Morgunblaðið - 25.07.1999, Blaðsíða 48

48 SUNNUDAGUR 25. JÚLÍ 1999
MORGUNBLAÐIÐ
FÓLK í FRÉTTUM
GUNNAR, Rúrik, Bessi og Ámi á góðri stund við tökur sjónvarpsmyndarinnar.
EGILL Eðvarðsson ásamt samstarfsmönnum í kirkjugarðinum.

Gerð sjónvarpsmyndarinnar Fjögur hjörtu að Ijúka
Fjögur hjörtu fer af
fjölunum á filmu
Sjónvarpsmynd, gerð eftir leikriti Ólafs Jóhanns Ólafssonar,
Fjögur hjörtu, verður sýnd í Sjónvarpinu fyrri hluta vetrar.
Sunna Osk Logadóttir ræddi við aðstandendur myndarinnar
um menningarlegt gildi kvikmyndarinnar og muninn á
leikhúsuppfærslu og sjónvarpsmynd.
Morgunblaðið/Jón Svavarsson
TÓMAS R. Einarsson, Hallur Helgason, Ólafur Jóhann Ólafsson og
Egill Eðvarðsson standa að gerð sjónvarpsmyndarinnar Fjögur hjörtu.
BESSI leikur prest í Fjómm hjörtum.
EIKRITIÐ Fjögur hjörtu
var frumsýnt í Loftkastal-
anum jólin 1997 undir
leikstjóm Halls Helga-
sonar. Verkið naut fádæma vin-
sælda enda í því samankomnir
fjórir af ástsælustu leikurum þjóð-
arinnar, þeir Árni Tryggvason,
Bessi Bjarnason, Gunnar Eyjólfs-
son og Rúrik Haraldsson. Tómas
R. Einarsson sá um tónlistina í
myndinni og Egill Eðvarðsson
stjórnaði upptöku.
Höfðu sjónvarpsmynd í
huga frá upphafi
„Við Ólafur ákváðum á sínum
tíma að setja leikritið upp í Loft-
kastalanum og það tókst svo Ijóm-
andi vel til. Hins vegar fannst okk-
ur frá upphafi að þetta væri gott
efni í sjónvarpsmynd," sagði Hallur
leikstjóri. „Þetta verk passar vel að
þeim miðli sem sjónvarpið er og við
Ólafur ákváðum að fá Egil og
Tómas til að gera þetta með okk-
ur.“
Hallur segir að ekki hafi þurft að
breyta handritinu eða uppsetningu
verksins mikið frá sviðsetningunni
en nokkrar senur voru færðar út í
kirkjugarð. Þeir Egill, Hallur, Ólaf-
ur Jóhann og Tómas eru allir sam-
mála um að leikrit séu misvel til
þess fallin að kvikmynda óbreytt.
„En Fjögur hjörtu er einhvem veg-
inn svoleiðis í laginu að það þurfti
ekki mikið að breyta byggingunni á
því,“ sagði Hallur.
Þegar bækur eru kvikmyndaðar
heyrast oft gagnrýnisraddir þess
efnis að töfrar bókarinnar tapist á
milli þessara ólíku miðla. Hinu
sama er stundum haldið fram um
kvikmynduð leikrit. „Það er hægt
að gera hluti í mynd sem ekki er
hægt að gera á sviði,“ sagði Ólafur
Jóhann. „Þar er hægt að hafa fólk í
nærmynd og setja viðeigandi tónlist
undir svo dæmi séu tekin. Mér
finnst Fjögur hjörtu koma vel út,
bæði á sviði og á skjánum og er
mjög ánægður með myndina."
Tónlist Tómasar R. Einarssonar
fær að njóta sín í myndinni en þeg-
ar verkið var á leiksviði var lítil tón-
list í því. „Eg samdi tónlistina sér-
staklega fyrir þetta verk,“ sagði
Tómas. „Hún er mestan part trega-
full, þó með glaðlegum innskotum
hér og þar.“
Þijár leiðir að kvik-
myndun leikrits
Egill Eðvarðsson hefur marg-
sinnis fengist við að gera sjónvarps-
myndir og segir þrjár leiðir mögu-
legar við að færa leikrit af fjölunum
og á filmu. „Hægt er að fara þá leið
að taka leikritið upp í leikhúsinu
með fullt hús af fólki sem hlær og
grætur. Einnig er hægt að gera
kvikmynd en það kostar mikla pen-
inga og stílfæringar. í þriðja lagi er
hægt að fara þá leið sem við fórum,
að gera sjónvarpsmynd í samstarfi
við fyrirtæki eins og Sagafilm. Þá
er verkið að mestu tekið í stúdíói
sem er ekki ósvipað leiksviði en við
missum viðbrögð áhorfendanna.
Það býður þá einnig upp á að hluti
verksins sé tekinn t.d. úti eins og
við gerðum."
Leikaramir fjórir sem leika í
verkinu hafa fengið frábæra dóma
og önnur verk með eldri leikurum í
aðalhlutverkum hafa verið sett upp
í kjölfarið. „Eg hafði þessa ákveðnu
leikara að vissu leyti í hugaþegar
ég skrifaði leikritið," sagði Ólafur,
sem er mjög ánægður með frammi-
stöðu þeirra. „Þegar farið var að
æfa þá aðlagaði ég hluta textans að
þeim.“
Tökur myndarinnar hófust í maí
og stóðu í rúma viku en leiksýning-
in hafði lengri aðdraganda. „Við
tókum óvanalega langan tíma i að
æfa verkið," sagði Hallur. „Tókum
stuttar æfingar og dreifðum þeim
yfír þriggja mánaða tímabil. Það
var mjög skemmtilegur og spenn-
andi tími og Ólafur var oft viðstadd-
ur og lagfærði og endurskrifaði.“
Fjögur hjörtu gekk fyrir fullu
húsi í tvö leikár svo þeir Ámi,
Bessi, Gunnar og Rúrik hafa fengið
góðan tíma til að kynnast persón-
unum sem þeir leika. ,A þessum
tíma eru þeir búnir að sh'pa vel
hvert smáatriði," sagði Hallur.
„Flestar sýningar sem verða mjög
vinsælar byggjast á ungu fólki en
eldri leikarar hafa verið í aukahlut-
verkum. Það er því óvanalegt að
leikrit með fjómm stóram hlut-
verkum fyrir eldri leikara hafi sleg-
ið í gegn.“
Hallur hafði fengið að heyra
ýkjusögur um viðmót eldri leikara
áður en æfíngar hófust í Loftkast-
alanum. „Mér var sagt að gamlir
leikarar ætu unga leikstjóra eins
og mig í hádegismat!" En Halls
nýtur enn við þannig að reikna má
með að samstarfið hafi gengið vel.
Lxtið um xslenskt efni
„Það er alltof lítið íslenskt efni
sýnt á þessum tveimur útbreidd-
ustu sjónvarpsstöðvum okkar,“
sagði Hallur. „Áhorfendur og lands-
menn allir eiga heimtingu á því að
þetta efni sé unnið sómasamlega og
að stöðvarnar eigi framkvæði að
framleiðslu íslensks efnis.“ Agli
finnst ánægjuleg breyting til hins
betra hafa átt sér stað í þessum
efnum undanfarin ár og honum
virðist sem sjónvarpsstöðvamar
séu að taka við sér.
Þótt sýningar gangi vel í leikhúsi
og margt fólk sjái þær er alltaf stór
hluti landsmanna sem gerir það
ekki og á þess jafnvel ekki kost.
„Það er heilmikil vinna lögð í leik-
sýningar og því full ástæða til að
taka þær upp,“ sagði Egill. „Ég tala
nú ekki um það menningarlega
varðveislugildi sem slík kvikmynd-
un hefur. Að eiga þessa fjóra frá-
bæra leikara saman í sjónvarps-
mynd er menningarlega séð nauð-
synlegt. Þjóðin á heimtingu á að
varðveitt séu framsamin íslensk
leikverk en auðvitað liggja einnig
fjárhagslegar ástæður að baki.
Alltof lítið af vinnu leikara sem nú
era fallnir frá er til á filmu og þar
með er hluti af menningarsögu
þjóðarinnar horfinn þótt minning-
amar lifi í hugum fólks.“
Eftir þær frábæra viðtökur sem
Fjögur hjörtu fengu hjá almenningi
hljóta margir að iða í skinninu að
vita hvort Ölafur Jóhann sé með
annað leikrit í bígerð. „Ég er með
hugmyndir sem ég á eftir að sjá
hvað verður úr, það er ekki lengra
komið en það,“ sagði hann en bætti
við að hann hefði haft mjög gaman
af því að skrifa Fjögur hjörtu svo
að aðdáendur hans geta verið bjart-
sýnir en verða að vera þolinmóðir
næstu misserin.