Morgunblaðið - 30.07.1999, Blaðsíða 10

10 FÖSTUDAGUR 30. JÚLÍ 1999
MORGUNBLAÐIÐ
FRÉTTIR
Rúmir 34,8 milljarðar lagðir
á Reykvíkinga
Þráinn Hjartarson
með 41,3 milljóna
króna gjöld
ÁLAGNING á Reykvíkinga sam-
kvæmt álagningarskrá 1999 eru
rúmir 34,8 milljarðar króna og eru
þá lögð saman öll gjöld 85.858 skatt-
greiðenda. Barnabætur eru um 1,5
milljarðar króna og vaxtabætur 1,6
milljarðar. Þá eiga 1.103 böm í
Reykjavík að greiða alls rúmar 9,2
milljónir í gjöld.
Mest heildargjöld á Þráinn
Hjartarson útgerðarmaður að
greiða, 41,3 milljónir, í öðru sæti
er Ingibjörg Guðmundsdóttir með
24,9 milljónir og þriðji gjaldhæsti
einstaklingurinn er Gunnar I. Haf-
steinsson sem greiða á 22,4 millj-
ónir. Mestan eignarskatt og sér-
stakan eignarskatt greiðir Ingi-
björg Guðmundsdóttir 10,3 millj-
ónir, síðan Davíð S. Jónsson, 2,3
milljónir og Margrét Garðarsdótt-
ir rúmar tvær milljónir. Mest
tryggingagjald einstaklinga greið-
ir Árni Samúelsson, 4,5 milljónir,
en síðan koma Gunnar I. Haf-
steinsson, sem greiða á 4,2 milljón-
ir og Ingimundur Ingimundarson
3,3 milljónir.
Þá kemur fram í frétt frá skatt-
stjóranum í Reykjavík að 4.197 lög-
aðilar greiða alls rúma 8,9 milljarða
króna í tryggingagjald og eru heild-
argjöld sem innheimt eru hjá skatt-
stjóranum rúmlega 43,7 milljarðar
króna.
Af lögaðilum greiðir Ríkisbók-
hald mest tryggingagjald eða rúma
2,2 milljarða, Reykjavíkurborg
greiðir 707 milljónir og Flugleiðir
274 milljónir.
Alls er tekjuskattur á einstak-
linga í ár 16,6 milljarðar króna, út-
svar er 15,1 milljarður og eignar-
skattur rúmlega milljarður. Þá er
fjármagnstekjuskattur 713 milljón-
ir, gjaldendum ber að greiða 507
milljónir í tryggingagjald og 457
milljónir í sérstakan eignarskatt.
Álagningarskráin liggur frammi
hjá skattstjóranum í Reykjavík til
13. ágúst.
Heildargjöld Tekjusk. og Útsvar
sérst. tsk
41.309.847 30.211.519 10.159.716
24.924.844 12.291.200 1.486.610
i 22.408.072 12.964.135 4.429.090
15.247.339 10.108.574 3.521.912
i 13.281.885 7.415.465 2.261.420
12.833.739 8.683.952 3.039.386
12.610.994 9.098.142 3.107.638
10.939.098 8.235.031 2.344.996
10.104.581 8.593.844 280.393
9.871.090 7.050.782 2.306.697
Tíu greiðendur hæstu opinberra gjalda í Reykjavík 1999:
Einstaklingar
Þráinn Hjartarson, Vallengi 6
Ingibjörg Guðmundsd., Háuhlíð 12
Gunnar I. Hafsteinsson, Skildingan. 58
Garðar Þorbjömsson, Vesturási 58
Ingimundur Ingimundars., Eikjuvogi
Guðleifur Sigurðsson, Aðallandi 19
Hörður Sigurgestsson, Skeljatanga 1
Ásrún Lilja Petersen, Mávahlíð 36
Ásberg K. Pétursson, Hverafold 140
Indriði Pálsson, Safamýri 16
Einstaklingar
Greiðendur hæsta eignarskatts og sérstaks eignarskatts í Reykjavík:
Ingibjörg Guðmundsdóttir, Háuhlíð 12 10.301.368
Davíð S. Jónsson, Bauganesi 30 2.305.191
Margrét Garðarsdóttir, Ægissíðu 88 2.098.284
Hákon Magnússon, Vaðlaseli 4 1.826.761
Rósa Sigurðardóttir, Vaðlaseli 4 1.826.761
Jónína S. Gísladóttir, Miðleiti 5 1.626.964
Jón I. Júlíusson, Austurgerði 12 1.460.545
Birgir Ágústsson, Miðleiti 5 1.321.433
Ásberg K. Pétursson, Hverafold 140 1.192.904
Bjamveig B. Guðmundsd., Hverafold 140 1.192.904
Einstaklingar
Tíu greiðendur hæsta tryggingagjalds í staðgreiðslu í Reykjavik á árinu 1998:
Ámi Samúelsson, Starrahólum 5 4.502.397
Gunnar I. Hafsteinsson, Skildinganesi 58 4.230.472
Ingimundur Ingimundarson, Eikjuvogi 6 3.345.955
Láms Fjeldsted, Sæviðarsundi 32 2.647.359
Kristinn Sveinsson, Hólastekk 5 1.529.137
Jón Björnsson, Rituhólum 10 1.505.911
Ketill Axelsson, Ægissíðu 70 1.461.996
Guðmundur Gunnarss., Krosshömmm 10 1.303.536
Ámi Jóhannesson, Þverárseli 14 1.263.348
Þorvaldur H. Gissurarson, Vættab. 20 1.150.050
Lögaðilar
Tíu greiðendur hæsta tryggingagjalds í staðgreiðslu í Reykjavík á árinu 1998:
Ríkisbókhald, launaafgreiðsla 2.265.268.280
Reykjavíkurborg 707.606.135
Flugleiðir hf. 274.942.254
Sjúkrahús Reykjavíkur 237.155.900
Landssími íslands hf. 170.329.837
Landsbanki íslands hf. 168.645.383
íslandsbanki hf. 117.701.266
íslandspóstur hf. 109.286.474
Búnaðarbanki íslands hf. 98.760.424
Landsvirkjun 88.159.573
Einstaklingar á Reykjanesi greiða
24,5 milljónir kr. í opinber gjöld
Tekjuskatturinn
hækkar um rúm
15% frá fyrra ári
OPINBER gjöld á 55.806 einstak-
linga hjá umdæmi skattstjórans í
Reykjanesumdæmi nema alls tæp-
um 24,5 milljörðum króna og á 1.134
böm era lagðar alls rúmar 10 millj-
ónir króna. Tekjuskattur nemur alls
11,6 milljörðum króna og hækkar
um 15,11% frá fyrra ári, útsvar er
10,8 milljarðar og hefur hækkað um
15,17%.
Eignarskattur einstaklinga í
Reykjanesumdæmi nemur alls 654
milljónum króna og hefur hann
hækkað um 2,4%. Þá verða greidd-
ar út alls 1.209 milljónir króna í
vaxtabætur til 15.904 einstaklinga
sem er 2,26% hækkun og 997 millj-
ónir í bamabætur til 11.539 einstak-
linga. Hafa þær lækkað um 7,8% frá
fyrra ári.
Garðar Brynjólfsson í Keflavík á
að greiða mest gjöld einstaklinga
eða 24 milljónir og Reynald Þor-
valdsson, einnig í Keflavík, á að
greiða 22 milljónir. Þriðji gjaldhæsti
einstaklingurinn er Benoný Þór-
hallsson í Grindavík og ber honum
að greiða 19,1 milljón króna.
Meðaltal hæst á Seltjarnarnesi
Meðaltal álagðra gjalda í Reykja-
nesumdæmi er hæst á Seltjamar-
nesi eða 540.782 krónur, næsthæst í
Garðabæ eða 530.799 og í þriðja
sæti er Grindavík þar sem meðaltal
gjalda er 448.460 kr. Lægst meðal-
gjöld em í Kjósarhreppi eða 327.242
krónur.
Listi yfír 10 gjaldahæstu einstaklinga
í Reykjanesumdæmi:
Garðar Brynjólfsson, Krossholti 15, Keflavík 24.053.832
Reynald Þorvaldsson, Skólavegi 42, Keflavík 22.012.344
Benóný Þórhallsson, Baðsvöllum 7, Grindavík 19.145.889
Reynir Jóhannsson, Ránargötu 3, Grindavík 14.969.974
Sigurður Valdimarsson, Bollagörðum 2, Seltj. 10.732.557
Erling Ó. Guðmundss., Smáraflöt 47, Garðabæ 9.621.208
Jón ísfeld Karlsson, Heiðarlundi 1, Garðabæ 9.264.886
Össur Kristinsson, Sæbólsbraut 42, Kópavogi 9.256.022
Ambjörn Óskarsson, Heiðargarði 8, Keflavík 9.167.216
Jóhannes Lange, Víðihvammi 28, Kópavogi 9.080.657
Neytendasamtökin krefjast innköllunar vöru frá Ásmundarstöðum
Landlæknir segir rann-
sókn heQast eftir helgi
NEYTENDASAMTÖKIN hafa
sent frá sér tilkynningu þar sem
þess er krafist að stjórnvöld grípi
tafarlaust til aðgerða í framhaldi
af umræðu um kampýlóbakter-
sýkingu. Samtökin gera kröfu um
að allar afurðir sem framleiddar
eru á Ásmundarstöðum og komnar
em í verslanir verði innkallaðar og
að opinber rannsókn fari fram á
málinu í heild sinni.
Jóhannes Gunnarsson, formaður
Neytendasamtakanna, kveðst hafa
upplýsingar um að allt bendi til að
kampýlóbakter-sýkingin hafí að-
eins komið upp hjá einum
kjúklingaframleiðanda, þ.e. á Ás-
mundarstöðum.
Fleiri tilfella að vænta
Sigurður Guðmundsson land-
læknir kveður fullyrðingar for-
manns Neytendasamtakanna ekki
styðjast við traustar rannsóknir.
„Við getum ekki fullyrt um hvem-
ig ástandið er núna, en eldri kann-
anir hafa leitt í ljós að bakterían
finnist hjá fleiri framleiðendum,“
segir landlæknir. „Líklegast er
uppmnann að faraldrinum núna að
finna í einhvers konar matvælum
og ef við horfum til faraldra af
þessu tagi í löndunum í kringum
okkur, era alifuglaafurðir líklegri
en annað, en það þýðir ekki að
hægt sé að útiloka aðra möguleika.
I Ijósi þess hversu lítið við vitum,
væri ekki skynsamlegt að innkalla
vörur frá einstökum framleiðend-
um.“
Hann segir að eftir helgi hefjist
rannsókn á kjötvöram í verslunum
til að reyna að finna uppruna
kampýlóbakter-sýkinga.
Sigurður segir erfitt að spá fyrir
um þróun kampýlóbakter-sýkinga
á þessu ári, en hann telji ekki ólík-
legt að í ágúst verði tilfellin jafn-
mörg eða fleiri en í júlí. Eftir það
gæti þessi tala farið að lækka.
„Samkvæmt mínum heimildum,
sem era nokkuð traustar, er um
talsvert hátt hlutfall að ræða. Það
er fráleitt að dreifa vöram þar sem
jafnhátt hlutfall er sýkt af
kampýlóbakter, sérstaklega með
hliðsjón af því hversu alvarlegum
sjúkdómum þessi baktería getur
valdið," segir Jóhannes.
Vilja opinbera rannsókn
Hann segir að kampýlóbakter-
sýkingar séu miklu algengari hér-
lendis en í nágrannalöndum okkar
og slíkt sé óviðunandi með öllu.
„Að því er fram hefur komið getur
fólk legið mánuðum saman vegna
kampýlóbakter-sýkinga, og fólk
sem hefur lítinn viðnámsþrótt get-
ur verið hætt komið. Þess vegna
stöndum við mjög fastir á að eðli-
legt sé að gera kröfu um að þessar
vörar séu ekki seldar. Þau lönd
sem hafa staðið sig best í þessum
málum, svo sem Noregur og Sví-
þjóð, hafa nánast útrýmt þessum
vágesti af markaðinum," segir Jó-
hannes.
Hann segir jafnframt að sam-
tökin leggi mikla áherslu á að op-
inber rannsókn fari fram. „Það á
að reyna að negla menn sem era
aðeins boðberar válegra tíðinda, í
stað þess að leita uppranans. Það
virðist vera orðið aðalatriði að al-
menningur fékk að vita um málið,
sem er hreinlega skripaleikur. Allt
annað en opinber rannsókn á mál-
inu í heild sinni er óviðunandi,“
segir Jóhannes.
Líklegur uppruni í kjúklingum
Sigurður Guðmundsson land-
læknir segir leit að kampýlóbakt-
er-sýkingum sem gerð hafi verið
undanfarin misseri hérlendis, hafi
leitt í ljós að hún finnist ekki í öðr-
um kjöttegundum en kjúklingum.
Landlæknir segir að mikil aukning
kampýlóbakter-sýkinga geti ekki
kallast annað en faraldur. „Það
segir hins vegar ekkert um hvort
uppruna faraldursins nú sé að
finna í kjúklingum. Vissulega er
það liklegt og ekki viturlegt að
segja annað, vegna þess að í
grannríkjum okkar þar sem far-
aldrar af þessu tagi hafa verið
rannsakaðir, ber flestum rann-
sóknum saman um að um það bil
sjö af hverjum tíu kampýlóbakter-
sýkingum megi rekja til alifugla,"
segir Sigurður.
„Hins vegar bendir faraldsfræði
kampýlóbakter til að hún sé mjög
víða í umhverfi, t.d. í heimiliskött-
um og -hundum, nautgripum og
sauðfé þó svo að hún hafi ekki
fundist í þeim dýrum hérlendis.
Einnig hefur hún fundist í vatni,
þar á meðal neysluvatni, og er til
að mynda dæmi um að gæsir hafi
skitið í vatnsból sem olli lítilshátt-
ar faraldri. En það er ekki hægt að
fullyrða neitt um uppruna sýkinga
um þessar mundir, hvort þær komi
frá einum matvælaframleiðanda
eða fleirum, eða yfirleitt frá mat-
vælaframleiðanda. Það er Kklegt
að megi rekja faraldurinn nú til
einhvers eins uppruna, en við get-
um ekki fullyrt um slíkt og þess
vegna skiptir miklu máli að við
setjum athugun í gang hið fyrsta,
enda tekur einhvern tíma að fá
haldbærar niðurstöður.“
Vörur og sýni skoðuð
Sigurður segir að athugun sú
sem hefst eftir helgi sé hluti viða-
mikillar rannsóknar sem styrkt er
af RANNÍS, og muni hún beinast
að tilteknum afmörkuðum atriðum
og hafa þann tilgang helstan að
finna upprana faraldursins sem nú
geisar og reyna að komast fyrir
rætur hans.
„Við munum m.a. skoða vörur í
búðum, bæði alifugla og aðrar
kjöttegundir, leitum eftir sýnum
úr húsdýrum, þar á meðal
kjúklingum en einnig öðram teg-
undum, og þá kemur til greina að
rannsaka jarðveg og umhverfi í ná-
grenni við matvælaframleiðendur
og hugsanlega starfsfólk þeirra
einnig," segir Sigurður.
Landlæknir kveður sér ekki
kunnugt um dauðsföll tengd
kampýlóbakter-sýkingum frá því
að byrjað var að greina þær sér-
staklega, en hins vegar geti þær
verið erfiðar viðureignar.