Morgunblaðið - 31.08.1999, Blaðsíða 2

2 ÞRIÐJUDAGUR 31. ÁGÚST 1999
MORGUNBLAÐIÐ
FRÉTTIR
Jarðskjálftahrina um 200 kílómetra norður af Grímsey
Stærstu
skjálftar um
4,5 á Richter
JARÐSKJÁLFTAHRINA hófst á
Atlantshafshryggnum langt norður
af Norðurlandi, eða um 100 km
norður af Kolbeinsey, upp úr klukk-
an sjö í gærmorgun. Hrinan fór
mjög vaxandi laust fyrir klukkan
níu og voru stærstu skjálftar í hrin-
unni um 4,5 á Richter-kvarða, en
upp úr hádegi dró jafnt og þétt úr
skjálftavirkni. Að sögn Ragnars
Stefánssonar jarðskjálftafræðings
eru slíkar skjálftahrinur ekki
óvenjulegar á þessum slóðum.
Ragnar segir viðbúið að fá skjálfta
sem þessa á hryggnum öðru hvoru.
„Þetta tengist gliðnuninni í hryggn-
um og kvikuinnskotum í sprungu-
beltinu, sem skilur plötumar að, á
nokkurra kílómetra dýpi. Kvikan
þrengir sér aðeins þama upp um leið
og landið færist í sundur. Slíkt getur
leitt til gosa neðansjávar, en við get-
um ekki fullyrt að eitthvað hafi kom-
ið upp á yfírborðið og engar fréttir
hafa borist um slíkt. Það bendir til
að ekki hafi orðið meiriháttar gos, þó
svo að ekki sé óhugsandi að einhver
kvika hafi borist upp á sjávarbotn-
inn,“ segir Ragnar.
Hann segir að hafi engin kvika
borist upp á sjávarbotninn gæti
engra áhrifa á hitastigið í sjónum.
Mögulegt sé þó að jarðhitavirkni
aukist á þessum slóðum og það leiði
síðan til þess að hitastig sjávar
hækki lítillega. „Þetta eru það stór-
ir skjálftar að við nemum þá á mæl-
unum norðanlands, skýrast í Gríms-
ey þar sem næsta jarðskjálftastöð
stendur, en einnig sunnanlands.
Þessi virkni er hins vegar það langt
frá landi að útilokað er að fólk verði
vart við skjálftana," segir Ragnar.
Sameiginleg þensla
á stóru svæði?
Hann segir að brotahreyfingar á
Atlantshafshryggnum geti borist
eftir honum hægt og bítandi. Fyrir
tveimur mánuðum hafi orðið vart
við hrinu einum tvö hundruð kíló-
metram norðar og ekki sé útilokað
að tengsl séu þama á milli, en erfitt
sé hins vegar að staðfesta slíkt.
„Hvort þessar hrinur berast síð-
an áfram í suður er ekki hægt að
segja til um eins og er, en við útilok-
um ekki að í gangi sé sameiginleg
þensla á stóra svæði. I þessu er hins
vegar engin regla, þannig að við
getum ekki sagt fyrir um hvað ger-
ist næst,“ segir hann.
Morgunblaðið/Björn Björnsson
Sjaldan eða aldrei hafa jafnmargir hestar verið saman komnir á einum stað á íslandi eins og í hópreiðinni í Skagafirði um helgina.
Skortur á bréfberum á höfuðborgarsvæðinu
Veldur töfum á
póstdreifíngu
TF-LÍF í sjúkraflugi
Þoka haml-
aði björgun
ÞYRLA Landhelgisgæslunn-
ar, TF-LÍF, lagði af stað í
gærdag að sækja spænskan
sjómann í togara sem var á
veiðum um 230 mílur suður af
Kötlutanga. Þyrlan þurfti að
snúa aftur til Reykjavíkur án
mannsins, sem talið er að sé
með heilahimnubólgu, þar sem
ekki var hægt að hífa hann
upp í þyrluna vegna slæms
skyggnis, en mikil þoka var á
miðunum.
Það tók þyrluna um fjóra
klukkutíma að fljúga fram og
til baka, en bresk Nimrod-
þota aðstoðaði hana við að
finna togarann. Samkvæmt
upplýsingum frá Landhelgis-
gæslunni er skipið á leið til
Reykjavíkur með manninn, en
í gærkvöldi þótti ótækt að
senda þyrluna aftur af stað
vegna þoku og myrkurs. Því
var ekki búist við að hún yrði
send til að ná í manninn fyrr
en í morgunsárið, en það átti
að ráðast af veðri.
Hópreið
hestamanna
í Skagafirði
FJÖLDI hestamanna úr Skaga-
firði og nágrannabyggðum kom
saman norðan Vindheimamela
um helgina og reið undir blakt-
andi fánum inn á mótssvæðið, en
þetta ku hafa verið ein fjölmenn-
asta hópreið síðari ára og gengu
sumir svo langt að segja hana
hafa verið þá fjölmennustu frá
tímum Sturlunga.
Guðni Ágústsson landbúnaðar-
ráðherra var á meðal reiðmanna
og í setningarræðu sinni boðaði
hann verulegt átak í að efla og
kynna fslenska hestinn og allt
það sem honum tengist.
I ræðu ráðherra kom m.a.
fram að verið væri að vinna að
fimm ára verkefni um að koma á
fót sérstakri miðstöð íslenska
hestsins með aðsetur í Skaga-
firði. Hann sagði að áætlað væri
að veita um 50 milljónir króna í
verkefnið árlega. Þá sagði ráð-
herra að í bígerð væri að setja
upp heimasiðu og gagnabanka á
Netinu með upplýsingum um ís-
lenska hestinn.
MIKINN fjölda bréfbera vantar
um þessar mundir til starfa hjá ís-
landspósti á höfuðborgarsvæðinu
og hefur það valdið því að póst-
dreifing hefur tafist í einhverjum
tilvikum. Mestir erfiðleikar hafa
verið á svæði 101. Að sögn Óskars
Arnar Jónssonar framleiðslustjóra
er ástæða þess tvíþætt. Annars
vegar árlegt tímabundið ástand
sem varir í 2-3 vikur þegar skóla-
fólk, sem ráðið er í vinnu yfir sum-
artímann, lætur af störfum. Hins
vegar breytingai- sem eiga sér stað
á starfsemi póstsins og stafa meðal
annars af verulega aukinni dreif-
ingu auglýsingabæklinga.
Fimmtán bréfberar voru ráðnir á
dreifingarstöð íslandspósts á
Grensási í vikunni og gekk að sögn
Óskars vel að manna stöðurnar.
Alls vantar um 20 bréfbera til starfa
í Reykjavík og Kópavogi. Þar af
vantar 4-5 manns á svæði 101 en
þar er ástandið verst vegna slæmra
merkinga á húsum og póstkössum.
Þau störf vora auglýst fyrir helgi og
spennandi að sjá svör við þeim aug-
lýsingum, að sögn Óskars.
70 manns í sérverkefni
Auk þeirra 20 sem þarf að ráða í
föst bréfberastörf er gert ráð fyrir
að ráða 70 manns í sérverkefni, þ.e.
hlutastörf til þess að mæta aukinni
dreifingu auglýsingabæklinga. Er
gert ráð fyrir að ráða skólafólk
sem getur unnið með náminu einn
til tvo daga í viku.
Að sögn Óskars er starf bréf-
bera að þróast og sagðist hann
vilja vekja almenning til umhugs-
unar um hve mikilvægt það væri.
Fjöldi bréfbera um þessar mundir
væri flöktandi en þrátt fyrir hörgul
á starfsfólki seinkaði pósti til við-
skiptavina ekki meira en einn dag
af þeim sökum.
Innflutning-
ur eykst enn
VERÐMÆTI innflutnings á neyslu-
vöram jókst um tæp 17% á fyrri
helmingi ársins borið saman við
sama tímabil í fyrra og innflutningur
á bifreiðum til einkanota nam 8,9
milljörðum króna og jókst um 28%
fyrstu sex mánuði ársins borið sam-
an við sama tímabil í íyrra. Á árinu
1998 nam heildarinnflutningur bif-
reiða 13,4 milljörðum króna og óx
um 27,3% að magni til frá árinu áður.
Þetta kemur meðal annars fram í
nýjum hagvísum Þjóðhagsstofnunar.
Þar kemur fram að heildarverðmæti
innfluttra fjárfestingar- og rekstrar-
vara til júlíloka á þessu ári nam 55
milljörðum króna, sem samsvarar
2,8% magnaukningu frá sama tíma-
bili í fyrra, en á öllu árinu 1998 var
innflutningsverðmæti fjárfestingar-
og rekstrarvara tæpir 109,7 milljarð-
ar króna og nam magnaukningin
27% frá árinu 1997.
Þá kemur fram að vöraskiptajöfn-
uðurinn var óhagstæður fyrstu sex
mánuði þessa árs um 10,7 milljarða
króna, en hallinn var um 16 milljarð-
ar sama tímabil í fyrra. Heildarverð-
mæti innflutnings jókst um 3,6% á
þessu tímabili, en verðmæti útflutn-
ings óx meira eða um 12,5%. Valda
þar mestu verðhækkanir á sjófryst-
um sjávarafurðum og afurðum í salt-
fiskverkun.
---------------
Slakar end-
urheimtur
í hafbeitinni
ENDURHEIMTUR á laxi í hafbeit-
arstöðina Lárós við Grundarfjörð
era í slöku meðallagi eða um 2,7%,
en 340 þúsund seiðum var sleppt í
fyrra að sögn Óðins Sigþórssonar,
bónda í Einarsnesi, sem hefur rekið
stöðina undanfarin ár.
Óðinn sagði endurheimtur nú
heldur betri en í fyrra, einkum væri
um að ræða eins árs lax og langt síð-
an hann hefði séð jafnlítið af tveggja
ára laxi og nú. Að sögn Óðins hafa
endurheimtur verið frekar slakar
undanfarin ár, eða allt frá árinu 1989
er þær vora um 6%. Óðinn, sem séð
hefur um Lárós frá árinu 1994, sagð-
ist ekki vera bjartsýnn á framhaldið
í hafbeitinni og sagði þetta vera síð-
asta árið sitt. Hann sagðist þó ekki
vita hvort stöðin yrði lögð niður.
-----♦♦♦-------
Harður árekstur
á Egilsstöðum
HARÐUR árekstur varð á Egils-
stöðum í gærdag, er rúta og fólksbif-
reið lentu saman á flugvall-
arafleggjaranum við Egilsstaðanes.
Að sögn lögreglu var konan, sem var
ökumaður fólksbifreiðarinnar, flutt á
slysadeild Fjórðungssjúkrahússins á
Akureyri.
Að sögn vakthafandi læknis bein-
brotnaði konan og marðist nokkuð
en líðan hennar er eftir atvikum góð.
Tækjabíll var sendur á slysstað að
hjálpa til við að ná ökumanni fólks-
bifreiðarinnar úr flakinu og að sögn
lögreglu gekk það nokkuð vel. Fólks-
bifreiðin er talin ónýt eftir árekstur-
inn og rútan er töluvert skemmd.
Sérblöð í dag
m&mm
Ileimili
FASTEIGMR
Tottenham vill fá Ólaf Inga
Skúlason frá Fylki / B1
Ótrúlega auðvelt hjá KR-ingum
í Frostaskjóli / B4,B5,B6,B7