Morgunblaðið - 05.04.2000, Blaðsíða 57
MORGUNBLAÐIÐ
FÓLK í FRÉTTUM
Dúndurfréttir með tvenna tónleika í Borgarleikhúsinu í kvöld
Morgunblaðið/Kristinn
Hljórasveitin Dúndurfréttir. Frá vinstri: Pétur Örn Guðmundsson, Ólafur Hólm, Ingimundur Óskarsson,
Matthías Matt híasson og Einar Þór Jóhansson.
Skj aldbökurokk
SKJALDBÖKUR eru tignarlegar
skepnur. Þær hreyfa sig þó ekki
hratt, enda hafa þær nægan tíma
til að spóka sig um þar sem margar
þeirra verða hátt í tvöhundruð ára
gamlar. Hljómsveitin „Dúndur-
fréttir" hefur ekki verið sú uppá-
tækjasamasta þrátt fyrir fimm ára
starfsaidur og hingað til látið sér
nægja að spila sína mánaðarlegu
tónleika á Gauknum þar sem þeir
félagar hafa leikið sín uppáhalds-
lög. Á skjaldbökutölti sínu um tón-
listarlandslagið hafa þeir félagar
samt hægt og rólega undirbúið
stórframkvæmdir. í kvöld ætla þeir
sér nefnilega það stórvirki að leika
■ög Pink Floyd á tvennum tónleik-
um í Borgarleikhúsinu með tilheyr-
andi Ijósabúnaði og glæsileika.
Meðal annars ætlar hljómsveitin að
flytja í heild hið vandaða verk
,,Dark Side of the Moon“ eins og
það kemur fyrir á plötunni.
Magnað verk
Blaðamaður var að velta því fyr-
ir sér hvort þetta væri ekki stórt
verkefni að takast á við. „Jú,“ við-
urkennir Pétur Öm Guðmundsson,
hljómborðsleikari og söngvari
Dúndurfrétta. „En þetta er líka
skemmtilegt þar sem við þekkjum
þetta allir svo vel.“
„Við erum fimm manna hópur
þar sem allir hafa dálæti á Pink
Floyd og þeirra tónlist og allir
þekkja hana alveg út í gegn, þann-
ig að við ráðum vel við þetta,“ bæt-
ir Matthías Matthíasson, söngvari
°g gítarleikari, við ákveðinn.
Platan „Dark Side of the Moon“
er í miklu uppáhaldi hjá mörgum
aðdáendum sveitarinnar enda er
hún mjög heilsteypt verk og vand-
að. „Þetta er langmest selda platan
þeirra,“ segir Matti.
„Hún datt t.d. út af Billboard-
listanum fyrir aðeins fimm árum,
en kom út árið 1973,“ bætir Pétur
við.
En hvað skyldi hafa verið þess
valdandi að eftir fimm ára róleg-
heit brýst hljómsveitin fram með
risatónleika í Borgarleikhúsinu?
,,Við vorum búnir að velta þessu
fyrir okkur í tvö ár,“ segir Pétur
og undirstrikar skjaldbökulifnað-
inn. „Við bara kunnum ekkert að
framkvæma hluti svo við fengum
bara mann til að framkvæma þetta
fyrir okkur,“ segir Matti.
Þessi atorkusami maður sem
færði piltunum þetta nauðsynlega
spark í afturendann heitir Guð-
bjartur Finnbjörnsson og er núver-
andi umboðsmaður hljómsveitar-
innar auk þess að vera ritstjóri
tímaritsins „Lifandi vfsinda". Hing-
að til hafa hljómsveitarmeðlimir
einungis litið á hljómsveitarstörfin
sem áhugamál og skýrir það
kannski skjaldbökugöngulag með-
■ima. „Þetta er eiginlega hljómsveit
sem við stofnuðum einungis til að
spila uppáhaldslögin okkar,“ segir
Matti og bendir á að fram að þessu
hafa flestir meðlimirnir verið í öðr-
um hljómsveitum. Hann var t.d. í
Reggae on Ice og Pétur hefur m.a.
sungið hlutverk Jesú í söngleik og
komið fram með hljómsveitinni Sól-
dögg. „Þessir tónleikar eru byrjun-
in á því að gera hljómsveitina að
einhverju meira en áhugamáli,"
segir Matti og segir hljómsveitar-
meðlimi vera duglega við að semja
eigið efni þrátt fyrir að ekkert hafi
verið gefið út á geislaplötu ennþá.
„Ég vil einungis að hljómsveitin
fái einhverja viðurkenningu fyrir
að spila á skemmtilegum tónleik-
um, “ útskýrir Pétur. „Þessi hljóm-
sveit kemur aldrei til með að spila
á böllum.“
„Það er ekkert dansað á tónleik-
um hjá okkur," bætir Matti glott-
andi við.
„Það hefur reyndar komið fyrir
og það var alveg hræðileg upplif-
un, “ segir Pétur og báðir skella
upp úr.
Upplýstir tdnleikar
Tónleikar Pink Floyd eru oftast
vel upplýstar uppákomur þar sem
hvergi er sparað í leigu ljósabúnað-
ar eða hljómflutningstækja. Þetta
kallar á stórtækar Ijósatilraunir í
Borgarleikhúsinu í kvöld. „Við
sögðum ljósamanninum að gera
það sem hann langar til og hugsa
um kostnaðinn seinna. Við ætlum
að gera það sem við getum gert
upp að því marki að fjölskyldur
okkar fari ekki á hausinn fyrir vik-
ið,“ segir Pétur.
Við flutning verksins fá þeir fé-
lagar til sín vel valda gestaleikara.
Þar á meðal er Jens Hansson saxó-
fónsleikari Sálarinnar. „Hann
spurði okkur hvort hann mætti
vera með,“ segir Pétur. „Það er
náttúrulega kostur að fá mann sem
kann þetta," og segir hann Jens
vera mikinn aðdáanda Pink Floyd.
Um bakraddir sjá Andrea Gylfa-
dóttir, Regína Óskarsdóttir og
Guðbjörg Magnúsdóttir. Fyrri tón-
leikamir hefjast kl. 20:00 en þeir
seinni byija tveimur og hálfum
tíma síðar. Miðaverð er með furðu-
legasta móti, 1973 kr., en það er
gert til þess að heiðra útgáfuár
hljómplötunnar „Dark Side of the
Moon“ miðasölufólki til mikillar
gremju.
Morgunblaðið/Jim Smart
Hluti nemenda söng- og leiklistarskólans Sönglistar.
Sungið af list
VORÖNN söng- og leiklistarskólans
Sönglistar lýkur þessa dagana og er
af því tilefni haldin vegleg söng-
Söngskemmtun Sönglistar
skemmtun nemenda. Nemendur
skólans eru um 100 og því varð að
skipta skemmtuninni niður á þrjú
kvöld, þ.e. mánudaginn 3. aprfl,
þriðjudaginn 4. aprfl og verður sú
síðasta í kvöld, miðvikudagskvöld.
Nemendur skólans eru á öllum aldri
og var þeim blandað saman í sýning-
unum svo útkoman yrði lífleg og fjöl-
breytt.
Sönglist var stofnuð af Ragnheiði
Hall og Erlu Ruth Harðardóttur,
sem einnig sjá um kennslu ásamt
þeim Hrefnu Hallgrímsdóttur,
Kristínu Sigurðardóttur, Lindu Ás-
geirsdóttur og Völu Þórs.
Sönglist er með 12 vikna söng- og
leiklistarnám-
skeið bæði vor
og haust. í söngtímunum er sungið í
hljóðnema og áhersla lögð á söng-
tækni, öndun og túlkun laga. í leik-
listartímunum eru gerðar margvís-
legar æfingar, má t.d. nefna æfingar
til að efla einbeitingu og hlustun,
raddbeitingu og öndun, spuna af öllu
tagi og einnig eni nemendur hvattir
til að virkja ímyndunaraílið!
í sumar verður Sönglist í fyrsta
sinn með sumarnámskeið. Þau nám-
skeið verða eingöngu fyrir börn á
aldrinum 6-12 ára og koma til með að
standa í tvær vikur í senn.
MIÐVIKUDAGUR 5. APRÍL 2000 57
_ ...crtikanki
Snertir
þetta þig?
Um leið og þú nýtir þér þjónustu
Snertibanka SPRON og SPH ert þú þátt-
takandi í léttum og skemmtilegum leik.
Þú gætir unnið páskaegg eða ferð fyrir
tvo til London með gistingu.
Komdu við í sparisjóðnum og snertu til
að vinna!
í Snertibankanum getur þú:
- Greitt gíró- og greiðsluseðla
- Millifært
- Séð yfirlit og stöðu reikninga
- Fengið upplýsingar um gengi og verðbréfaviðskipti
- Leitað í þjóðskrá
- Verið í beinu tal- og myndsambandi
við þjónustufulltrúa
*spron
V íw/irfw urtu*rt*0t m
spbí*
SPARISJÓÐUR
HAFNARFJARÐAR