Morgunblaðið - 05.04.2000, Blaðsíða 23
MORGUNBLAÐIÐ
MIÐVIKUDAGUR 5. APRÍL 2000 23
J
VIÐSKIPTI
Slök afkoma Stáltaks hf - á síðasta ári
Samkeppnisstaðan
versnaði mikið
STÁLTAK hf. skilaði 198 mOljóna
króna tapi á árinu 1999 en árið áður
nam hagnaður félagsins 31 milljón
króna. Tap af reglulegri starfsemi
var tæpar 170 milljónir króna nú en
rekstrurinn skilaði rúmum 36 millj-
óna króna hagnaði árið 1998. Þá
nam veltufé frá rekstri 65 milljón-
um króna árið 1998 en nú fóru 123
milljónir króna til rekstrarins. Eig-
infjárhlutfall lækkaði úr 41,5% í
ársbyrjun í 22,4% við árslok og
veltufjárhlutfallið fór úr 1,34 í 0,87.
I tilkynningu frá félaginu segir að
ástæður slakrar afkomu þess megi
einkum rekja til erfíðrar verkefn-
astöðu síðari hluta ársins, slæmrar
útkomu nokkurra stórra verka, nið-
urfærslu birgða, tapaðra viðskipta-
krafna og afskrifta hlutafjár í öðr-
um félögum. Ennfremur hafi
talsverður hluti kostnaðar af sam-
runa Slippstöðvarinnar við Stál-
smiðjuna undir nafninu Stáltak,
sem tók gildi frá 1. september 1999,
fallið til á árinu 1999 en samlegðar-
áhrif muni hins vegar skila sér á
næstu misserum.
Þá voru gerðar þær breytingar á
reikningsskila- og matsaðferðum fé-
lagsins frá árinu áður að við mat á
viðskiptakröfum og birgðum er nú
beitt meiri varfærni en áður. Sú
breyting rýrir, auk niðurfærslu
hlutafjár, afkomu félagsins um rúm-
ar 20 milljónir. Þá er tæplega 6
milljóna króna undirbúnings- og
þróunarkostnaður gjaldfærður nú
en var eignfærður áður.
Valgeir Hallvarðsson, fram-
kvæmdastjóri Stáltaks, segir
rekstrarumhverfi félagsins vera
orðið afar erfitt.
„Svo virðist sem við séum með
einn sterkasta gjaldmiðil í Evrópu
og fjármagnskostnaður hér er
gríðariegur. Þannig að samkeppnis-
staða okkar gagnvart erlendum
keppinautum hefur versnað mjög
mikið.
Krónan er það hátt skráð að
þýska markið hefur farið úr u.þ.b.
45 krónum niður í 37. Því er orðið
ódýrara að láta gera við skip í
Þýskalandi heldur en hér á íslandi."
Þó bendir allt enn til þess, að
sögn Valgeirs, að hægt verði að
snúa rekstrinum til hagnaðar á nú-
líðandi ári, með miklu aðhaldi. Grip-
ið hefur verið til ýmissa aðgerða til
að rétta reksturinn af, t.d. verður
ráðist í endurskipulagningu rekstr-
arins sem leiðir m.a. til þess að
starfsmönnum fækkar um 24. Þá
var kæli- og verktakastarfsemi
Kælismiðjunnar Frosts sameinuð
rekstri Stáltaks um síðastliðin ára-
mót og ætti það að skila hagræð-
ingu og bættri afkomu á árinu.
Loks er verið að selja hluta af eign-
um félagsins til að bæta greiðslu-
stöðu þess og gert hefur verið sam-
komulag við IAV hf. um samstarf
félaganna. Samkomulagið lýtur að
samstarfi um framtíðaruppbygg-
ingu athafnasvæðis Stáltaks, sam-
starfi á almennum byggingamark-
aði og að samnýtingu á járna- og
stálvinnslu félaganna.
Valgeir segir að samt sem áður sé
ýmislegt sem setji strik í reikning-
inn því að erfitt hafi reynst að gera
fastheldar áætlanir fram í tímann.
„Nú virðist t.d. Ijóst að Fljóts-
dalsvirkjun verður ekki byggð,
a.m.k. ekki á næstunni, og því þurf-
um við að gera ráðstafanir hvað það
varðar. Sömu sögu er að segja af ál-
verinu á Reyðarfirði en það gerði
það að verkum að við þurftum að
hætta við áætlanir um áframhald-
andi rekstur vélsmiðjunnar Stáls á
Seyðisfirði", segir Valgeir að lokum.
Hagnaður EJS jókst
um 88% milli ára
HAGNAÐUR EJS samstæðunnar
eftir skatta var 202,3 milljónir króna
á síðasta ári, sem jafngildir 6,3% af
veltu, og jókst um 87,7% á milli ára.
Hagnaður af reglulegri starfsemi
fyrir skatta árið 1999 var 323,4 millj-
ónir króna sem jafngildir ríflega
105% aukningu frá 1998. Veltufé frá
rekstri var 330,1 milljónir króna á
árinu 1999 og jókst um rúmlega
134% frá árinu áður.
Á milli áranna 1998 og 1999 jókst
velta EJS samstæðunar um 55% og
veltufé frá rekstri um 134%. Af 3,2
milljarða króna veltu á árinu 1999
koma 1,8 milljarðar úr þjónustu og
hugbúnaðargerð. Tekjur af erlend-
um hugbúnaðarverkefnum námu
tæpum 500 milljónum króna.
Rekstrartekjur samstæðunnar á
síðasta ári námu 3.189 milljónum
króna samanborið við 2.059 milljónir
króna árið 1998 og jukust um tæp
55%. Um síðustu áramót voru rúm-
lega 300 starfsmenn hjá samstæð-
unni.
Veltuaukning mest í
þjónustu og hugbúnaðargerð
Vöxtur tekna og þróun afkomu
samstæðunnar á síðasta ári var í
samræmi við áætlanir. Veltuaukning
samstæðunar var mest í þjónustu og
hugbúnaðargerð, en af 3,2 milljarða
króna heildarveltu voru um 1,8 millj-
arðar, eða 56%, í þjónustu og hug-
búnaðargerð. Tekjur af erlendum
hugbúnaðarverkefnum voru tæplega
500 milljónir króna.
Að mati stjórnenda EJS er efna-
hagur samstæðunnar í árslok 1999
traustur. Veltufjárhlutfall á síðasta
ári var 2,4, eigið fé í árslok 1999 var
1.185 milljónir króna og eiginfjár-
hlutfallið 47,3%. Arðsemi eiginfjár
var 45%.
Tillaga um 15% arðgreiðslu
EJS samstæðan tók nokkrum
breytingum á síðasta ári. Móðurfyr-
irtækið, E JS hf., jók eignarhlut sinn
í EJS International ehf úr 20% í
100%, keypti öll hlutabréf í Hug hf.
og keypti 50% hlut í Gæðamiðlun
ehf. Þá tók hluthafahópur EJS hf.
einnig breytingum í kjölfar sölu á
nýju hlutafé til starfsfólks en yfir
95% þátttaka var í útboðinu.
Á aðalfundi EJS hf., sem haldinn
verður þann 17. apríl næstkomandi,
mun stjóm félagsins leggja til að
greiddur verði 15% arður til hlut-
hafa.
Landsteinar International
kaupa JMA A/S í Danmörku
LANDSTEINAR International
hafa keypt allt hlutafé í danska hug-
búnaðarfyrirtækinu JMA A/S. Jafn-
framt hefur verið ákveðið að sam-
eina starfsemi JMA og Landsteina
DK í Árósum. Sameinað fyrirtæki
verður eitt öflugasta hugbúnaðarfyr-
irtæki Danmerkur á sviði heildar-
lausna fyrir verslunar- og þjónustu-
fyrirtæki sem eru byggðar á
Navision Financials-hugbúnaðinum
frá Navision Software A/S.
í tilkynningu um kaupin kemur
fram að ákveðið hafi verið að starf-
semi JMA og Landsteina DK verði
sameinuð undir nafninu Landsteinar
DK A/S. Sameinað fyrirtæki er að
fullu í eigu Landsteina Intemation-
al. Núverandi framkvæmdastjóri
Landsteina DK, Hans Jorgen Beck,
verður framkvæmdastjóri hins sam-
einaða félags.
Fram kemur að markmiðið með
kaupunum og sameiningu við Land-
steina DK sé að styrkja möguleika
félagsins á að markaðssetja lausnir
sem þróaðar hafa verið af báðum fyr-
irtækjunum, bæði í Danmörku og á
alþjóðlega vísu í gegnum önnur dótt-
urfélög Landsteina International.
Kaupin á JMA skapa einnig forsend-
ur til að nýta mikla vaxtarmöguleika
á þeim mörkuðum sem fyrirtækin
þjóna.
Aðalsteinn Valdimarsson, fram-
kvæmdastjóri Landsteina Inter-
national, segir að Landsteinar og
JMA hafi unnið saman að þróunar-
verkefnum og uppsetningum og
þessi kaup því mjög eðlilegt fram-
hald af góðu samstarfi.
Landsteinar DK verði með þessu
eitt sterkasta Navision lausnasetrið
fyrir verslunar- og þjónustufyrir-
tæki í Danmörku með mikla vaxtar-
möguleika og styrki því mjög Land-
steina samstæðuna í heild sinni.
Þetta sé enn eitt skrefið í stækkun
Landsteina og í samræmi við þau
markmið að gera fyrirtækið að öfl-
ugasta þjónustuaðila Navision á
heimsvísu og skráningu þess á hluta-
bréfamarkað.
Áætlanir hins sameinaða félags
gera ráð fyrir að velta verði 450
milljónir króna á tímabilinu frá 1. ap-
ríl til loka ársins og áætluð velta ár-
sins 2001 er 1.050 milljónir króna.
Gert er ráð fyrir að heildarvelta
samstæðunnar, Landsteina Interna-
tional og núverandi dótturfélaga, á
árinu 2000 verði um 2.800 milljónir
og starfsmenn eru nú 280.
Á meðal viðskiptavina Landsteina
DK A/S eru Telecom Center, Thorne
Nordic, Bang&Olufsen, TeleDan-
mark, Dönsku járnbrautirnar
(DSB), Sonofon, Rema 1000 og Body
Shop ásamt fjölmörgum fleiri.
Gleraugnaverslunin Sjónarhóll
www. sjonarholl. is ótrnuCulboð
Súrefiiisvörur
Karin Herzog
Vita-A-Kombi
Hún erorðin
léttari!
Samagóða ab-mjólkin
- bara léttari!