Morgunblaðið - 07.08.1999, Side 31

MORGUNBLAÐIÐ
FENSA byrjar gjarnan með hnerra.
Reuters
Nefúðabóluefni dregur
úr flensueinkennum
Medical Tribune News Service.
RANNSÓKNIR í Bandaríkjunum
hafa leitt í ljós að bóluefni gegn
flensu, sem tekið er inn með nefúða,
dregur verulega úr flensueinkennum
fullorðins fólks sem ekki er haldið
öðrum sjúkdómum.
Vísindamenn í Minnesota, undir
stjórn Kristin L. Nichols, reyndu
bóluefnið á 3.040 manns á fullorðins-
aldri veturinn 1997-98. 1.620 til við-
bótar tóku þátt í rannsókninni en
fengu gervilyf.
Bóluefnið innihélt lifandi en mjög
veik afbrigði af þremur höfuðstofn-
um flensuveiranna og bólusetningin
átti að stuðla að því að ónæmiskerfið
framleiddi mótefni gegn veirunum.
Næstum sjötti hver þátttakend-
anna fékk flensu á tímabilinu og tíðni
veikindanna var um það bil sú sama í
báðum hópunum. Flensueinkennin
reyndust hins vegar mun vægari
meðal þeirra sem fengu bóluefnið.
Bólusetningin reyndist fækka al-
varlegum veikindatilfellum um 19%
og veikindadögunum um 23% að
meðaltali. Meðal þeirra sem fengu
alvarlegustu einkennin fækkaði veik-
indadögunum um 27%.
Athygli vakti að bólusetningin
hafði þessi jákvæðu áhrif þótt bólu-
efnið innihéldi ekki algengustu
veiruafbrigðin sem gengu þennan
vetur.
Nefúðabóluefnið hefur einnig ver-
ið reynt á nemendum bandarískra
barnaskóla frá árinu 1997 og ein
rannsóknanna benti til þess bólu-
setningin veitti börnum 93% vernd
gegn veirusjúkdómnum.
J 1 m | LAUGARDAGUR 7. ÁGÚST 1999 31

1 1
ÁHRIFARÍKT LYF
VIÐ HJARTABILUN
Presslink
GAMALT hjartalyf kemur sérfræðingum á óvart.
Boston. AP.
VIÐAMIKIL rannsókn hefur leitt í
Ijós að lyfíð Aldactone, sem hefur
verið til í þrjá áratugi en er nú sjald-
an notað, getur verið mjög áhrifarík
meðferð við alvarlegri hjartabilun og
fækkar dauðsföllunum af völdum
sjúkdómsins um tæpan þriðjung.
Læknar, sem rannsökuðu áhrif
lyfsins, hafa hvatt til þess að sjúk-
lingar með alvarlega hjartabilun fái
Aldactone með öðrum viðurkennd-
um lyfjum.
„Enginn trúði því að þetta lyf
myndi verka með þessum hætti,“
sagði Bertram Pitt, vísindamaður
við Michigan-háskóla, sem stjómaði
rannsókninni. „Þetta kom rétt-
nefndum sérfræðingum á óvart, en
þeir eru auðvitað ánægðir með að
við skulum nú hafa eitthvað nýtt til
að hjálpa fólki.“
Niðurstöður rannsóknarinnar
verða birtar í New England Journal
of Medieine 2. september. Tímaritið
gerði þó niðurstöðumar opinberar á
vefsíðu sinni á Netinu á dögunum
vegna læknisfræðiiegs mikilvægis
þeirra.
Vék fyrir nýrri lyfjum
Lyfjafyrirtækið Searle, sem
framleiðir Aldactone, fjármagnaði
rannsóknina, sem náði til 670 sjúk-
linga í 15 löndum. Rannsókninni var
hætt eftir tvö ár - einu og hálfu ári
fyrr en ráðgert hafði verið - þar sem
lyfið reyndist svo gagnlegt.
Hjartabilun stafar af því að veik-
ur hjartavöðvi getur ekki dælt blóði
nógu kröftuglega um æðar líkam-
ans. Aldactone var eitt sinn algengt
við meðferð við hjartabilun og háum
blóðþrýstingi. Lyfið verkar þannig
að það hindrar verkanii'
aldósteróns, hormóns sem getur
verið skaðlegt veiku hjarta.
Aldactone vék hins vegar smám
saman fyrir nýjum lyfjum, sem
virðast ekki hafa eins mikil áhrif á
aldósterón og gamla lyfið.
Há dánartíðni
Hjartabilun er þó enn hættulegur
sjúkdómur og dánartíðnin er há
þótt Aldactone sé notað. Eftir
tveggja ára meðferð var dánartíðn-
in meðal sjúklinganna sem tóku inn
Aldacton 35%, en 46% meðal þeirra
sem notuðu önnur hjartalyf.
Sjúkdómseinkennin reyndust
batna meðal 41% þeirra sem fengu
Aldactone, en í viðmiðunarhópnum
var batahlutfallið 33%.
Einu verulegu aukaverkanir lyfs-
ins voru brjóstastækkun meðal
nokkurra karla og minni kynhvöt.
„Þjáist menn af alvarlegri hjartabil-
un og bjargi lyfið lífi þeirra telst
þetta ekki of mikil fórn,“ sagði Pitt.
Hann bætti við að unnið væri að því
að bæta lyfið til að komast hjá þess-
um aukaverkunum og ný gerð þess
ætti að verða fáanleg eftir um það bil
tvö ár.
ngcm
Göngudagur f jölskyldunnar
í Reykjavík verður gengið um Elliðaárdal.
Mæting er við skiptistöð SVR
í Mjódd kl.l 3.30.
Félagar úr Lúörasveit Seltjarnarness leika
nokkur lög. Þátttakendur geta valiá sér
gönguleiöir við hæfi og verða hópstjórar
með þeim sem ganga 5 km og 2,5 km.
Allir eru velkomnir í Hjartagönguna,
þátttaka er ókeypis og allir fá veitingar og
viðurkenningu.
Útivera og hæfileg hreyfing
stuðla að betri heilsu.
Landssamtök hjartasjúklinga hvetja fólk á
öllum aldri til að taka þátt í Hjartagöngunni.
LANDSSAMTÖK
HIARTAS) Ú KLIN (3A
Suðurgötu 10, 101 Reykjavík. Sími 552 5744 & 562 5744.
.í\ r 1«) f] Hiarfaganga
u m land alít í dag
ÁNINGARSTAÐ
SVR skiptistöð
Gönguleiðir í Elliðaárdal