Morgunblaðið - 07.03.2000, Blaðsíða 61
MORGUNBLAÐIÐ
ÞRIÐJUDAGUR 7. MARS 2000 61
FRÉTTIR
i|M Úr dagbók lögreglunnar
——— 11 ——
Talsvert um
átök meðal
manna
Helgin 3. til 6. mars
UM helgina urðu 68 umferðaró-
höpp og 22 ökumenn voru teknir
fyrir of hraðan akstur, m.a. einn
sem ók á 125 km hraða á Miklu-
brautinni. Talsvert var um átök í
miðbænum þótt fáir væru á ferli.
Unglingar undir 16 ára aldri
voru ekki áberandi úti á lífinu að
næturlagi.
Tilkynnt var um tvö þjófnaðar-
mál á veitingahúsum og einnig
hópslagsmál fyrir utan veitinga-
stað í miðbæ Reykjavíkur. Þar
tókust á tveir hópar manna og
var maður fluttur á slysadeild
með minniháttar áverka.
Ráðist á
tnann á dansgólfi
Tilkynning barst um slasaðan
mann er hafði verið á dansgólfi
skemmtistaðar þegar annar mað-
ur réðst að honum og sló hann í
læri og maga. Þegar sá slasaði
kannaði áverkana komu í ljós
skurðir á maga hans og læri ann-
aðhvort eftir hníf eða gler. Hann
var fluttur á slysadeild af lög-
reglu. Var maður handtekinn
sem svaraði til lýsingar á árásar-
manninum.
Aðfaranótt sunnudagsins er
talið að 500 manns hafi verið í
miðborginni þegar mest var.
Fjórir menn komu á lögreglustöð
allir ölvaðir og æstir og var í
fyrstu ekki unnt að átta sig á til-
gangi þeirra nema til að gera
óskunda. Þeim var vísað frá en
sló þá einn þeirra lögreglumann
hnefahögg í andlitið, sem fluttur
var á slysadeild. Aðilinn er veitt-
ist að lögreglumanninum var
fluttur á lögreglustöðina við
Hverfisgötu í fangageymslu. Síð-
ar kom í ljós að mennirnir höfðu
ætlað að koma gi-eiðslukorti sem
þeir fundu til lögreglu.
Tilkynning barst til lögreglu
um 68 umferðaróhöpp yfir helg-
ina, ríflega helmingur þeirra átti
sér stað á föstudeginum. Að
morgni föstudags varð árekstur
tveggja bifreiða á Hringbraut.
Annar ökumanna var fluttur með
sjúkrabifreið á slysadeild til að-
hlynningar.
Umferðaróhapp varð á Vestur-
landsvegi á föstudag þar sem
langferðabifreið var ekið aftan á
lögreglubifreið sem var við akst-
ursþjálfun lögreglunema í for-
gangsakstri.
Síðdegis á laugardag var bif-
reið ekið á ljósastaur á Vestur-
landsvegi og hlaut ökumaður
minniháttar meiðsli og er bifreið-
in talin óökuhæf.
Maður kom að máli við annan
á aðfaranótt laugardagsins á
Laugavegi og bað hann um að
gefa sér peninga. Sá tók upp
veski sitt og afhenti smápeninga,
en þá hrifsaði hinn veskið af hon-
um og hljóp á brott með 10-12
þúsund krónur sem hann hafði
upp úr krafsinu.
Pizzasendill
rændur
Aðfaranótt laugardagsins var
pizzasendill rændur. Hann hafði
verið sendur með pizzu í hús í
austurborginni en þar kannaðist
enginn við að hafa pantað
pizzuna. Þegar hann var á leið
aftur að bifreið sinni réðust tveir
menn að honum og sneri annar
hann niður og hótaði lífláti. Síðan
tóku þeir pizzuna og 1.000 kr í
peningum. 18 ára piltur var
handtekinn um helgina og hefur
hann játað að hafa pantað
pizzuna og síðan ráðist á pizza-
sendilinn.
Brotist var inn í verslun á að-
fararnótt mánudagsins og rúða
brotin og stolið hljómflutnings-
og myndbandstækjum.
Ráðist var að ökumanni bif-
reiðar í Árbæ á íaugardag og
honum veittur áverki á gagn-
auga. Hafði hann flautað á aðra
bifreið og virtist það hafa farið í
skapið á ökumanni og farþega í
hinni bifreiðinni með þeim afleið-
ingum að þeir réðust að honum.
Tilkynnt var um tvo aðila á bif-
reið sem otuðu kúbeini að fólki á
Vesturlandsvegi. Þeir fundust
ekki þrátt fyrir eftirgrennslan.
Til stympinga kom við verslun
í austurborginni þegar átti að
loka versluninni á sunnudags-
kvöld. Starfsmaður verslunarinn-
ar varð fyrir aðkasti unglinga
sem fyrir utan voru. Veittust
þeir að honum og veittu honum
áverka á andliti. Unglingunum
var ekið heim og rætt við for-
eldra.
Kerti brann niður á sjónvarps-
tæki í húsi í austurbænum á
laugardag með þeim afleiðingum
að kviknaði í sjónvarpinu og
nokkrar skemmdir hlutust af
völdum reyks. Fjórir voru fluttir
á slysadeild vegna gruns um
reykeitrun.
Svo virðist sem kveikt hafi
verið í dagblöðum við leikskóla í
Grafarvogi, svo af hlutust
skemmdir á klæðningu.
Aðfaranótt mánudags kviknaði
í bifreið á bifreiðastæði í Grafar-
vogi og er bifreiðin talin ónýt
ásamt því að skemmdir urðu á
hlið nærliggjandi bifreiðar.
Um helgina var haft sérstakt
eftirlit með unglingum og úti-
vistartíma. Sérstakt eftirlit var í
Mosfellsbæ en þar var nokkrum
unglingum vísað heim. Ekki varð
vart við neina ölvun meðal ung-
linga. Foreldrarölt var einnig
mjög virkt í borginni.
PtMmm
Ufier
þ ÞÓR HF Reykjavfk - Akureyri
Reykjavík: Ármúla 11 - sími 568-1500
Akureyri: Lónsbakka - sfmi 461-1070
Fermingarmyndatökur
Svipmyndir
Hverfisgötu 18, sími 552 2690.
-c
Tölvtinámskeið
Internetið og tölvupóstur 10 kennslustundir
Word og Windows fyrir byrjendur 20 kennslustundir
Word II 20 kennslustundir
EXCEL fyrir byrjendur 20 kennslustundir
TMngumálanámskeið - ferðafólk
Hraðnámskeið fyrir ferðafólk
Enska - Franska — Spænska —
ítalska - Sænska - Norska
3ja vikna námskeið 12 kennslustundir
Körfugerð
Melónukarfa 5 kennslustundir
Garðyrkjunámskeið
Heimilisgarðurinn 8 kennslustundir
Innritun í simunu564 1507
og 564 1527vjílfyÍ8-21
Fimm unnu sér
þátttökurétt á
Islandsmoti í
backgammon
FIMM manns unnu sér rétt til þátt-
töku á íslandsmóti í backgammon á
fyrsta úrtökumóti af fjórum sem
fram fór á laugardag á veitingahús-
inu Sirkus við Klapparstíg. Back-
gammonfélag Reykjavíkur stóð fyrir
úrtökumótinu en keppt var í fimm
riðlum og hlaut sigurvegari hvers rið-
ils þátttökurétt á Islandsmótinu. Þeir
eru Einar Einarsson, Hannes Hlífar
Stefánsson, Róbert Harðarson, Sig-
rún Baldvinsdóttir og Vilma Björk
Ágústsdóttir. Næsta úrtökumót fer
fram á laugardaginn á veitingahúsinu
Grand Rokk við Smiðjustíg.
Mjög mikil aðsókn var að úrtöku-
mótinu og þurfti að vísa fólki frá þar
sem fullt var orðið í alla riðlana, að
sögn Gríms Grímssonar, formanns
Backgammonfélags Reykjavíkur.
Veitingahúsið Sirkus gaf þremur
efstu keppendum mótsins rauðvíns-
flösku. Álls munu 16 manns taka þátt
í íslandsmótinu svo enn á eftir að
spila um þátttökurétt í ellefu sæti.
Næsta úrtökumót verður á veit-
ingastaðnum Grand Rokk við
Smiðjustíg og hefst það klukkan tvö.
Þátttakendur eru hvattir til að mæta
tímanlega til að skrá sig, ekki seinna
en kl. 13:45. Einnig er hægt að senda
ósk um skráningu á netfangið back-
gammonfelag@yahoo.com.
Auk þess sem keppt verður um
sæti á íslandsmótinu mun Grand
Rokk gefa þeim sem skipa þrjú efstu
sætin viskíflösku
Ertu á aldrinum 15-18 ára? Þyrstir þig í nýja reynslu
og ævintýri? Viltu öðruvísi menntun? Meiri víðsýni?
Ef þú gerist skiptinemi á vegum AFS lærir þú nýtt tungumál,
kynnist ólíkri menningu, eignast nýja vini og öðlast dýrmæta
reynslu sem endist þér ævilangt.
•••
en tíminn er að renna út!
Ennþá er möguleiki á ársdvöl í Hong Kong og nokkrum öðrum löndum
í Suður-Ameríku og Evrópu, hálfsársdvöl í Brasilíu, Japan, Frakklandi
og Þýskalandi og sumardvöl í Bretlandi, ítaliu, Kanada og Sviss.
Brottfarir í júní til september. Umsóknarfrestur fer að renna út.
AFS á Íslandí
Ingólfsstræti 3 I 2. hæð I s(mi 552 5450 I www.afs.is