Morgunblaðið - 04.04.2000, Blaðsíða 18
18 ÞRIÐJUDAGUR 4. APRÍL 2000
VIÐSKIPTI
MORGUNBLAÐIÐ
Samruni Islandsbanka og FBA samþykktur af bankaráðum
Stærsti banki
landsins verður til
✓
Við samruna Islandsbanka og FBA
verður til stærsti banki landsins hvort sem
miðað er við eignir, eigið fé eða markaðs-
verðmæti hlutafjár. Samruninn var
kynntur fyrir starfsfólki bankanna
á fundi undir yfírskriftinni „Samruni
til sóknar“ í gær. Steingerður Olafsdóttir
var á kynningarfundinum.
Morgunblaðið/Ámi Sæberg
Valur Valsson, bankastjóri fslandsbanka og Bjarni Ármannsson, forstjóri
FBA, kynntu framtíðarsýn Íslandsbanka-FBA fyrir starfsfólki.
BANKARÁÐ íslandsbanka og FBA
samþykktu í fyrrakvöld samning um
að leggja til við hluthafafundi félag-
anna að þau verði sameinuð með
skiptahlutfallinu íslandsbanki 51%
og FBA 49%. Samruninn verður
með þeim hætti að stofnað verður
nýtt félag undir nafninu íslands-
banki-FBA hf. með tvær megin-
starfseiningar, fjárfestingarbanka-
starfsemi og viðskiptabankastarf-
semi.
Sameinað félag tekur við öllum
rekstri, eignum, skuldum og skuld-
bindingum bankanna tveggja. Hlut-
hafar í hvorum banka fá sem gagn-
gjald fyrir bréf sín hlutabréf í hinu
sameinaða félagi. Islandsbanki-FBA
hf. verður skráður á Verðbréfaþingi
fslands og verður stærst fyrirtækja
sem þar eru skráð.
Vörumerki bankanna munu halda
sér og að sögn Vals Valssonar,
bankastjóra íslandsbanka, er ætlun-
in að nýta þau verðmæti sem felast í
vörumerkjunum en ekki að leggja út
í nýja markaðssetningu.
Starfsemi bankanna mun flytjast í
höfuðstöðvar íslandsbanka á
Kirkjusandi þegar þar að kemur, að
sögn bankastjóranna. Bjami Ár-
mannsson, forstjóri Fjárfestingar-
banka atvinnulífsins, sagði í samtali
við Morgunblaðið eftir fundinn að al-
varlega verði skoðað að falla frá
áformum FBA um húsbyggingu við
Borgartún, sem kynnt var á aðal-
fundi FBA í febrúar.
Rétt að kanna skráningu á
erlendan markað
Við sameininguna fá hluthafar í
FBA og íslandsbanka hlutabréf í
hinu nýja félagi í skiptum fyrir öll
hlutabréf sín í bönkunum. Sam-
komulag er um að heildarhlutafé í
hvorum banka sé metið þannig að
hluthafar í FBA fá 49% hlutafjár í
hinu nýja félagi og hluthafar Is-
landsbanka fá 51% hlutafjár. Hluta-
fé í hinu nýja félagi er ákveðið 10.000
milljónir króna að nafnverði. Sam-
kvæmt þessu fá hluthafar FBA
0,76905 hluti í nýja félaginu fyrir
hvern hlut sinn í FBA og hluthafar
Islandsbanka fá 1,32416 hluti í nýja
félaginu fyrir hvem hlut sinn í Is-
landsbanka.
Íslandsbanki-FBA verður stærsti
banki á Islandi, hvort sem miðað er
við eignir, útlán, eigið fé, tekjur eða
markaðsverðmæti hlutafjár, að því
er fram kom í máli Vals Valssonar,
bankastjóra íslandsbanka á kynn-
ingarfundinum. Hann fullyrti að um
væri að ræða sammna tveggja bestu
banka landsins. Jafnframt sagði
hann hlutabréf félagsins álitlegan
fjárfestingarkost fyrir erlenda fjár-
festa og í því sambandi væri rétt að
kanna hvort bréf Íslandsbanka-FBA
yrðu skráð á erlendum hlutabréfa-
markaði. Að hans sögn myndi það
greiða fyrir viðskiptum með hluta-
bréfin en aðspurður segist hann ekki
hafa neinn sérstakan markað í huga,
málið sé ekki komið á það stig.
Stærstur í útlánum til atvinnulífs
Íslandsbanki-FBA verður stærsta
fyrirtækið sem skráð er á Verð-
bréfaþingi Islands og auk þess með
meira eigið fé en nokkurt annað
skráð fyrirtæki. Samanlagt mark-
aðsverðmæti fyrirtækjanna er um 67
milljarðar króna miðað við lokaverð í
viðskiptum með hlutabréf þeirra á
föstudag en lokað var fyrir viðskipti
með bréf bankanna á Verðbréfaþingi
íslands í gær. Fyrirtækið stendur
fyrir rúmlega fjórðung af Úrvalsvísi-
tölu VÞI, að sögn Vals.
Valur gerði grein fyrir efnahags-
legu afli bankanna sameinaðra. Sam-
anlagt eigið fé fyrirtækjanna miðað
við síðustu áramót er um 18,5 millj-
arðar króna og heildareignir um 226
milljarðar króna. Samtals skiluðu
fyrirtækin tæplega þriggja milljarða
króna hagnaði á síðasta ári og var
arðsemi eigin fjár 23,4%. Bankinn
verður sá stærsti í útlánum til ís-
lensks atvinnulífs og næststærstur í
lánum til einstaklinga. Sameinaður
banki verður stærstur á gjaldeyris-,
skuldabréfa- og peningamarkaði og
stefnt er að forystuhlutverki í net-
viðskiptum og útrás íslensks at-
vinnulífs. Markaðshlutdeild í útlán-
um alls verður 34% hjá sameinuðum
banka. Markaðshlutdeild íslands-
banka-FBA í útlánum til einstakl-
inga verður um 26%, í útlánum til at-
vinnuvega 38% og í rekstri sjóða
40%. Sameiginleg hlutdeild bank-
anna á hlutabréfamarkaði er um
20%, á skuldabréfamarkaði 29%, á
peningamarkaði 28% og um 44% á
millibankamarkaði með gjaldeyri.
Sameining kallar fremur á fleira
starf sfólk en færra
í samtali við Morgunblaðið eftir
fundinn sögðust bankastjóramir og
formenn bankaráðanna ánægðir
með árangur viðræðnanna og gerðu
lítið úr ágreiningsefnum. „Við fund-
um það strax að við höfum líka sýn á
íslenskan fjármálamarkað og áttum
því auðvelt með að nýta þetta tæki-
færi,“ segir Valur Valsson.
Sameiningin kallar fremur á fleira
starfsfólk en færra, að mati Bjarna
Armannssonar. „Við sjáum ekki
fram á uppsagnir en eðli málsins
samkvæmt munum við stokka spilin
þannig að sem mest samlegðaráhrif
náist.“
Kristján Ragnarsson, formaður
bankaráðs Islandsbanka, segir það
augljóst að við svo stóra aðgerð sem
þessa, verði menn að takast á við
ýmis ágreiningsefni en standi sáttir
upp frá samningaviðræðum. „í við-
ræðum koma fram rök og mótrök og
niðurstaða fæst. Menn komust að
samkomulagi og gengu sáttir frá við-
ræðum,“ segir Kristján. Magnús
Gunnarsson, stjórnarformaður
FBA, tekur undir það. „Samkomu-
lag náðist á grundvelli viðræðna og
við erum sáttir við þessa niður-
stöðu.“
Arðsemi ekki undir 15,5%
Bjami Armannsson, forstjóri
FBA, gerði grein fyrir fjármálaleg-
um markmiðum sameinaðs banka en
þau felast m.a. í að arðsemi eigin fjár
til lengri tíma nemi vöxtum óverð-
tryggðra ríkisskuldabréfa að við-
bættum 5-8%. Arðsemiskrafan er
því á bilinu 15,5-18,5% þar sem
óverðtryggð ríkisskuldabréf bera
10,5% vexti. Markmiðið er einnig að
arðgreiðslur nemi 25-50% af hagn-
aði bankans, að eiginfjárþáttur A
eða eigið fé án víkjandi lána verði
hærra en 8% og eiginfjárhlutfall á
CAD-grunni verði ekki lægra en
10%.
Samanlagt kostnaðarhlutfall FBA
og Islandsbanka á síðasta ári var
55,2% og telst fremur lágt. Mark-
miðið er að hlutfallið verði innan við
55% hjá sameinuðum banka. Miðað
er við að afskriftir útlána verði innan
við 0,5% og vöxtur í tekjum og hagn-
aði nemi 7-15% árlega, að því er
fram kom í máli Bjarna.
Sparnaður upp á
hundruð milljóna
Fram kom að samlegðaráhrif af
samruna bankanna væru af öðrum
toga en af samruna tveggja við-
skiptabanka. Fyrst og fremst felist
þau í tekjuaukningu þar sem sam-
eiginleg vöruþróun og dreifikerfi
leiddu til virðisauka fyrir hluthafana.
Íslandsbanki-FBA er byggður
upp á rekstrareiningum sem sér-
hæfa sig í að sinna ákveðnum mark-
hópum á fjármagnsmarkaðnum, að
því er fram kom í máli Bjarna. Lögð
verður áhersla á að byggja upp net-
viðskipti en bankastjórarnir eru
sammála um mikilvægi Netsins sem
framtíðardreifileiðar í bankavið-
skiptum. „Bankar sem ætla sér að
byggja upp framtíðarstarfsemi
munu þurfa að kosta til fjárhæðum
sem skipta hundruðum milljóna og
það segir sig sjálft að þegar um einn
aðila er að ræða í stað tveggja er ver-
ið að ná fram verulegri hagræð-
ingu,“ segir Bjarni í samtali við
Morgunblaðið. Valur segir að vax-
andi kostnaður felist í fjárfestingum
í upplýsingatækni vegna áhættu-
stýringar „og það gefur augaleið að
við getum sparað nákvæmlega helm-
inginn þegar bankamir hafa samein-
ast.“
Samruninn er talinn hafa jákvæð
áhrif á lánshæfismat en Bjarni getur
ekki sagt til um hvort hann verði til
þess að lyfta sameinuðum banka upp
um flokk miðað við það sem nú er.
„Það mun líklega ráðast af því
hvemig okkur tekst til við að fram-
fylgja stefnu okkar í framhaldinu,"
segir Bjami.
Hugsanlegt að taka upp
afkomutengt launakerf i
Skilgreining á hlutverki Islands-
banka-FBA er „að auka hag hluthafa
með því að vera alþjóðlegt þekking-
arfyrirtæki sem veitir fólki og fyrir-
tækjum framúrskarandi fjármála-
þjónustu og skapar viðskiptavinum
verðmætar lausnir." Stefnt er að
stöðugum arðgreiðslum hjá Islands-
banka-FBA.
í máli Bjarna kom fram að sam-
einaður banki ætlar sér forystuhlut-
verk og að leggja vaxandi áherslu á
alþjóðlegar fjárfestingar og við-
skipti, auk m.a. samvinnu og góðs
liðsanda.
Launakjör starfsmanna FBA era
launatengd eins og kunnugt er og
forsvarsmenn bankanna eru spurðir
hvort sama kerfi verði tekið upp í
sameinuðum banka. „Þetta er eitt af
þeim mörgu atriðum sem við stönd-
um nú frammi fyrir og munum taka
ákvörðun um á næstunni," segir Val-
ur. Kristján Ragnarsson bankaráðs-
formaður segir ekki fram hjá því litið
að það sé skoðunarefni við þennan
samruna en engin ákvörðun hafi enn
verið tekin.
Vangaveltur um þessa samein-
ingu hafa komið upp
í ræðu sinni á aðalfundi íslands-
banka fyrir tveimur vikum, sagði
Kristján Ragnarsson, formaður
bankaráðs, að hann harmaði að sam-
eining Landsbanka og íslandsbanka
væri ekki forgangsmál hjá ríkis-
stjórninni.
Magnús segir að forsvarsmenn
íslandsbanka og FBA hafi gert sér
grein fyiár að sameining var nauð-
synleg. „Vangaveltur um feril sem
þennan hafa komið upp og það varð
ákveðin opnun á viðræður FBA og
Islandsbanka þegar ljóst varð að
ekki yrði sá hraði á sameiningu
Landsbanka og Islandsbanka sem
menn vildu,“ segir hann.
Kristján segir að gengið hafi verið
í að skoða samrana FBA og íslands-
banka með miklum hraða. „Viðbrögð
viðskiptaráðherra leiddu til þeirrar
vitundar okkar að það væra litlar lík-
ur til þess að við gætum náð árangri
varðandi sameiningu íslandsbanka
og Landsbanka. Við vildum hins veg-
ar gera allt til að efla íslenska fjár-
málastarfsemi og þá kom þessi hug-
mynd upp sem sjálfstætt mál en ekki
vegna þess að hitt varð ekki,“ segir
Kristján.
Gengur þú með
í maganum
Taíaðu við sérfræðing!
Clitnir er sérfræðingur í fjármögnun atvinnutækja
Rétt val á fjármögnun getur skipt miklu um heildarkostnað við fjár-
festingu. Glitnir býður fjórar ólfkar leiðir við fjármögnun atvinnutækja.
Umsóknir eru afgreiddar á skjótan hátt þegar nauðsynleg gögn liggja fyrir.
Hafðu samband við ráðgjafa Glitnis eða heimsæktu heimasfðu okkar
www.glitnir.is og fáðu aðstoð við að velja þá fjármögnunarleið sem best hentar.
Glitni getur þú treyst. Það sem sagt er stendur.
DÖTTURFYRIRTÆKI ÍSLANDSBANKA
Kirkjusandi, 155 Reykjavík,
sfmi 560 8800, fax 560 8810
www . gl i t n i r. i s