Morgunblaðið - 22.08.1999, Blaðsíða 30

30 SUNNUDAGUR 22. ÁGÚST 1999
MORGUNBLAÐIÐ
og skórinn kreppi hættir fólk ekki
að borða. Það er eins með upplýs-
ingatæknina. Eg hef gengið í gegn-
um niðursveiflur í þjóðfélaginu
með þessu fyrirtæki. Þá var fyrir-
tækið ekki jafnvel í stakk búið að
takast á við slíkan vanda og nú.
Þegar þróun er jafnhröð og raun
ber vitni eru fyrirtæki eins og E JS
fljót að sprengja af sér pláss. Við
byggðum þetta húsnæði okkar á
Grensásveginum, mjög hógvær
bygging og alltof h'til í dag. Fyrir-
tæki eins og E JS eiga að nota fjár-
muni sína til að efla reksturinn en
láta sérhæfðum fasteignafyrir-
tækjum eftir að byggja og reka
fasteignir og leigja síðan það hús-
næði sem reksturinn þarfnast
hverju sinni. Ég held að veika eig-
infjárstöðu íslenskra fyrirtækja
megi að nokkru leyti skýra með
bindingu rekstrarfjármuna í óarð-
bærum fasteignum."
Þjónusta ykkar nær fyrst og
fremst til fyrirtækja og stofnana.
Hefur ekki komið til greina að róa
á mið almcnnings sem hlýtur að
vera stór og vaxandi markhópur?
„Nei, veistu, við kunnum það
ekki. Það er best að aðrir sjái um
það og það segi ég með fullri virð-
ingu fyrir almenningi. Stefna okk-
ar er skýr og við höfum skoðað
þessi mál öll vandlega.
Eftir sameininguna við Hug er
hér um að ræða fyrirtæki með yfir
200 starfsmenn sem starfa að hug-
búnaðargerð og hugbúnaðarþjón-
ustu auk þess sem rekin er verslun
með búnað af ýmsu tagi. Við verð-
um í enn betri aðstöðu til þess að
þjóna atvinnulífinu. Það er ekki
hægt að vera alls staðar og við er-
um ekki gíraðir inn á svona markað
þar sem menn sitja með gríðarlega
lagera og eru á fleygiferð með
gylliboð í anda fótanuddtækjanna á
sínum tíma.“
Gæðamálin mikilvæg
Olgeir er spurður eitthvað út í
húsnæðisþrengsli, en hann eyðir
því að mestu með því að tala um að
víst sé allt saman löngu orðið alltof
þröngt, en ekki liggi fyrir hvort
eitthvað verði gert í því. Hann vill
miklu fremur koma að nokkru sem
hann segir ekki aðeins stjórnar-
tæki, heldur beinlínis eitt af hans
hjartans málum. Fyrirtækið hafi
sum sé mótað sér ákveðna sér-
stöðu sem fólgin sé í gæðastjóm-
un.
„Það hafði lengi verið skoðun
mín að mikið skorti á í þessum efn-
um hér á landi og í raun varð ég
mikið var við að viðskiptavinir
væru óánægðir með ýmislegt í
þjónustunni. Þetta hefur lengi ver-
ið öðruvísi í Evrópu þar sem rík
áhersla hefur verið á gæðastjórn-
un. Hér á landi hafa menn varla
mátt vera að því að skoða þau mál,
en ég setti það hins vegar í gang
hjá EJS. Það var að gefnu tilefni,
við vorum að hefja útflutning og
nauðsynlegt að geta keppt á jafn-
réttisgrundvelli. Árið 1994 fengum
við bæði innlenda og erlenda ráð-
gjafa og réðum sérstakan gæða-
stjóra. Við höfum lagt sálina í þetta
og í fyrra var öll þjónustan vottuð
samkvæmt ISO 9001 staðlinum. í
ár fer öll sölustarfsemin í sama far-
veg og fjármálasviðið fylgir í beinu
framhaldi. Við höfum forystu í
þessum efnum á okkar sviði.“
Eruð þið byrjaðir að uppskera í
samræmi við fyrirhöfnina?
„Við erum sannarlega byrjaðir
að uppskera, til marks um það eru
viðbrögð viðskiptavina sem kunria
að meta þetta. Áfkoman hefur stór-
batnað og gæðamálin rauður þráð-
ur í allri okkar starfsemi.“
Hvað með framtíðina?
„Hún er auðvitað björt á meðan
við höldum vöku okkar. Stefna
EJS er skýr. Áherslan er á vand-
aða vöru og fagleg vinnubrögð. Við
byggjum stefnumótun okkar á
þeirri staðreynd að atvinnulífið
verður í síauknum mæli háðara
upplýsingatækninni. Rekstrarör-
yggi upplýsingakerfanna verður æ
mikilvægara fyrir starfsemi fyrir-
tækja og stofnana. Sterk staða
EJS á heimamarkaði styrkir út-
flutninginn og sölustarfsemina er-
lendis."
Morgunblaðið/Amaldur
TÖL VUTÆKNIN EINS
OG MA TVARAN
VIDSKIPn jOVINNUIÍF
Á SUNNUDEGI
► Mikill uppgangur er hjá fyrirtækinu EJS þessa dagana, en
til marks um það eru kaupin á hugbúnaðarfyrirtækinu Hug.
Með kaupunum tvöfaldast starfsmannafjöldi fyrirtækisins,
veltan stóreykst og framleiðslan og þjónustan færist inn á nýj-
ar brautir. Þá er fyrirtækið sextugt á þessu ári. Olgeir Krist-
jónsson er forstjóri EJS og Morgunblaðið ræddi við hann um
gang mála í vikunni sem leið.
eftir Guðmund Guðjónsson
LGEIR fæddist í Reykja-
vík árið 1948 og ólst þar
upp. Hann varð stúdent
frá MR árið 1968 og fór
þaðan til náms við HÍ. Hann lagði
fyrir sig rafmagnsverkfræði og
lauk svokölluðu fyrri hluta prófi í
greininni árið 1971, en það var
þriggja ára nám. Olgeir hélt síðan
til Svíþjóðar þar sem hann lauk
náminu við Háskólann í Lundi vor-
ið 1974. Þegar heim kom hóf hann
störf við Fasteignamat ríkisins.
Hann var þar yfir tölvu- og upplýs-
ingamálum og starfaði við stofnun-
ina til ársins 1978. Þá tóku við
kennslustörf í stærðfræði og tölvu-
fræði við MH til ársins 1981, en þá
var hann ráðinn til þess fyrirtækis
sem hann veitir nú forstöðu. Olgeir
er giftur Rut Þorsteinsdóttur
verslunarmanni og eiga þau þijú
börn og tvö barnaböm.
EJS hét þá Einar J. Skúlason og
var ekki einu sinni orðið hlutafélag.
Einar J. Skúlason hét í höfuðið á
stofnanda og eiganda fyrirtækis-
ins, en saga þess hófst árið 1939 er
Einar kom heim til íslands frá
námi í skriftvélavirkjun. Hann
hafði verið í Kaupmannahöfn og
ákvað að stofna fyrirtæki í kjölfar-
ið. Skriftvélavirkjun varð síðar að
rafeindavirkjun þegar hún samein-
aðist útvarpsvirkjun og símvirkjun.
Þeir sem höfðu lært þetta fag
höfðu réttindi til að gera við reikni-
vélar, bókhaldsvélar, ritvélar og
önnur skrifstofutæki. Einar hóf
einnig innflutning og sölu á ritvél-
um og reiknivélum, auk þjónust-
unnar við skrifstofuvélar. Um
langt árabil sérhæfði fyrirtækið sig
á þessu sviði og vöxtur þess og þró-
un var í samræmi við þróun á sviði
skrifstofuvéla.
Vendipunktur
Vendipunktur var í sögu og
starfsemi EJS árið 1983, en þá
gengu bankar og sparisjóðir að til-
boði fyrirtækisins í beinlínuaf-
greiðslukerfi. Olgeir hafði verið
ráðinn til fyrirtækisins tveimur ár-
um áður eins og áður er getið, „til
þess að koma hugbúnaðardeild á
laggirnar", eins og hann kemst að
orði. „Það komst mikill kraftur í
starfsemina með þessu verkefni og
þegar mest var unnu 15 til 20
manns eingöngu við þetta eina
verkefni. Til marks um breyting-
una voru starfsmenn innan við 15
þegar ég réðst til fyrirtækisins
tveimur árum áður. Það var svo ár-
ið 1985 sem fyrsta afgreiðslukerfið
fór í gang og það er enn í fullri
notkun þó Kienzle-kerfið sé raunar
að renna sitt skeið á enda í lok
þessa árs.“
Þegar hér er komið sögu hafa
stjómendur EJS algerlega söðlað
um frá því að vera verslun og þjón-
ustumiðstöð með skrifstofuvörur
yfir í að vera fyrirtæki í hreinni
upplýsingatækni með áherslur á
heildarlausnir í viðskipta- og at-
vinnulífinu. Fyrirtækið breyttist
einnig í hlutafélag árið 1985 er
fjórir lykilstarfsmenn keyptu hlut
Einars J. Skúlasonar og hann dró
sig út úr fyrirtækinu. Árið 1993 var
nokkrum lykilstarfsmönnum til
viðbótar boðið að kaupa hlut í fyr-
irtækinu og fyrir skemmstu var
síðan gengið skrefinu lengra og öll-
um starfsmönnum boðið að kaupa
sig inn. „Þeir gerðu það nær allir
myndarlega. Mér skilst að hluthaf-
ar í dag séu 179 talsins," segir 01-
geir.
Hann heldur áfram: „Við höfum
siglt á vaxandi bylgju upplýsinga-
tækninnar með þeim árangri að
starfsmönnum hefur fjölgað úr inn-
an við 15 í 160 og veltuaukning síð-
ustu fimm árin, svo dæmi sé tekið,
hefur verið að jafnaði um 20% á
milli ára. Ef ég nefni dæmi um
veltuaukninguna, þá var velta EJS
800 milljónir árið 1993 en í fyrra
2.035 milljarðar. Og þar með er
ekki allt talið, því við rekum dótt-
urfyrirtækið EJS-International
sem hefur með útflutning á þjón-
ustu og hugbúnaði að gera og er
stofnað til að móðurfyrirtækið geti
einbeitt sér að heimamarkaðnum.
EJS-Intemational hefur aukið
veltu sína úr 13 milljónum árið
1993 í 360 milljónir í fyrra. Við
stefnum að því að ná 500 milljóna
veltu á þessu ári. Þá er spáin sú að
Hugur verði með 700 milljóna veltu
á þessu ári.“
Hvað vilduð þið eiginlega með
þessum kaupum?
„Stefna EJS er að veita við-
skiptavinunum alhliða þjónustu.
Ekki aðeins tækniþjónustu heldur
heildarþjónustu sem tekur mið af
aðstæðum og starfsemi einstakra
viðskiptavina. Þeir eiga að geta
sótt búnað, þjónustu, alla ráðgjöf
og alla þá þekkingu sem þeir þurfa
til að nýta sér upplýsingatæknina
til EJS. En það er nokkuð síðan við
ákváðum að eitt og annað vantaði í
starfsemina og skynsamlegt væri
að líta eftir fyrirtækjum sem gætu
styrkt stöðu okkar. Hugur sérhæf-
ir sig í bókhalds- og upplýsinga-
kerfum sem vantað hefur í þjón-
ustuframboðið hjá okkur. Þeir hafa
ekki boðið viðskiptavinum sínum
grunnþjónustu sem aftur á móti
hefur verið sérgrein EJS. Sam-
virknin við sameininguna er aug-
ljós. Hugur er fyrirtæki í góðum
rekstri. Þeir hafa vaxið verulega
síðustu árin, keyptu m.a. Opus-AIt
árið 1997. Þegar við vorum búnir
að skoða þá og þeir okkur má segja
að kaupin hafi gengið snurðulítið
fyrir sig.“
Hvað kostaði Hugur?
„Það er ekki gefið upp, enda
trúnaðarmál þeirra sem hlut eiga
að máli. Að einhverju leyti er um
hlutabréfaskipti að ræða og því
kannski erfitt að nefna einhverja
tölu. Það er undir báðum aðilum
komið á hvaða gengi bréfin seljast
á opnum markaði."
Eins og matvara
Þegar talið berst að stöðu fyrir-
tækisins gagnvart stöðugleika og
óstöðugleika í efnahagslífinu segir
Olgeir að EJS hafi nú þann styrk-
leika að geta tekist á við niður-
sveiflumar. „Ég segi þegar dýfan
kemur, ekki ef hún kemur. Hitt er
svo annað mál að þessi geiri sem
við störfum í er afar sterkur, jafn-
vel þótt til komi niðursveiflur í
efnahagslífinu þá er öll starfsemi í
þjóðfélaginu orðin háð tölvum og
rekstri þeirra. Þetta er að því leyti
eins og með matvörur, þótt illa ári