
Lipur og hnyttin pókermynd sem fer
með áhorfandann í skemmtiferð um
undirheima fjárhættuspilamennskunn-
ar. Um leið er um óraunsæislega upp-
hafningu á spilafíkninni að ræða.
Foreldragildran
(The Parent Trap) kk'k
Fín afþreying og skemmtun fyrir alla
fjölskylduna sem ekki ætti að skilja of
mikið eftir sig. Ekta Disney mynd.
Óvinur ríkisins
(Enemy of the State) kkk
Dæmigerð stórhasarmynd, framleidd
og leikin af sönnum atvinnumönnum i
bransanum. Ekkert sem kemur á
óvart, sem kemur ekki á óvart.
Baðhúsið (Hamam) kk'h
Áhugaverð og óvenjuleg tyrknesk
mynd um framandi menningarheima
og töfra þeirra.
Sjálfsvígskóngamir
(Suicide Kings) kk'k
Leikararnir, einkum Dennis Leai-y og
Christopher Walken, bjarga myndinni.
Hún hefði getað verið þó nokkuð betri
en nær ágætlega að halda afþreying-
ar- og skemmtigildi.
Aftur til draumalandsins
(Return to Paradise)***'^
Dramatísk spennumynd sem sækir
kraft í huglæga þætti og varpar sið-
ferðilegum vanda yfir á áhorfandann.
Eftirminnileg og framúrskarandi vel
leikin mynd sem fær úrvals meðmæli.
Vinir þínir og nágrannar (Your
Friends and Neighbors)**'*'1/;
Mynd sem kafar dýpra í mannleg
samskipti og kynlíf en áhorfendur
eiga að venjast. Hreinskilin og einkar
vel leikin.
Skoteldar
(Hana-bi)****
Blóði drifin harmsaga sem einkennist
af sjónrænni fegurð og djúpri list-
rænni fágun. Japanski leikstjórinn Ta-
keshi Kitano nýtir hér möguleika kvik-
myndaformsins til hins ýtrasta.
Ópíumstríðið
(Yapian zhanzhung)AA*
Áhugavert sögulegt drama sem fjallar
um ópíumstríðið svokallaða milli Breta
og Kínverja. Kvikmyndin líður þó fyrir
að hafa verið stytt umtalsvert frá upp-
runalegri útgáfu.
Vestri (Western)
kk'k
Franskur nútímavestri, sem fylgir
tveimur ferðalöngum á hægagangi um
sveitir Vestur-Frakklands. Sposk,
hæglát og sjarmerandi.
Guðmundur Ásgeirsson/Heiða
Jóhannsdóttir/Ottó Geir Borg