Morgunblaðið - 21.03.2000, Blaðsíða 12

MORGUNBLAÐIÐ
12 B ÞRIÐJUDAGUR 21. MARS 2000
4
KNATTSPYRNA
Brasilíumaðurinn Giovane Elber á hér í höggi við Dariusz Wosz og Michael Hartmann á Ólympíuleikvanginum í Berlín. Eyjólfur
Sverrisson er á ferðinni til vinstri.
Amar
jafnaöi
fýrir Stoke
ARNAR Gunnlaugsson skor-
aði sitt fyrsta mark fyrir
Stoke City í ensku 2. deildinni
á laugardaginn. Það dugði þó
aðeins til jafnteflis á heima-
velli gegn Wyconibe Wander-
ers, 1:1, og Stoke datt niður í
áttunda sæti deildarinnar.
Arnar gerði markið úr
vítaspyrnu á 54. mínútu eftir
að leikmaður gestanna hand-
lék boltann. Wycombe hafði
náð forystunni, gegn gangi
leiksins, á 23. mínútu. Þung
sókn Stoke bar ekki árangur
en Peter Thorne var næst því
að skora sigurmarkið þegar
hann skaut í innanverða
stöngina.
Brynjar Björn Gunnarsson
lék allan leikinn með Stoke
og Bjarni Guðjónsson síðari
hálfleikinn. Arnar fór af velli
8 mínútum fyrir leikslok en
hann fékk gula spjaldið í
fyrri hálfleik þegar dómarinn
taldi að hann hefði verið að
reyna að fiska vítaspymu.
Flest hin liðin í toppbarátt-
unni fögnuðu sigri um helg-
ina þannig að möguleikar
Stoke á að komast í úrslita-
keppnina minnkuðu við þetta
jafntefli.
Elber var tekinn í
bóndabeygju í Berlín
Eyjólfur Sverrisson háði harða glímu við
Brasilíumanninn sókndjarfa Giovane Elber,
þegar Hertha Berlin og Bayern Munchen
*
áttust við á Olympíuleikvanginum í Berlín
um helgina. Pétur Blöndal fylgdist með
átökunum og spjallaði stuttlega við
þjálfara liðanna.
Uppselt er á Ólympíuleikvang-
inn í Berlín. 75 þúsund áhorf-
endur eru mættir til að fylgjast
með viðureign Herthu Berlin og
þýsku meistaranna Bayern
Múnchen. Flestir eru vitaskuld á
bandi heimaliðsins Herthu og
bróðurpartur stúkunnar er blár og
hvítur yflrlitum; það lætur hátt í
Þjóðverjunum sem syngja hvatn-
ingarsöngva, veifa fánum, þar á
meðal þeim íslenska, og kneyfa öl.
Þvert ofan í spár þýskra fjöl-
miðla hefur Eyjólfur Sverrisson
verið færður til í vörninni og spilar
í stöðu miðvarðar. Þjálfarinn Jur-
gen Röber sagði það sennilegt
daginn áður í samtali við blaða-
mann Morgunblaðsins að Eyjólfur
fengi það erfiða hlutverk að passa
upp á brasilíska sóknarmanninn
Giovane Elber. Það á eftir sýna sig
að mest mæðir á Eyjólfi að stöðva
Elber, þótt það lendi einnig á öðr-
um varnarmönnum Herthu.
Elber hundfúll
Fyrir leikinn er ljóst að erfitt
verður fyrir Herthu að halda aftur
af stjörnum prýddu liði Bayern,
sem er efst í þýsku úrvalsdeildinni
og nýbúið að valta yfir Real Madr-
id í meistaradeildinni. Það kemur
á daginn, sem Röber hafði spáð
fyrir leikinn, að Bayern leggur
mest upp úr því að sækja hratt
fram, með Stefán Effenberg og
"j'ens Jeremias í leiðtogahlutverk-
um, og reyna síðan að koma bolt-
anum á Elber.
Það er því ekki laust við að
spennu gæti hjá blaðamanni þegar
slagurinn hefst. Þegar á upphafs-
mínútunum skallar Eyjólfur frá
eftir fyrirgjöf á Elber og á þeirri
vjöundu stöðvar hann stungusend-
íngu á Elber. Það lfða því níu mín-
útur áður en Elber kemur í fyrsta
skipti við knöttinn og á misheppn-
aða hælsendingu. Á fjórtándu mín-
útu verða mistök í vörn Herthu til
þess að Eyjólfur lendir í kapp-
hlaupi við Elber um knöttinn og
nær naumlega að skalla knöttinn
til markmannsins, Gabors Kiralys.
Elber færir sig út á kantinn í
næstu sókn, fær boltann þar á nítj-
ándu mínútu og sendir fyrirgjöf
sem Eyjólfur skallar frá. Fjórum
mínútum síðar verða ýfingar á
milli Eyjólfs og Elbers þegar bolt-
inn er víðs fjarri. Elber gefur Eyj-
ólfí olnbogaskot og er greinilega
orðinn hundfúll á því að verða ekk-
ert ágengt. Ekki er að sjá að Eyj-
ólfur kippi sér upp við það.
Eyjólfur tekur
til í vörninni
Þrátt fyrir að Hertha hafí verið
sterkari aðilinn kemst Bayern yfir
á þrítugustu mínútu með fallegu
langskoti frá dugnaðarforkinum
Jeremias, sem virðist ætla að fylla
vel upp í skarð Lothar Mattheus
með því að binda saman vörn
meistaranna og storma fram völl-
inn þegar færi gefst. Leikurinn er
í járnum. Eyjólfur hreinsar í horn
eftir stungusendingu á 34. mínútu
og tveim mínútum síðar klifrar
hann í orðsins fyllstu merkingu
upp á Elber til að skalla frá.
Dæmd er aukaspyrna og enn
hreinsar Eyjólfur frá með skalla.
Elber kemur fyrsta skoti sínu á
markið á 44. mínútu. Hann skýtur
laflaust aftur fyrir sig úr vonlausri
stöðu, enda Eyjólfur í bakinu á
honum. Eftir það dregur hann sig
úr gæslu Eyjólfs út á kant. Það
ber næstum árangur því eftir
harða sókn Bayern fær hann fyrir-
gjöf og nær skalla á markið sem er
varinn; hans eina færi í fyrri hálf-
leik.
Síðari hálfleikur byrjar með
þrumuskoti frá Mehmet Scholl
sem brotnar á Eyjólfi. Jolly Sverr-
isson, eins og stuðningsmenn
Herthu kalla hann, er síðan í
fremstu víglínu á 15. mínútu og
nær háu skoti á markið úr þröngri
stöðu sem Kahn ver auðveldlega.
Skömmu síðar fær Elber fallega
stungusendingu frá Effenberg upp
kantinn og á skot í hliðarnetið úr
þröngu færi.
Dómarinn fær
að heyra það
Eyjólfur skallar frá marki á 22.
mínútu eftir fyrirgjöf og þrem
mínútum síðar verða enn pústrar á
milli hans og Elbers. Brasilíumað-
urinn leggst upp að Eyjólfi, sem
ýtir honum duglega frá sér. Eyj-
ólfur er kominn hinumegin á völl-
inn nokkrum mínútum síðar og
Kahn nær að bjarga af tánum á
honum eftir hornspyrnu. Á 32.
mínútu ætlar allt um kolla að
keyra á Ólympíuleikvanginum þeg-
ar Dariusz Wosz nær að jafna eftir
fallega sendingu frá varamannin-
um Ali Daei.
Bayern leggur nú allt kapp á
sóknarleikinn enda birtast stöðugt
fregnir af leik helsta keppinautar-
ins, Bayer Leverkusen, við SSV
Ulm, sem endar með yfirburða-
sigri Leverkusen, 9-1. í einni sókn
Bayern fær Elber knöttinn á miðj-
um vallarhelmingi Herthu, en fær
ekki ráðrúm til að snúa sér við, því
Eyjólfur tekur hann í bóndabeygju
með þeim afleiðingum að þeir
detta hvor um annan og veltast um
í grasinu. Stuðningsmenn Herthu
kætast við þetta og fagna óspart
þegar Elber er skipt út af skömmu
síðar.
Nú er það framherjinn Alexand-
er Zickler sem ætlað er að skora
fyrir Bayern. En ekki byrjar það
vel. Hann hleypur á Eyjólf og
kastast af honum í jörðina. Ottmar
Hitzfeld, þjálfari Bayern, hleypur
foxillur að hliðarlínunni og öskrar
á dómarann. Tveim mínútum fyrir
leikslok er það Eyjólfur sem rífst
við dómarann fyrir að dæma auka-
spyrnu á Herthu á hættulegum
stað og fær gult spjald fyrir vikið.
Thorsten Fink á fast skot að marki
sem er vel varið af Király og það
reynist síðasta færi leiksins.
Jafntefli verða að teljast góð úr-
slit fyrir Herthu Berlin gegn
meisturunum, enda hefur Herthu
ekki gengið of vel upp á síðkastið.
Liðið á ekki von um að komast
áfram í meistarakeppninni og er í
sjötta sæti í þýsku úrvalsdeildinni.
Á móti kemur að það hefur verið
óheppið með meiðsli leikmanna og
það náði í sextán liða úrslit í
meistarakeppninni, sem er lengra
en nokkur þorði að vona. Þannig
að ef til vill mega áhangendur
Herthu bara vel við una.
í það minnsta er Röber þjálfari
kampakátur í leikslok og þakkar
sterkri vörn sigurinn. „Eyjólfur
var stórkostlegur,“ segir hann.
„Við náðum að halda Elber í skefj-
um, sem er að mínum dómi sterk-
asti sóknarmaður þýsku úrvals-
deildarinnar, og líka öllum þessum
sókndjörfu leikmönnum Bayern.
Það var afrek, ekki síst þegar
horft er til þess að við erum búnir
að spila þrjá erfiða leiki á sjö dög-
um, þar á meðal gegn Barcelona á
Nou Camp. Það var aðdáunarvert
hvað leikmennirnir voru tilbúnir
að leggja mikið á sig til þess að
halda sér inni í leiknum og ná að
jafna.“
Hitzfeld, þjálfari Bayern, er
bara nokkuð sáttur við jafntefiið
og segir alltaf erfitt að spila á Ól-
ympíuleikvanginum. Hann hrósar
varnarleik beggja liða og segir eitt
stig úr viðureigninni geta skipt
sköpum í baráttunni um meistara-
titilinn. Síðasta orðið á Dieter
Höness, framkvæmdastjóri Herthu
Berlin, sem segir leikinn gefa tón-
inn fyrir það sem koma skal.
Margir leikmenn Herthu séu við
það að jafna sig af meiðslum og
sæti í Evrópukeppni á næsta tíma-
bili sé enn inni í myndinni.