Morgunblaðið - 10.03.2000, Blaðsíða 36

36 FÖSTUDAGUR 10. MARS 2000
LISTIR
MORGUNBLAÐIÐ
Leikir
karls og
konu
Nýtt leikrit, Leikir, eftir Bjarna Bjarnason,
verður frumsýnt í hádeginu í dag í Iðnó.
Þetta er eitt verðlaunaleikritanna úr sam-
7 “
keppni Leikfélags Islands um leikþætti sem
efnt var til fyrir tveimur árum.
FRUMRAUN á tvo vegu má
segja um Leiki. Annars
vegar frumraun höfundar-
ins á atvinnuleiksviði þó
hann segist hafa skrifað leikrit sem
ekki hefur verið tekið til sýninga.
Bjarni er þó engan veginn nýgræð-
ingur á sviði ritlistarinnar því eftir
hann liggja m.a. skáldsögumar End-
urkoma Maríu (1997), Borgin bakvið
orðin (1998) og Næturvörður kyrrð-
arinnar (1999). Endurkoma Maríu
var tilnefnd til íslensku bókmennta-
verðlaunanna og fyrir Borgina bak-
við orðin hlaut Bjarni Tómasarverð-
launin. Pá hefur hann gefið út
ljóðabækur og áður hafði hann gefið
; út skáldrit á eigin vegum.
Leikstýrir í fyrsta sinn
Hins vegar er sýningin frumraun
hins unga og geðþekka leikara Stef-
áns Karls Stefánssonar á sviði leik-
stjómar en hann segist jafnframt
ekki hafa neinn sérstakan metnað í
þá átt. „Ég er leikari en þetta er góð
reynsla og ég sló strax til og Magnús
Geir (Iðnóleikhússtjóri) bauð mér að
spreyta mig á þessu. Mér hafa líka
tjáð reyndari leikarar að það sé
hverjum leikara hollt að leikstýra,
það veiti aðra sýn á starf leikarans
svo og hlutskipti leikstjórans. Það
má allt til sanns vegar færa,“ segir
Stefán Karl með glampa í augum svo
ekki er gott að vita hvort honum er
fúlasta alvara eða hlátur í huga.
„Þetta er líka hæfilega stórt verkefni
til að takast á við og leikararnir em
góðir vinir mínir, Jakob Þór kenndi
mér í Leiklistarskólanum og Nanna
Kristín var með mér þar í bekk svo
við emm eins og ein samhent fjöl-
skylda."
Leikir er hin þriðja í röðinni af há-
degisleiksýningum Leikfélags Is-
lands í Iðnó sem færð er á fjalirnar
en Leikir hlaut einmitt þriðju verð-
laun í samkepgni um einþáttunga
sem Leikfélag íslands efndi til. Að
sögn höfundarins Bjama sendi hann
níu þætti inn í samkeppnina og úr
þeim vom valdir þeir þrír sem sýn-
ingin Leikir samanstendur af.
Að draga sig saman
„Þættirnir eiga það allir sameigin-
legt að lýsa samskiptum karls og
konu og hvers konar leikir em við-
hafðir þegar þau em að draga sig
saman,“ segir Jakob Þór Einarsson
annar leikendanna. í fyrsta þætti
sjáum við unga framakonu sitjandi
við borð sitt í Iðnó, rétt eins og hinir
gestirnir sem komnir em til að horfa
á hádegisleiksýninguna. Við borð
hennar sest lífsreyndur flagari sem
með ýmsum ólíkindalátum kemur
Söngkonan og píanóleikarinn. Framakonan og eilífðartöffarinn.
sér í mjúkinn hjá henni. „Kannski
tekst honum að sannfæra hana, en
kannski er þetta hennar aðferð við
að ná sér í elskhuga,“ segir Nanna
Kristín Magnúsdóttir leikkona. I
næsta þætti sjáum við tvo „sérfræð-
inga“ - kannski bókasafnsfræðinga -
sem tala og tala en langar í rauninni
bara til að vera saman. Þau koma sér
ekki að efninu og reyna að fylla upp í
þagnir með fræðilegu hjali um eðli
kossa. „Það er ekki gott að segja
hvernig þetta endar hjá þeim.
Kannski tekst þeim að hætta að tala,
kannski ekki,“ segir Nanna Kristín.
Þriðji og síðasti þátturinn sýnir
hjón, söngkonu og píanóleikara, sem
em komin á sviðið og tjaldið verður
dregið frá eftir augnablik. Konan
ertir eiginmanninn sífellt en hann
engist af ófullnægðri þrá. Hún neitar
honum um allt slíkt en hefur greini-
lega nautn af leiknum. „Þetta er ein-
hvers konar hjónaleikur, kannski
forleikur," segir Stefán Karl.
Hann segir að þau hafi farið frjáls-
um höndum um þættina þó ekki
þannig að textanum væri breytt en
„... við höfum prófað ýmislegt varð-
andi bakgmnn persónanna og að-
stæður þeirra. Síðasti þátturinn
gerðist t.d. á heimili hjónanna þar
sem karlinn las í blaði og konan sat
fáklædd við snyrtiborð," segir -
Stefán. „Þetta er auðvitað allt gert í
fullu samráði við höfundinn og hon-
um til mikillar ánægju,“ bætir hann
við.
Aðrir aðstandendur sýningarinn-
ar era Rannveig Gylfadóttir, sem sér
um leikmynd og búninga, og Kjartan
Þórisson, sem hannar lýsingu.
Fmmsýning er í dag klukkan 12 á
hádegi.
Morgunblaðið/Jim Smart
Sérfræðingamir tveir ræða um eðli kossa.
VALHÖLL
I FASTEIGNASALA |
S i A u m ú I a 27. Reykjavík
sími 588 - 4477. Fax 588 - 4479
Núpalind 6
í nýju lyftuhúsi
Vorum að fá í sölu
í þessu glæsilega
8 hæða lyftuhúsi vandaðar
2ja herb. frá 76-84 fm,
3ja herb. frá 95-101 fm,
4ra herb. frá 113-115 fm og
stórar „penthouse-íb“ 156 og 180 fm
íbúðirnar afhendast seinni part ársins
fullfrágengnar án gólfefna. Húsið verður klætt
að utan með vandaðri álklæðningu. Lóð verður
frágengin. Stæði í bílskýli geta fylgt sem
innangengt er í úr sameign. Frábært útsýni.
Ekkert er byggt fyrir húsið. Einstakt tækifæri að
eignast glæsilegar íb. á þessum eftirsótta stað.
Húsið er að verða fokhelt í dag.
Afhending er áætluð í okt.-des. 2000.
Byggingaraðili er Mótel ehf.
N iflungahringur-
inn á myndbandi í
Norræna húsinu
RICHARD Wagner-félagið á ís-
landi mun ljúka myndbandssýning-
um frá uppfærslu Metropolitan-óp-
erunnar í New York á
Niflungahring Richards Wagner á
morgun, laugardag, kl. 12, í Nor-
ræna húsinu. Sýnd verður óperan
Götterdámmemng eða Ragnarök,
sem er hin síðasta í röðinni úr fjór-
leik Wagners.
Sýningar Wagner-félagsins nú í
vetur hafa verið í samvinnu við Fé-
lag íslenskra fræða og í umsjón
Árna Björnssonar, sem gerir grein
fyrir bókmenntalegum bakgmnni
Niflungahringsins og notkun
Richards Wagner á íslensku heim-
ildunum. Rannsóknir Arna á þessu
viðfangsefni munu koma út á prenti
í útgáfu Máls og menningar nú í ár.
Uppsetning Metropolitan-óper-
unnar, sem er tiltölulega hefðbund-
in, verður á fjölunum í New York
nú síðla vetrar og mun þá Kristinn
Sigmundsson fara með hlutverk
Hundings í Valkyrjunni. Leikstjóri
er Otto Schenk, leikmyndahönnuð-
ur Gúnther Schneider-Siemssen og
hljómsveitarstjóri James Levine.
Hlutverk Sigurðar Fáfnisbana er
sungið af Siegfried Jerusalem. I
öðmm stómm hlutverkum eru m.a.
Hildegard Behrens og Matti Salm-
inen. Sýnt verður á stóra veggtjald-
inu í sal Norræna hússins. Enskur
skjátexti.
Aðgangur er ókeypis og öllum
heimill.
Sýningartími með kynningu og
tveimur hléum er 6 timar.
------------------
Burtfarar-
próf í Salnum
Burtfararprófstónleikar Ingunnar
Jónsdóttur, flautuleikara, frá Tón-
listarskólanum í Reykjavík verða í
Salnum, Tónlist-
arhúsi Kópavogs,
á sunnudag kl. 17.
Anna Guðný Guð-
mundsdóttir leik-
ur með á píanó.
Á efnisskrá era
Sónata í D-dúr
Wq. 83 eftir
C.P.E. Bach,
Þrjár andrár eftir
Atla Ingólfsson,
Sónata eftir Otar
Taktakishvili, Sónata í e-moll op. 167
eftir Carl Heinrich Reinecke og
Suite de trois morceaux op. 116 eftir
Benjamin Godard.
Tónleikarnir eru haldnir á vegum
Tónlistarskólans í Reykjavík.
Aðgöngumiðar seldir við inngang-
inn.
InGfunn
Jónsddttir