Morgunblaðið - 28.03.2000, Blaðsíða 24

24 ÞRIÐJUDAGUR 28. MARS 2000
MORGUNBLAÐIÐ
ERLENT
Heimsókn páfa í Landinu helga mikil sigurfor
„Hann sigraði
hug okkar
o g hjarta“
Jcrúsalcni. AFP, AP.
Jóhannes Páll páfí II með bréfið, sem hann kom fyrir í Grátmúrnum.
Þar biður hann gnð að fyrirgefa kirkjunni illa meðferð á gyðingum.
Önnur fjöldagröf
fínnst í Uganda
Rugazi. AFP.
HEIMSÓKN Jóhannesar Páls páfa
II í ísrael lauk á sunnudag og segja
má, að hún hafi verið mikil siguríor.
Tókst honum að þræða það vandrat-
aða einstigi, sem er stjórnmálin í
Miðausturlöndum, og ávinna sér
virðingu jafnt Israela sem Palestínu-
manna.
Ekki vantaði hrakspárnar áður en
páfi lagði upp í ferðina og sáu sumir
fyrir sér stjómlausa pílagrímaþröng,
umferðaröngþveiti, ofbeldisverk
bókstafstrúaðra gyðinga og hermd-
arverk en þegar til kom gekk allt
snurðulaust fyrir sig.
„Hann sigraði hug okkar og
hjarta," sagði David Levy, utanríkis-
ráðherra Israels, skömmu eftir að
páíi hafði beðið guð að fyrirgefa
kirlq'unni illa meðferð á gyðingum og
þessa bón skrifaði hann á miða, sem
hann kom fyrir í sprungu í Grát-
múmum, einum mesta helgidómi
gyðinga.
„Hann snart Múrinn og Múrinn
snart hann,“ sagði ísraelski ráðherr-
ann Michael Melchior. „Ég var mjög
hrærður. Þetta var upphaf nýs tíma.“
Palestínumenn ánægðir
Yfirlýsingar páfa féllu einnig Pal-
estínumönnum vel í geð þótt hann
hafi ekki gengið alveg jafnlangt og
þeir vildu í stuðningi sínum við sjálf-
stætt ríki þeirra með Jerúsalem sem
höfuðborg.
„Við gejnmum orð páfa í hjarta
okkar,“ sagði palestínska blaðið AI-
Hayat Al-Jadida og Palestínumönn-
um fannst mikið til þess koma er páfi
heimsótti flóttamannabúðir í
Betlehem þar sem hann hvatti til, að
tafarlaust yrði fundin lausn á vanda-
málum þess fólks, sem missti heimili
sitt við stofnun ísraelsríkis 1948.
Páfi baðst ekki afsökunar á Hel-
förinni með nákvæmlega þeim hætti,
sem ísraelar hefðu kannski helst viij-
að, en ólíku er saman að jafna, för Jó-
hannesar Páls páfa II nú og heim-
sókn Páls páfa VI fyrir 36 árum. Páll
VI þótti sýna ísraelum mikla óvirð-
ingu. Hann nefndi aldrei ísrael á
nafn og kvaðst ekki hafa tíma til að
ræða við trúarleiðtoga þeirra.
Friðflytjandi
Ehud Barak, forsætisráðherra
ísraels, lofaði Jóhannes Pál páfa II
fyrir það, sem hann hefði gert til að
sættast við gyðinga og í blaðinu
Haaretz sagði, að koma páfa hefði
minnt ísraela á hvers vegna Landið
helga væri svo mikilvægt gyðingum.
Hann væri sannkallaður friðflytjandi
og koma hans hefði vakið vonir um,
að kristnir menn og gyðingar gætu
sæst og einnig gyðingar og Palest-
ínumenn.
A síðasta degi heimsóknar páfa í
Jerúsalem slepptu Palestínumenn
þúsundum blaðra í hinum rauða,
hvíta, svarta og græna lit fána síns.
„Páfa var ekki aðeins fagnað á Jer-
úsalemsstrætum, heldur einnig á
himninum yfir borginni," sagði Fais-
al Husseini, háttsettur, palestínskur
embættismaður.
FANGAR voru í gær látnir grafa
upp tugi líka í nýrri fjöldagröf sem
fundist hefur á akri í eigu dómsdags-
safnaðar í Uganda. Nokkur líkanna
voru með stungusár og á meðal
þeirra sem fundist höfðu í gröfinni í
gær voru að minnsta kosti tvö smá-
börn. Talið er að fólkið hafi verið
myrt fyrir tæpum þremur mánuðum.
Áður höfðu fundist 153 lík í ann-
arri fjöldagröf í búgarði sem var í
eigu safnaðarins. Læknir skoðaði lík-
in um helgina og þau voru síðan graf-
in aftur. Yfirvöld í Úganda hafa skip-
að nefnd til að grafa líkin upp aftur
og rannsaka þau betur.
Fjöldagrafirnar fundust eftir að
a.m.k. 330 félagar í söfnuðinum létu
lífið í eldi í kirkju safnaðarins í þorp:
inu Kanungu 17. þessa mánaðar. í
fyrstu var talið að fólkið hefði sam-
mælst um að svipta sig lífi en lög-
reglan telur nú að um fjöldamorð
hafi verið að ræða.
Háttsettir embættismenn í Úg-
anda segjast hafa heimildir fyrir því
að tveir helstu leiðtogar safnaðarins,
Cledonia Mwerinde og Joseph Kib-
weteere, hafi flúið frá Kanungu dag-
inn sem kirkjan brann.
Lögreglumenn og þorpsbúar í
Kanungu hafa leitt getum að því að
leiðtogarnir tveir hafi flúið vegna
deilu innan safnaðarins. Þeir höfðu
spáð heimsendi um síðustu áramót
og þar sem sá spádómur rættist ekki
munu félagar safnaðarins hafa kraf-
ist þess að fá aftur eigur sínar sem
þeir gáfu söfnuðinum þegar þeir
gengu í hann.
Umbætur
boðaðar
í Kuomin-
tang
LIN Feng-cheng, fyrrverandi
samgöngu- og fjarskiptaráð-
herra Taívans, var í gær gerður
að framkvæmdastjóra flokks
þjóðemissinna, Kuomintang.
Hann lofaði að beita sér fyrir
viðamiklum umbótum innan
flokksins eftir ósigur hans í for-
setakosningunum 18. þessa
mánaðar til að gera honum
kleift að komast aftur til valda.
Lien Chan, forsetaefni
Kuomintang í kosningunum,
verður formaður flokksins þar
til nýr leiðtogi verður kjörinn á
aukaþingi Kuomintang innan
þriggja mánaða.
Verjandi
Sharifs lýkur
málflutningi
VERJANDI Nawaz Sharifs,
fyrrverandi forsætisráðherra
Pakistans, lauk málfiutningi
sínum í gær og krafðist þess að
ákærunum á hendur honum
yrði vísað frá þar sem ákæru-
valdinu hefði ekki tekist að færa
sönnur á þær. Sharif og sex aðr-
ir voru ákærðir fyrir að stofna
lífi Pervez Musharrafs hers-
höfðingja í hættu með því að
reyna að koma í veg fyrir að
flugvél hans gæti lent nokkram
klukkustundum áður en herinn
tók völdin í sínar hendur í októ-
ber. Sakbomingamir eiga yfir
höfði sér dauðadóm verði þeir
fundnir sekir. Búist er við að
dómur verði kveðinn upp í mál-
inu í næstu viku.
Mál Elians fær
flýtimeðferð
LÖGFRÆÐINGAR ættingja
kúbverska flóttadrengsins Eli-
ans Gonzalez samþykktu í gær
beiðni bandaríska dómsmála-
ráðuneytisins um að áfrýjun
þeirra í forræðisdeilunni fengi
flýtimeðferð. Báðir aðilar eiga
að leggja fram kröfur sínar fyrir
áfrýjunardómstól í Georgíu 3.
aprfl og stefnt verður að því að
dómur verði kveðinn upp hálf-
um mánuði síðar.
Alríkisdómari í Miami úr-
skurðaði í vikunni sem leið að
bandarísk yfirvöld hefðu rétt til
senda drenginn til föður síns á
Kúbu án þess að dómstólar fjöll-
uðu um beiðni ættingjanna um
að hann fengi hæli sem pólitísk-
ur flóttamaður.
Fidel Castro, leiðtogi Kúbu,
varaði við því á sunnudag að
ættingjamir kynnu að verða
drengnum að bana eða fela
hann í öðm landi fremur en að
senda hann til Kúbu.
„Blóðugi
sunnudagur-
inn“ rann-
sakaður
YFIRVÖLD á Norður-írlandi
hófu í gær nýja rannsókn á
„blóðuga sunnudeginum" árið
1972 þegar breskir hermenn
urðu 14 kaþólikkum að bana í
Londonderry. Rannsóknin er
undir stjórn Savilles lávarðar og
hún hófst árið 1998. Henni var
hins vegar frestað þegar her-
mennimir hófu baráttu fyrir því
að nöfn þeirra yrðu ekki gerð
opinber. Lögfræðingar notuðu
töfina til að yfirheyra vitni og
afla fleiri sönnunargagna.
Leiöbeinendastörf
með hressu, ungu fólki
Vilt þú vinna utanhúss í sumar?
Fjölbreytt og gefandi störf.
Kjörið fyrir þá sem kraftur er í,
og kjósa útiveru og skemmti-
legan félagsskap.
Leitið upplýsinga.
r
VINNUSKÓLI
REYKJAVÍKUR
Snorrabraut 60 • 105 Reykjavík
Sími 511 2590 • Fax 511 2599
Netfang: vinnuskoli@vinnuskoli.is
Veffang: www.vinnuskoli.is