Morgunblaðið - 16.04.2000, Blaðsíða 2

Morgunblaðið - 16.04.2000, Blaðsíða 2
2 B SUNNUDAGUR 16. APRÍL 2000 MORGUNBLAÐIÐ KVIKMYNDIR Joan Allen og William H. Macy í kvikmyndinni „Pleasantville". Associated Press Macy í myndinni „Happy, Texas" sem varð talsvert umdeild á sínum tíma. Macy og aularnir Bandaríski skapgerðarleikarinn William H. Macy er með skemmtilegri leikurum bíó- myndanna að mati Arnaldar Indriðasonar, sem kynnti sér feril hans og komst að því að Macy þarf á stórri, feitri Hollywood-mynd að halda. ER HÆGT að ímynda sér nokkurn rolulegri mann en William H. Macy í þeim skepnulega gamantrylli Far- go eftir Joel og Ethan Coen? Macy lék bílasala sem lifði undir ofur- valdi tengdaföður síns. Þegar hann fékk frábæra hugmynd um leið til þess að auðgast í viðskiptum og kynnti hana fyrir tengdapabba stal sá gráðugi djöfull hugmyndinni án þess að blikna. Þegar Macy fékk öllu verri hugmynd um rán á eigin- konu sinni, dóttur gamla mannsins, til þess að hafa af honum lausnarfé, keypti hann óafvitandi þjónustu gersamlega samviskulausra morð- ingja, sem stútuðu kerlingunni við fyrsta tækifæri. Og þarna sat Macy á bílasölunni, í framan eins og sá guðsvolaði aumingi sem hann var, og í stað þess að hafa með honum einhvern vott af samúð hló djöfull- inn innra með manni og hlær enn. Fæddur í aulahlutverkin Það þarf snilling í hlutverk af þessu tagi og Macy er sá snilling- ur. Meðferð hans á hinum alger- lega misheppnaða ráðabruggara í Fargo veitti manni einhverja eftir- minnilegustu kvikmyndaskemmtun síðasta áratugar ef ekki hreinlega síðustu áratuga. Síðan þá hefur Macy tekist að fullkomna ímynd þess sem alltaf verður undir í lífinu fyrir sakir eigin ístöðuleysis, hug- leysis eða aðgerðarleysis. Dæmi um það má sjá í tveimur myndum Paul Thomas Andersons, Boogie Nights og Magnolia. I fyrrnefndu myndinni lék hann hálfgerða fram- lengingu á bílasalanum í Fargo; eiginkona hans var klámdrottning sem var sífellt að gera það fyrir augunum á honum og hlustaði ekk- ert á aumingjalegar mótbárur hans þangað til hann fékk nóg og réðst á hana og nýjasta riðilinn með skammbyssu. I Magnolia lék hann enn mann sem hafði orðið undir í lífinu, barnastjörnu mikla úr vin- sælum spurningaþáttum sjónvar- psins, sem orðin er að engu. Ljóst er að Anderson tekst sérstaklega vel að nýta sér leikarann í rullur af þessu tagi. Við hér á fslandi tókum fyrst eftir William H. Macy í sjónvarps- þáttum. Þá var hann röggsamur stjórnandi og yfirmaður á stóru sjúkrahúsi og það var eins og hann hefði aldrei verið neitt annað. Þættirnir hétu Bráðavaktin og vöktu athygli á leikaranum þannig að honum fór að bjóðast kvik- myndahlutverk í Hollywood. Joel og Ethan Coen voru einna fyrstir til þess að sjá í honum þann magn- aða leikara sem hann er og fengu hann í Fargo. Hann hafði leikið lítil hlutverk í ómerkilegum myndum fram að því en Fargo var eitthvað allt annað. „Ég vissi það fyrir víst, og ég er ekkert að þykjast með það, að ég var fæddur til þess að fara með hlutverk bílasalans í Fargo," segir Macy í nýlegu viðtali í breska kvik- myndatímaritinu Empire. Hann vissi af hlutverkinu og að bræðurn- ir væru ekki búnir að finna leikara til þess að túlka það og hann flaug á fund þeirra og hótaði öllu illu ef hann ekki fengi að vera eigin- mannsrolan. „Ég held að ég hafi sagt við þá að ég myndi skjóta hundinn þeirra ef ég fengi ekki hlutverkið," segir Macy og bætir við: „Ég veit ekki hvort þeir eiga hund." Macy var útnefndur til Óskarsins fyrir hlutverkið (hann fékk ekki styttuna) og varð eftirsóttur í Hollywood. Það hafði tekið hann tuttugu ár að koma sér áfram inn- an kvikmyndanna. Hann var í Boogie Nights, Mystery Men og Happy, Texas svo nokkrar séu nefndar og oftar en ekki var hann aulinn. Fæddur til þess að verða undir í lífinu. „Já, það er heilagur sannleikur," segir hann. „Veistu, ég William H. Macy, á eftir að kaupa mér hús með þess- um aulahlutverkum." Þegar honum er bent á að hann hafi í sannleika sagt útlitið með sér í þessar rullur, jánkar hann því. „Það er líklega ástæðan, ég hef útlitið með mér. Eg á auðvelt með að vera niður- dreginn. Það sem ég geri til þess að fá áhorfendurna til þess að skilja þessa menn, er að ég leyfi þeim aldrei að gefast upp." Mamet var kennari hans William H. Macy (H-ið stendur fyrir Hill) lærði leiklist m.a. í Ver- mont þar sem kennari hans var leikritaskáldið, vinur hans og sam- starfsmaður, David Mamet. Macy er sjálfur leiklistarkennari og við- urkennir að hann kenni sínum nemendum nákvæmlega það sama Associated Press í myndinni „The Mystery Men" ræðst Macy gegn glæp- um með skófluna eina að vopni. leikritinu endalaust, fátækur eins og heimilisleysingi. Svo gerðist það að einhver stelpa sagði mér upp og meira þurfti ég ekki til þess að vilja færa mig um set og ég flutti til Los Angeles til þess að byrja upp á nýtt." Hann þekkir vel hvernig hlutirn- ir ganga fyrir sig í draumaverk- smiðjunni. „Leikaraliðið hér skipt- ist í stórstjörnur kvikmyndanna, menn og konur sem fá aðalhlut- verkin, og skapgerðarleikara eins og mig og ég er hreykinn af að til- heyra síðastnefnda hópnum." Hins vegar er hann ekki frá því að hann sé efni í stórstjörnu. „Ég tilheyri barnabylgjunni frá sjötta áratugn- um. Núna eru allir krakkarnir orðnir fullorðnir og á aldri við mig svo það hlýtur að vera þörf í þess- um heimi fyrir rómantíska gaman- mynd um menn með gyllinæð." Þarf stóra, feita Hollywood-mynd Hann hins vegar þekkir sín tak- mörk. „Ég er fimmtugur og hef ekki útlitið með mér svo það yrði mér varla til framdráttar að leika á móti Nicole Kidman." Hins vegar má geta þess að hann lék í lítilli ástarsenu á móti Neve Campbell í óháðri mynd sem sýnd var á Sundance-kvikmyndahátíðinni ný- lega og heitir Panic. „Ég spurði hana að því hvort hún ætlaði að berhátta sig í atriðinu en hún sagði nei og spurði mig hvort ég ætlaði að gera það en ég sagði, nei, en ég var að vona að þú mundir gera það." Macy hefur kynnst ágætlega hin- um unga leikstjóra, Paul Thomas Anderson (hann er 29 ára), og hef- ur mikla unun af að starfa fyrir hann. „Ég hitti Paul í fyrsta skipti eftir að ég las handritið hans að Boogie Nights sem var ákaflega eldfimt og miklu klúrara en mynd- in sem hann gerði; það voru virki- lega brjálaðir hlutir þar innan um og saman við. En ég hafði sérstaka ánægju af handritinu og fór að sjá myndina hans, Hard Eight. í fram- haldi af þvi sagði ég við hann: „Eg skal leika í Boogie Nights og ég skal leika í öllum myndum sem þú átt eftir að gera í framtíðinni." Þetta boð stendur enn. Ef Paul hringir i mig og segist vera að fara af stað með kvikmyndaútgáfu af símaskránni skal ég leika hvað sem er í henni." Annars kvartar Macy undan verkefnaleysi þótt ótrúlegt sé. „Ég verð að komast í stórmynd á næst- unni," segir hann og ber sig aum- lega hvað launin varðar. „Ég hef að undanförnu aðeins leikið í einni mynd sem gerð er af óháðum aðil- um (sem þýðir að ekkert Holly- wood-kvikmyndaver dælir í hana peningum) og í leikriti sem sýnt var utan Broadway. Ég verð aðeins með 12.000 dollara í laun á þessu ári. Ég þarf virkilega á að halda stórri og feitri Hollywood-mynd." og Mamet kenndi honum forðum. Eitt af því sem nemendur hans fá strax að vita er að það sé ekki hægt að læra að leika, þeir eiga aldrei að kaupa námsbækur um listina að leika og þeir eiga aldrei að fara í leiklistarnám. „Þetta er allt saman dagsatt," segir Macy. Hann stofnaði leikfélag í New York ásamt Mamet á áttunda ára- tugnum en á sama tíma og Mamet varð með tímanum eitt fremsta leikskáld Bandaríkjanna og er núna einn af athyglisverðari kvik- myndaleikstjórum vestan hafs, komst Macy ekkert áfram og um miðjan níunda áratuginn ákvað hann að hætta þessu rugli og gera eitthvað af viti. „Ég var leikari í New York og var að gera sama hlutinn aftur og aftur, lék í sama

x

Morgunblaðið

Beinir tenglar

Ef þú vilt tengja á þennan titil, vinsamlegast notaðu þessa tengla:

Tengja á þennan titil: Morgunblaðið
https://timarit.is/publication/58

Tengja á þetta tölublað:

Tengja á þessa síðu:

Tengja á þessa grein:

Vinsamlegast ekki tengja beint á myndir eða PDF skjöl á Tímarit.is þar sem slíkar slóðir geta breyst án fyrirvara. Notið slóðirnar hér fyrir ofan til að tengja á vefinn.