Morgunblaðið - 24.05.2000, Blaðsíða 10
10 MIÐVIKUDAGUR 24. MAÍ 2000
MORGUNBLAÐIÐ
FRÉTTIR
Framkvæmdastjórar á nýstofnuðum Landspítala - háskólasjúkrahúsi
Morgunblaðið/Ámi Sæberg
Framkvæmdastjóm Landspítala - háskólasjúkrahúss. Efri röð frá vinstri: Anna Lilja Gunnarsdóttir, fram-
kvæmdastjóri fjárreiðna og upplýsinga, Jóhannes M. Gunnarsson, framkvæmdastjóri lækninga, og Anna Stef-
ánsdóttir, framkvæmdastjóri hjúkrunar. Neðri röð: Ólöf Ema Adamsdóttir, ritari framkvæmdastjómar, Ing-
ólfur Þórisson, framkvæmdastjóri tækni og eigna, Magnús Pétursson forstjóri og Gísli Einarsson,
framkvæmdastjóri kennslu og fræða.
Mikil
vinna
fram-
undan
RÁÐIÐ hefur verið í fimm fram-
kvæmdastjórastöður við hinn ný-
stofnaða Landspítala - háskóla-
sjúkrahús. Anna Stefánsdóttir
hefur verið ráðin framkvæmda-
stjóri hjúkrunar, Gísli Einarsson
framkvæmdastjóri kennslu og
fræða, Jóhannes M. Gunnarsson
framkvæmdastjóri lækninga,
Anna Lilja Gunnarsdóttir fram-
kvæmdastjóri fjárreiðna og upp-
lýsinga og Ingólfur Þórisson fram-
kvæmdastjóri tækni og eigna.
Áætlanagerð
og kostnaðargreining
í samtali við Morgunblaðið sagði
Anna Lilja Gunnarsdóttir að fyrsta
verkefni framkvæmdastjóranna
yrði án efa að ljúka við skipurit
sjúkrahússins. Sem framkvæmda-
stjóri fjárreiðna og tekna hyggst
hún leggja áherslu á nokkur verk-
efni.
„í fyrsta lagi vil ég efla áætlana-
gerð og eftirlit tengt því. I öðru
lagi hyggst ég leggja áhersla á að
kostnaðargreina þjónustuna,
þannig að verð á ýmsum þáttum
hennar liggi fyrir. I þriðja lagi vil
ég skoða rekstrarform hinna ýmsu
deiida; halda áfram á þeirri braut
að gera einingar fjárhagslega
sjálfstæðar og auka notkun þjón-
ustusamninga. Þá verður nauðsyn-
legt að tengja kostnaðargreining-
una við fjármögnun, og þegar
komin er niðurstaða í þá vinnu er
hægt að fá samanburð við sam-
bærileg sjúkrahús erlendis, sem ég
tel mikilvægt," segir Anna Lilja.
Anna Stefánsdóttir, fram-
kvæmdastjóri hjúkrunar, segir að
fyrsta verkefni hins sameinaða
sjúkrahúss verði að sameina svið
hinna gömlu. „Framkvæmda-
stjórnin vinnur saman að því, en
það verkefni var reyndar aðeins
hafið. Nú verður að ráða yfírmenn
hinna sameinuðu sviða. Þetta er
meginverkefni okkar á næstu vik-
um,“ segir Anna.
Ný rekstrarform í bígerð
Anna segir það vera sér hugðar-
efni að ný rekstrarform verði
skoðuð. „Ég hef verið að vinna að
því og mun halda því áfram. Sem
dæmi má nefna sjúkrahústengda
heimaþjónustu, sem vísir er kom-
inn að á Hringbraut og í Fossvogi.
Ég hef einnig mjög mikinn áhuga
á því að stofnað verði sjúkrahótel
við Landspitala - háskólasjúkra-
hús.
Þá mun ég beita mér fyrir því að
dag- og göngudeildarstarfsemi
verði efld. Nú er til að mynda unn-
ið að því að efla göngudeild fyrir
krabbameinssjúklinga. Ég hef
mikinn áhuga á því að skoða það
fyrirkomulag nánar að tengja
saman legu-, dag- og göngudeild,"
segir Anna Stefánsdóttir.
Mikið verkefni
Jóhannes M. Gunnarsson, fram-
kvæmdastjóri lækninga, segir að
framkvæmdastjórnarinnar bíði
býsna flókið og umfangsmikið
verkefni, sem sé að skilgreina svið
hins nýja spítala og ráða yfirmenn
þeirra. „Vonandi verður hægt að
leggja línurnar fljótlega, en hvort
það verður áður en sumarleyfis-
tíminn gengur í garð er ekki gott
að segja,“ segir hann, „Samhliða
þessari skipulagningu verður auð-
vitað að huga að daglegum rekstri
hins nýja sjúkrahúss," bætir Jó-
hannes M. Gunnarsson við.
Gísli Einarsson hefur tekið við
nýrri stöðu sem framkvæmdastjóri
kennslu og fræða. „Hún er tilkom-
in vegna tilurðar háskólasjúkra-
húss. Ætlunin er að verkefnið
verði að koma á og skipuleggja
samskipti sjúkrahússins og háskól-
ans, “ segir Gísli.
Spennandi staða
Gísli segir það vera mjög spenn-
andi að taka við þessari nýju stöðu.
„Mótun hennar er í minni hendi, að
öðru leyti en því að auðvitað er
lagt upp með ákveðnar væntingar
og fyrirmæli um stöðuna, sem eru
sem fyrr segir að koma skipulagi á
samskipti sjúkrahússins og háskól-
ans,“ segir Gísli.
Gísli segir að mikil verkleg
kennsla fari fram á spítalanum.
Ekki sé vel ljóst, eins og staðan er
nú, hver hlutfóll spítalans og há-
skólans séu í kostnaði vegna henn-
ar. Þetta þurfi að kortleggja og
skipuleggja.
Gísli segist leggja áherslu á að
Landspítali - háskólasjúkrahús sé
þekkingarfyrirtæki. „Áðal-
verkefnið í þessari stöðu hlýtur því
að vera að skipuleggja virkari
dreifingu þekkingarinnar en nú er
raunin,“ segir Gísli Einarsson.
Ingólfur Þórisson er fram-
kvæmdastjóri tækni og eigna.
„Fyrsta skrefið verður að sameina
þær deildir sem voru eins á báðum
sjúkrahúsum, eða auka samvinnu,"
segir Ingólfur.
Hann segir að stefnt sé að því að
stofna fasteignafélög um bygging-
ar spítalans, sem verði sjálfstæðar
rekstrareiningar innan hans og
leigi þá húsnæðið til deilda sjúkra-
hússins. Það sé heilmikil vinna
fóigin í því að greiða úr þessu
verkefni og kostnaðargreina, en
vonir standi til að henni verði lokið
á næsta ári.
Bændur
kynni sér
verklags-
reglur
EMBÆTTI yfirdýralæknis
hyggst efla eftirlit með kjúkl-
ingaframleiðslu í kjölfar þess
að aukning varð á campyl-
obacter-mengun í kjúklingum í
þessum mánuði. Þetta kom
fram í samtali Morgunblaðsins
við Sigurð Örn Hansson að-
stoðar-yfirdýralækni en hann
sagði að fundað hefði verið með
fulltrúum kjúklingabænda í
síðustu viku og staðan málsins
rædd.
„Við lögðum áherslu á að þeir
skoðuðu verklagsreglur í kjúkl-
ingaeldinu til þess að tryggja
að smit berist ekki inn í eldis-
húsin og nái að dreifa sér,“
sagði Sigurður Örn. „Við mun-
um síðan halda áfram okkar
eftirliti í sláturhúsunum og
taka þar sýni og á þeim munum
við marka hvort þessar aðgerð-
h' skili árangri og það ætti að
koma í ljós strax um mánaða-
mótin.“
Kjúklingarnir smituðust
ekki í sláturhúsinu
Sigurður Örn sagði rétt að
það kæmi fram að þau smit sem
komið hefðu upp núna hefðu
ekki komið upp í sláturhúsinu,
heldur hefðu fuglamir líklega
smitast í eldishúsunum eða á
leið í slátrun.
„Það er ýmislegt sem bendir
til þess að þrif og hreinlæti í
sláturhúsinu sé í lagi og að fugl-
arnir mengist því ekki þar,“
sagði Sigurður Öm.
Bjarni Ásgeir Jónsson, fram-
kvæmdastjóri Reykjagarðs hf.,
sagði það alveg ljóst að kjúkl-
ingamir smituðust ekki í slát-
urhúsi fyrirtæksins á Hellu en
þar var menguðu kjúklingun-
um slátrað.
„Við fengum stóran skell í
haust en höfum síðan þá tekið
okkur á og því er bagalegt ef
aðrir komast upp með það að
vinna ekki sína vinnu því það
spillir fyrir okkur hér,“ sagði
Bjarni Ásgeir.
Hvorki Sigurður Öm né
Bjarni Ásgeir vildu segja frá
hvaða búi menguðu kjúkling-
arnir komu.
Álit Tölvunefndar um skráningu fyrirtækja og stofnana sem veita netþjónustu
Bankar segjast ekki
geta skráð netferðir
STOFNANIR og fyrirtæki, sem
veita netþjónustu, virðast ekki þurfa
að gera miklar breytingar á starfs-
háttum sínum í kjölfar álits tölvun-
efndar um að aðeins sé heimilt að
geyma upplýsingar um netferðir
viðskiptavina séu þær nauðsynlegar
vegna reikningsgerðar og uppgjörs
fyrir kostnað vegna aðgangs að
tölvupóstkerfi og Netinu og til að
tryggja öryggi. Sögðust viðskipta-
bankarnir ekki hafa möguleika á að
fylgjast með netferðum viðskipta-
vina.
Nokkrir þeirra sem leitað var til
vildu ekki fullyrða um það hvort
starfshættir þeirra fullnægðu skil-
yrðum nefndarinnar þar sem þeir
höfðu ekki séð álitið, en töldu þó að
svo væri.
Alla tíð lagt áherslu á traust
Ólafur Stephensen, forstöðumað-
ur upplýsinga- og kynningarmála
Landssíma Islands, sagði að hjá fyr-
irtækinu væri safnað upplýsingum
um netnotkun og tölvupóstsending-
ar, en Landssíminn býður upp á net-
þjónustu og hefur netþjónusta
Skímu verið sameinuð rekstri Sím-
ans internets.
„Við höfum farið yfir álit tölvu-
nefndar og þótt við höfum ekki farið
ofan í kjölinn á því sýnist okkur í
fljótu bragði að við að þurfum engu
að breyta,“ sagði hann. „Það eru
eingöngu skráðar upplýsingar, sem
eru nauðsynlegar vegna reiknings-
gerðar og uppgjörs, og við höfum í
raun alla tíð lagt mikla áherslu á að
fullkomið traust ríki gagnvart við-
skiptavininum og við höfum langa
hefð fyrir því sem gamalt fjarskipta-
fyrirtæki að fullur trúnaður ríki um
innihald samskipta og hvenær
ákveðin samskipti áttu sér stað.“
Hann sagði að þegar farið væri
fram á upplýsingar um samskipti
hjá Landssímanum, til dæmis vegna
rannsóknar, væri farið fram á dóms-
úrskurð. Ólafur sagði að persónu-
vemdin væri i hávegum höfð hjá
fyrirtækinu og sagðist hallast að því
að skrá frekar minna en meira. Þá
væm allir starfsmenn bundnir al-
gerri þagnarskyldu og í þeim efnum
væri horft á ákvæði fjarskiptalaga
um að allir þeir, sem starfa við
fjarskiptavirki, skuli bæði meðan
þeir starfa og eftir starfslok virða
þagnarskyldu varðandi allt það, sem
um fjarskiptavirkin fer.
í áliti tölvunefndar er sérstaklega
vikið að bönkum og sagt að þeim og
öðmm aðilum, sem veita ,,„frían“ að-
gang að Netinu á gmndvelli samn-
inga við tiltekin fjarskiptafyrirtæki
[sé] óheimilt að skrá upplýsingar
um netferðir viðskiptavina sinna
nema sérstök heimild komi til“. Því
er bætt við að netþjónustu banka sé
því óheimilt að skrá og fylgjast með
því hvað viðskiptavinurinn aðhefst á
Netinu, til dæmis hvort hann nýti
heimabanka annarra banka. Hjá
stóm viðskiptabönkunum þremur
fengust þau svör að þeir hefðu ekki
aðgang að slíkum upplýsingum.
Engar upplýsingar um
netferðir hjá bönkunum
Frank Hall, vefstjóri hjá Lands-
banka Islands, sem veitir viðskipta-
vinum og öðram ókeypis netþjón-
ustu eins og Búnaðarbanki og
íslandsbanki, sagði að öll umferð
viðskiptavina á Netinu færi um net-
þjón, sem væri hýstur hjá Lands-
símanum, og því hefði bankinn eng-
an möguleika á að fylgjast með
ferðum þeirra á Netinu.
„Við höfum ekki einu sinni mögu-
leika á að fylgjast með netferðum
þeirra,“ sagði hann. „Allt, sem fer í
gegnum tölvur Ll-notenda, fer
þangað, en kemur ekki hingað inn.
Við sjáum aðeins um skráningu og
að halda utan um þetta “
Hann sagði að í Landsbankanum
væri því ekki hægt að fylgjast með
því hvort þeir sem nota netþjónustu
Landsbankans væru í viðskiptum
við aðra banka, enda væri það „á
mörkum þess að vera siðlaust".
Ingi Örn Geirsson, forstöðumaður
tölvudeildar Búnaðarbankans, sagði
að þar væri heimsóknum á heima-
síðu bankans ekki safnað saman á
kerfisbundinn hátt. Bankinn veitti
einnig aðgang að Netinu gegnum
svokallað „binet“, en það væri vistað
hjá Landssímanum.
„Við höfum því ekki safnað upp-
lýsingum um viðskiptavini og höfum
engar áætlanir um að fara út í slíkt,“
sagði hann. ,A.ð því leyti snertir
[álitið] okkur ekki mikið.“
Hann sagði að þeir gætu haldið
utan um upplýsingar um notkun á
heimilisbankanum, en ekki notkun
viðskiptavina á öðrum bönkum því
þjónustan væri ekki veitt á vefþjón-
um Búnaðarbankans. Allar fjár-
hagslegar færslur viðskiptavina á
heimabankanum væm skráðar, rétt
eins og hjá viðskiptavinum sem lí
koma í bankann í eigin persónu, en
ekki væri til dæmis skráð þegar við-
skiptavinur nær í yfirlit yfii' stöðu
reikninga eða færslur. Hann kvaðst
ekki sjá að nein ástæða væri til að
breyta starfsháttum varðandi
skráningu upplýsinga vegna þessa
álits.
Sigurveig Jónsdóttir, upplýsinga- |g
fulltrúi Íslandsbanka-FBA, sagði að
rekstur netþjónustu bankans væri j§
að öllu leyti hjá Íslandssíma.
„Við þurfum því engu að breyta
og fylgjumst ekki með því hvað fólk
er að gera.“
Hún sagði að hlutafélag væri um
þennan rekstur og þar væri aðeins
veittur frír aðgangur að Netinu. Það
eina sem væri skráð væri á valdi við-
skiptavina, sem gætu gefið upp
áhugasvið og fengið tilboð eða upp- ,
lýsingar sem tengdust því sviði,
hvort sem það væru íþróttir eð.i
tónlist.