Morgunblaðið - 21.03.2000, Blaðsíða 3

MORGUNBI.ADH)
ÞRIÐÍUDÁGUR 21. MÁRS 2000 8 3
HANDKNATTLEIKUR
Valdimar bestur hjá Wuppertal
Aðeins fimm leikir voru leiknir í
þýska handboltanum um helg-
ina vegna keppni í Evrópumótum fé-
lagsliða. Lemgo náði sér aftur á strik
með góðum útisigri, 26:22, í Wetzlar,
þar sem Sigurður Bjarnason og fé-
Íagar voru gjörsamlega yfirspilaðir á
löngum köflum. Eftir að staðan var
14:6 í leikhléi náði Lemgo 14 marka
forystu um miðjan síðari hálfleik,
21:7. Wetzlar náði að bjarga andlit-
inu fyrir leikslok. Sigurður Bjarna-
son gerði 1 mark fyrir Wetzlar í
leiknum.
Magdeburg vann öruggan sigur í
„íslendingaslagnum" þegar lið
Dormagen kom í heimsókn. Magd-
egurg vann 26:20 eftir að hafa verið
fimm mörkum yfir í hálfleik, 14:9.
Ólafur Stefánsson gerði 3 mörk fyrir
Magdeburg en Abati var marka-
hæstur með 9 mörk, þar af 6 úr víta-
kasti. Hjá Dormagen var Héðinn
Gilsson markahæstur með 4 mörk en
Róbert Sighvatsson var með 3 mörk.
Daði Hafþórsson komst ekki á blað
hjá Dormagen sem þarna lék í fyrsta
skipti eftir að Guðmundur Þ. Guð-
mundsson tók alfarið við stjórn þess.
Gummersbach
gjaldþrota
Yoon fór á kostum fyrir Gumm-
ersbach gegn Nettelstedt þegar liðin
léku á sunnudag í Gummersbach.
Hann gerði 13 mörk og ekkert
þeirra úr vítakasti. Gummersbach
vann öruggan sigur, 31:27. Enn ber-
ast fréttir af því að félagið sé algjör-
lega á vonarvöl, nú vegna ógreiddra
skatta. I Exprcss segir að félagið
muni tilkynna gjaldþrot í vikunni, en
skuldir þess vegna ógreiddra skatta
munu vera yfir 40 milljónir króna.
Wuppertal náði óvæntu jafntefli á
útivelli gegn Tusem Essen. Leikur-
inn var hnífjafn og spennandi og
gerði besti maður Wuppertal, Valdi-
mar Grímsson, jöfnunarmarkið úr
vítakasti þegar leiktíma var lokið.
Valdimar gerði 7/3 mörk og var
markahæstur hjá Wuppertal, Dagur
Sigurðsson gerði 3 mörk, en Patrek-
ur Jóhannesson gerði 1 mark fyrir
Essen þar sem Jovanovic var marka-
hæstur með 7 mörk. Chrischa
Hannawald, fyrrum markvörður
Wuppertal og nú Essen, átti slakan
dag og Ijóst að hann var yfirspennt-
ur, enda í fyrsta skipti að koma til
Wuppertal eftir að hafa verið rekinn
frá félaginu um mitt keppnistímabil.
Bogdan Wenta, leikmaður Nettel-
stedt, hlaut enn ein meiðslin um
helgina. Hann handarbrotnaði illa og
þarf að gangast undir skurðaðgerð.
Þessi 38 ára leikmaður hefur átt við
langvarandi meiðsli á hásin að stríða
og nú er spurning hvort ferill hans sé
ekki á enda.
Göppingen
tapaðl
Lið Rúnars Sigtryggssonar,
Göppingen, fór illa að ráði sínu um
helgina þegar liðið tapaði á útivelli
gegn Aue í annarri deild þýska
handboltans. Aue er í fimmta sæti
deildarinnar. Þar með missti Göpp-
ingen forystuna í deildinni og hefur
Solingen nú eins stigs forskot þegar
aðeins sjö umferðir eru eftir. Þetta
tap gæti reynst Göppingen afdrifa-
ríkt á lokasprettinum en efsta liðið
vinnur sér sæti í 1. deild að ári. Rún-
ar lék með Göppingen í leiknum,
skoraði ekki en var einu sinni rekinn
afleikvelli.
og Barcelona
Yfirburðir Kiel
aði 7 mörk, en Nenad Perunicic og
Nikolaj Jacobsen gerðu 6 mörk
hvor. Gamla brýnið Zlatko Sara-
cevic skoraði 7 mörk fyrir Badel.
Stefán Arnaldsson og Gunnar Við-
arsson dæmdu leikinn.
Staðan í hálfleik hjá Barcelona
og Celje var 14:14 en Spánverjarn-
ir höfðu ótrúlega yfirburði í seinni
hálfleik og skoruðu þá 25 mörk
gegn 11. Guijosa skoraði 8 mörk
fyrir Barcelona og Pajovic 7 fyrir
Celje
Morgunblaðið/Kristinn
Vörn Gróttu/KR var sterk; Kristín Guðmundsdóttir hjá Víkingi á
ekki möguleika gegn Ágústu Eddu Bjömsdóttur, Evu Þórðar-
dóttur og Eddu Hrönn Kristinsdóttur.
Allt stefnir í draumaúrslitaleik
um Evrópumeistaratitil karla
í handknattleik á milli Kiel og
Barcelona. Bæði unnu heimaleiki
sína í undanúrslitum meistara-
deildar Evrópu með miklum yfir-
burðum um helgina. Kiel vann Ba-
del Zagreb frá Króatíu, 32:21, i
Þýskalandi og Barcelona burstaði
Celje Lasko frá Slóveníu, 39:25, á
Spáni.
Magnus Wislander var atkvæða-
mestur hjá Kiel gegn Badel, skor-
Vömin
brásthjá
okkur
„VIÐ byijuðum mjög vel en við
misstum þetta niður í seinni
hálfleiknum. Við spilum ekki
nógu góða vörn, við höfum yfir-
leitt náð að halda liðunum undir
tíu mörkum í hvorum hálfleik
en það tókst ekki núna. Við spil-
uðum ágætis sóknarleik en það
var vömin sem klikkaði í þess-
um leik,“ sagði Guðmunda
Kristjánsdóttir, leikmaður Vík-
ings.
En hvað gerist í framleng-
ingunni, þið skorið ekki mark í
heilar 10 mínútur?
„Nei, en Fanney stóð sig
mjög vel og við fengum góð
færi sem við nýttum okkur ekki
og það réð úrslitum í þetta
skiptið. Næsti leikur ér á Nes-
inu og þá er að duga eða drep-
ast. Við ætlum okkur alla leið
og til þess að það verði verðum
við að vinna þann leik og svo
þriðja leikinn hér heima,“ sagði
Guðmunda Kristjánsdóttir.
„Þú mætir ekki
óundirbúin í leik“
„Þetta var alveg frábært. Við
náðum geysilegri samstöðu og
stóðum vel saman - höfðum trú
á því sem enginn annar hafði
trú á. Það hefur verið ein-
kennandi fyrir okkur í vetur að
við byrjum leikina ekki nógu
vel, en svo náum við að taka
okkur saman í andlitinu og það
tókst í dag. Vonandi náum við
að breyta þessu fyrir næsta
leik, byrja vel og halda því út
allan leikinn," sagði Fanney
Rúnarsdóttir, markvörður
Gróttu/KR.
Pið voruð greinilega búnar
að lesa Víkingsliðið vel fyrir
þennan leik?
„Já, að sjálfsögðu. Þegar
maður er kominn í fjögurra liða
úrslit þá mætir maður ekki
óundirbúinn í leik, en það er
bara hálfleikur núna. Við skul-
um bíða og sjá hvað gerist á
þriðjudaginn, vonandi gengur
allt vel þá,“ sagði Fanney Rún-
arsdóttir.
Þrír æfingaleikir
í Tékklandi
ISLENSKA landsliðið í handknattleik mætir því tékkneska
í þremur æfingaleikjum, sem fram fara í Tékklandi 27.-29.
maí. Islenski landsliðshópurinn kemur saman 22. maí en
þetta verða fyrstu leikir liðsins til undirbúnings fyrir tvo
leiki gegn Makedónum, sem ráða úrslitum um hvort lið
fær sæti á lokakeppni heimsmeistaramótsins í Frakklandi
á næsta ári. Þorbjörn Jensson, þjálfari íslenska liðsins,
sagði leikina kærkomna undirbúningsleiki enda Tékkar
með sterkt lið, en þeir leika gegn Portúgal um laust sæti á
HM. Hann sagði ekki loku fyrir það skotið að íslenska liðið
fengi fleiri æfingaleiki fyrir Makedóníuleikina en það væri
til skoðunar. Þorbjörn sagði að liðið yrði í tvo daga til við-
bótar í Tékklandi áður en haldið yrði til Makedóniu, en
fyrri leikur Iiðanna er 3. júní en sá síðari hér á landi 9.
júní.
mnHBHnBBBOBBBOBmnmnHmErara
Fanney hélt hreinu
GRÓTTA/KR sigraði deildarmeistara Víkinga, 25:23, á útivelli í
fyrsta leik liðanna í undanúrslitum íslandsmótsins í hand-
knattleik á sunnudag. Leikurinn var æsispennandi allt frá
byrjun og þurfti framlengingu til að knýja fram úrslit. Með
sigrinum á Grótta/KR nokkuð góða möguleika á að tryggja sér
sigur í tveimur leikjum þar sem liðið á mjög sterkan heimavöll
sem getur skipt sköpum í úrslitakeppninni.
Víkingar komu sterkari inn í
fyrri hálfleikinn. Liðið lék
hreint stórkostlegan sóknarleik
þar sem hvert
, ..... glæsimarkið af öðru
Hhriksðóttir var sett eftir fra-
skrifar bærar leikfléttur.
Víkingar uppskáru
eins og til var sáð og náðu fjögurra
marka forskoti um miðjan hálfleik-
inn. Kristín Guðmundsdóttir, Heið-
rún Guðmundsdóttir og Guðmunda
Kristjánsdóttir fóru fremstar í
flokki Víkinga sem sýndu sannkall-
aða meistaratakta í fyrri hálfleikn-
um. Grótta/KR var í einhverjum
vandræðum í upphafi leiks, Gunnar
Gunnarsson þjálfari þeirra gerði
breytingar á liði sínu, setti t.d.
Ágústu Eddu í vinstra horn en
þessar breytingar skiluðu ekki til-
ætluðum árangri. Þá var eins og
Alla Gorkorian hefði engan áhuga
á því að taka þátt í leiknum - var
ekki samkvæm sjálfri sér í fyrri
hálfleiknum og það munar um
minna í liði Gróttu/KR þegar slikt
ástand varir. Það var hins vegar
markvörður Gróttu/KR, Fanney
Rúnarsdóttir, sem hélt félögum
sínum á floti í fyrri hálfleik og þeg-
ar upp var staðið munaði aðeins
tveimur mörkum á liðunum í leik-
hléi, 13:11.
SðKNARNÝTING
Fyrsti leikur liðanna í undanúrslitum,
leikinn í Víkinni 20. mars 2000
il
Víkingur Grótta/KR
Mörk Sóknir % } Mörk Sóknir %
13 27 48 F.h 11 26 42
10 23 43 S.h 12 24 50
0 4 0 Framl. 2 5 40
23 58 40 Alls 25 59 42
4 Langskot 9
2 Gegnumbrot 3
5 Hraðaupphlaup 2
4 Horn 5
4 Lína 2
4 Víti 4
Gunnar, þjálfari Gróttu/KR, hef-
ur örugglega haldið góða ræðu yfir
sínum stúlkum í leikhléinu því það
var allt annað og betur stemmt lið
sem mætti til leiks í síðari hálfleik-
inn. Vörnin fór að sækja framar á
völlinn og náði að stoppa Víkinga í
að taka kerfin sín og Ágústa Edda
Björnsdóttir átti frábæran leik í
sókninni. Sóknartilburðir Víkinga
sem voru svo glæsilegir í fyrri
hálfleiknum urðu flausturslegir og
ráðleysislegir í þeim seinni og
Grótta/KR gekk á lagið. Liðið jafn-
aði snemma í hálfleiknum og komst
yfir 21:22 þegar fimm mínútur
voru til loka venjulegs leiktíma. En
Víkingar jöfnuðu fyrir leikslok svo
framlengja þurfti leikinn.
Framlengingin var hrein eign
Fanneyjar Rúnarsdóttur í marki
Gróttu/KR. Hún varði þau sex skot
sem þá komu á markið, þar á með-
al vítakast, en Helga Torfadóttir,
markvörður Víkings, náði aðeins að
verja eitt skot, Grótta/KR skoraði
tvívegis og fagnaði sanngjörnum
sigri.