Morgunblaðið - 28.08.1999, Blaðsíða 28

Morgunblaðið - 28.08.1999, Blaðsíða 28
28 LAUGARDAGUR 28. ÁGÚST 1999 MORGUNBLAÐIÐ ERLENT —-------, s «a»'*' m íbúi tyrkneska bæjarins Adapazari hjólar framhjá rústum húsa sem eyðilögðust í jarðskjálftanum. Hið mikla tjón sem varð á mönnum og mannvirkjum er að miklu leyti rakið til fúsks í húsasmíði. Fúskarar í húsa- smíði sóttir til saka Istanbúl. Adapazarí. Reuters, AP. TYRKNESK stjórnvöld hafa verið beðin að staldra við með að ryðja rústir húsa sem hrundu í jarð- skjálftanum í síðustu viku, til að gefa byggingaeftirlitsmönnum færi á að safna sönnunargögnum um fúsk við byggingu húsanna, en sú skoðun er útbreidd að slíku fúski sé um að kenna hve tjónið varð mikið á mönnum og mannvirkjum. Landssambönd tyrkneskra arki- tekta og verkfræðinga og lög- mannafélag Tyrklands hafa farið fram á það við stjórnvöld að þau sjái til þess að rústir húsanna verði ekki fjarlægðar fyrr en eftirlitsmönnum hafi gefizt tækifæri til að leggja mat á tjónið. Erol Cakir, héraðsstjóri Istanbúl, skýrði frá því í gær að hann hefði fyrirskipað sakarannsókn á meintu fúski byggingaverktaka, sem eru sagðir hafa í gróðaskyni verið spar- ir á að nota réttu byggingarefnin. „Við gerum allt sem í okkar valdi stendur til að réttlætið nái fram að ganga," sagði Cakir á blaðamanna- fundi. Borgarstjóri Avcilar-hverfis í Ist- anbúl, sem varð illa úti í skjálftan- um, hefur heitið lögsókn á hendur báðum verktökunum sem byggðu hinar gölluðu byggingar sem hrundu, sem og á hendur fyrri stjórn sveitarfélagsins sem lögðu blessun sína yfir byggingarnar sem löglegt íbúðarhúsnæði. I Avcilar, sem og víða annars stað- ar á jarðskjálftasvæðinu í norðvest- urhluta landsins, standa hús sem ekki högguðust í hamfórunum við hlið rústa annarra húsa sem hrundu til grunna. Þetta hefur ýtt undir grunsemdir um að ekki væri allt með felldu í byggingabransanum. Nornaveiðar gegn verktökum Mesta reiði íbúanna beinist nú að einum manni, sem virðist vera far- inn í felur. Hann er sagður ábyrgur fyrir byggingu hundruða íbúða á hamfarasvæðinu. „Vilji stjórnvöld endurreisa orðstír sinn í augum al- mennings verða þau að finna og grípa þessa skammarlegu verktaka- nefnu," skrifaði dagblaðið Milliyet. Nornaveiðarnar komust á nýtt stig þegar dagblöð hófu að birta nöfn meintra sökudólga. Sum prentuðu heilu nafnalistana. Stórblaðið Hurriyet sagði ósvífna byggingaverktaka nota allt að 40% minna sement í grunna nýbygginga en lög gerðu ráð fyrir. Fullyrti blað- ið að niðurstöður eftirlits á vegum byggingamálaráðuneytisins fyrir jarðskjálftann hefðu sýnt, að bygg- ingareglugerðir hefðu verið brotnar við byggingu 91% af öllu íbúðarhús- næði í einkaeigu í landinu. Sérfræðingar í byggingariðnaðin- um í Tyrklandi segjast sannfærðir um, að manntjónið í jarðskjálftan- um hefði orðið miklum mun minna, hefði betur verið vandað til húsa- gerðar á liðnum árum. Tyrkneska byggingamálaráðu- neytið gerir nú ráð fyrir, að til þess að koma þaki yfir höfuð allra þeirra sem urðu heimilislaus í skjálftanum eða treysta sér ekki til að búa áfram í húsum sem stóðu skjálftann naum- lega af sér, þurfi að byggja á bilinu 100.000 til 120.000 nýjar íbúðir. Þar sem í Tyrklandi er miðað við um fimm manns á hvert heimili má ætla að stjórnvöld séu við því búin að heimilislausir af völdum skjálftans verði yfir hálf milljón. Fram að þessu hefur þó ekki verið gefin upp hærri opinber tala yfir heimilislausa en 200.000. Frakklandsforseti Vill sam- ræmda her- málastefnu Parfs. Reuters. JACQUES Chirac Frakk- landsforseti hvatti til þess á fimmtudag að ríki Evrópusam- bandsins (ESB) kæmu sér saman um sameiginlega stefnu í her- og varnarmálum í ætt við stefnumið þau er komu fram í tengslum við undirbún- inginn að aðild ríkjanna að Myntbandalagi Evrópu (EMU). Sagði forsetinn að átökin á Balkanskaga fyrr á þessu ári hefðu sýnt glögglega fram á ríka þörf fyrir sameiginlega varnarmálastefnu ESB og her Evrópuríkja. Þykir yfirlýsing Chiracs til marks um aukna áherslu ríkja bandalagsins á að formfesta yfirlýstan vilja til sameigin- legrar utanríkis- og varnar- málastefnu. Ný rannsókn á Waco-umsátrinu BANDARISKA alríkislögreglan, FBI, og dómsmálaráðuneytið hyggjast hefja nýja rannsókn á um- sátri lögreglunnar um búgarð Da- vids Koresh skammt frá Waco í Texas 1993, sem lauk með því að eldur kom upp í húsunum og sjötíu og sex manns létust. Sjónvarpsstöð- in CNN greindi frá þessu í fyrra- dag. Janet Reno, dómsmálaráðherra Bandaríkjanna, sagðist staðráðin í að komast að því hvers vegna það hefði tekið FBI sex ár að viður- kenna að fulltrúar lögreglunnar kynnu að hafa skotið táragaskútum, sem geta verið eldfimir, að megin- byggingunni á búgarðinum daginn sem umsátrinu, er stóð í 51 dag, lauk. Reno kvaðst ekki telja ástæðu til að ætla að FBI bæri ábyrgð á dauða Koresh og fylgjenda hans en hún sagði það „mjög mikið áhyggjuefni" að sex árum eftir að FBI hefði neit- Reno að afdráttarlaust væru að koma fram nýjar upp- lýsingar um að eldfim tæki kynnu að hafa verið notuð. Umsátrið um búgarð Koresh hófst eftir að fjór- ir lögreglufulltrú- ar féllu í skotbardaga við fólk á bú- garðinum. FBI staðfesti, fyrr í þessari viku, frétt þess efnis að eld- fimu gasi kynni að hafa verið skotið í grennd við búgarðinn. Hins vegar fullyrti lögreglan að ekkert benti til þess að þetta hefði orðið kveikjan að eldinum í byggingunum, sem voru úr timbri og brunnu hratt. Sú ákvörðun, að ljúka umsátrinu með árás á búgarðinn, hefur verið umdeild, og gagnrýnendur hafa haldið því fram að FBI-liðar hafí orðið valdir að eldsvoðanum. Meintar njósnir í höfuðstöðvum NATO Talsmenn NATO neita að Ijá sig Brussel. Reuters. TALSMENN höfuðstöðva Atlants- hafsbandalagsins (NATO) í Brussel vildu í gær ekki tjá sig um dagblaðs- frétt þess efnis, að njósnari í stjórn- unarstöðu hjá bandalaginu hefði komið upplýsingum um hernaðará- ætlanir þess í Kosovo til Rússlands. „Við tjáum okkur aldrei um innri öryggismál. Það er hin opinbera stefna og við ætlum okkur ekki að breyta út af henni," sagði ónafn- greindur embættismaður banda- lagsins um frétt skozka dagblaðsins The Scotsman. I fréttinni segist blaðið hafa það eftir heimildarmönnum innan NATO að meðal þeirra upplýsinga sem Rússar hefðu fehgið í hendurn- ar væri nákvæm lýsing á fyrirhug- aðri sprengjuárás bandarískra „Stealth"-orrustuflugvéla, en þess- ar upplýsingar hefðu komizt beint áfram í hendur Serba. Þeim hefði m.a. á grundvelli þessara upplýs- inga auðnazt að skjóta niður eina þessara fokdýru þotna bandaríska flughersins, en þær eru þannig smíðaðar að mjög erfitt á að vera að greina þær í ratsjá. Samkvæmt heimildum The Scotsman kom háttsettur maður úr her eins NATO-landsins, sem starf- aði við hernaðaráætlanagerð í höf- uðstöðvum bandalagsins á meðan á loftárásunum á Júgóslavíu stóð, upplýsingum til rússnesku leyni- þjónustunnar, en hún kom því síðan til skila til stjórnvalda í Belgrad hvert skotmark hinnar áformuðu loftárásar væri. Rússneska leyniþjónustan hefur einnig neitað að tjá sig um málið. Gore ekki andvígur sköpunarsögunni Washington. AP. AL GORE, varaforseti Bandaríkj- anna, segir að hann sé ekki andvíg- ur því að sköpunarsagan sé kennd í almenningsskólum sem hluti af trú- arlegu námsefni, þótt sjálfur að- hyllist hann að þróunarkenningin um tilurð lífsins sé kennd. Talsmaður Gores segir varafor- setann byggja álit sitt á dómsúr- skurði um að kenna megi sköpunar- sögu Biblíunnar sem þátt í trúar- legu námsefni, en ekki sem vísinda- lega kenningu. Það ætti að heyra undir skólastjórn á hverjum stað að ákveða hvert námsefnið væri. Fyrr í þessum mánuði ákvað kennslumálaráð í Kansas-ríki að taka upp nýjar prófviðmiðanir þar sem minna er gert úr vísindalegu mikilvægi þróunar. Hæstiréttur Bandaríkjanna hefur bannað að sköpunarsaga Biblíunnar sé kennd í skólum vegna þess að grundvöllur hennar sé trúaríegur. „Yfírheyrslur" EÞ yfir nýrri fram- kvæmdastjórn ESB hefjast á mánudag Lið Prodis þreyt- ir „inntökupróf' Brussel. Reuters. VÆNTANLEGIR meðlimir nýrrar framkvæmdastjórnar Evrópusam- bandsins (ESB) eru nú að setja sig í stellingar fyrir „inntökupróf' sín í þessar mikilvægu stjórnunarstöður, en í næstu viku hefjast yfirheyrslur Evrópuþingsins yfir þeim, sem fara fram með svipuðum hætti og þegar rannsóknarnefndir öldungadeildar Bandaríkjaþings kalla menn fyrir. í yfírheyrslunum, sem standa yfír í sjö daga og hefjast á mánudaginn, þurfa hinir væntanlegu fram- kvæmdastjórnarmeðlimir að sann- færa þingmenn Evrópuþingsins (EÞ) um að þeir séu færir um að byggja aftur upp traust á stjórn- sýslu sambandsins, sem varð fyrir alvarlegum hnekki er framkvæmda- stjórn Jacques Santers sá sig knúna til að segja öll af sér snemma á þessu ári, eftir að ásakanir - eink- um af hálfu Evrópuþingsins - um spillingu og vítavert ábyrgðarleysi innan framkvæmdastjórnarinnar voru ítrekaðar í skýrslu óháðrar sérfræðinganefndar. Engin vettlingatök Nýkjörnum fulltrúum á Evrópu- þinginu er nú mikið í mun að sýna og sanna að þeir hafi raunveruleg áhrif, eftir mjög lélega kjörsókn í Evrópuþingkosningunum í júní sl. Þeir eru því staðráðnir í að slá hvergi af í yfirheyrslunum yfir hin- um 19 einstaklingum, sem ESB-rík- in 15 hafa tilnefnt í framkvæmda- stjórn Romanos Prodis, fyrrverandi forsætisráðherra ítalíu, en útnefn- ing hans sem forseta næstu fram- kvæmdastjórnar var staðfest af Evrópuþinginu í maí sl. ****** EVROPA*, Þingið hefur ekki vald til að „henda út" stökum fulltrúum sem tilnefndir hafa verið í framkvæmda- stjórnina, en það getur sett veruleg- an þrýsting á Prodi að endurskoða liðsmannaval sitt. Ahrif þingsins á þetta jukust eftir að Amsterdam- sáttmálinn, endurbættur stofnsátt- máli ESB, gekk í gildi í vor. Á sama tíma og Prodi átti undir- búningsfund með sínu liði fyrir yfir- heyrslurnar í gær, föstudag, hétu Evrópuþingmenn því að láta ekkert óupplýst sem skipt gæti máli varð- andi þá einstaklinga sem fara eiga fyrir Evrópusambandinu við upphaf nýrrar aldar. An þess að búizt sé við því að Evrópuþingið muni ætla sér að teygja enn á þeirri stjórnsýslu- kreppu sem ESB hefur verið í frá því í marz er fastlega reiknað með því að Frakkinn Pascal Lamy, sem fara á með viðskiptamál í nýju framkvæmdastjórninni, megi eiga von á einni hvössustu spurninga- hríðinni er hann er kallaður fyrir yf- irheyrslunefnd EÞ. Hann var einn nánasti samstarfsmaður Jacques Delors, fyrrverandi forseta fram- kvæmdastjórnarinnar, á því tímabili sem nokkur þungvægustu að- finnsluatriði „spillingarskýrslu" sérfræðinganefndarinnar voru „framin".
Blaðsíða 1
Blaðsíða 2
Blaðsíða 3
Blaðsíða 4
Blaðsíða 5
Blaðsíða 6
Blaðsíða 7
Blaðsíða 8
Blaðsíða 9
Blaðsíða 10
Blaðsíða 11
Blaðsíða 12
Blaðsíða 13
Blaðsíða 14
Blaðsíða 15
Blaðsíða 16
Blaðsíða 17
Blaðsíða 18
Blaðsíða 19
Blaðsíða 20
Blaðsíða 21
Blaðsíða 22
Blaðsíða 23
Blaðsíða 24
Blaðsíða 25
Blaðsíða 26
Blaðsíða 27
Blaðsíða 28
Blaðsíða 29
Blaðsíða 30
Blaðsíða 31
Blaðsíða 32
Blaðsíða 33
Blaðsíða 34
Blaðsíða 35
Blaðsíða 36
Blaðsíða 37
Blaðsíða 38
Blaðsíða 39
Blaðsíða 40
Blaðsíða 41
Blaðsíða 42
Blaðsíða 43
Blaðsíða 44
Blaðsíða 45
Blaðsíða 46
Blaðsíða 47
Blaðsíða 48
Blaðsíða 49
Blaðsíða 50
Blaðsíða 51
Blaðsíða 52
Blaðsíða 53
Blaðsíða 54
Blaðsíða 55
Blaðsíða 56
Blaðsíða 57
Blaðsíða 58
Blaðsíða 59
Blaðsíða 60
Blaðsíða 61
Blaðsíða 62
Blaðsíða 63
Blaðsíða 64
Blaðsíða 65
Blaðsíða 66
Blaðsíða 67
Blaðsíða 68
Blaðsíða 69
Blaðsíða 70
Blaðsíða 71
Blaðsíða 72
Blaðsíða 73
Blaðsíða 74
Blaðsíða 75
Blaðsíða 76

x

Morgunblaðið

Beinir tenglar

Ef þú vilt tengja á þennan titil, vinsamlegast notaðu þessa tengla:

Tengja á þennan titil: Morgunblaðið
https://timarit.is/publication/58

Tengja á þetta tölublað:

Tengja á þessa síðu:

Tengja á þessa grein:

Vinsamlegast ekki tengja beint á myndir eða PDF skjöl á Tímarit.is þar sem slíkar slóðir geta breyst án fyrirvara. Notið slóðirnar hér fyrir ofan til að tengja á vefinn.