Morgunblaðið - 24.05.2000, Blaðsíða 58

58 MIÐVIKUDAGUR 24. MAÍ 2000
MORGUNBLAÐIÐ
FÓLK í FRÉTTUM
Maður með fjórar hendur
Morgunblaðið/Árni Sæberg
MYNDBOND
- Kalkúnafóður
KLIKKAÐAR KERLINGAR
(Mad Cows)
líVMWMWII
o
Lcikstjóri: Sara Sugarman. Hand-
rit: S. Sugarman og Sasha Hails.
Aðalhlutverk: Anna Friel, Joanna
Lumley, Greg Wise. (93 mín.) Bret-
land 1999. Háskólabíó. Öllum leyfð.
j,.. TALAÐ hefur verið um endur-
reisn breskrar kvikmyndagerðar og
er nokkuð til í því. Þaðan hafa komið
margar framúr-
skarandi myndir
upp á síðkastið. Þó
fer því fjarri að allt
sé með feldu hjá
Tjallanum því
hann gerir enn allt
of margar hand-
ónýtar myndir og
hann veit það best
sjálfur. Breska
pressan hakkaði
þessa mynd í sig og töluðu flestir um
að þar færi versta mynd ársins og
því er erfitt að andmæla. Skemmst
er frá því að segja að það er ekki heil
'örú í myndinni og ég velti fyrir mér
hvar blessaða konan sem leikstýrði
henni og skrifaði fékk eiginlega fjár-
magn til þess að gera hana. Þorði
enginn að segja henni á hvílíkum
villigötum hún var? Eina glætan
kann að vera sú að til eru margir sem
fá heilmikið út úr því að sjá vondar
myndir og flokkast þessi hiklaust í
þann flokk. En þó, ég veit ekki einu
sinni hvort þeir góðu bíóunnendur
fái eitthvað fyrir sinn snúð.
Skarphéðinn Guðmundsson
TONLEIKAR
Salurinn
MAGNÚS EIRÍKSSON
OG KK
Tónleikar Magnúsar Eiríkssonar,
Kristjáns Kristjánssonar, Ásgeirs
Óskarsssonar og Þóris Baldursson-
ar í Salnum í Kópavogi. Magnús lék
á spunagítar og Kristján á hryngít-
ar, báðir sungu, Þórir á orgel og
harmonikku og Ásgeir á trommur
og ýmislegt slagverk. Tónleikarnir
voru liður í vortónleikaröð Salar-
ins, haldnir fyrir fullu húsi föstu-
daginn 19. maí.
ÞEIR FÉLAGAR Magnús Ei-
ríksson og Kristján KK Kristjáns-
son hafa starfað saman um hríð,
haldið tónleika og sent frá sér breið-
skífur sem hefur verið vel tekið. Þeir
eru mjög ólíkir tónlistarmenn en
finna samhljóm í bláum tónum þó
tónlistargrunnur þeirra sé ólíkur;
Magnús alinn á Chicago-blús sem
breskir bleiknefjar höfðu um vélað,
en Kristján aftur á móti hallur undir
hrynblús. Báðir eru þeir liprir laga-
smiðir, þó Magnús hafi vinninginn í
afköstum og laglínum, því fáir
standa honum á sporði í þeirri iðju
að semja grípandi og eftirminnilegar
laglínur.
Á vortónleikum í Salnum á föstu-
dag léku þeir Magnús og Kristján
fyrir fullu húsi áheyrenda lög úr
safni sínu; lög sem þeir hafa samið
hvor í sínu lagi og nokkur lög sem
þeir hafa samið saman. Sér til að-
stoðar höfðu jjeir frábæra hljóð-
færaleikara, Ásgeir Óskarsson á
slagverk og Þóri Baldursson sem lék
á orgel og harmonikku eftir því sem
við átti.
Framan af tónleikunum voru þeir
Magnús og Kristján tveir einir á
sviðinu og náðu svo vel saman að un-
un var á að hlýða, hljómuðu sem
einn maður með fjórar hendur. Þeir
hafa þann háttinn á að hver syngur
sitt lag og gerði sitt til að gera tón-
leikana skemmtilegri, því ekki er
bara að þeir séu ólíkir lagasmiðir og
hljóðfæraleikarar, heldur eru þeir
líka mjög ólíkir söngvarar. Ævin-
lega er gaman að heyra Magnús Ei-
ríksson syngja, sérstaklega gæddi
hann gamla slagara nýju lífi með til-
finningaríkum söng. Hann hefur
ekki fagra rödd, en það er langt um
liðið síðan menn áttuðu sig á því að
það er ekki röddin sem gerir söngv-
ara góða, heldur það sem í henni
felst. Heyr til að mjmda Jesús Krist-
ur og ég, sem Magnús söng frábær-
lega.
Kristján hefur aftur á móti góða
rödd og djúpa tilfinningu og þegar
honum tekst best upp vikna harðn-
aðir karlmenn við einmanaleika og
sorgina sem honum er svo lagið að
túlka, til að mynda í I Think of Ang-
els og Grand Hotel. Treginn hjá
Magnúsi er aftur á móti góðlátlegri,
Ijúfsárari, eins og heyra má í hans
memento mori: Omissandi fólk, sem
hann söng einkar vel.
Kristján Kristjánsson kom inn í
íslenskt tónlistarlíf af miklum krafti
með lagið og skífuna Lucky One fyr-
ir mörgum árum. Hann hefur flutt
það lag oft í gegnum tíðina og gerði
enn á sviðinu í Salnum. Á sínum
tíma var lagið birtingarmynd mok-
ins ungs manns sem telur sig hafa
höndlað heiminn. Fyrir nokkrum ár-
um flutti Kristján lagið eins og hann
vildi gera það að áhrínsorðum, frek-
ar en það væri satt, en í seinni tíð og
á föstudagskvöld mátti heyra að
söguhetjan er örugg með sig, laus
við allt yfirlæti og hefur áttað sig á
hversu heppin hún er í raun og veru.
Eins og getið er lögðu þeir Ásgeir
Óskarsson og Þórir Baldursson
þeim Magnúsi og Kristjáni lið og
fóru á kostum báðir. Sérstaklega var
Þórir öflugur á orgelið og stal sen-
unni hvað eftir annað. Hann fór
einnig liprum höndum um harmon-
íkuna, til að mynda í tejano-krydd-
uðu Kóngur einn dag og Óbyggðirn-
ar kalla sem hefði getað verið samið
í E1 Paso.
Þeir félagar spiluðu í fulla tvo
tíma og gott betur, tuttugu og fimm
lög, en áheyrendur voru fráleitt bún-
ir að fá nóg og heimtuðu uppklapp
sem þeir fengu, tvisvar reyndar, og
gaman að heyra útgáfuna á sígildum
slagara Petes Chatmans, Everyday
I Have the Blues, í blálokin.
I upphafi tónleikanna heyrði ég
sessunaut minn spyrja félaga sinn
hvor þeirra félaga væri betri og
vondandi hefur hann verið búinn að
finna svarið undir lokin: Báðir.
Árni Matthíasson
SlMINN-GSM
’ÆIIR PtH FRAMTlRlNJ
Skjóttu- á -úrsWtin i Þú getur skotið á úrslit leikjanna (hverri umferð. Vikulega verða dregnir út símar frá Símanum-GSM ásamt GSM Frelsi og miðum á leikina í Landssímadeildinni. (lokaumferðinni verður svo dreginn út óvæntur og glæsilegur vinningur.
BoHaspjall f íi^mbl.is Á Landsslmadeildarvef mbl.is hefur verið sett upp Boltaspjall mbl.is. Á þeim vettvangi geta fótboltaáhugamenn rætt um knattspyrnu, hvort sem þeir vilja ræða frammistöðu einstakra liða, spá 1 spilin með framvindu mótsins eða velta fyrir sér umdeildum eða óvæntum atvikum í leikjum.
Landssímadeildin er hafin og
þú getur fylgst með hasarnum
í allt sumar á mbl.is.
Fylgstu með skemmtilegum
nýjungum á Fótboltavef mbl.is!
LANDSSÍMADEILDIN
mbl.is