Morgunblaðið - 28.03.2000, Blaðsíða 12
12 ÞRIÐJUDAGUR 28. MARS 2000
FRETTIR
MORGUNBLAÐIÐ
Málefni fjölskyldunnar rædd á fundi framsóknarkvenna
Hefur miðað í rétta átt
á undanförnum árum
Morgunblaðið/Árni Sæberg
Um sjötíu manns sóttu fund Framsóknarkvenna á laugardag.
VEL hefur miðað á undanförnum ár-
um í svokölluðum fjölskyldumálum
en ýmislegt er þó ógert á þessum
vettvangi. Þetta voru helstu niður-
stöður á opnum fundi um málefni
fjölskyldunnar sem framsóknarfé-
lögin í Reykjavík og Landssamband
framsóknarkvenna stóðu fyrir á
Grandhóteli á laugardag.
Yfirskrift fundarins var hvort fjöl-
skyldan væri í fyrirrúmi í íslensku
samfélagi og voru framsögumenn
fjórir; þau Guðný Björk Eydal fé-
lagsráðgjafi og lektor við Háskóla
íslands, dr. Sigrún Júlíusdóttir, fé-
lagsráðgjafi og dósent við Háskóli
íslands, Harpa Njálsdóttir félags-
fræðingur og séra Þórhallur Heimis-
son.
Um sjötíu manns sóttu fundinn og
tókst hann mjög vel, að sögn Jónínu
Bjartmarz, þingmanns Framsóknar-
flokksins. Sagði hún að fundurinn
hefði verið fyrsta skrefið í málefna-
vinnu sem framsóknarkonur hygð-
ust efna til í flokknum.
„Þetta var íýrst og fremst fræði-
leg umræða," sagði Jónína. „og í
raun fór engin flokkspólitísk um-
ræða fram. Við ræddum hins vegar
um málefni fjölskyldunnar á breið-
um grunni, hvert við stefnum í þeim
efnum og hvað við getum gert bet-
ur.“ Sagði Jónína að m.a. hefði verið
gerður samanburður á framlögum til
fjölskyldumála hér á landi og á hin-
um Norðurlöndunum og að það hefði
orðið niðurstaða fundarins að veru-
lega hefði tekist að bæta kjör fjöl-
skyldunnar á íslandi á undanförnum
árum þótt enn mætti gera betur.
Formaður Sambands garðyrkju-
bænda vill jafna rekstrarskilyrði
Lengi bent á háan
raforkukostnað
„VIÐ höfum lengi bent á háan raf-
orkukostnað sem eitt atriði sem
lagfæra þarf til 'að laga rekstrar-
skilyrði garðyrkjubænda en það er
ýmislegt fleira líka,“ sagði Kjartan
Ólafsson, formaður Sambands
garðyrkjubænda, er hann var
spurður hvað laga þyrfti varðandi
rekstrarskilyrði greinarinnar.
„Við erum norðar á hnettinum en
önnur lönd í Evrópu og þurfum að
vinna upp birtumun sem við gerum
með lýsingu," segir Kjartan. „Við
höfum líka kynnt okkur rekstrar-
skilyrði í garðyrkju í Evrópu og þar
tíðkast margs konar fyrirgreiðsla
sem aldrei hefur verið fyrir hendi
hér eins og til dæmis fjárfestingar-
styrkir og aðstoð við markaðssetn-
ingu.“
Kjartan segir Samband garð-
yrkjubænda nú vinna að stefnumót-
un og sagði hann samstarf við
stjórnvöld í þeim efnum. Garð-
yrkjubændur færu fram á sam-
bærileg rekstrarskilyrði og í nálæg-
um löndum. Bjóst hann við að þau
mál myndu skýrast á næstu vikum.
Misjafn árangur milli
bænda og milli landa
Formaðurinn segir að íslenskir
garðyrkjubændur þurfi einnig að
gera betur, á hverju ári þurfi að ná
meiri uppskeru á hvern fermetra
gróðurhúss til að ná niður vöru-
verði og þarna spili margir þættir
inn í. Þennan árangur segir hann
misjafnan milli bænda og milli
landa. „Við viljum heldur ekki sjá
að smásöluverslunin sé sí og æ að
auka hlutdeild sína í verðinu. Við
höfum sýnt fram á að hún hefur
aukist og það er staðreynd," segir
Kjartan og segir verðhækkanir
ekki hafa runnið til garðyrkju-
bænda heldur smásölunnar. „Það
er ekki endalaust hægt að þjarma
að framleiðandanum og þetta er sú
landbúnaðargrein sem er í meiri
samkeppni en margar aðrar bú-
greinar."
Morgunblaðið/Árni Sæberg
Frá vígslu Borgarholtsskóla. Fremst á myndinni eru (f.v.) Jónas Sig-
urðsson, forseti bæjarstjórnar Mosfellsbæjar, Hjörleifur Sveinbjörns-
son, Ingibjörg Sólrún Gísladóttir borgarstjóri, Björn Bjarnason
menntamálaráðherra og Rut Ingólfsdóttir.
Borgarholtsskóli vígður
BORGARHOLTSSKÓLI var vígður
á laugardag að viðstöddum Jónasi
Sigurðssyni, forseta bæjarstjórnar
Mosfellsbæjar, Ingibjörgu Sólrúnu
Gísladóttur borgarsijóra og Birni
Bjarnasyni menntamálaráðherra.
Framhaldsskólinn hefur nú starf-
að í fjögur ár. Hann var reistur í
áföngum og var síðasti áfangi hans,
þar sem er að finna stjórnunar-
rými, bókasafn, matsali og vinnu-
stofur, tekinn í notkun í janúar.
Borgarholtsskóli er sam-
starfsverkefni rfkis, Reykjavíkur-
borgar og Mosfellsbæjar. Húsið er
10.600 fermetrar og ætlað um 1000
nemendum. Þar eru nú 550 nem-
endur á ýmsum brautum, bæði í
verklegu námi og bóklegu.
Að lokinni vígsluathöfninni
kynntu nemendur brautir skólans.
Skólahljómsveit Mosfellsbæjar lók
og Léttsveit Kvennakórs Reykja-
víkur söng.
HI áformar
kennslu í
heimilis-
lækningum
á Selfossi
HÁSKÓLI íslands hefur áform um
að hefja kennslu í heimilislækning-
um á Selfossi og yrði það fyrsti
staðurinn sem Háskólinn gerði sér-
stakan samning við um slíka
kennslu.
Jóhann Ágúst Sigurðsson, forseti
læknadeildar Háskóla íslands, seg-
ir að nú þegar séu heimilislækning-
ar kenndar á sextán stöðum á land-
inu en Selfoss gæti orðið fyrsti
staðurinn þar sem gerður yrði sér-
stakur samningur um heilsugæslu-
sjúkrahús. Með þessu móti yrðu
læknanemar við nám bæði á heilsu-
gæslustöð og sjúkrahúsi. Þar gætu
skapast ný tækifæri fyrir læknan-
ema í grunnnámi, kandídata og
læknanema í sérnámi og þar feng-
ist heildræn yfirsýn yfir námið. Jó-
hann Ágúst segir að slík módel hafi
reyndar verið starfrækt á Húsavík
og Egilsstöðum en Selfoss yrði
fyrsti staðurinn þar sem formleg
námskrá yrði í kringum námið.
Kostnaður við þetta er óveruleg-
ur, að sögn Jóhanns Ágústs. Hann
segir að kennslan á Selfossi gæti
hugsanlega hafist næsta haust ná-
ist samningur um það.
-------♦-4-4-------
Minni ánægja
með störf
utanríkis-
ráðherra
ÁNÆGJA með störf Halldórs Ás-
grímssonar, utanríkisráðherra, hefm-
aldrei verið minni síðan hann tók við
embættinu, að því er fram kemur í
nýrri könnun Gallup. Tæplega 57%
eru nú ánægð með störf hans,.en án-
ægja með störf Halldórs var mest í
júní 1998 þegar meira en 73% voiu
ánægð með störf hans. Ánægjan hef-
ur minnkað jafnt meðal stuðnings-
manna Framsóknarflokksins og ann-
arra flokka.
Næstflestir, eða tæplega 51%, eru
ánægðir með störf Ingibjargar Pálma-
dóttur, en enginn heilbrigðisráðheira
hefur náð meiri ánægju með störf sín
frá því að Gallup hóf að mæla í júní 1993.
Tæplega 46% eru ánægð með störf
Guðna Ágústssonar landbúnaðarráð-
herra og rösklega 40% eru ánægð
með störf Valgerðar Sverrisdóttur
iðnaðar- og viðskiptaráðherra. Næst-
um 39% aðspurðra voru ánægð með
störf Páls Péturssonar félagsmála-
ráðherra, en tæplega 33% voru
ánægð með störf Sivjar Friðleifsdótt-
ur.
■4-4-4
Landlæknisembættið ekki andvígt ákveðnum samskiptum um Netið
Gæta yrði þess að ekkert læki út
Ekki komið sérstak-
lega til umræðu
„EF heilsugæslustöð vill bjóða uppá
að menn panti tíma um Netið þá er
þeim frjálst að gera það því þar er
ekki beint um viðkvæmar upplýs-
ingar að ræða,“ segir Matthías Hall-
dórsson aðstoðarlandlæknir er hann
er spurður um þennan möguleika.
Öðru máli gegndi ef fjalla ætti um
heilsufarsvanda sjúklingsins gegn-
um Netið, þá yrði trúlega að ganga
tryggilegar frá því að samskipti
lækju ekki út.
Aðstoðarlandlæknir segir sjúkl-
inginn sjálfan hljóta að hafa frum-
kvæði að því til dæmis að panta við-
tal hjá lækni gegnum Netið en
stöðin yrði líka að bjóða þann mögu-
leika og frumkvæði kæmi líka þaðan
og frá læknunum sjálfum. Matthías
sagði landlæknisembættið á engan
hátt myndu leggjast gegn því. Varð-
andi beiðni sjúklinga um lyfseðla
eða endumýjun lyfjaskammta sagði
hann slík samskipti um Netið koma
til greina. ,Annars eru menn frekar
að hverfa frá símalyfseðlum því
fiestir sem haldnir eru langvinnum
sjúkdómum þurfa hvort eð er að
koma til eftirlits hjá lækni. Ef farið
yrði að afgreiða lyfseðlaendurnýjun
gegnum Netið drægi það kannski úr
slíku eftirliti en læknar vilja helst
sjá sjúklinga sína reglulega,“ segir
Matthías.
„En ákveðin samskipti læknis og
sjúklings gætu farið fram gegnum
Netið og þegar sjúklingur óskar eft-
ir að endurnýja lyfseðil á þann hátt
gæti læknirinn svarað að hann vildi
fá sjúklinginn í eftlirlit og þá myndi
hann afgreiða lyfseðil í framhaldi af
því.
Matthías sagði þessa samskipta-
leið ekki hafa komið sérstaklega til
umræðu en hún kæmi til greina á
vissum sviðum og væru læknar
áhugasamir um hana myndi emb-
ættið ekki leggjast gegn henni.
Embættið myndi hins vegar fylgjast
með því að gætt yrði fyllsta trúnað-
ar í rafrænum samskiptum og brýnt
að tryggja að ekkert læki út um slík
samskipti.
Islensk
messa á Kan-
aríeyjum
ÍSLENSK messa var haldin sl.
sunnudagskvöld í aðalkirkjunni á
ensku ströndinni á Kanarí en á
henni dvelja nú fleiri hundruð ís-
lenskir ferðamenn. Prestur var Jón
A. Baldvinsson, prestur Islendinga
í London, og sönginn annaðist kór
íslendinga í London sem eftir
messuna hélt tónleika í kirkjunni.
Kirkjan var full út úr dyrum og
var mjög góður rómur gerður að
messunni og söngnum enda aldrei
áður verið íslensk messa eða ís-
lenskur gæðakór komið fram á
Kanaríeyjum.