Morgunblaðið - 07.08.1999, Síða 16

16 LAUGARDAGUR 7. ÁGÚST 1999
MORGUNBLAÐIÐ
LANDIÐ
Olafur bæjarstjóri
hljóðritar djass í
félagsheimilinu
Morgunblaðið/Gunnar Hallsson
HRÓLFUR Vagnsson situr við hliðina á Ólafi Krisljánssyni, fyrir aftan
stendur Bjarni Sveinbjörnsson og Pétur Gretarsson.
Bolungarvík - Hrólfur Vagnsson,
tónlistarmaður og hijóðtæknimað-
ur í Hannover í Þýskalandi, hefur
undanfarna daga unnið að því að
hljóðrita djassplötu með Ólafi Kri-
stjánssyni, bæjarstjóra í Bolung-
arvík, þar sem Ólafur leikur 14
djasslög ásamt þeim Pétri Gretar-
syni, sem Ieikur á trommur, og
Bjarna Sveinbjörnssyni, sem leik-
ur á bassa, en einnig syngur dótt-
ir hans, Edda Borg, með þeim fé-
lögum í tveimur Iögum. Upptakan
fór fram í félagsheimilinu Víkur-
bæ hér í Bolungarvík.
Hrólfur Vagnsson, sem er Bol-
víkingur, hefur búið í Þýskalandi
í mörg ár eða allt frá því að hann
fór ungur til náms í harmonikku-
leik eftir að hafa stundað nám
við Tónlistarskóla Bolungarvíkur
þar sem Ólafur Kristjánsson var
þá skólastjóri og kennari hans.
Að loknu einleikaraprófi frá
Tónlistarháskóla í Hannover hóf
Hrólfur að fást við hljóðupptökur
og stofnaði eigið stúdíó, Tón-
studio Vagnsson fyrir tíu árum
og fyrir um þremur árum stofn-
aði hann síðan útgáfufyrirtækið
Cordaría.
Ólafur Kristjánsson er tón-
menntakennari að mennt og var
um árabil skólastjóri Tónlistar-
skóla Bolungarvíkur eða þar til
hann tók við starfi bæjarstjóra
Bolungarvíkur árið 1986. Olafur
er ekki með öllu óþekktur djass-
isti þó að ekki hafi hann haft sig
mikið í frammi á því sviði.
Um aðdraganda þess að hljóð-
rita djassplötu með Ólafi sagði
Hrólfur að þótt það væru sannar-
lega margir sem vissu að Ólafur
væri frábær djasspianisti þá væri
ástæða til að vekja frekar athygli
á því, en hugmyndin um að gefa
út plötu með Ólafi hafi kviknað
er hann var staddur í heimsókn
hjá móður sinni í Bolungarvík í
fyrra þá hafi hún nefnt það við
sig að það mætti bara ekki ger-
ast að tónlistarmaður á borð við
Ólaf hyrfi héðan án þess að náðst
hefði að varðveita tónlist hans á
hljómdiski.
_ Hrólfur ræddi hugmyndina við
Ólaf sem tók treglega í málið en
ákvað þó um síðir að slá til,
meira sér til gamans.
Hrólfur sagði að þótt segja
mætti að hann hefði fengið Ólaf í
þetta þá væri hann síður en svo
að hefna sín á honum fyrir alla
spilatimana sem hann sat í hjá
honum áður fyrr og langað oft til
að gera eitthvað annað. Reyndar
ætlaði hann einu sinni að hætta í
harmonikkunáminu hjá Ólafi og
skilaði honum ölium nótnabókun-
um með þeim orðum að hann
kæmi aldrei aftur í spilatima.
Stuttu seinna barst honum sendi-
bréf frá Ólafi sem var slík
hvatnig að hann var mættur í
næsta spilatíma.
Það er mér hins vegar mikil
ánægja að fá að hljóiðrita og gefa
út hljómplötu með Ólafi Krist-
jánssyni.
Ákveðið var að Hrólfur kæmi
með upptökubúnað heim til Bol-
ungarvíkur og upptakan færi
fram í Víkurbæ en þar er afar
góður Steinway-flygill. Hrólfur
sagði að aðstaðan í Víkurbæ væri
ekki mjög góð til hljóðupptöku,
en með smátilfæringum mátti við
það una en á móti kom að þar
var Ólafur svo sannalega á
heimavelli enda tóku upptökurn-
ar mun styttri tíma en ætlað var.
Það er útgáfufyrirtæki Hrólfs,
Cordaria, sem gefur hljómdiskinn
út, ekki hefur verið ákveðið hvað
hann verður látinn heita. Stefnt
er að því að hann verði kominn á
markað fyrir lok október.
Valgerður
Gunnars-
dóttir ráðin
skólameistari
á Laugum
Laxamýri - Valgerður Gunnarsdótt-
ir, deildai-stjóri við Framhaldsskól-
ann á Húsavík, hefur verið ráðin
skólameistari
Framhaldsskól-
ans á Laugum.
Valgerður er
uppalin á Dalvík,
en hefur búið á
Húsavík frá ár-
inu 1982 og
starfað sem ís-
lenskukennari
við framhalds-
skólann frá 1987.
Hún er með BA-próf í íslenskum
fræðum og almennum bókmenntum
auk þess sem hún útskrifaðist í
kennslu- og uppeldisfræðum frá
Háskólanum á Ákureyri 1996.
Valgerður sat í bæjarstjóm
Húsavíkur 1986-1998 og var forseti
bæjarstjómar 1994-1996. Þá hefur
hún setið í ýmsum nefndum á veg-
um bæjarins, sérstaklega í fræðslu-
og menningarmálum.
Eiginmaður hennar er Örlygur
Hnefill Jónsson lögfræðingur og
eiga þau þrjú böm, eina dóttur og
tvo syni.
Valgerður
Gunnarsdóttir
Morgunblaðið/Gunnlaugur Árnason
SVEINN Ingi Lýðsson sölustjóri og Siguijón Jónsson, framkvæmda-
stjóri Rækjuness, fyrir framan nýja frystibílinn sem mun dreifa nýju
flýtiréttunum sem hafin er framleiðsla á hjá fyrirtækinu.
Framleiðsla hafín
á „Fljótt og létt“
í Stykkishólmi
Stykkishólmi - Rækjunes hf. í
Stykkishólmi hefur fært út kvíarn-
ar í starfsemi sinni og hafið fram-
leiðslu á tilbúnum réttum, frosnu
grænmeti og frönskum kartöflum
undir vörumerkinu „Fljótt og létt“.
Þessi framleiðsla fór fram áður á
Reyðarfirði og var allur útbúnaður
keyptur þaðan. Sveinn Ingi Lýðs-
son, fyrrverandi lögreglumaður í
Stykkishólmi, hefur verið ráðinn
sölu- og markaðsstjóri. Hjá
Rækjunesi hf. er unnin skel.
Vandamál fyrirtækisins er að sú
vinnsla er ekki starfrækt nema
hluta ársins.
I viðtali við fréttaritara sagði
Sveinn að tilgangurinn með að fara
út í þessa framleiðslu væri að auka
verkefni hjá fyrirtækinu sem verð-
ur kærkomin viðbót við skelina.
„Með framleiðslu á tilbúnum réttum
getum við nýtt betur mannskapinn,
þekkingu og reynslu og húsnæðið
er fyrir hendi. Starfsöryggi starfs-
fólks verður tryggara," sagði
Sveinn. Hann sagði að hráefnið
kæmi frá virtum aðilum í Belgíu og
Hollandi. Allur vélbúnaður hefur
verið settur upp og framleiðsla haf-
in. Sveinn sagði að verið væri að
hanna nýjar umbúðir. Fram að
þessu er aðalmarkaðurinn á Aust-
fjörðum og í Reykjavík. „Við mun-
um strax leggja áherslu á að auka
og stækka markaðssvæðið og fjölga
viðskiptavinum og styrkja okkur í
sessi,“ sagði Sveinn.
Flýtiréttir er betra nafn
en skyndiréttir
„Það er meining í þessum orðum,
fljótt og létt. Það er fljótlegt og auð-
velt að matreiða réttina, þar sem
hollusta og gæði eru ríkjandi. Við
viljum ekki kalla þetta skyr.dirétti,
því það hefur á sér neikvæða merk-
ingu í hugum margra. Við kjósum
að kalla framleiðsluna ílýtirétti,"
sagði Sveinn Ingi.
„Farið verður í öflugt kynningar-
starf á næstunni. Áhersla verður
lögð á að þjónusta viðskiptavini
eins vel og hægt er og til þess hefur
verið keyptur nýr frystibíll sem
mun þjóna Vesturlandinu. Þannig
er hægt að tryggja að viðskiptavin-
urinn fái vöruna í eins góðu ástandi
og kostur er,“ sagði Sveinn Ingi að
lokum.
Málað í
Mjóafírði
Morgunblaðið/Ágúst Blöndal
VILHJÁLMUR Hjálniarsson að störfum.
Neskaupstað - Nýlega þegar
fréttaritari átti leið um Mjóaijörð
í einstaklega góðu veðri kom
hann að þar sem fyrrverandi al-
þingismaður og ráðherra, Vil-
hjálmur Hjálmarsson, var að
mála fiskverkunarhús þeirra
Brekkumanna.
Húsið hefur gegnt ýmsum
hlutverkum í gegnum tíðina, m.a.
var þar sláturhús og þar voru
mannfagnaðir haldnir þegar þeir
voru of fjölmennir fyrir skóla-
húsið í Brekkuþorpi. Húsið hefur
einnig gegnt hlutverki líkhúss ef
slysfarir urðu hér á árum áður,
þar hefur verið söltuð sfld á sfld-
arárunum og nú er þar saltfisk-
verkun og aðstaða til bflavið-
gerða.
Trúlega hefur ýmis önnur
starfsemi farið fram í húsinu en
þessi sem hér er getið og kom
fram í stuttu spjalli fréttaritara
við Vilhjálm.
Morgunblaðið/Ingimundur
BRIMRÚN, skip Eyjaferða í Stykkishólmi, kom við í Borgarnesi fyrir skömmu,
en þar hefur skip ekki lagst að bryggju í rúman áratug.
Skipakoma í Borgarnesi
Borgarnesi - Fyrir skömmu lagðist
Brimrún, skip Eyjaferða í Stykkis-
hólmi, að bryggju í Borgamesi. Inn-
anborðs var fólk frá Norræna fjár-
festingabankanum með Jón Sig-
urðsson fyrrverandi iðnarráðherra í
broddi fvlkingar. Siglt hafði verið
um Breiðafjörð og Faxaflóa en gest-
ina fýsti að koma við í Borgarnesi.
Skipakoma í Borgarnesi telst til
tíðinda. Að sögn kunnugra er liðið
nokkuð á annan áratug síðan síð-
asta skipið sigldi inn Borgarfjörð og
lagðist að bryggju í Borgamesi.
Eftir að Borgarfjarðarbrúin var
byggð breyttust straumar í höfninni
og hefur hún grynnkað mjög. Eitt
af síðustu skipunum sem komu til
Borgarness fyrir u.þ.b. 15 árum
strandaði raunar við bryggjuna á
útfallinu.