Morgunblaðið - 31.08.1999, Blaðsíða 8

8 ÞRIÐJUDAGUR 31. ÁGÚST 1999
MORGUNBLAÐIÐ
FRÉTTIR
Blanda er „komin
í yfirfall“
Sanderson lávarður og frú hans fengu þessa fallegu morgunveiði á
Rangárflúðum í Ytri Rangá fyrir fáum dögum.
BLANDA er „komin í yfirfall“ eins
og Hrafn Þórisson, veiðieftirlits-
maður við ána, sagði í samtali við
Morgunblaðið í gærdag. Það felur í
sér að áin er „orðin eins í gamla
daga“, eins og Hrafn útskýrði, vel
gruggug og vatnsmikil. Það er því
lítil veiði og að sögn Hrafns gæti
ástandið varað út veiðitímann.
„Þetta er auðvitað svekkjandi fyrir
veiðimenn, en þeir vita að þetta get-
ur brostið á, vita að það gerist seint
í ágúst,“ bætti Hrafn við.
Hrafn var á því að áin hefði skilað
sínu í sumar, talsverður lax væri í
henni og komnir væru um 1.235 lax-
ar á land. „Eins og vatnið er núna,
slíta menn kannski upp 2-3 laxa á
dag, í besta falli 6-8, þannig að töl-
umar hreyfast hægt og lítið þessa
dagana. Þó áin hafi spjarað sig í
sumar er þetta miklu minna en í
fyrra, en þá veiddust eitthvað um
1.980 laxar,“ sagði Hrafn.
Enn er dauft yfir veiðiskap í
Svartá og sagði Hrafn 160 laxa vera
komna úr ánni nú í vikubyrjun.
„Einhverra hluta vegna skilar fisk-
urinn sér ekki í ána, en menn bíða
spenntir og vona að eitthvað gerist
á haustdögum. Oft hefur legið mikill
fískur í ármótunum við Blöndu, en
ekki í sumar.“
Langá á góðu róli
Maðkahollið í Langá veiddi eitt-
hvað yfir 200 laxa á dögunum og
veiði hefur verið góð síðan. I gær-
dag voru komnir 1.324 laxar á land
og hópurinn sem nú er í ánni var
kominn með 22 laxa eftir fyrsta
daginn. „Þetta er ekkert meiri hátt-
ar, en alveg hreint í mjög góðu
lagi,“ sagði Ingvi Hrafn leigutaki í
gær.
„Einhver hreyfing" í Vatnsdalsá
„Hollið er með 35 laxa eftir fimm
daga og það hefur eiphver hreyfing
verið síðustu daga. í gær veiddust
t.d. lúsugir laxar, bæði 18 punda og
smærri. Þá hafa bjartir fiskar verið
á hreyfingu og gengið m.a. upp í
Álku. Það þarf að vinna talsvert fyr-
ir veiðigæfunni héma, en það er
talsvert af laxi í ánni og það eru að
koma þessi skemmtilegu skot,“
sagði Pétur Pétursson, leigutaki
Vatnsdalsár, í gærdag. Þá vora
komnir um 570 laxar á land, þar á
meðal 22 punda fiskur sem veiddist
um helgina.
„Ágætis kropp“ í Víðidalsá
í gærdag vora komnir 915 laxar á
land úr Víðidalsá, „ágætiskropp"
eins og Gylfi Ingason, kokkur í
Tjamarbrekku, komst að orði í gær.
20 punda hængur veiddist þar á
sunnudaginn, á maðk í Símastreng.
Síðasta holl var með 41 lax.
Fiekkan vatnslítil
Aðeins hafa veiðst um 110 laxar í
Flekkudalsá í Dölum að sögn
Omars Blöndal, eins leigutaka ár-
innar. „Það er talsvert af laxi í ánni,
en vatnsleysið hefur farið illa með
aflabrögðin í sumar. Það hefur bók-
staflega ekkert rignt þama í sum-
ar,“ sagði Ómar.
Ásgeir Heiðar, leigutaki Laxár í
Kjós, sagði í samtali við Morgun-
blaðið, að þegar sjóbirtingsveiðitím-
inn gengi í garð í ánni 15. septem-
ber yrði boðið upp á mun lengra
veiðisvæði heldur en áður. Til þessa
hafa fjórar stangir veitt í ánni frá
brú og upp að svokölluðum Ála-
bökkum. Nú lengist svæðið upp að
Kotahyl sem þýðir í raun að nær
allt hið svokallaða „frísvæði" er
komið inn á sjóbirtingstímann. Eftir
sem áður verður þó aðeins veitt á
fjórar stangir. „Það hefur verið
gríðarlega mikill sjóbirtingur á
svæðinu í sumar og talsvert af laxi
með, en reyndin er sú að það eru
ekki mikilvæg hrygningarsvæði fyr-
ir laxinn á þessum kafla árinnar og
því hefur leyfi fengist til að veiða á
lengra svæði þama í haust,“ sagði
Ásgeir.
Frábært verð
25mm og 50mm
með og án borða
Margir litir
Nýr formaður Mæðrastyrksnefndar
• •
Oll starfsemin
á einum stað
Ásgerður Jóna Flosadóttir
NÝLEGA var kos-
inn nýr formaður
Mæðrastyrks-
nefndar Reykjavíkur.
Fráfarandi formaður,
Unnur Jónasdóttir, hætti
eftir 18 ára starf sem for-
maður en við er tekin Ás-
gerður Jóna Flosadóttir
kaupsýslukona. Hún var
spurð hvort formanns-
skiptin þýddu breyttar
áherslur í starfi Mæðra-
styrksnefndar Reykja-
víkur?
„Áherslubreytingar
verða ekki í starfseminni.
Það sem snýr að þeim
sem þjónustu okkar
þiggja er sú breyting að
nú þurfa skjólstæðingar
okkar ekki að fara á tvo
staði eins og verið hefur,
því að allt skrifstofuhald
og matarúthlutun hefur
nú verið flutt að Sólvallagötu 48 í
Reykjavík, þar sem fataúthlutun
er og hefur verið. Öll þjönustan
er nú á einum stað. Þetta auð-
veldar fólki að nálgast þjónustu
okkar auk þess sem allt aðgengi
er miklu betra. Einnig nýtast
starfskraftar okkar allra betur
með þessu móti.“
-Er mikil þörf fyrir þessa
starfsemi?
„Já, það má segja að þörfin sé
ekki síður brýn núna en hún var
þegar Mæðrastyrksnefnd
Reykjavíkur var stofnuð 1928, í
kjölfar hræðilegs sjóslyss þegar
togarinn Jón forseti strandaði út
af Stafnesi. Þá urðu margar kon-
ur ekkjur og mörg börn föður-
laus. Það var Kvenréttindafélag
íslands sem bauð stjómum ann-
arra kvenfélaga til fundar til
þess að ræða samvinnu við að
koma í framkvæmd hugmyndum
um almenna ekknastyrki. Þetta
var upphafið að stofnun Mæðra-
styrksnefndar. Hún var stofnuð
20. apríl þetta sama ár. Við urð-
um því sjötugar í fyrra.“
- Hefur Mæðrastyrksnefnd
starfað óslitið allan þennan tíma?
„Já. Nefndin var gerð að sjálf-
stæðri stofnun árið 1939, en var
þó eftir sem áður að mestu á veg-
um Kvenréttindafélagsins. í dag
er Mæðrastyrksnefnd alveg
sjálfstæð stofnun en í henni eiga
sæti konur sem kjömar era af
flestum kvenfélögum í Reykja-
vík, þar á meðal Kvenréttindafé-
laginu. Þess má geta að fyrsti
formaður Mæðrastyrksnefndar
Reykjavíkur var Laufey Valdi-
marsdóttir."
- Hver er starfsvettvangur
nefndarinnar í dag?
„Hann er fyrst og fremst að
hjálpa einstæðum mæðrum, ör-
yrkjum, ekkjum og raunar öllum
mæðram sem þurfa á hjálp að
halda. Aðstoð okkar felst í því að
allt árið um kring, fyr-
ir utan sumarhlé, er-
um við með fataúthlut-
un að Sólvallagötu 48
sem opin er alla mið-
vikudaga frá klukkan
14.00 til 17.00. Auk þess sem við
hjálpum til fyrir jólin með því að
kaupa matarmiða hjá stórmörk-
uðum og úthluta þeim til þurf-
andi, skrifstofa okkar er opin alla
miðvikudaga og föstudaga frá
14.00 til 17.00.“
- Hvenær komst þú til starfa
hjá Mæðrastyrksnefnd?
„Það er komið á fjórða ár síð-
an. Við konurnar sem sitjum í
nefndinni vinnum okkar störf öll
í sjálfboðavinnu og eini launaði
starfsmaðurinn er skrifstofu-
stúlka. Við gætum hins vegar
►Ásgerður Jóna Flosadóttir
fæddist í Hafnarfirði árið 1954.
Hún lauk stúdentsprófi frá
Verslunarskóla Islands 1984 og
útskrifaðist 1992 í stjórnmála-
og fjölmiðlafræði frá Háskóla
Islands. Hún hefur aðallega
starfað við einkarekstur sl. 20
ár og er nú með fimm fyrir-
tæki. Hún hefur einnig tekið
töluverðan þátt í félagsmálum.
Nýlega var hún kosin formaður
Mæðrastyrksnefndar Reykja-
víkur. Hún er gift Jóhannesi
Jóni Gunnarssyni fram-
kvæmdastjóra og eiga þau
tvær dætur, Guðrúnu Evu og
Flosrúnu Vöku.
ekki veitt þá aðstoð sem við veit-
um nema fyrir velvilja fyrirtækja
og almennings. Fyrirtækin hafa
gefið nefndinni fatnað, mat, leik-
föng og ýmislegt annað. Þess má
t.d. geta að Ingvar Helgason hf.
hefur í desember undanfarin ár
gefið nefndinni 300 kjötlæri fyrir
skjólstæðinga okkar í stað þess
að senda út jólakort. Erum við
nefndarkonur mjög þakklátar
fyrir þessa höfðinglegu gjöf. Það
leituðu til okkar á tólfta hundrað
fjölskyldna í desember á síðasta
ári. Okkar helstu skjólstæðingar
eru tekjulitlar konur, öryrkjar
og aldrað fólk sem á ekki til hnífs
og skeiðar. Það má ekki mikið út
af bera hjá tekjulitlu fólki til þess
að allt fari úr skorðum og það
þurfi að leita aðstoðar."
- Er þetta oft sama fólkið frá
ári til árs?
„Stundum er það en oftar er
um tímabundna neyð að ræða,
t.d. vegna veikinda. Það hefur
komið fyrir að fólk sem hefur
þegið þjónustu hefur svo komið
og gefið til nefndarinnar þegar
aðstæður þess hafa
batnað. Þannig hefur
það þakkað fyrir sig.“
- Hvernig snýr fólk
sér til ykkar, bæði
þeir sem vilja gefa og
þeir sem þurfa aðstoð?
„Þeir sem vilja gefa era vel-
komnir að Sólvallagötu 48 og
þeir sem era hjálparþurfi geta
komið til okkar á skrifstofutíma
og lagt málið fyrir okkur og þá
sjáum við hvað við getum gert
þeim til aðstoðar. Þess ber að
geta að saga Mæðrastyrksnefnd-
ar Reykjavíkur er saga um bar-
áttu fyrir réttlátari og mannúð-
legri félagsmálaráðgjöf. Þótt
ekki hafi mikið borið á þessu
undanfarið er staðreyndin eigi að
síður þessi.“
Þörf starf-
semi nú
sem áður