Morgunblaðið - 08.08.1999, Blaðsíða 19
MORGUNBLAÐIÐ
SUNNUDAGUR 8. ÁGÚST 1999 B ÍS^
Breska hljómsveitin The Orb er
almennt talin ein áhrifamesta
hljómsveit danstónlistarsögunnar.
Árni Matthíasson ræddi við höfuð-
paur Orb, sem er væntanlegur
hingað til lands í vikunni.
ORB ER áhrifa-
mesta hljómsveit
breskrar danstón-
listar allt frá þvi
hún sendi frá sér fyrstu
smáskífurnar fyrir tíu árum
og lagði grunninn að tónlist-
arforminu sem kallað hefur
verið ambient-house. í
heimalandinu, Bretlandi,
hefur Orb notið talsverðrar
hylli og meðal annars komist
hátt á vinsældalistum, en
áhrif sveitarinnar hafa verið
margföld á við vinsældirnar
eins og heyra má í miklu af
þeirri danstónlist sem mest
ber á um þessar mundir.
Höfuðpaur Orb er Alex Pa-
terson, sem er væntanlegur
hingað til lands í vikunni.
Segja má að Orb sé í raun
eins manns sveit, því stofn-
andi hennar og helsti hug-
myndasmiður, Alex Pater-
son, hefur haldið um
taumana alla tíð og fengið til
liðs við sig aðstoðarmenn
eftir þvi hvaða stefnu hann
vildi að sveitin tæki. Pater-
son komst með annan fótinn
inn í tónlistina sem trommu-
rótari fyrir Killing Joke fvrir
löngu, en þegar bandarísk
house-tónlist tók að heyrast
í Bretlandi segist hann hafa
hrifist af en um leið langað
til að krukka í tónlistina,
hún hafi kveikt hjá honum
hugmyndir að annarri
tónlist.
Fyrsta Orb-smáskífan
kom út haustið 1988 en
þá voru í sveitinni Pa-
terson og Jimmy
Cauty, annar for-
sprakka KLF. Henni
var prýðilega tekið en Pater-
son lagði þó enn höfuðá-
herslu á feril sinn sem plötu-
snúður og vinnu hjá hljóm-
plötufyrirtæki, þó hann hafi
langað til að vinna frekar að
tónlist. Hann segist hafa
haldið mikið upp á sýrusveit-
ina goðsagnakenndu Gong
og verk forsprakka þeirrar
sveitar Steve Hillage og spil-
aði jafnan eitt Hillage lag
þegar hann var við störf sem
plötusnúður. Eitt kvöldið var
Hillage á staðnum og gaf sig
á tal við plötusnúðinn. Úr
varð að þeir Paterson og
Hillage tóku að vinna saman
að tónlist ýmist sem Orb eða
System 7, sem var hljóm-
sveit Hillages.
Jimmy Cauty varð sífellt
uppteknari við KLF og svo
fór að Paterson leitaði sér að
nýjum samstarfsmönnum og
samdi næstu smáskífu með
Youth, forðum liðsmanni
Killing Joke, en þeirra sam-
starf átti eftir að endast all
lengi þó aldrei hafi Youth
beinlínis gengið í Orb.
Takkamaður við þessar upp-
tökur var Kris Weston sem
kallaðist Thrash. Svo fór að
Thrash gekk til liðs við Pa-
terson og þannig skipuð var
sveitin næstu fjögur árin.
Um líkt leyti tóku þeir Orb
menn að hljóðblanda fyrir
aðra tónlistarmenn með góð-
um árangri, en engri tölu
verður komið á lög annarra
tónlistarmanna sem þeir fé-
lagar hafa um vélað eða Pa-
terson einn.
Fyrsta breiðskífan, Ad-
ventures Beyond the
Ultraworld, kom út snemma
árs 1991 og vakti þegar
mikla athygli, en í kjölfarið
hóf Orb einnig tónleikahald.
Síðan eru breiðskífurnar
orðnar fimm og tvær safn-
skífur til, en smáskífur eru á
þriðja tug, þar á meðal ein
sem er lengsta smáskífa
sem komið hefur út á Bret-
landi, 39,59 mín., einni sek-
úndu undir því sem leyfilegt
er að hafa smáskífu þar í
landi.
Um tíma dró heldur úr af-
köstum þeirra félaga, að
minnsta kosti sé litið yfir út-
gáfulistann, enda stóðu þeir í
stappi við útgáfufyrirtæki
sitt, Big Life, sem vildi end-
urútgefa gamlar smáskífur
en Paterson harðneitaði. A
endanum slitnaði upp úr
samstarfinu og þeir Orb
menn gengur á mála hjá Is-
land þar sem þeir eru í dag.
Gnótt góðra hugmynda
í spjalli við Morgunblaðið
fyrir fimm árum sagðist
Alex Paterson búa yfir gnótt
góðra hugmynda og vera
með í höfðinu grunna að tón-
list sem duga myndu á fimm
til sex tvöfaldar skífur. Hann
skellir uppúr þegar hann er
minntur á þessi orð sín og
segir að mikið vatn hafi
runnið til sjávar síðan. „Síð-
ustu fimm ár hefur gríðar-
lega mikið verið að gera hjá
mér, en minna um útgáfu því
Island-útgáfan hefur verið
erfið viðureignar. Á sínum
tíma vorum við í góðu sam-
bandi við útgáfu okkar, þar
til uppúr sauð að minnsta
kosti, og því hæg heimatökin
að gefa út jafnharðan. Vegna
glímunnar við Island höfum
við minna gefið út en við
hefðum viijað. Við eram
búnir að taka upp breiðskífu
og bíðum bara eftir því að
hún komi út, en við erum
með aðra skífu nánast til-
búna nú þegar, búnir að
semja lög á hana og langt
komnir með upptökur. Á
þeirri skífu verður Orb-
kennd popptónlist, en marg-
ar hugmyndir til eru í burð-
arliðnum sem ég ætla ekki
að ræða við blaðamenn,
heldur einfaldlega fram-
kvæma þær. Ég fæst líka
mikið við að endurhljóð-
blanda íyrir hina og þessa og
síðan hef ég líka nóg að gera
sem plötusnúður,“ segir Pat-
erson, en hann er einmitt á
leið hingað sem plötusnúður.
Skömmu áður en fyrsta
breiðskífa Orb kom út fékk
Paterson til liðs við sig Kris
Weston, eins og getið er, og
var Orb þannig skipuð lengi
vel. Um það leyti er rætt var
við Paterson í Morgunblað-
inu á sínum tíma var Weston
aftur á móti á leið út úr
sveitinni og í hans stað kom
Thomas Fehlmann. Pater-
son segist enn starfa með
Fehlmann og einnig Andy
Hughes en á nýju skífunni
koma talsvert fleiri við sögu,
söngkonur, plötusnúður og
drum ‘n þass tónlistar-
menn.“Við eram enn að velta
fyrir okkur nýjum hugmynd-
um,“ segir Paterson, „og lið-
ur í því að er fá til liðs við
okkur unga tónlistarmenn."
Bráðnauðsynlegt að
hlusta á aðra
Eins og getið er er Orb
ein áhrifamesta hljómsveit
danssögunnar, en Paterson
segist aldrei velta slíku fyrir
sér, hann sé ekkert að remb-
ast við að vera öðruvísi. „Það
hefur ekkert upp á sig að
vera sífellt að velta því fyrir
sér hvað aðrir eru að hugsa
um mann, en aftur á móti er
bráðnauðsynlegt að hlusta á
það sem aðrir tónlistarmenn
era að gera. Ég hlusta á
gríðarlega mikið af tónlist
meðal annars vegna starfa
minna sem plötusnúður, og
það er ekki síst þess vegna
sem ég er plötusnúður, til að
fylgjast með því sem aðrir
eru að pæla. Þegar ég er aft-
ur á móti að vinna með Orb
kemst það eitt að að gera
eitthvað sem mér finnst
sjálfum skemmtilegt, sem ég
kann sjálfur að meta.“
Paterson segist hafa mikið
gaman af því að vera plötu-
snúður, ekki síst fyrir það að
þá sé hann einn að störfum
og engum um að kenna
nema honum sjálfum ef eitt-
hvað fer úrskeiðis. „Það er
hverjum manni nauðsynlegt
að ganga í gegnum slíkt, að
standa á eigin fótum, ekki
síst eftir að hafa verið í
hljómsveit til fjölda ára.“
Undanfarin ár hefur Alex
Paterson verið gríðarlega af-
kastamikill þó ekki hafi Orb
gefið mikið út, sett saman
safnskífur, endurannið lög
annarra, tekið þátt í ýmsum
samstarfsverkefnum og
þvælst um heiminn sem
plötusnúður. „Ég ætlaði
reyndar að hægja á ferðinni
á þessu ári en það hefur ekki
gengið eftir hingað til. Við
lukum við plötuna fyrir jól
og fóram strax í að vinna
næstu skífu, þó ekki sé enn
búið að ákveða útgáfudag á
þeirri sem tilbúin er. Eftir
það hefur líka hvert verkefn-
ið af öðra komið til og sér
ekki fyrir endann á því. Það
er að vissu leyti óþægilegt
að bíða eftir því að platan
komi út, en ég veit þó að hún
á eftir að koma út fyrr eða
síðar, svo ég er ekki sífellt að
hugsa um það, við erum bara
að vinna í nýjum hugmynd-
um.“
Paterson segir að á nýju
skífunni, og því sem sveitin
er að fást við í dag, sé stefn-
an tekin í ólíkar áttir sam-
tímis, hún sé bæði þyngri og
léttari en það sem sveitin
hefur áður gert. „Á henni er
að finna tónlist sem er þung
og myrk og einnig létt popp-
lög, hún er mjög tilrauna-
kennd og við eram að velta
fyrir okkur ýmsum hug-
myndum úr ólíkum áttum.“ qg
Lítið hefur verið um tón-
leika hjá Orb undanfarið en
Paterson segir að þegar skíf-
an komi út fari þeir félagar
af stað í tónleikahald að
nýju, þá þeir Paterson og
Hughes við þriðja mann.
„Ég hef alltaf kunnað því vel
að leika á tónleikum, en eftir
því sem vinsældir okkar hafa
aukist höfum við þurft að
leika á æ stærri stöðum sem
er mér ekki að skapi, ég vil
helst spila fyrir fáa í einu.“
Paterson er væntanlegur
hingað til lands sem plötu-
snúður eins og getið er en
hann segist ekki geta sagí«J
fyrir um það hvernig tónlist
hann komi til með að leika
hér á landi, það sé nokkuð
sem hann ákveði þegar kom-
ið er á staðinn. „Eg hlusta
mikið á dram ‘n bass um
þessar mundir svo það er
líklegt að ég eigi eftir að
hafa einhverjar þannig skíf-
ur með mér, en ég er líka
með í pakkanum hart techno
og fleiri gerðir tónlistar ...
kannski ég spili eitthvað af
Orb lögum og þá líklega eittgpk
hvað glænýtt.“
Alex Paterson spilar á
Ráðhúskaffi á Ákureyri
næstkomandi föstudag og
Gauki á Stöng á laugardag.
Á Gauknum kemur einnig
fram plötusnúðurinn Kári og
tónlistarmennirnir Biogen
og Ruxpin frá Thule útgáfi®1*
unni verða á efri hæðinni.